Leksyon 26: Magmando si Jesukristo isip Hari sa mga Hari ug Mohukom a Kalibutan
26
Magmando si Jesukristo isip Hari sa mga Hari ug Mohukom sa Kalibutan
Pasiuna
Atol unya sa Milenyum, “magmando si Jesukristo isip Hari sa mga Hari ug magmando isip Ginoo sa mga Ginoo,ug ang matag tuhod moluhod ug ang tanan nga mga dila mokumpisal sa pagsimba diha sa Iyang atubangan. Matag usa kanato mobarug aron Iyang pagahukman sumala sa atong mga buhat ug sa mga tinguha sa atong mga kasingkasing” (“Ang Buhi nga Kristo: Ang Pagpamatuod sa mga Apostoles,”Liahona, Abr. 2000, 3). Kini nga leksyon makatabang aron masabtan sa mga estudyante nga wala kinahanglana nga maghulat pa sila sa Milenyum aron motagamtam sa ubang mga panalangin niini.
Background nga Basahunon
Kapitulo 45, “Ang Milenyum,” Mga Baruganan sa Ebanghelyo [2009], 325–29.
Kapitulo 46, “Ang Katapusang Paghukom,” Mga Baruganan sa Ebanghelyo [2009], 331–37.
Kon anaa: Kapitulo 37, “The Millennium and the Glorification of the Earth,” Doctrines of the Gospel Student Manual, 2nd ed. (manwal sa Church Educational System, 2010), 104–6.
Dapita ang mga estudyante nga isulat sa papel ang mga butang nga regular nilang giampo. Dapita ang pipila ka estudyante nga ipaambit unsay ilang gisulat, kon komportable sila sa paghimo niini.
Dapita ang usa ka estudyante sa pagbasa og kusog sa pasiuna sa seksyon alang sa Doktrina ug mga Pakigsaad 65. (Kon ang mga estudyante walay magamit nga 2013 nga edisyon sa mga kasulatan, pasabta nga kini nga seksyon usa ka pagpadayag bahin sa pag-ampo nga gihatag pinaagi ni Propeta Joseph Smith.) Ipasabut nga niini nga pagpadayag nagsulti kanato ang Ginoo og usa ka butang nga kinahanglan natong i-ampo, ilabi na kon kita mosaksi sa katumanan sa mga panghitabo nga gipanagna nga mahitabo sa ulahing mga adlaw.
Hangyoa ang duha ka estudyante nga magpuli-puli sa pagbasa og kusog sa Doktrina ug mga Pakigsaad 65:1–2. Hangyoa ang klase sa pagsunod, nga mangita sa deskripsyon sa Ginoo sa pagpakatap sa ebanghelyo. Dayon ipangutana:
Unsa kalayo ang abtan sa pagkatap sa ebanghelyo ni Jesukristo? (Kinahanglang mahibaloan sa mga estudyante ang mosunod nga doktrina: Ang ebanghelyo ni Jesukristo mokaylap ngadto sa mga kinatumyan sa yuta. Isulat kini nga doktrina diha sa pisara.)
Sumala sa bersikulo 2, unsa ang bato nga gipikas gikan sa bukid nga walay gigamit nga mga kamot?
Human makatubag ang mga estudyante, basaha ang mosunod nga pamahayag ni Presidente Spencer W. Kimball (1895 -1985):
Imahe
President Spencer W. Kimball
“Ang Simbahan ni Jesukristo sa mga Santos sa Ulahing mga Adlaw … mao ang gingharian, nga gipahimutang pinaagi sa Dios sa langit, nga dili gayud mabungkag ug dili molubad. … Sa sayong bahin sa ika-disenuwebe nga siglo miabut ang panahon … [nga] giorganisar ang Simbahan. Gamay ra kini, may unom ra ka miyembro, gikumpara sa bato nga gipikas gikan sa bukid nga walay gigamit nga mga kamot nga mopira-piraso sa pagbuak sa ubang kanasuran ug mokaylap hangtud kini mopuno sa tibuok yuta. … Karon ang bato nagkaylap na aron mopuno sa tibuok yuta” (“The Stone Cut without Hands,” Ensign, Mayo 1976, 8, 9).
Unsay ipasabut niini diha ninyo nga kamo kabahin sa gingharian sa Dios dinhi sa yuta?
Dapita ang usa ka estudyante sa pagbasa og kusog sa Doktrina ug mga Pakigsaad 65:3–4. Dapita ang laing estudyante sa pagbasa og kusog sa mga bersikulo 5–6. Dapita ang klase sa pagsunod, nga mangita sa tambag sa Ginoo kon unsay angay natong iampo. Dayon hisguti ang mosunod nga mga pangutana:
Sumala niini nga mga bersikulo, unsa ang kinahanglan natong i-ampo samtang kita nangandam alang sa Ikaduhang Pag-anhi? (Samtang ang mga estudyante motubag niini nga pangutana, mahimo nimo silang dapiton sa pagkumpara sa bersikulo 6 gamit ang mga pulong sa Pag-ampo sa Ginoo nga naa sa Mateo 6:10.)
Unsa ang duha ka gingharian nga gipasabut sa bersikulo 6? (Ang “gingharian sa Dios” dinhi sa yuta [o ang Simbahan] ug ang “gingharian sa langit.”)
Unsa ang gisugo sa Ginoo nga buhaton “sa gingharian sa Dios” dinhi sa yuta? (Samtang motubag ang mga estudyante, ipasabut og maayo ang mosunod nga doktrina: Ang gingharian sa Dios dinhi sa yuta, o ang Simbahan ni Jesukristo, mokaylap tadlas sa kalibutan ug moandam sa mga lumulupyo sa yuta alang sa milenyal nga paghari ni Kristo.)
(Pahinumdom: Mahimo nimong ipasabut og maayo nga atol sa Milenyum, mogamit si Jesukristo og politikal ug eklesyastikal nga awtoridad sa tibuok kalibutan. [Kon anaa, tan-awa sa Manwal sa Estudyante sa Doktrina ug mga Pakigsaad, 2nd ed. (manwal sa Church Educational System, 2001), 139–40.])
Kopyaha sa pisara ang mosunod nga tsart o ipanghatag kini sa mga estudyante isip usa ka handout (ayaw ilakip ang mga materyal sa parenthesis):
(Ang kalinaw, kahiusahan, ug pagkamatarung maania sa yuta. Si Satanas walay gahum nga mobatok sa kasingkasing sa katawhan.)
(Pahinumdom: Mahimo nimong ipasabut nga kini nga kalihokan maghulagway sa bili sa panagsa nga pagtuon sa mga kasulatan subay sa hilisgutan. Kon pinasubay sa hilisgutan ang atong pagtuon sa mga kasulatan, makita nato ang mga detalye—sama sa mga sundanan ug mga tema—sa mas klaro nga paagi.)
Bahina ang klase ngadto sa mga grupo nga tinagup-at. Hangyoa ang usa ka estudyante sa matag grupo nga tun-an ang mga pakisayran ug tubagan ang mga pangutana nga naa sa unang tudling sa tsart. Paghangyo og laing estudyante sa grupo nga mohimo sa mao gihapong paagi sa ikaduha nga tudling, ug magpadayon. Papaminawa gayud ang mga estudyante sa mga pulong ug hugpong sa mga pulong nga makatabang sa gi-assign diha nila nga mga pangutana. Mahimo nimong isugyot nga markahan sa mga estudyante ang ilang mga nakit-an. Human sa igong panahon, dapita ang mga estudyante nga hisgutan ngadto sa ubang sakop sa ilang grupo ang unsay ilang nakat-unan.
(Pahinumdom: Kon anaa atol sa pagpangandam sa leksyon, konsultaha ang mosunod nga manwal alang sa komentaryo sa 1 Nephi 22:26: Manwal sa Estudyante sa Basahon ni Mormon [manwal sa Church Educational System, 2009], 48.)
Dayon ipangutana ang mosunod:
Gikan sa inyong mga gihisgutan, unsa man ang gipaabut kaayo ninyo mahitungod sa Milenyum? (Human makatubag ang mga estudyante, isulat ang mosunod nga doktrina sa pisara: Ang Manluluwas personal nga maghari sa yuta atol sa Milenyum.)
Unsa ang ubang mga paagi nga kita makatugot sa Manluluwas nga maghari sa personal nga paagi sa atong kinabuhi karon?
Sa unsang paagiha kaha mausab ang atong kinabuhi kon tugutan nato si Kristo nga maghari sa atong kinabuhi?
Basaha og kusog ang mosunod nga pamahayag ni Presidente Spencer W. Kimball:
Imahe
President Spencer W. Kimball
“Kon si Satanas maggapos na diha sa usa ka panimalay—kon si Satanas naggapos na diha sa usa ka kinabuhi—ang Milenyum nagsugod na niana nga panimalay, niana nga kinabuhi” (The Teachings of Spencer W. Kimball, ed. Edward L. Kimball [1982], 172).
Hatagi ang mga estudyante og panahon sa pagpamalandong unsay ilang buhaton aron madapit ang Manluluwas nga maghari sa personal nga paagi sa ilang kinabuhi ug mga pamilya.
Hangyoa ang mga estudyante sa paghunahuna unsaon nila sa pagtubag kon mangutana ang usa ka higala sa mga mosunod: “Kinsa man ang atong maghuhukom sa Adlaw sa Paghukom?” ug “Unsay basihan sa paghukom kanato?” Tuguti nga makatuon sulod sa pipila ka minutos ang mga estudyante sa mga tudling nga gilista sa pisara ug sa paghan-ay og tubag niini nga pangutana. Human sa pipila ka minutos, dapita ang mga estudyante sa paghisgot sa ilang mga tubag uban sa tawo nga ilang katupad. Dayon pangutan-a ang klase:
Unsay inyong nakat-unan mahitungod sa Adlaw sa Paghukom? (Kinahanglang mahibaloan sa mga estudyante ang mosunod nga doktrina: Si Jesukristo ang atong maghuhukom.)
Unsay mga basihan sa paghukom kanato sa Manluluwas? (Ang mga tubag kinahanglang maglakip sa mosunod nga doktrina: Hukman kita sa Manluluwas sumala sa atong mga pulong, mga hunahuna, ug mga binuhatan, ug sa mga tinguha sa atong kasingkasing.)
Basaha og kusog ang mosunod nga mga pamahayag ni Elder Richard G. Scott sa Korum sa Napulog Duha ka mga Apostoles:
Imahe
Elder Richard G. Scott
“Ang atong Ginoo nagpuyo og hingpit, walay sala nga kinabuhi ug busa gawasnon sa mga gipangayo sa hustisya. Siya hingpit sa kada hiyas, lakip sa gugma, pagkamaloloy-on, pagkamapailubon. …
“Ako mopamatuod nga sa dili mahulagway nga pag-antus ug paghingutas sa dili makalkulo nga bili, ang Manluluwas nakaangkon sa Iyang katungod nga mahimo natong Manunubos, atong Tigpataliwala, atong Katapusan nga Maghuhukom” (“Ang Pag-ula Makasiguro sa Inyong Kalinaw ug Kalipay,” Liahona, Nob. 2006, 42).
Sa unsang paagi ang kahibalo nga si Jesukristo ang atong “Katapusang Maghuhukom” makaapekto sa inyong mga pagbati mahitungod sa Katapusang Paghukom?
Awhaga ang mga estudyante nga isulat ang mosunod nga pangutana sa usa ka kard o piraso nga papel ug i-display kini sa dapit nga dali rang makita: Unsaon nako nga matugutan si Jesukristo nga maghari sa akong kinabuhi karon?