Liahona

Arata’ira’a ia tātou pā’āto’a ia Iesu Mesia ra

tāne e tai’o ra i te ve’a

I roto i te Buka a Moromona, tē tai’o nei tātou ē, ’ua fa’aineine te Fatu i te Liahona nō te tauturu ia Lehi ’e tōna ’utuāfare ’ia haere i roto i tō rātou tere. E « ’avei’a ïa, ’o tē fa’a’ite ia rātou i te hō’ē ’ē’a ’āfaro i te fenua i parauhia ra » (Alama 37:44). I raro a’e i te arata’ira’a a te mau peropheta ora, ’ua riro te ve’a Liahona i tō tātou nei ’anotau ’ei arata’i ’o tē haere nā muri iho ia tātou i roto i tō tātou tere, ’e ’o tē fa’atoro i te ’ē’a e tae atu ai ia Iesu Mesia ra, i rōpū ato’a i te vero.

E Liahona ’āpi

Tē ha’amāramarama nei te ve’a Liahona nā te feiā pa’ari i te mau ha’api’ira’a ’e te tāvinira’a a te feiā fa’atere o te ’Ēkālesia, tē hōro’a nei i te mau parau pāpa’i fa’auruhia e fa’a’ite nei e nāhea ’ia fa’a’ohipa i te mau parau tumu o te ’evanelia, e turu nei i te ’apora’a mai i te ’evanelia tei fa’atumuhia i ni’a i te ’utuāfare, ’e tē hōro’a nei i te mau hi’ora’a nō te mau parau tumu o te Mai, pe’e mai.

Arata’ira’a nō roto mai i te mau peropheta ora

Tē vai nei i roto i te ve’a tāta’itahi te hō’ē parau pāpa’i ’āpī fa’aineinehia e te hō’ē melo nō te Peresidenira’a Mātāmua, ’aore rā nō te pupu nō te Tino ’Ahuru Ma Piti ’āpōsetolo. E tai’o e aha tā te mau peropheta ’e te mau ’āpōsetolo e ha’api’i nei i teie mahana.

Mau ta’ata faufa’a roa

Tē hōro’a nei te Liahona i te mātēria o te ’evanelia fa’auruhia nō te mau melo pa’ari ato’a, mai te mau mea nā te feiā pa’ari ’ōtahi, te feiā ’āpī pa’ari, te mau melo ’āpī, te mau melo pa’ari ’e te mau metua. Nō te feiā ’āpī pa’ari, tē pia ato’a nei te Liahona i te tahi o te mau parau pāpa’i e ’itehia i roto i te Ve’a tāhepetoma nā te feiā ’āpī pa’ari, e ve’a rorouira nā te feiā ’āpī pa’ari.

Te taera’a nā te ao ato’a nei

Tē tūtava nei te Liahona ’ia ha’amaita’i i te mau melo nā te ao ato’a nei. ’Ua piahia te ve’a nā roto e 23 reo i te mau ’āva’e ato’a nā roto i te rorouira ’e te nene’ira’a, ’e nā roto e 25 reo ti’ahau i te mau piti ’āva’e ato’a nā roto i te rorouira ’e te nene’ira’a. E roa’a ato’a te mau parau poro’i tumu tei mā’itihia nā roto i te rorouira nō te ’ōpere i te fenua iho nā roto e 39 reo ti’ahau. Nō reira, e fāri’i te mau melo i te mau mea i roto i te Liahona i te mau ’āva’e ato’a nā roto e 87 reo.

Te mau parau pāpa’i hau atu nā roto i te rorouira

’Ua ’ite ānei ’outou ē, tē pia nei te Liahona i te mau mea hau atu i tā ’outou e ’ite nei i roto i te ve’a nene’ihia ? E ’itehia teie mau mea hau atu i ni’a i te liahona.ChurchofJesusChrist.org ’aore rā i roto i te Liahona nō te fa’anahora’a ’āfa’ifa’i o te Vaira’a buka ’evanelia.

Te mau parau pāpa’i ta’a ’ē nō te ārea

Tē ’īritihia nei te Liahona tā’āto’a nā roto e 48 reo. Fātata i roto i te mau ve’a ato’a tē vai ra te mau mea i hāmanihia e te mau tōmite rave ’ohipa o te fenua ’aore rā tei pi’ihia ’ei rave ’ohipa tāmoni ’ore. Tei roto i te reira te mau parau poro’i a te mau melo o te peresidenira’a ārea, te mau parau pāpa’i nō ni’a i te mau ’ohipa e tupu nei i te fenua iho, te mau ’ā’amu ’e te mau ’itera’a pāpū nō te mau melo o te fenua iho, ’e tē vai atu ra. Nō te rahira’a o te mau ārea, e roa’a teie mea i roto nā ni’a i te rorouira nō te Liahona i te mau ’āva’e ato’a i roto i te Vaira’a buka ’evanelia.

Hāpono mai i tō ’outou ’ā’amu

Tē hina’aro nei te Liahona e fa’aro’o ia ’outou. E nehenehe ’outou e fa’auru i te mau melo nā te ao ato’a nei ’a fa’a’ite mai ai ’outou i tō ’outou mau ’itera’a ma te orara’a i te ’evanelia. ’A hāpono mai i tā ’outou mau parau pāpa’i, tō ’outou mau mana’o ’e te mau parau fa’a’ite i te Liahona nā ni’a i te natirara.

Tāpa’o i te i’oa i teienei

Nō te tahi atu ha’amāramaramara’a nō ni’a i te tāpa’ora’a i’oa nō te Liahona, ’a haere i ni’a fare ho’ora’a nā ni’a i te natirara ’e ’a mā’iti i te reo e hina’arohia. E tu’u-ihotere-hia te mau ’api ta’a ’ē o te fenua iho, mai te au i tō ’outou vāhi fa’aeara’a.

Fa’ata’ara’a : E nehenehe e rae’ahia e toru ’āva’e e mana ai te mau tāpa’ora’a i’oa.