Liaona

Dusimaki Keda Kece kivei Jisu Karisito

Ena iVola i Momani, eda wilika ni a vakarautaka na Turaga na Liaona me vukei Liai kei na nona matavuvale ni toso ki liu ena nodra ilakolako. E sa dua na “kabasi, ka na dusia vei ira e dua na sala dodonu ki na vanua yalataki” (Alama 37:44). Ena nodra veidusimaki na parofita bula, na mekasini na Liaona ena noda gauna oqo e sa dua na idusidusi e sala vata tu kei keda ena noda ilakolako ka sa dusia na sala kivei Jisu Karisito, ena loma sara mada ga ni cava.

Dua na LiaonaVou

Na mekasini ni uabula na Liaona sa vakadreta na nodra vakavuvuli kei na lesilesi na liuliu ni Lotu, wasea tu na itukutuku veivakauqeti eso e vakaraitaka na sala ni kena tutaki na vakavuvuli ni kosipeli, tokona na vulici ni kosipeli yavutaki e vale, ka vakarautaka na vakasama ki na ulutaga Lako Mai, Mo Muri Au .

Nodra Veituberi na Parofita Bula

Sa vakaraitaka na ilavelave yadua na itukutuku vou, matata e vakarautaka e dua na lewe ni Mataveiliutaki Taumada se Kuoramu ni Apositolo Le Tinikarua. Wilika na ka era vakatavulica tiko nikua na parofita kei na apositolo.

Ira na Tamata Kilai Tani

Sa vakarautaka na Liaona na ivola ni kosipeli veivakauqeti vei ira kece na lewenilotu uabula, oka kina na lewenivola me baleti ira na uabula sega ni vakawati, tabagone qase cake, lewenilotu vou, lewenilotu matua, kei na itubutubu. Me baleti ira na tabagone qase cake, sa tabaka talega na Liaona eso na itukutuku e kune ena TQ Vakamacawa, e dua na mekasini vakalivaliva ni tabagone qase cake.

Yacovi Vuravura Raraba

Sa segata na Liaona me vakalougatataki ira na lewenilotu e veiyasai vuravura taucoko. Sa tabaki ena ituva vakalivaliva ka vakaivola na mekasini ena 23 na vosa ena veivula ka 25 tale na ikuri ni vosa ena veivula rua ena ituva vakalivaliva ka vakaivola. E sa vakarautaki tu vakalivaliva e dua na wase ni tukutuku kilai tani me veisoliyaki tu ki na 39 na vosa vakaikuritaki. Oqo sa vakavuna me tiko na lewenivola ni Liaona kivei ira na lewenilotu ena 87 na vosa ena veivula.

Levu Tale na Tukutuku Vakalivaliva

O kila tu li ni tabaka na Liaona e levu tale na lewenivola mai na kena o na raica ena mekasini tabaki? Na ikuri vakalivaliva eso oqo e rawa ni laurai ena liahona.ChurchofJesusChrist.org se na Liaona ena app ni Gospel Library.

Tukutuku Vakatabakidua ni Wasewase

Sa vakadewataki taucoko na Liaona ki na 48 na vosa. Voleka ni lavelave kece e oka kina na lewenivola era vakarautaka na komiti ni tamata cakacaka se tamata cakacaka wale kacivi taukeni. Na lewenivola taukeni oqo e oka kina na nodra itukutuku na lewe ni Mataveiliutaki ni Wasewase, tukutuku taukeni ni veika e yaco, talanoa kei na vakadinadina mai vei ira na lewenilotu taukeni, kei na so tale. Ena levu na vanua, sa tiko na lewenivola oqo e veivula ena Liaona vakalivaliva ena Gospel Library.

Vakauta Mai vei Keitou na Nomu Talanoa

Na Liaona sa vinakata me rogoci iko. O rawa ni vakauqeti ira na lewenilotu e vuravura raraba ni ko wasea na veika o sotava ena bulataki ni kosipeli. Vakauta na nomu itukutuku, nanuma, kei na tukutuku lesu ki na Liaona ena initaneti.

Volayaca Ga Oqo

Ena ikuri ni vakamacala ni volayaca tu ki na Liaona, sikova na sitoa ni initaneti ka digitaka na vosa e gadrevi. Ena okati ga vakataki koya na veitabana taukeni vakatabakidua ni wasewase vakatau tu ki na vanua o tiko kina.

Me kilai: E rawa ni taura e tolu na vula me vakedeitaki kina na volayaca.