Leksyon 6: Mga Sumbanan, mga Pagkasama, ug mga Simbolo ni Jesus nga Kristo
6
Mga Sumbanan, mga Pagkasama, ug mga Simbolo ni Jesus nga Kristo
Pasiuna
Namahayag ang modernong mga propeta nga si Jesukristo “mitukod sa sakramento isip usa ka handumanan sa Iyang labing dako nga sakripisyo sa pag-ula” (“Ang Buhi nga Kristo: Ang Pagpamatuod sa mga Apostoles,” Ensign o Liahona, Abr. 2000, 2). Agig dugang sa ordinansa sa sakrament, gisultihan kita sa mga kasulatan mahitungod sa daghang panghitabo, mga kahimtang, mga butang, ug katawhan nga ang tuyo mao ang pagpahinumdom kanato ug pagtudlo kanato mahitungod sa misyon ug pangalagad ni Jesukristo. Kini nga leksyon makatabang nga mahunahuna sa mga estudyante ang pipila niining scriptural nga mga sumbanan, mga pagkasama ug mga simblo nga magpasentro kanato sa Manluluwas.
Pagbasa sa Background
Russell M. Nelson, “In This Holy Land,” Tambuli, Peb. 1991, 10–19.
“Enrichment Section C: Symbolism and Typology in the Old Testament,” Manwal sa Estudyante sa Daang Tugon: Genesis–2 Samuel, 3rd ed. (manwal sa Church Educational System, 2003), 111–15.
Ipakita ang pipila ka litrato sa nailhan kaayong mga timailhan sa mga simbolo nga sama sa mosunod:
Imahe
mga simbolo para sa wheelchair, eroplano, no smoking, kasilyas
Human ma-identify sa mga estudyante ang kahulugan sa matag timailhan, pangayoi sila og mga example sa uban pang dali rang maila nga mga timailhan o simbolo.
Ipares-pares ang mga estudyante. Dapita ang matag pares sa pagtuon ug pagkumpara sa 2 Nephi 11:4 ug sa Moises 6:63. Pahisguti nila kon unsay komon dinhi niining mga tudling ug unsay gitudlo niini mahitungod kang Jesukristo ug sa katuyoan sa mga gilalang sa Dios. Human mahisguti sa managpares ang ilang mga nakita, pangutan-a ang klase:
Unsaon ninyo sa pagpahayag ang pinakaimportanting kamatuoran nga narekord dinhi sa scripture passage? (Kinahanglang ma-idenfy sa mga estudyante ang mosunod nga kamatuoran: Gilalang ang tanang butang alang sa pagpamatuod kang Jesukristo.)
Unsa ang ubang example sa mga butang nga “gikahatag sa Dios” nga “naghulagway sa” (2 Nephi 11:4), o nagsimbolo, ni Jesukristo?
Sultihi ang mga estudyante nga ang tanang kasulatan naglangkob sa mga sumbanan, mga pagkasama, mga simbolo ug mga pagkaparehas ni Jesukristo. Ipasabut nga ang mga sumbanan, mga pagkasama, mga simbolo ug mga pagkaparehas mao ang mga representasyon sa mas dagkong reyalidad. Sama pananglit, ang Liahona nga gihulagway sa Basahon ni Mormon nagrepresentar sa mga pulong ni Kristo. Niini nga porsyon sa leksyon, tutukan nato ang mga paghulagway ug paglarawan nga makita sa Daang Tugon. Kadaghanan niini nga paglarawan gihulagway pinaagi sa mga tawo, mga butang, mga hitabo, ug mga sirkumstansya (makatabang kon isulat kini nga mga kategoriya sa pisara). Kopyaha ang mosunod nga mga scripture reference sa pisara, o ihatag kini sa mga estudyante nga usa ka handout:
Pag-assign og usa o mas daghang estudyante nga tun-an ang matag set sa scripture passage ug mangandam sa pagpasabut sa mga simbolo sa Daang Tugon ug sa unsang paagi kini nagsentro kang Jesukristo. Human sa igong panahon, ipareport sa mga estudyante kon unsay ilang nadiskubrihan.
Kon may oras pa, ikonsiderar ang paghisgot sa pipila ka simbolo bahin ni Kristo nga gi-identify ni Elder Russell M. Nelson sa Korum sa Napulog Duha ka mga Apostoles sa iyang artikulo nga “In This Holy Land” (Tambuli, Peb. 1991, 10–19).
Isip usa ka klase, hisguti ang mosunod nga mga pangutana:
Ngano kaha nga ang tanang butang gilalang man nga nagrepresentar o nagsimbolo sa Manluluwas?
Unsa man ang bili sa padayong pagtinguha aron mahibaloan kon sa unsang paagi ang tanang butang nagpamatuod kang Jesukristo? (Siguroa nga masabtan sa mga estudyante ang mosunod nga baruganan: Makakat-on kita og mas daghan pa mahitungod ni Jesukristo kon atong maila ang paghulagway, mga matang, ug mga simbolo nga nagpamatuod Kaniya.)
Sa unsang paagi ang butang nga nagsimbolo sa Manluluwas mipalig-on sa inyong pagtuo Kaniya?
Unsay inyong mahimo aron maila si Kristo diha sa mga simbolo nga gihatag sa atoa?
Mga simbolo ug mga paghulagway kang Kristo diha sa mga pakigsaad sa ebanghelyo ug mga ordinansa
Ipasabut nga kini nga segment sa leksyon magtutok sa managlahing aspeto sa ebanghelyo ni Jesukristo nga gilangkuban sa mga simbolo ug mga paghulagway kang Kristo. Dapita ang mga estudyante sa pag-search sa 2 Nephi 11:2–6, nga mangita niadtong mga butang nga gikalipay ni Nephi. Mahimo nimong isugyot nga ilang markahan unsay ilang nakit-an.
Unsa ang gikalipayan ni Nephi?
Ipasabut ang mga pulong nga “mga pakigsaad sa Ginoo” sa bersikulo 5. Ipasabut nga ang mga pakigsaad ug mga ordinansa importanting mga bahin sa walay katapusang ebanghelyo ni Jesukristo. Dunay daghang elemento sa mga pakigsaad ug mga ordinansa nga nagsimbolo ug nagtudlo ug nagdala kanato padulong kang Jesukristo. I-display ang mosunod nga pamahayag ni Elder Bruce R. McConkie (1915–85) sa Korum sa Napulog Duha ka mga Apostoles, ug ipabasa kini og kusog sa mga estudyante:
Imahe
Elder Bruce R. McConkie
“Ang tanang balaan nga ordinansa o mga buluhaton nga gi-orden sa Dios, tanang sakripisyo, simbolo, ug pagkasusama; tanan nga gihatag niya sukad sa iyang katawhan—tanan gi-orden ug gi-establisar sa paagi alang sa pagpamatuod sa iyang anak ug pagsentro sa pagtuo sa matuohong mga tawo diha kaniya ug sa katubsanan nga gi-orden nga iyang buhaton” (The Promised Messiah: The First Coming of Christ [1978], 28).
Unsa nga doktrina o baruganan ang gitudlo niini nga pamahayag? (Usa ka posibling tubag mao nga makita nato ang mga simbolo ni Kristo diha sa mga ordinansa sa ebanghelyo kon kini atong pangitaon.)
Sa unsang paagi makatabang kini nga kahibalo samtang moapil kita sa mga ordinansa sa ebanghelyo?
Dapita ang mga estudyante sa hilum nga pagtuon sa Mga Taga-Roma 6:3–6 ug sa 3 Nephi 18:7, 11, nga mangita sa mga simbolo nga nag-refer sa Manluluwas. Dayon ipangutana:
Unsa ang pipila ka mga paagi diin ang mga pakigsaad sa ebanghelyo o mga ordinansa nakatudlo mahitungod sa Manluluwas ug nakatabang ninyo sa paghinumdom Kaniya?
Aron matabangan ang mga estudyante nga mobati sa kamatuoran ug sa kaimportante sa pagkat-on aron makaila sa mga matang ug simbolo ni Kristo, ipangutana kining sama sa mosunod:
Unsa ang simbolo sa Manluluwas nga may talagsaong kahulugan diha ninyo?
Unsaon ninyo sa pagsiguro nga namatikdan ninyo kini nga simbolo?
Sa unsang paagi ang pagkakita niini nga simbolo ni Kristo mipanalangin sa inyong kinabuhi?
Dapita ang mga estudyante nga i-apply ang mga baruganan niini nga leksyon pinaagi sa pagdapit nila nga isulat kon sa unsang paagi nila mas maila ang mga sumbanan, mga pagkasama, ug mga simbolo sa Manluluwas diha sa mga kasulatan, sa mga ordinansa sa ebanghelyo, ug sa inadlaw nilang pagpakabuhi. Awhaga sila sa pagpili og adlaw diin mapangita nila ang mga hulagway, mga butang, og mga hitabo nga magpahinumdom nila sa Manluluwas. Awhaga sila sa paghimo og usa ka lista kon unsay ilang nakit-an ug ipaambit ang ilang lista ngadto sa sakop sa pamilya o higala o tingali pinaagi sa social media.