Fahsruh, Fahsr Tukuk

Luti, Etwaclah, ac Orekmakihn Mwe Luti ke Toeni Luhlahp

U srihsrihk luhn Elders ac Relief Society oasr kunohkohn yohk srihpac se ke orekma luhn moul in molwelah ac moul ma pahtpaht. Ke pacl in miting lalos ke Sacnri inge, elos sramsramkihn lah elos ac orekmakihn fuhkah mwe luti ke toeni luhlahp pacl ingena uh nuh ke kuhiyaclos ke orekma se inge. U srihsrihk luhn Elders ac Releif Society prestuhnsi sulwaclah sie sramsram ke toeni luhlahp ah in etwacack kac ke kais sie miting in Sacnri, fal nuh ke enenuh luhn mempucr ac kolyuck luhn Nguhn. Ke toeni se, pisap kuh stek prestuhnsi ac fahk ahkkahlwemye sie sramsram. In ahkyohkye, mwet kol uh ac ahkuhtweyac mwe sramsram sin mempucr ke Prestuhnsi se Met ac U luhn Mwet Sap Singucul Luo. Ne fuhkah, oacna sie mwe sramsram ke toeni luhlahp uh ac sramsramkihnyuck.

Mwet luti uh ngetnget nuh kac lah elos ac kahsruh mempucr uh fuhkah in orekmakihn mwe luti ke toeni luhlahp ah ke moul lalos. Mwet kol ac mwet luti enenuh in sokwack kuhtuh atac ma in ahkkweye mempucr in riti kais sie mwe sramsram ke miting sacn.

Ke kuhtuh pac mwe ahkkahlwemye ke toeni luhn u elder ac Rilif Sosaiti, liye General Handbook: Serving in The Church of Jesus Christ of Latter-day Saints, 8.2.1.2, 9.2.1.2, ChurchofJesusChrist.org.

Ahkolah in Luti

Kihsensiyuck inge ac kahsruh mwet luti ke elos plwacni in orekmakihn sramsram ke toeni luhlahp in luti. Oacna ke enenweyuck, mwet luti uh sramsram nuh sin u srihsrihk luhn elders ac Relief Society prestuhnsi ke elos nuhnkuh ke kihsen siyuck inge.

Efuh kuh u luhn elders ac Relief Society prestuhnsi sulwaclah sramsram se inge in sramrsamkihnyuck? Meac elos finsraki tuh mempucr uh in fah etuh ac oruh tukun sramsramkihnyacn mwe luti se inge?
Meac mwet sramsram sacn kena kuht in kahlwem kac uh? Mwe luti fuhkah el luti an? Fuhkah orekmakihnyacn mwe luti inge nuh sin u srihsrihk luhn prestuhnsi ac Relief Society?
Ma suhmuhslah fuhkah el orekmakihn in sang kahsruh sramsram lal an? Oasr ma suhmuhslah sahyac kuht kuh in riti in sang ahkyohkye kahlwem lasr uh? (Kom ac kuh in konwacack kuhtuh ke endnotes ke sramsram sacn kuh ke Topical Guide an.)
Kihsensiyuck fuhkah nga kuh in siyuck ma kuh in sang kahsruh mempucr in motko ke mwe sramsram uh? Kihsensiyuck fuhkah kuh in kahsrweltahl ke yohk srihpaciyacn mwe sramsram sacn in moul lalos, ke sucu lalos, ac ke orekma luhn Leum?
Meac kuhtuh ma nga kuh in oruh in suli Nguhn in wi miting se lasr? Meac nga kuh in orekmakihn in kahsruh sramsram se, nuh ke stories, analogies, on, ac artwork? Meac mwet luti sacn oruh in sang kahsruh mempucr uh in kahlwem ke sramsram lal uh?
Yac mwet sramsram sacn orekmakihn kahs in suli? Nga ac kahsruh fuhkah mempucr in puhla kena in orekma nuh ke suliyuck ngacn?

Mwe Nuhnak nuh ke Mukwikwi

Puhs kain in inkacnek in kahsruh mempucr in lutlut ke sramsram ke toeni luhlahp uh. Pa inge kuhtuh srihkasrak uh; ac kuh in oasr mwe nuhnak sahyac ma kuh in kahsruh in orekma wo ke u kuh Rilif Sosaiti.

Orekmakihn ma pwacye nuh ke moul lasr. Suli mempucr in lutlutkihn mwe luti ke toeni ah liyaclah ma pwacye ma kuh in kahsrwelos in ahkfahsryelah orekma luhn God ma ituckyang nuh selos kais sie kuh ekihn sie u srihsrihk luhn elders ac Relief Society. Pa nuh ke, meac kuht lotwelah ma kuh in kahsrwe kuht ekihn mwet luti se? ekihn ninac pahpah? ekihn misineri mempucr se? Mwe luti inge kahsruh nuhnak lasr, puhla lasr, ac ohiyacsr fuhkah?
Sramsramkihn nuh sin u se. Srwaclihk mempucr nuh ke u srihsrihk, ac sang kais sie u in rit ac sramsramkihn sramsram ke toeni luhlahp se. Na siyuck sin kais sie u in akacsruhi ma pwacye elos konwacack ac elos orekmakihn fuhkah? Kuh kom kuh in oraclah u oreklac ke mempucr suc ma lutlut ke kain in ip ke mwe luti se ac lwelah elos in akacsruhi nuh sin kais sie lah meac elos konwacack.
Konwacack top nuh ke kihsen siyuck. Suli mempucr in topuk kihsensiyuck oacna ke mwe fahkwack ke toeni luhlahp inge: Meac ma pwacye ke wosasuc kuht kuh in sokwack ke sramsram inge? Kuht ac orekmakihn fuhkah ma pwacye inge? Mwe solsol ac mwe insewowo fuhkah ituckyang uh? Meac kalmacn mwe sramsram se lutiyuck nuh sesr ke orekma God el ke kuht in oruh uh? Kuh oraclah kuhtuh kihsen siyuck an lom sifacna ma ac ahkkweye mempucr uh in nuhnkuh yohk ke mwe luti ac orekmakihn ma pwacye ma lutiyuck kac. Lwelah mempucr in sulwaclah sie sin kihsen siyuck ingacn ac konwacack top kac an ke mwe luti sacn.
Akacsruhi pohloh kahs ke mwe luti sacn. Suli mempucr in akacsruhi fahk se ke sramsram ke toeni luhlahp ma ac ahkkweyaclos in kahsruh ma kunaclos ke orekma luhn molwelah. Ahkkweyaclos in motko lah elos ac fuhkah akacsruhi fahk inge in ahkinsewowoye sie mwet, nuh sin mwet kuht luhngse ac mwet in kahsruh.
Akacsruhi sie mwe luti. In kahsruh, suli kuhtuh mempucr in us sie ma ah ac lohm se ah ma elos kuh in orekmakihn in luti ke sramsram ke toeni luhlahp uh. Ke pacl in miting, siyuck sin mempucr an in ahkuhtweyac lah fuhkah kuhpahsr luhn kuhfa ingacn nuh ke mwe luti ac fuhkah orekmakihnyacn mwe luti sacn nuh ke moul lalos
Ahkolah sie mwe luti an kom in luti e lohmah. Siyuck sin mempucr in tuhkweni orekma in plwacni mwe luti nuh ke home evening fal nuh ke sramsram ke toeni luhlahp uh. Elos kuh in topuk kihsen siyuck an ohinge: Kuh kuht ac oruh fuhkah mwe luti inge in fal nuh sin sucu lasr uh? Kuht ac akacsruhi fuhkah nuh sin mwet kuht lutlut yohroh?
Akacsruhi puhla la. Tuhkweni rit kuhtuh kahs ke sramsram ke toeni luhlahp uh. Siyuck sin mempucr in akacsruhi kuhtuh srihkasrak ke ma suhmuhslah uh ac ke moul lalos ma ac ahkkahlwemye kuh kahsruh mwe luti lutiyuck ke kahs sacn.
Sokwack sie kahs fototo. Suli mempucr in suk ke sramsram ke toeni luhlahp, suk kahs fototo ma yohk kalmac nuh selos. Siyuck selos in akacsruhi kahs fototo ac ma elos lotwelah selos. Siyuck selos in akacsruhi lah mwe luti inge kasrwelos fuhkah in ahkfahsryelah orekma luhn Leum.

Nuh ke kuhtuh nuhnak pac sahyac lah ac lutlutkihn ac luti ke sramsram ke toeni luhlahp, liye “Ideas for Learnging ac Teaching from General Conference.” (Tanyac “Ideas for Study” ye “General Conference” ke Gospel Library.)