Feito, Tapwono Mwiri

Aiti, Kaeo, me Amanaueni ekkewe Porausen Mwichenapen Mwichefen

Mwichen Elter me Fiin Anisi awor wiser mi auchea non angangen amanau me manau ese muuch. Me non ar kewe mwichen Raninfel, ra foos fengen won ifa usun repwe aea met a kait me non ewe mwichenapen mwichefen a karen no non ar achocho non ei angang. Presetensin Mwichen Elter me Fiin Anisi repwe fini eu poraus seni ewe mwichenap minne repwe kaeo seni iteitan mwichen Raninfel, anongonong won met ekkewe member mi need me emwenin ewe Ngun. Fan ekoch, ewe pisop ika presetenin steik epwe pwan fini meni afanafan. Napengeni, souemwen repwe epechekuna kapas seni chon ewe Aewin Presetensi me ewe Mwichen ren ekkewe Engon me Ruemon Aposel. Ina mwo, kapas ese pwan nifinifin seni ewe mwichenap ekeran no epwe och ne porous usun.

Sense repwe achocho ne aucheani ifa usun memper repwe aea met a kait non ekkewe porausen mwichenapen mwichefen non manauer. Souemwen me sense repwe kutta aanen ar repwe anisi ngeni chon mwichefen ar repwe anneani kewe kapas minne mi fen kefinita me mwen ekkewe mwich.

Ren pwan ekkoch porous usun mwichen elter me Relief Society, nengeni General Handbook: Serving in The Church of Jesus Christ of Latter-day Saints, 8.2.1.2, 9.2.1.2, ChurchofJesusChrist.org.

Amonota Kopwe Osukun

Ekkei kapas eis epwe anisi sense nupwen ra amonata ar repwe aea kewe kapasen mwichenap. Ren namwotan, ekkewe sense repwe auraur fengen ren presetensin ewe mwichen elter ika Fiin Anisi ren ar ekieki usun ekkei kapas eis.

Pwata ewe presetensin mwichen elter ika Fiin Anisi ir mi fini ei poraus? Met ra mochen ekkewe memper repwe sinei me fori mwirin sia kaeo usun ei poraus?
Met ewe chon afanafan a mwochen memper repwe weweiti? Met nongonongen ewe kapas allim epwe osukuna? Ifa usun ekkei nongonong mi tongeni anisi ai mwichen elter ika Fiin Anisi?
Menni uwokisin ewe chon afanafan a neunew an epwe anisi an kewe afanafan? Met mei pwan wor ekkoch uwokisin memper repwe aneani epwe awateno ar weweiti? (Meni kopwe tongeni kuna ekkoch nesopwun ekkewe afanafan me ekkewe Kapasen Ateten [scriptures.ChurchofJesusChrist.org].)
Met sokkun kapas eis upwe eis an epwe anisi chon mwichefen ar repwe ekieki usun me manaueni ekkewe porous? Met sokkun kapas eis epwe anisir ar repwe kuna auchean ewe kapas non manawer, non ar kewe famini, me non an ewe Samon angang?
Met upwe tongeni fori an ewe Ngun mi Fel epwe nomw non ach mwich? Met upwe tongeni aea pwe epwe ochueno ewe fansoun kaeo, fiti tutunap, awewe, kon, me pekin nios? Met ewe chon afanafan a fori ne anisi ekkewe memper ne weweiti an poraus?
Met ewe chon afanafan mei apasa an kapasen etiwetiw? Ifa usun ai upwe anisi memper ar repwe mowchen fori ekewe tungor?

Sokun ekiekin Urumwot

Mei chommong aanen an kewe sense anisi memper ar repwe kaeo me manaueni mettoch seni kapasen mwichenap mwichefen. Ikei ekkoch awewe; epwe fen pwan och met ekkewe sense repwe ekieki an epwe fisiech non omw mwichen pristut ika Fin Anisi.

Manaueni ennet non manauach. Etiwa ngeni memper repwe anneani sefan poraus kewe seni ewe mwichenap me kutta ennet minne epwe tongeni anisir ne apwonueta ewe angangen Kot minne a ngenir emon me emon me ekkewe mwichen elter ika Fiin Anisi. Iwe iei, met sia kaeo minne mi tongeni anisikich non ach iamwiri? ren sam me in? chon memper missionari? Ifa usun ei poraus a ekesiwini ach kewe ekiek, memmef, me foffor?
Kapas usun non mwicheich. Ochu kewe memper non kukun mwicheich, me ngeni ew me ew mwich kinikinin kewe kapasen mwichenap repwe aneani me kapas usun. Mwirin tingor ngeni meinisin ekkewe mwich pwe repwe foos usun eu ennet ra kuna me ifa usun a anisir. Ika ka tongeni fori ekkoch mwichen aramas seni ekkewe memper mi fen anneani och sokkun kinikinin ewe poraus me muut ngenir repwe poraus fengen ren met ra kunakun.
Kutta penuen omw kapas eis. Tungorei memper repwe penuweni kapas eis usun ach fitano usun kewe kapasen mwichenap: Met ennetin kapas allim sia kuna non ei porous? Ifa usun ach sipwe aea kei ennet? Met feiechun pwon me tungor ra kawor? Met ei porus a aiti ngeni kich usun ewe angang Kot a mwochen sipwe fori? Ika fori ekkoch kapas eis pwisin minne repwe anisi memper ne ekiekiochu usun ewe poraus me manaueni ekkewe ennet minne a aiti. Muut ngeni memper repwe fini eu me nein ekkewe kapaseis me kutta ponuwen non ewe poraus.
Aporausa kapas seni ewe poraus. Tungorei memper repwe kapas usun an ekkoch kapas seni ekewe kapasen mwichenap kewe ra anisir ar repwe fori wiser kewe non ewe angangen amanau me manaw ese mwuch. Apechekuner ar repwe ekieki usun repwe kapas usun an ekoch kapas ar repwe efeiechu ekoch, fiti ekkewe ra tongei me ekkewe ra iamwiri.
Aea pisekin osukun. Me mwen, tungorei ekoch memper repwe uwow pisekin osukun seni imwer repwe aea me osukun usun ewe kapasen mwichenap. Me non ewe mwich, eisini ekkewe memper ne awewei ifa usun ekkana mettoch ra nenne ngeni ewe poraus me ifa usun ewe poraus awor wewen non manauer.
Amonata ewe kapas kopwe osukuna non imwomw. Tungorei ekkewe memper repwe kochu ar repwe amonata nesenin pwinin famini anongonong won kapasen mwichenap. Ra tongeni penueni kapas eis usun ekkei: Ifa usun sipwe awewei ewe poraus ngeni ach kewe famini? Ifa usun ach sipwe aporausa kewe kapas ngeni ekkewe sia iamwirir?
Kapas usun omw kewe sinei. Anea fengen ekkoch kapas seni kapasen mwichenap. Tungorei memper repwe kapas usun awewe seni ekewe pukefel me seni manawer ekewe ra fori ika epechekuna ewe kapasen kaeo non kei kapas.
Kutta kewe kapas. Tungorei memper repwe kutta kewe porousen mwichenap, kutta kewe kapas minne ra auchea ngenir. Tungorer repwe kapas usun met ekewe ra kaeo senir. Eisinir repwe aporausa ifa usun ekkei poraus mi tongeni anisir ne fori an ewe Samon angang.

Ren pwan ekkoch ekiek won stuti me kaeo seni mwichenapen mwichefen, nengeni “Ideas for Learning and Teaching from General Conference.” (Click “Ideas for Study” fan “General Conference” non ewe Nenien Puk.)