Appendix

7.0

Kadkad in

N̄e aikuji im n̄e ekkar n̄an mijen eo am̧ im jekjek ko, ļoor unin tōl ko jet kar kōllaajraki ilo appendix in.

7.1

Eddo ko an Ritōl an Mijenede Rūm̧m̧an Ded ro

Ijjitōn̄ ko im eddo ko an mijenede ritōl ro reddik ekoba bōtaab emaron̄ ejjeļo̧k jon̄an n̄an elaajrak in ilaļ.

Senior kōmpānien eo

Juon mijenede ilo kajjojo m̧ōttā ej jitōn̄e āinwōt senior kōmpānien eo. Seniro kōmpānien eo:

Ej tōl kōmpānien eo n̄an kadedeļo̧k jerbal eo ilo juon eria kar kappeik n̄an katakin.
Ej rōjan̄ kōmpānien eo n̄an ekkatak, jar, ļoor jikejuuļ eo raan otemjeļo̧k, im dāpij rekoot ko rejim̧we.
Ej jipan̄ kōmpānien eo an n̄an erom juon mijenede eo em̧m̧antata.
Ej kile im ej kwaļo̧k kapeel ko rewejepedik, tōļan ko, im kijejeto ko ilo kōmpānien eo an.
Ej Kwaļo̧k elmen jerbal wejepedik ippān ritōl ro ijo jokwe ie im membōr ro kōtōbalbal kijejeto ko an mijenede.

Rikaminene eo

Juon mijenede kappeiki bwe en jerbal āinwōt juon rikaminen im senior kōmpānien n̄an kajjojo mijenede kāāl. Juon Rikaminene:

Ej jerbal ippān im ej kamineneik juon mijenede kāāl kōn iakwe, kijenmej, iakwe em̧ool, im meanwōd.
Ej kautiej jipan̄ ko im kōļmenļo̧kjeņ ko an juon mijenede kāāl āinwōt juon kōmpānien ejookkun wōt juon.
Ej joļo̧k eļapļo̧k iien kaminene kajjojo raan ilo iien ekkatak eo ippān kōmpānien eo an (lale “For New Missionaries: Additional Companion Study” ilo “Introduction: How Can I Best Use Preach My Gospel?” in Preach My Gospel [2019], ix–x).
Ej ekkatak jon̄ak ko ilo bok in bōk meļeļe in ippān kōmpānien eo an raan otemjeļo̧k.
Ej kamineneik mijenede eo ekāāl kōn unin kōnono ko loi ilo Safeguards for Using Technology im Adjusting to Missionary Life kein katak ko.
Ej kwaļo̧k ekōjkan kōtōbalbal ilo wejepedik kijejeto ko an mijenede ippān ritōl ro im membōr ro ijo jokwe ie.

Ritōl eo an District eo

Juon elder em̧ōj kappeiki n̄an jerbal āinwōt juon ritōl an district eo ilo juon district, eo ej kobaik in elōn̄ eria in katakin ko. Ritōl eo an district eo ej:

Ej tōl, ej kaminene, im ej ko̧o̧njeļ ippān mijenede ro ilo ko̧o̧njeļ ko an district eo wiik otemjeļo̧k.
Ej kōm̧m̧ani intōrpiu in peptaij ko (lale 2.3.6).
Ej tōl ilo iien janij ko an kōmpānien ko ippānelder ro ilo district eo an (lale 2.3.1).
Ej jerbal ippān ritōl ro im membōr ro ijo ej jokwe ie n̄an kōtōbalbal kijejeto ko an mijenede.
Ej riboot n̄an ritōl eo an Zone eo.

Ritōl ro an Sister rej Kaminene im Ritōl ro an Zone

Ruo sister rej kappeik er n̄an jerbal ilo juon kōmpānien āinwōt ritōl ro an sister rej kaminene ilo juon ak elōn̄ļo̧k zone ko. Juon iaan sister ro rej jitōn̄e āinwōt senior kōmpānien. Rej bōk eddo in kaminene im jeraam̧m̧an eo an sister mijenede ro kar kappeik er kaki. Rej barāinwōt membōr in district ko im zone ko im jipan̄ mijen būreejtōn eo, ritōl ro an zone, im ritōl ro an district eo ilo kweilo̧k in kaminene ko im kweilo̧k ko an zone eo.

Ruo elder ro kar kappeik er n̄an jerbal ilo juon kōmpānien āinwōt ritōl ro an zone ilo juon zone emake iaan. Juon iaan elder ro rej jitōn̄e āinwōt senior kōmpānien eo. Rej bōk eddo in kaminene im jeraam̧m̧an eo an aolep mijenede ro kar jitōn̄ er n̄an zone eo aer. Rej barāinwōt jipan̄ mijen būreejtōn eo ilo kweilo̧k in kaminene ko im kweilo̧k ko an zone eo.

Ritōl ro an sister rej kaminene im ritōl ro an zone rej:

Tōl, kaminene, im kōm̧mane jājin ko an kōmpānien ko ippān mijenede ro ilo zone eo ak zone ko kar kappeik er n̄ane. Ritōl ro an sister rej kaminene rej kōm̧m̧ani jānij ko an kōmpānien ippān sister ro, im ritōl ro an zone eo rej kōm̧m̧ani jānij ko ippān elder ro jet.
Jerbal ippān ritōl ro ijo jokwe ie im membōr ro n̄an kōtōbalbal kijejeto ko an mijenede.
Bōk kuņaan ilo ko̧o̧njeļ in tōl an mijen.
Kajju riboot n̄an mijen būreejtōn eo.

Ritōl ro an zone eo rej barāinwōt kōm̧m̧ani intōriu in peptaij ko (lale 2.3.6).

Rijipan̄ ro n̄an Būreejtōn eo

Ruo elder rej jitōn̄ er n̄an kōmpānien ippān doon āinwōt rijipan̄ ro n̄an būreejtōn eo. Rijipan̄ ro rej:

Kōm̧m̧ani jānij in kōmpānien ko ippān ritōl ro an zone eo ak elder ro jet (lale 2.3.1).
Leļo̧k kaminene ilo ko̧o̧njeļ ko an ritōl an mijen im kweilo̧k ko an zone eo āinwōt kar kajjitōk jān mijen būreejtōn eo.
Maron̄ leļo̧k kapilōk ikkijien em̧m̧akūt an mijenede ak ijjitōn̄ ko an ritōl, bōtaab rejjab kōm̧mani jokāālet ko āliktata.
Kajju riboot n̄an mijen būreejtōn eo.

7.2

Unin Tōl ko n̄an Jerbal in Jipan̄

Ļoor unin tōl ko an jerbal in jipan̄ kar kōllaajraki ilo subsection kein.

7.2.1

M̧akūtkūt in Jerbal in JIpan̄ ko Ejaaki

Komaron̄ lo iien ko rem̧m̧an an jerbal in jipan̄ ilo doulul ko āinwōt JustServe.org (ijo ewōr ie), āinwōt kar kabbe jān ritōl ro an mijen eo am̧.

N̄e kwoj bōk kuņam̧ ilo juon iien jerbal in jipan̄ kar ejaake, kōjparok wōt jon̄ak kein ilo kōļmenļo̧kjeņ:

Kōm̧m̧an jerbal in jipan̄ ko ilo awa ko ej emeramram wot.
Jab kōm̧m̧an jerbal ilo iien kappok im katakin ko rōkobwā ijello̧kin kar kappe jān mijen būreejtōn eo am̧.
Bōk kuņam̧ ilo būrojāāk in jerbal in jipan̄ ko an jukjukinpād n̄e emaron̄.
Jab kōm̧m̧an m̧akūtkūt in jerbal in jipan̄ ilo raan in kōppopo eo (preparation day) ak ilo iien ko reidaaptōk ippān kweilo̧k ko an district ko̧o̧njel ak kweilo̧k ko an zone eo.
Jab kāānjōļ ak bar jikejuuļi iien katak ko n̄an jerbal in jipan̄ būroojāāk ko ijello̧kin kappe jān mijen būreejtōn eo am̧.
Pād wōt ippān kōmpānien eo m̧ōttam̧ ilo am̧ jerbalan̄.
Kōņak tāāk eo am̧ n̄e em̧m̧an im ekkar, men̄e kwoj nuknuk ekpā in jerbal.
Jab bōk kuņam̧ ilo m̧akūtkūt ko me ekōm̧m̧an bwe kwon joļo̧k jāān ak kōļļā.
Jab ajeļo̧k eok make n̄an būroojāāko aitok-kitier ilo an ejjeļo̧k mālim jān ritōl ro an mijen eo am̧.

7.2.2

Ejjeļo̧k Jorāān ilo Iien ko Rem̧m̧an an Jerbal in Jipan̄

N̄an kōjparok eo am̧ ilo iien ko rem̧m̧an n̄an kōm̧m̧ani jerbal in jipan̄ ko, kōjerbal loļātāt im ļoor im̧we ko an Jetōb Kwojarjar im ļoor unin tōl kein:

Kōm̧m̧ani m̧akūtkūt ko wōt komaron̄ in kadedeļo̧k.
Jab kōjerbal kein jerbal ko rekajoor ak kattōr ak iuwe ilo jabdewōt wa kilep ko (ko āinwōt, tractor ko, trailer ko, ak turak ko aitok tuļo̧kaer).
Kōņak nuknuk ko rekkar (āinwōt kūlob ko ak jōōt aetok pā ko).
Jab jerbal ijoko routiej me komaron̄ wōtļo̧k jāni (āinwōt ilo bōrooj ko ak wōjke ko).
Jab jerbal ijoko komaron̄ in po ie ak jorrāān ilo jikin ko rōkeņaak (āinwōt ilo ro̧n̄ ko rem̧wilaļ).
Jab jerbal ilo im̧ōņ jikuuļ ko, im̧ōn lale ko, ak jabdewōt jikin ijo komaron̄ in make ippān ajri ro, ekoba Būraimere ak nursery (lale 3.5.2).

Alooje pija in alooj in kōn elōn̄ļo̧k meļeļe ko kōn kōm̧m̧an jerbal in jipan̄.

15:26

7.3

Jeļā Ņae ro Jet

Iien otemjej kōm̧m̧an em̧m̧an n̄an ro jet kōn jouj im jeļā ņae. Barāinwōt ļoor kakkobaba in unin tōl ko ilo jekjōn in.

7.3.1

Unin Kōnono in Bwebwenato n̄an Bōbrae

N̄an jeļā ņae ro jet im n̄an kōjparok eo am̧, bōbrae unin kōnono in bwebwenato ko me remaron̄ kwaļo̧k jorrāān. Unin kōnono ko n̄an julo̧k ekoba politic kok ilo local im nation jim̧or an eria ko kwoj jerbal ie; barāinwōt jab kōm̧m̧ami ennaan in politic ko ilo ittiņo ak lo̧bwilej. Ilo kakkobaba, jab ļo̧k wōt n̄an jidik:

Kōm̧m̧an kōjak kōn rinana ak kōm̧m̧an ko an rinana ro.
Elmakot bwe armej ro ren em̧m̧akūt n̄an bar juon laļ—jekdo̧o̧n n̄an jerbal ak jikuuļ.
Leļo̧k ak kōm̧m̧ani kallim̧ur ko kōn jāān ak visa n̄an jipan̄ armej ro ilo mijen eria eo am, ekoba n̄an jerbal, jikuuļ, em̧, ak kōkaajriri ko.

7.3.2

Kien ko im M̧anit eo an Ijo Jokwe ie

Pokake kien ko an ijo jokwe ie im kakien ko kōn leto-letak kein katakin ko, m̧anit ko im kakien ko an jikin eo, im men ko aikuji n̄an passport im visa. Eļan̄n̄e kwojjab jeļā kōn kien ko an ijo jokwe ie, m̧anit ko, im men ko rem̧m̧an, kajjitōk ippān ritōl ro an mijen eo am̧ kōn jipan̄.

Alooje pija in alooje eo n̄an elōn̄ļo̧k meļeļe ko kōn m̧wil eo ejetjet.

16:32

7.4

Etal an Tampeļ

N̄e kwoj etal n̄an tampeļ, keememej men kein ilaļ:

Pād wōt ippān kōmpānien eo m̧ōttam̧.
Bōk kūņam̧ ilo aolep kain̄i ko kōm̧m̧ani ilo tampeļ eo. Ijo ke, n̄an joļo̧k bōd in ukōt en̄jake in jetōb ko āinwōt en̄jake in mejļo̧kanļok ko, jab kōm̧m̧an jerbal in ribōk jikin n̄an ļeo pālele ak lio pālele ilo juon iien liāp ak āinwōt juon rikam̧ool ilo juon m̧wen̄an in bōk menin letok kwojarjar eo.
Jab inepata in ebbōk nuknuk in tampeļ; ewōr nuknuk in tampeļ n̄an mijenede ro ilo tampeļ eo kōn ejjeļo̧k wōnāān.
Kōmanit ilo kōjerbal taļboon Komaron̄ bōktok taļboon eo nejūm n̄an lowaan tampeļ eo n̄an būrini kaat in kain̄i ko. Ijoke, kwojjab aikuj kōjerbal pija, kōnono ilo talboon eo am̧, ak jilkinļo̧k ennaan ko n̄e kwoj pād ilowaan tampeļ eo.
Jab bōktok pija ko ak kein riit ko, ekoba kōjeraam̧m̧an ko an petriak, n̄an kōjerbale ilowaan tampeļ eo.
Jab kuk ippān doon āinwōt mijenede ro ak bukwelōlō ilo jar ilo ruum̧ in celestial eo.

Aolep iien keememej in ekōņak tampeļ kaarmen āinwōt kar kōmeļeļeiki. Eļan̄n̄e ewōr am̧ kajjitōk kōn ekkōņak kaarmen ak kōn etal n̄an tampeļ, kajjitōk ippān ritōl ro an mijen eo am̧.

7.5

Tōknaļōji

Ļoor jon̄ak ko an tōknaļōji kar kōllaajraki ilo subsection kein.

7.5.1

Ļoor Jon̄ak ko kōn Kōjerbal Tōknaļōji

Pedped wōt ioon armej ro, en jab tōknaļōji eo. N̄e kwoj jelm̧ae armej, lukkuun leļo̧k am̧ n̄an er. Ekakoko im jab kautiej lale email, uwaaki text ko, ak etale social media n̄e kwoj pād ippān ro jet.

Komaron̄ kōjerbal:

Wi-Fi ijo epojak n̄an kōjerbale im m̧ōj kōmāļimi jān mijen būreejtōn eo am̧.
Public kamputōr ko, āinwōt ko ilo ļaibrare ko im internet cafe ko.
Kōjerbal an armej kamputōr n̄an katakin n̄e armej eo eaar lewaj mālim.
Headphone ko em̧ōj kōmāļimi n̄an m̧akūtkūt ko an mijenede, ko āinwōt ekōnono ippāņ baam̧le eo am̧ ak bōk kūlaaj in mijenede ko.

Jab kōjerbal tōknaļōji an ward ak stake, website ko, blog ko, ak social media akkaun ko.

Alooje pija in alooj in n̄an elōn̄ļo̧k meļeļe ko kōn kōjerbal mobile device ko n̄an jerbal in mijenede.

4:40

7.5.2

Kōjerbal Tōknaļōji ilo Ejjeļo̧k Jorrāān

Kwon aikuj kadedeļo̧k kūlaaj eo an Kōjparok Kōjerbal Tōknaļōji eo ke ke kwar pād ilo Jikin Kaminene an Mijenede eo. Jon̄ak kein renaaj bar jipan̄ eok n̄an kōjerbal tōknaļōji ilo ejjeļo̧k jorrāān kōn jibadabd eo an mijenede:

Kōjerbal tōknaļōji ilo kōttōbar. Karōk m̧akūtkūt ko me rejipan̄ eok karuwainenei ro jet n̄an itok n̄an Rilo̧mo̧o̧r.
Jab kōjerbal tōknaļōji ko n̄an joļo̧k m̧ōk ak eddodo.
Ron̄jake im ļoor im̧we ko an Jetōb Kwojarjar. Juon ekkejel eo ekajoor n̄an Jetōb eo an Irooj ej kattōrak eo am̧ em̧m̧an tata ņae jab jetjet kōjerbal tōknaļōji.
Aole iien pād ilo juon jikin ijo kwe im kōmpānien eo m̧ōtttam̧ maron̄ lo screen eo an doon. Jab kōjerbal mobile device ko n̄e kwoj make iaam̧, āinwōt ilo am̧ pād ilo juon im̧ōn kōppojak.
Jerbal ippān kōmpānien eo m̧ōttam̧ n̄e ej itok n̄an kappukot ak katakin ilo online. Etale an doon kōm̧m̧an kakobaba im ennaan ko m̧okaj jen am̧ likūti ak jilkinļo̧k juon ennaan bwe kom̧ro jim̧or en maron̄ kwaļo̧k aitia ko im bōk eddo in ta eo waļo̧k jān kōnono eo. kakeememej: Menin ejjab jerbal n̄an kōnono ippān baam̧le eo am̧ (lale 3.9.1), mijen opiij eo, ak mijen būreejtōn eo.
Lale Kōjparok ko n̄an Kōjerbal Tōknaļōji emakijkij an juon make im iiien ekkatak an kōmpānien.

7.5.3

Jab Alooj Pija Nana

Pija ko renana remaron̄ itok ilo elōn̄ wāween ko. Pepe m̧oktaļo̧k im kōm̧m̧an kāālet ko rejim̧we remaron̄ jipan̄ eok jab aloj pija nana (lale Kōjparok n̄an Kōjerbal Tōknaļōji). N̄e kwoj loe, oktaļo̧k, kune device eo, ak etal jān jekjek eo. Ijin ilaļ rej jet elmakot ko n̄an jipan̄ eok jab alooj pija nana:

Jab kōjerbal website ko, bok ko, im jikin ko ijo komaron̄ ron̄, riit, ak loe bok in riit ko ak pija nana.
Katak n̄an kile iien ko me elap tata am po ie n̄an kōjerbal tōknaļōji ilo jab jetjet, ko āinwōt n̄e kwoj m̧ōk ak jālimo.
Ijeļo̧kin en wōr juon am̧ karōk kōn ta eo kwonaaj kōm̧m̧ane. Ritōl ro am̧ ilo mijen remaron̄ jipan̄. Komaron̄ bar lo meleļe ko ilo ChurchofJesusChrist.org/addressing-pornography.

Jabdewōt eo ej kappukōt n̄an joļo̧k ak anjo̧ ioon pija nana emaron̄ lo jipan̄ eo im kōmour eo jān Pinmuur eo an Jisōs Kraist. Elan̄n̄e kwoj kakkōt, kōnono ippān mijen būreejtōn eo am̧, eo ej aikuj lewaj jipan̄ eo ej iakwe, ko̧o̧njeļ, im jipan̄.

7.5.4

Katakin kōn Tōknaļōji

Ijo emālim, kōjerbal online tōknaļōji eo ippāņ membōr ro im armej ro kwoj katakin er n̄an connect ippāer, jipan̄ er, im kwaļo̧k ennaan ko an gospel eo ippāer.

Jipan̄ ro jet jeļā wāween ko rem̧m̧anļo̧k n̄an kwaļo̧k gospel eo, im jipan̄ membōr ro an Kabun̄ in ilo aer kōjerbal tōknaļōji ilo jerbal in mijenede ko aer.
Jerbal ilo online ippān armej ro kwoj katakin er me rej jokwe itulikin eria eo kappeik eok n̄an e, im jipan̄ er ilo aolepān oktak eo aer.
N̄e kwoj katakin juon eo me ej jokwe itulikin eria eo am̧, jerbal epaak ippān mijenede ro me kar kappeik er n̄an eria eo ijo armej eo katakin ej jokwe ie. Ippān doon, jipan̄ armej eo itok epaake Jemedwōj Ilan̄ im Jisōs Kraist.
Kōjerbal pija ko, pija in alooj ko, im media ko jet jān Kabun̄ in Media Library im site ko jet an Kabun̄ in ilo kijejeto in katakin ko am̧ n̄e ejetjet. Ilo ekōnono ko am̧, jab kōjerbal media eo me kar jab kōmālim jen Kabun̄ (n̄an waanjon̄ak, video ko kar kōm̧m̧an jān membōr ro ak iunit eo ijo jokwe ie).
N̄e likūt ilo social media, kwaļo̧k ennaan ko kōn gospel eo im en̄jake in mijenede eo am̧ ijello̧kin am̧ pedped ioon ito itak ko am̧.

Etale unin tōl kein n̄an kōjparok ņojak eo an armej eo im meļeļe ko aer make.

Jeļā bwe likio in āt ko, pija ko (lale 3.7), meļeļe ko kōn tōpar er, im jekjek ko an juon make kōn armej ro kwoj katakin er rej eņņojak. Kwaļo̧k ak likūt meļeļe in emaron̄ in kakkure kakien ko an data privacy. Kanooj mejmejkaruo ilo ta eo kwoj je n̄an ro uwaan baam̧le eo, āinwōt aer maron̄ likūt leta ko am̧ im email ko ilo online.
Bōk mālim jān jabdewōt eo ej waļo̧k ilo juon pija ak pija in alooj m̧okta jāņ kwaļo̧ke ippān jabdewōt ak likūti ilo online. Bōk mālim eo an jinen im jemān m̧okta jān kwaļo̧k pija ko ak pija in alooj kōn ajri ro (lale 3.7).

Alooje pija in alooj in n̄an elōn̄ļo̧k meļeļe ko kōn kōjparok eņņojak eo an ro jet.

5:24

7.5.5

Kōjerbal Email

Ilo iien mijen eo am̧, kar lewaj juon am̧ make email akkaun n̄an kōjerbale ilo an bōk jikin aolep email akkaun ko am̧ make. Kōjerbal email akkaun in n̄an aolep bwebwenato ko ijeļo̧kin leta ko am kajjojo wiik n̄an mijen būreejtōn eo, eo me kwonaaj jilkinļo̧k ilo Missionary Portal eo.

7.5.6

Kōjerbal Social Media

Social Media emaron̄ jerbal n̄an kwaļo̧k gospel eo. Kanooj lale bwe kwon kōjerbal wōt social media site ko kar kōmālimi n̄an mijen eo am̧, kōn an oktak kakien ko kōn social media jāņ laļ n̄an laļ.

Ļoor jabdewōt jon̄ak an mijen kōn social media barānwōt ļoor jon̄ak kein:

Kanooj lale bwe social media akkaun eo am̧ en kwaļo̧k jibadbad eo am̧ im kūr eo am̧ āinwōt juon mijenede.
Kanooj lale bwe pija eo ilo akkaun eo am̧ im kajjojo armej im kumi ko kwoj ļoori rej kwaļo̧k bwe kwoj juon iaan mijenede ro an Irooj.
Jab bar kōm̧m̧ane bar juon akkaun ilo juon social media site n̄an joļo̧k kōm̧mani oktak ko n̄an akkaun eo epād kadede. Menin ej juon kakkure an errā eo an juon rikōjerbale n̄an jabdewōt social media site ko.
Jab kōjerbal taitōļ eo “Elder” ak “Sister” ilo etan akkaoun eo am̧. Taitōļ rōt kein rejjab kōtļo̧k jān jet social media platform ko.
Pedped ioon iaio ko eļap meļeļeier, juon illok juon ijello̧k bōk “like ko” ak kōm̧m̧an an ennaan eo am leto letok ilo online.
Jab kwaļo̧k bwe ennaan ko am̧ rej ennaan ko an Kabun̄ in.
Kōjparok eņņojak eo am̧ make. Mejmejkaruo n̄e kwaļo̧k jikejuuļ eo im jikin eo am̧ ilo online. Mejmejkaruo kōn armej ro kwoj bōk er n̄an social network eo am̧; jet armej renaaj lāj n̄an mijenede ro.
Kōjparok eņņojak eo an ro jet. Eļan̄n̄e kwoj kōņaan likūt jet men kōn ro jet kwoj jerbal ippāer, kwoj aikuj in kajjitōk mālim eo an (men̄e ilo naan ak jeje) m̧okta jen am̧ likūti jabdewōt me ej kwaļo̧k etan ak pijjain (lale 3.7). Kōnke kōn privacy law ko ijo jokwe ie, ilo jet mijen ko mijenede ro rejjab kwaļo̧k pija ko pija in ro rej katakin ilo lo̧bwilej.

Alooje pija in alooj in n̄an elōn̄ļo̧k meļeļe ko kōn kōjparok eņņojak eo an ro jet.

5:24

7.6

Jekjek ko Reppen

Ļoor unin tōl ko itulaļ kōn jerbali jekjek ko reppen.

7.6.1

Jerbali ippān Jekjek ko Renana

Āinwōt Rilo̧mo̧o̧r eo, rikanaan ro, im elōn̄ mijenede ro m̧oktaļo̧k jen kwe, kwonaaj en̄jaake kōnana im bōlen jekjek ko jet kōn jab kautiej āinwōt juon mijenede. Ļoor unin tōl ko enaaj jipan̄ eok jeļā kilen bōk jab bōk:

Jab kowaan en̄jake eo am̧.
- Kile bwe Em̧m̧an n̄an kwaļo̧k inepata im ebbweer eo am̧ n̄an kāmpānien eo am̧, ritōl mijenede ro reddik, ritōl ro an mijen, im ro uwaan baam̧le eo reppak.
- Meļeļe bwe jet iien kōnono kōn juon jekjek enana emaron̄ jipan̄ en̄jake men eo emootļo̧k.
- Jab pedped ioon juon jekjek enana ak kōtļo̧k an aitok an ukōt m̧wil eo am̧
Likūt jab bōk ilo ļōmņak em̧m̧an.
- Jeļā bwe jekjek ko renana ejjab kwaļo̧k wōn kwe, ta eo kar kūr eok n̄an kōm̧m̧ane, ak ewi jon̄an am̧ maron̄ kōm̧m̧ane.
- Kajjieon̄ in jab kwaļo̧k ennaan ko āinwōt “Armej reban ron̄jake.”
- Keememej bwe anemkwoj ekōtļo̧k an kajjojo armej bōke ak kōnanaik ennaan eo am̧.
- Kile bwe armej rej mour im jekjek ko remaron̄ oktak. Jab bōk ejjab aolep iien meļeļein bwe armej eo eban itok limoin ilo gospel in.
Kōm̧m̧an n̄an kwe make im ro jet kōn meanwōd.
- Kappukot aenōm̧m̧an ilo jar. Keememej bwe Irooj ejeļā kajjiem̧, jekjek eo am̧, im aikuj ko am̧.
- Jab kōrraat eok make, jekjek eo, ak armej ro raar bōk kuņaer.
- Kōm̧m̧ane ijo em̧m̧antata ippam̧.
Katak jān en̄jake. Ļōmņak kōn ta eo komaron̄ kōm̧m̧ane eoktakļo̧k tokālik.

7.6.2

Jerbal ippān Armej in Akwāāl

Komaron̄ ioon armej ro me renana ak lāj. N̄e juon ej nana tam̧m̧win, kwon jouj im etal jān jekjek eo. Eļan̄n̄e kwoj lo mirokan kauwōtata, m̧ōkaj im em̧m̧akūt. An ejjeļo̧k jorrāān n̄an kwe im kāmpānien eo am̧ (lale 4.5) ej kōttōpar eo im̧aan tata am̧.

Armej in jum̧ae ro im kōm̧m̧an ko renana rej menin inepata. Bōk bun̄tōn ko kwoj aikuji n̄an ņa mejļan inepata (lale 4.3) im n̄an kea kōn kwe make ilo en̄jake im jetōb.

Jeļā bwe jabdewōt men ilo naan, en̄jake, ak kōmetak ānbwin jen jabdewōt, ekoba juon kōmpānien, ejjab em̧m̧an. Men in emaron̄ ilo naan ko, kōkkaļļe, ak kōm̧m̧an ko me relikkar ak kōmetak jen bar juon armej.

M̧ōkaj in kūrļo̧k mijen būreejtōn eo am̧, kōrā eo pāleen, ak bar juon ritōl eo lōke eļan̄n̄e kwoj ioon, lo, ak ron̄ jabdewōt kain kōkọbōl in m̧ōn an kanniōk ak ānbwin, kakkure, ak kamjak (lale 7.8.2–7.8.4)

7.7

N̄ūrbōktak in Ājmour ko ilo Ānbwin im Kōļmenļo̧kjeņ

Ļoor unin tōl ko an ājmour kar kōllaajraki n̄an jerbal in jipan̄ ilo jekjo̧n kein ilaļ.

7.7.1

Kūrļo̧k Mijen Opiij eo kōn N̄ūrbōktak ko kōn Ikkijen Nan̄inmej

Jab pedped ioon kakōlkōl eo am̧ make ak ļōmņak ko an ro jet. Jekdo̧o̧n kapilōk kōn ajmour jān kāmpānien eo am̧, membōr ro jet an Kabun̄ in, baam̧le, ak ro m̧ōttam̧ maron̄ in jipan̄, kepaak eo ej lolorjake taktō an mijen n̄e ewōr jabdewōt am̧ kajjitōk ko ak n̄ūrbōkta ko, eļap tata kōn jorrāān eļļap ak jorrāān ko kōn ājmour. Mijen būreejtōn eo am̧ enaaj kōnono ippān stake būreejtōn eo am̧ im baam̧le eo kōn jorrāān ko reļļap im n̄ūrbōktak ko kōn ājmour.

Kūrļo̧k mission medical coordinator eo eļan̄n̄e kwoj en̄jake jabdewōt iaan jorrāān ko an ājmour.

Nan̄inmej eļapļo̧k jān mej in ak kakōļļe ko ekadu kitier.
Lukkuun jorrāān.
Mōkaj an bam̧ (100 alen an menono eo bam̧ ilo juon minit) n̄e kwojjab kejemouruur.
Jabdewōt peba lōn̄ļo̧k jen 101°F (38.3°C), piba kōn 101°F (38.3°C) elōn̄ļo̧k jen ruo raan, ak piba eo ejjab jako jen uno ko.
Mōkaj an aidikļo̧k ak kilepļo̧k.
Emaroro ak erautut.
Em̧ōj ļo̧k wōt, metak bar, m̧aļan̄ļōn̄, pokpok, ak lennab.
Ebbōj ilo ne, ne ko, lo̧je, ak turin mejā.
Toorļo̧k kōn bōktōktōk, ak kilmeej ilo bwidej.
Boņ an kōppojak ak pidodo elōn̄ļo̧k jen ruo raan.
Metak n̄i.
Addiin ne.

7.7.2

Kōjparok Ājmour ilo Ānbwin

Enaaj ļapļo̧k an m̧ōņōņō en̄jake in mijen eo am̧ im em̧m̧anļo̧k am̧ jerbal n̄an Irooj n̄e kwoj kōjparok ājmour in ānbwin eo am̧. Kwon tiljek ilo kijejeto in mijenede ko am̧, bōtaab jab kipel eok make eļapļo̧k jān am̧ maron̄.

N̄an jipan̄ dāpij ājmour ilo ānbwin eo am̧, kwanooj lale bwe:

Kwon kejemouruur.
Kwon kiki eļap.
Mōn̄ā m̧ōn̄ā ko ippān pijitabōļ ko, leen wōjke ko, im grain ko.
Buul idaak aibōj.
En emakijkij am̧ kwaļ peiūm.
Ekkapit sunscreen im kein m̧anm̧an ļo̧n̄ n̄e ekkar.
Pukot wāween ko n̄an kakkije.
Lem̧ōņōņō ilo elōn̄ ikkure ko ilo raan in kōppopo ko.

7.7.3

Kōjparok Ājmour ilo Kōļmenļo̧kjeņ

Ekkā en̄jake jet iien būrom̧ōj, inepata, oon̄, im ebbwer n̄e jerbale juon mijen. Ijo ke, en̄jake ko im m̧wil eo me ej dāpij eok jān jerbal wejepedik aikuj in ņa mejļan. Jekjek kein remaron̄ koba:

Mejatoto in en̄jake.
Inepata ak bōd.
Mejatoto in m̧ōk.
Jon̄ak ko kōn wāween m̧ōn̄ā m̧ōn̄ā ko rejjab ājmour.
Pen dāpij en̄jake ko an m̧ōm an kanniōk.

Meļeļe bwe jejjeļo̧k kajookok ilo kile im kōm̧adm̧ōde jabdewōt jorrāāņ in nan̄inmej, ekoba n̄ūrbōktak ko an en̄jake im kōļmenļo̧kjeņ. Eļan̄n̄e kwoj en̄jake ak kōmpānien eo m̧ōttam̧ aikuj jipan̄, kōnono ippān mijen būreejtōn eo am̧, kōrā eo ippān, ak kotinetōr in taktō eo. Ewōr ippāer kein jipan̄ ko kōn nan̄inmej in kōmālij. Komaron̄ lo eļapļo̧k jipan̄ in kapilōk ilo Adjusting to Missioary Life.

7.7.4

Kōjparok Ikkij ko an Menin Mour im Ļon̄ ko

Mennin mour im ļon̄ ko rej kijkij remaron̄ kōm̧m̧an lukkuun jorrāān im jet iien nan̄inmej. Eļan̄n̄e ļon̄ ko rej kijkij im ebbōj ak jino metak, m̧ōkaj in kūrļo̧k mijen opiij.

Bōbrae

Komaron̄ jipan̄ bōbrae ikkūk ko an tick, ņam̧, im ļon̄ ko jet ilo ļoor unin tōl kein:

Jab jutak iturin ron̄ ko ak jutak ilo dān ko, ijo elōn̄ ņam̧ ie.
Jab pād ilo aļaļ im mar ko, ijo kij ko rej pād ie.
Kōņak nuknuk aetokpād ko rej pinej peim̧ im neem̧, men̄e ebwiļ.
Alooje bitieo eo “Missionaries Counseled to Follow Malaria Protocols.”

12:4
Kōjerbal kein bwittik in ņam ko n̄an ānbwin im ilo tulik im tulowaan nuknuk eo.

Kōm̧adm̧ad

Eļan̄n̄e kar kij eok ak kinejnej jān juon tick ak ņam̧ ak bar juon ļon̄ ak menin mour, ļoor tōl kein:

Kōm̧adm̧ade kinjen lon̄ eo kōn aij ak uno.
Loļo̧k juon ritijem̧ļo̧k ilo taktō n̄an joļok tick ko me raar eddāp n̄an kilūm̧ im n̄an kōm̧m̧an kakōlkōl kōn nan̄inmej in Lyme.
Kwaļ kijkij eo ak kinej eo kar kōm̧man jān juon menin mour kōn joob im dān (ium̧win 15 minit ko), im kūrļo̧k mijen opiij eo. Kwaļo̧k kajjien armej eo nejin mennin mour eo, n̄e ekkar, bwe mijen opiij eo en maron̄ jipan̄ kwaļo̧k kij ko ak nan̄inmej ko jet rekauwōtata.
Eļan̄n̄e kijen ņam ak mennin mour eo ej ebbōj, im jino an metak, ak ļapļo̧k ebbōj mejen ak ebōņōjņōj jab jeļā kake, m̧ōkaj in kūrļo̧k mijen opiij eo.

Aloje pija in n̄an eļapļo̧k meļeļe n̄an kōjparok eok make jen kinjen ņam im mennin mour ko jet.

2:3

7.8

Jekjek ko Rekauwōtata

Ļoor unin tōl ko an kōjparok kar kōllaajraki ilo subsection kein:

7.8.1

Pojak n̄an Jekjek ko Rekauwōtata

Ļoor unin tōl ko maron̄ jipan̄ eok kōpopo n̄an im uwaake jekjek ko rōkauwōtata.

Jar kōn kōjparok eo raan otemjeļo̧k an Irooj.
Ron̄jake im ļoor im̧we ko an Jetōb, eo emaron̄ kakkōl eok kōn kauwōtata.
Kwon jeļa kilen kōjerbal karōk in idin̄ in mijen eo am̧. Ļoorbun̄tōn kōn ekōjkan m̧akūtkūt ilo jekek ko reidiin̄.
Kadeļo̧n̄ meļeļe ko an ro kepaak er ilo iien idin̄ n̄an eria eo am̧ im laļ eo ilo taļboon eo am̧. Kwon jaaj eo taļboon eo am̧ im en pād ippam̧ aolep iien.
Jab etal n̄an eria ko ilo mijen eo am̧ me kar kōjenolo̧k āinwōt kauwōtata.
Jab leļo̧k im̧we bwe ewōr men ko raorōk (n̄an waanjon̄ak, bōkļo̧k juon pāāk).
Lukkuun lale ko men rejjab wōr tokjeer, āinwōt n̄e juon ej lukkuun lale eok, kajjitōk kajjitōk ko, ak ļoore eok.
Kajjieon̄ in kōjerbal ānbwinum̧ n̄an leļo̧k ennaan n̄e kwoj leke ak jab mijak.
Bōk juon kout nōm̧ba ak naan n̄an kōjerbale ippān kōmpānien eo am̧ n̄an jiknal n̄e kwoj kōņaan etal. Kōjerbale n̄e kwoj ke lo ke kopād ilo juon jekjek ejjab em̧m̧an.

Jejjet in kōjerbal kein kaminene ko, men̄e ro jet (ekoba mijenede ro jet) rej rōjan̄ eok bwe kwon kōjparok eok make n̄an kadedeļo̧k jerbal in mijen eo am̧.

7.8.2

Kile Jejkek ko Rekauwōtata

M̧ōkaj in kūrļo̧k juon iaan ritōl ro an mijen eo am̧ ak bar juon ritōl lōke eļan̄n̄e kwoj en̄jake, kam̧ool, ak ron̄ jabdewōt kain jab jetjet un̄ur kanniōk ak m̧ōm̧ an kanniōk. Menin emaron̄ ilo kakkure ko, kamjak ko, ak kōkọbōl. Men̄e kauwōtata kein remaron̄ oktak meļeļeir jen kien ko ijo jokwe ie, reboote jabdewōt men ko rej kainepataik eok.

Kakkure ekitbuuj jabdewōt kōm̧m̧an ilo ānbwin ak m̧ōm an kanniōk me ej kipel jabdewōt. Waanjon̄ak ko ekitbuuj jabddewōt ilo ānbwin, ejekkakar jibwe, kōmetak ilo ānbwin.
Kaamjak ilo Kanniōk ej waļo̧k n̄e juon ej mijak ilo jorrāān ak mej. Waanjon̄ak ko ekitbuuj kakkure ilo naan ak kakkure ilo jabdewōt m̧wiļ.
kōkobōl in M̧ōm̧ an Kanniōk ekitbuuj ilo naan ak kōm̧m̧an, kajjitōk ko n̄an kōņaan m̧ōm̧ an kanniōk, ak jabdewōt kōm̧m̧an an m̧ōm an kanniōk. Waanjon̄ak ko emaron̄ koba aped (ļoor kōn juon kōttōpar n̄an kakkōl ak kakūtōtō) ak kwaļo̧k m̧ōttan ko an ānbwin reņņojak.

7.8.3

Uwaak n̄an Kakkure ko, Kaamijak ko, ak Kōkobōl

Kōm̧m̧ane menin n̄e ko̧o̧te eok ak kōmpānien eo m̧ōttam̧.

Kajju m̧ōkaj in leļo̧k men ko am̧. Emaron̄ kōm̧m̧an menin an rikwot eo etal im jab kakkure kwe. Am̧ mour im ājmour eo am̧ eļapļo̧k tokjāer jān m̧weiuk ko am̧.
Kajjieon̄ in jab illu ak nana tam̧m̧um̧. Emaron̄ kōm̧m̧an men ko ren nanaļo̧k.

Kōm̧m̧ane men kein n̄e kwe im kōmpānien eo am̧ kar kakkure ak kar kakitōtō im eļapļo̧k jen men ko m̧weiem̧ repād ilo kauwōtata.

Kwe wōt komaron̄ kālet wāween eo em̧m̧antata n̄an uwaak jekjek in. Komaron̄ in ko, jojomare kwe make, ak pād wōt. N̄an waanjon̄ok:
- N̄e kwoj ko, lale bwe en ejjeļo̧k kakkure.
- N̄e kwoj jojomare kwe make, komaron̄ in kōjparok ānbwinum̧ ilo lam̧ōj, kakkure, kakinejnej bait, juji, ak jar.
- Eļan̄n̄e kwoj kā ak kāālet n̄an jab uwaak, eo emaron̄ uwaak ko rekkā, jouj im jab ņa ruwōm̧ make tokālik,
Ļōmņak in pukot jipan̄ jen ro jet. N̄an waanjon̄ok:
- Komaron̄ kajjitōk jipan̄ jen ro jet, eļaptata jen juon eo ewōr an mālim (āinwōt rittōr baj eo) ijo kwoj pād ie.
- Eļan̄n̄e kwoj pād ilo̧bwilej ippān armej ro aolep jikin im kwojjab maron̄ ko jān kakkure an ānbwin ak m̧ōm̧ an kanniōk (n̄an waanjon̄ak, n̄e kwoj pād ilo juon wa ko jabdewot armej rej uwe ie), ļōmņak in kōnono in peran n̄an kajjieon̄ kabbwer armej eo jān an kōm̧m̧an eļapļo̧k ak kōkobōl. N̄an waanjon̄ak, komaron̄ kōjerbal ānbwinum̧, kalimjōk rijorrāān eo, im kōnono eļļaaj. Komaron̄ ba etan armej eo, kwaļo̧k m̧wiļ, im ba ta eo armej eo en kōm̧m̧ane, āinwōt, “Ah, kwe jilin̄ij iaļo, jab jibwe n̄a. Etal jen iturū.”
- N̄e ejjelo̧k en ej epake eok, komaron̄ lam̧ōj, lam̧ōj, ak kajjieon̄ in kōm̧ade; juon emaron̄ jeļā kwoj aikuj jipan̄.

7.8.4

Ribooti Kakkure ko, Kamjak ko, ak Kōkobōl

Eļan̄n̄e ewōr ekar kōmetak, kamjak, ak kōkobōl kwe (lale 7.8.2) jen jabdewōt, kajju kūrļo̧k juon iaan ritōl ro an mijen eo am̧, juon ilo mijen opiij eo, ak bar juon ritōl eo lōke. Ritōl ro an mijen eo am̧ ewōr ippāer kein ekkatak ko n̄an jipan̄ eok kōn taktō, kapilōk ko retijemļo̧k, bar juon jikin, ak aikuj jipan̄ ko jet. Kile bwe komaron̄ in bwilōn̄ ālkin an men eo kar waļo̧k im bwe komaron̄ bar en̄jake nan̄inmej in kōmalij. N̄e kwoj en̄jake ke kojokne, kajjieon̄ in rekoote jabdewōt men komaron̄ keememeje kōn jorrāān eo.

Meļeļe bwe n̄e kar kōmetak eok, jekdo̧o̧n ta eo kwoj kōm̧m̧ane, kōmetak eo ejjab am̧ bōd. Aolep iien ewōr am kālet n̄an kapilōk jen ro kwoj leke im en̄jake aenōm̧m̧an kake, āinwōt mijen būreejtōn eo am̧, kōrā eo ippān, rikien eo, ak armej ro ilo m̧weeo. Ej am̧ kāālet n̄an kobaiktok būlijmān ro.

Ej ekkā kajjitikin eok make ta eo kwe ak eo m̧ōttam̧ en kar kōm̧m̧ane eoktakļo̧k. Leke bwe kwaar kōm̧m̧ane ijo em̧m̧antata ilo jorrāān eo. Armej eoktak aer en̄jake nan̄inmej in kōmālij jen doon. Irooj enaaj jipan̄ kōmour eok.

Aloje pija in n̄an elōn̄ļo̧k meļeļe ko kōn kōppopo n̄ane, kile, im jeļā jerbale jekjek ko rekauwōtata im kakkure ko.

21:8

7.9

Kōjparok M̧weo

Ļoor laajrak in tōl kein ilaļ n̄an kōjparok m̧weeo im̧ōm̧, kon, im erreeo.

7.9.1

Ņojak im Kōjparok

Etale unin tōl kein n̄an kanooj lale bwe m̧weo im̧ōm ej eņņojak im kōjparok:

Likut juon carbon monoxide im smoke detector ko. Kōm̧m̧ani etale ko im kōkāāl bātre ko āinwōt kar jikejuuļ jān mission housing coordinator eo. Jab kuni device in kōjparok mour kein.
Jab kattil jabdewōt kain kāāntōļ ko.
Ļaki kōjem ko inam̧ōj im wintō ko. N̄e ekkar, ritōl ro an mijen eo am̧ remaron̄ elmakote ļōmņak ko me ej kadeļo̧n̄ kōto jān nam̧ōj.
Aolep iien kiil katin̄ ko ak lilaļatak n̄e ebon̄.
Jab kwaļo̧k atōreej eo am̧ lo̧pelej ak n̄an armej ro kwoj katakin.
Jab kōpeļļo̧k kōjem eo n̄e kojaje kajjien armej eo nam̧ōj ak n̄e ejjab em̧m̧an am en̄jake kōn e.
Jab katakin armej ro ilo m̧weeo im̧ōm̧ ak karuwaineneik armej ro n̄an lowaan iljelo̧kin n̄e rej mijenede ak ritōl ro an Kabun̄ ijo jokwe ie ro rej lowaj em̧ōj kar kōmālim jen ritōl mijen ro am̧.
Jab jokwe ilo juon em̧ eo armej ro rejjan̄in m̧are me rejjab eier wōt juon (opposite sex) rej jokwe ie ak ijo ļeo ak lio pālele an eo kōjāllūm̧ wōt emakijkij an jako.
M̧ōkaj im riboot n̄an mijen opiij kōn jabdwōt inepata, ekoba jabdewōt ro rej lale m̧wee im̧ōm̧ ak kōm̧m̧an am̧ jab en̄jake jokne.
Kōtļo̧k an mijenede ro jet en ļaddik wōt ak leddik wōt kar kōmālim n̄an janij im joļo̧k juon bon̄ ilo m̧weeo im̧ōm̧.
Joļo̧k jāān n̄an men ko rekkar n̄an dāpij an m̧weo im̧ōn jo̧kone. N̄an waanjon̄ak, joļo̧k aolep tōm̧a ko rebwil n̄e emenin aikuj.

7.9.2

Erreeo im Jerbali Joreen Ko

Dāpij wōt an m̧weo im̧ōm̧ erreeo im karbōb:

Karreeo ilo raan in kōppopo eo (lale 2.5.1) im kajjojo raan n̄e ekkar.
Bōk bun̄tōn ko n̄an bōbrae ļon̄ ko (lale 7.7.4) ilowaan m̧weo im̧ōm̧.
Jeļā kilen kōjerbal im kōjparok appliance ko, eļaptata jitoob im kein kōmāāņāņ ko.
Jab nejnej jabdewōt kein menin mour ko.

M̧weo im̧ōm̧ naaj emakijkij etale n̄an lale bwe en erreeo, kon, im em̧m̧an kōjparoke.

Aloje pija in n̄an elōn̄ļo̧k meļeļe ko kōn kōjparok m̧weo.

15:26

12:55

7.10

Kōjparok Iaļen Ito-itak

Ļoor laajrak in tōl n̄an jerbal in jipan̄ ilo jekjen kein ilaļ.

7.10.1

Etetal

N̄e etetal:

N̄e emaron̄, etetalļo̧k ilo ijo wa ko rej ettortok n̄an kwe ie.
Pād ilo ijoko remeram n̄e emarok.
Iien am̧ ito-itak ilo eria eo. Ļoor im̧we ko an jetōb n̄an wāween am̧ kōm̧m̧an.

Aloje pija in n̄an eļōn̄ļo̧k meļeļe ko kōn kōjparok n̄e etetal.

18:0

7.10.2

Bajkōļ

N̄e kwoj baijikōļ:

Ļoor kakien in kōjparok im unin tōl ko an baijikōļ, ekoba kōņak juon at eo kar kōmālim n̄an kōjparok, kōjerbal men ko kōņaki rej errabōlļo̧k, im kōjerbal kakōļļe in pā ko n̄e ekkar.
Jab etan ke kwoj ba am̧ iaļ eo.
Kajjieon̄ in jab kōjerbal baijikōļ n̄e enana mejatoto, ebooļ wa, ak marok. Jab bajkōļ ikōjaan doon ak lukkuun epaake doon.
Pād ilo juon kōtaan eo em̧m̧an jān kōmpānien eo am̧ bōtaab kwoj maron̄ loe.
Kōjparok wōt em̧m̧an eo an baajkōļ eo waam̧, ekoba lait ko itum̧aan, itulik, im ireejet im itulik.
Lake ak kakoņ baijikōļ eo waam̧ n̄e ejjab jerbal.

Alooje pija in alooj in kōnn eļapļo̧k meļeļe ko kōn kōjparok baijikōļ.

15:17

7.10.3

Kōjerbal Waan Ettōr ko

Eļan̄n̄e kar kappeik eok n̄an ettōr kōn waan ettōr ko waan mijen eo, kōjerbali wōt waan ettōr ro waan mijen eo. N̄an kattōre juon waan ettōr waan mijen eo, ej aikuj wōr am̧ ļaijen ilo laļ eo kwoj jerbal ie, kwaļo̧k bwe kwoj meļeļe jon̄ak ko waan ettōr waan mijen eo, im wōr am̧ mālim jān ritōl ro an mijen eo. Barāinwōt ļoor unin tōl kein:

Meļeļe bwe komiro ej kōmpānien eo m̧o̧ttam̧ eddoin kōjparok eo, jekdo̧o̧n wōn eo ej ettōr.
Kōņak jit pel ko, kōkōm̧anm̧ōn ettōr, kōjerbal tōm̧ak ko bon̄ in raan, im mejāņ iruj im jeļā men̄e kwoj bajinjea eo ak rikattōr ek.
N̄e kwoj ettōr, jab m̧ad ilo jabdewōt jekjek, ekoba kōjerbal mobile device ko ak radio eo ilo wa eo.
N̄e kwoj pajinjea eo, jipan̄ rittōr eo mije wōt.
N̄e kwoj pajinjea eo, jutak ettoļo̧k jikik jen likin wa im tōl rikattōr eo ilo an pāāke wa eo.
N̄an kōjparok ilo jabdewōt wāween, komaron̄ jab kawaik jabdewōt ijelo̧kin mijenede ro jet rej jerbal aolep raan n̄e ļaddik ļaddik ak leddik leddik.
Ettōr ilowan wōt m̧aiļ eo kar lewaj.
Jab kabwiļ odometer eo an jabdewōt device ko kar likūti ilo wa eo.
Dāpij erreeo im em̧m̧an eo an wa eo.
N̄e kopād ilo juon jorrāān, lale bok eo Ta eo Kwoj Kōm̧m̧ane Eļan̄n̄e kwoj Itaak Ippān Bar Juon Wa, eo im ej aikuj in pād ilo kōbatmen eo an wa eo. Kūrļo̧k mijen kotinatōr eo ilo iien eo em̧ōkaj n̄e kōjparok eo ekkar n̄an kōm̧m̧ane.

Aloje pija in n̄an elōn̄ļo̧k meļeļe eo kōn kōjparok wa eo.

18:43

7.10.4

Kōjerbal Iaļen Ito-Itak ko an Aolep Armej

N̄e kōjerbal iaļen itok-itak ko ilo public:

Kōjerbal wōt iaļen ito-itak ko ilo public kar kōmālimi jen mijen eo am̧.
Kwon jeļā awa in kōjerbal iaļen ito-itak ko ilo public im eria ko ijo kwoj ito-itak ie.
Jijet epake rikattōr eo n̄e emaron̄. Likūt bāāk ko am̧ itum̧anum̧ n̄e em̧m̧an n̄an kōm̧m̧ane.

7.11

Kain̄i ko im Kōjeraam̧m̧an ko an Priesthood

Kōjerbal unin tōl kein n̄an kōm̧m̧ani kain̄i ko im kōjeraam̧m̧an ko an priesthood. Meļeļe eo ilo jekjōn in kar kobaiktok jān jepta 18 in Bok in Bōk Meļeļe: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata.

Keememej: Āinwōt kar kōmeļeļeiki ilo jekjen kein ilaļ, jet kain̄i eaikuj kōmālim jen ritōl eo eutiej eo ej kabwijer kii ko.

7.11.1

Jerbal ilo Priesthood eo: Uniin Tōl ko n̄an Rikabwijer ro an Melkisedek Priesthood

Rikabwijer ro an Melkisedek Priesthood eo rej aikuj kajjieon̄ in erreo kōn im tōl eo an Jetōb Kwojarjar. Rej aikuj kōm̧m̧an kajjojo kain̄i im kōjeraam̧m̧an ilo juon jekjek eutiej, kanooj lale bwe ej tōpar men kein aikuji:

Ej aikuj kōm̧m̧ane ilo etan Jisōs Kraist.
Ej aikuj kōm̧m̧an jān mālim an priesthood eo.
Ej aikuj kōm̧m̧an kōn jabdewōt jekjek ko remenin aikuj, ko āinwōt kōjerbal naan ko rejeno̧ļo̧k ak kōjerbal oil eo kar kōjeraam̧m̧ane.
Ej aikuj in mālim jen ritōl eo eutiej me ej kabjōr kii ko (ekkā bisop eo, stake būreejtōn eo, ak mijen būreejtōn eo), n̄e ekkar jen kōmeļeļe ko ilo jekjen in.

Ro rej leļo̧k kōjeram̧m̧an ko an priesthood eo rej kōnono naan ko an kōjeraam̧m̧an eo (“Ij [ak kōmij] kōjeraam̧m̧an eok bwe …”) ijello̧kin kōm̧m̧an juon jar (“Jemedwōj Ilan̄, jouj im kōjeraam̧m̧an armej in bwe …”).

N̄e jejjo em̧m̧aan ro rej bōk koņaer ilo juon kain̄i ak kōjeraam̧m̧an, kajjojo iaer ilo mera likūt tuanbwijmaron̄ in pein ioon bōran armej eo (ak ium̧win nin̄nin̄ eo ej kōjeraam̧m̧an) im tuanmiin̄ in pein ioon aeran būratōr eo ituanmin̄in.

Em̧m̧aan ro wōt ro rej kabwijer priesthood eo rekkar im rej erreo remaron̄ kōm̧m̧ane juon kain̄i ak kōjeraam̧m̧an . Āinwōt tōl jen Jetōb, bisop ro im stake būreejtōn ro ewōr aer bōklekōt n̄an kūr priesthood em̧m̧aan ro m rejjab erreeo n̄an tampeļ n̄an kōm̧m̧ani ak bōk kwoņaan ilo jet iaan kain̄i ko im kōjeraam̧m̧an ko (lale Bok in Bōk Meļeļe Eļap, 18.3).

Kūrtok elōn̄ uwaan baam̧le eo, ro m̧ōttan, im ritōl ro n̄an jian̄ ilo juon kain̄i ak kōjeraam̧m̧an em̧ōj an bōjrak kōnke emaron̄ in karuwaimejet jet im maron̄ kōm̧m̧an bwe en pen kōm̧m̧ane kain̄i eo.

7.11.2

Peptaij

Mijen būreejtōn eo ej kabwijer ki ko n̄an peptaij eo an rioktak ro. Ium̧win tōl eo an ritōl eo ej tōl, juon pris ak rikabjōr Melchizedek Priesthood eo erreo maron̄ kōm̧m̧ane kain̄i eo an peptaij N̄an kōm̧m̧ane āindein, ļeo:

Ej jutak ilo dān eo ippān armej eo ej itōn peptaij.
Bwe en meļak im jejjet) bōk pāin armej eo ej itōn peptaij ilo jemlo̧kin lo̧piden pein ituanbwijmaron̄ kōn pein ianmiin̄,innem likūt pein ituanmiin̄ make ilo pein armej eo ituamiin̄.
Kotak pein anbwijimaron̄ bwe en jōkjōk in jikuwae.
Ba likieo in etan armej eo im ba, “Bwe em̧ōj kōmālim eō kōn Jisōs Kraist, Ij peptaij eok ilo etan Jemān, im Nejin, im Jetōb Kwojarjar. Amen” (Katak im Bujen Ko 20:73).
Kōm̧m̧an bwe armej eo en pinej botin kōn tuanbwijmaron̄in pein (bwe en meļak). Rikabwijer priesthood eo ej likut tuanbwijmaron̄ in peij likin armej eo im katulo̧k aolepen armej eo, ekoba nuknuk eo an armej eo.
Jipan̄ armej eo waļoktok jān dān eo.

Āinwōt an kōmeļeļe ilo Bok in Bōk Meļeļe, 18.7.6, ruo rikam̧ool rej lukkuun lale bwe kajjojo peptaij en kōm̧m̧an ilo jetjet. Peptaij eo eaikuj in bar āliji eļan̄n̄e naan ko rejjab kōnono jejjet āinwōt an waļo̧k ilo Katak im Bujen ko 20:73 ak eļan̄n̄e m̧ōttan ānbwinin armej eo ak nuknuk eo ejjab tulo̧k aolepān.

7.11.3

Kapene

Mijen būreejtōn eo ej kabwijer ki ko n̄an kapene eo an rioktak ro. Ijoke, bisop eo ej lale kain̄i eo an aolepen kapene. Ej lukkuun lale bwe rioktak ro rej kapen er ilo juon kweilo̧k in kwojkwoj ilo ward eo ijo rej jokwe ie, eļan̄n̄e emaron̄ ilo Jabōt eo ālkin wōt aer peptaij. Membōr ro rekāāl rejjab kapen ilo iien peptaij eo.

Juon ak lōn̄ļo̧k rikabwijer ro an Melkisedek Priesthood eo remaron̄ pād ilo kapene eo. Rej likūt peier emerā ioon bōran armej eo. Innām armej eo ej kōm̧m̧ane kain̄i eo ej:

Ba likio in etan armej eo.
Ba bwe kain̄i eo ej kōm̧m̧an jān māļim eo an Melkisedek Priesthood eo.
Kapene armej eo juon membōr in Kabun̄ eo an Jisōs Kraist im Amrej ro Rekwojarjar ilo Raan-ko Āliktata.
Kōjerbal naan ko “Bōk Jetōb Kwojarjar” (ejjab “Bōk menin letok eo an Jetōb Kwojarjar”).
Leļo̧k naan in kōjeram̧m̧an ko āinwōt an tōl jāņ Jetōb.
Kili ilo etan Jisōs Kraist.

7.11.4

Kōjeraam̧m̧an Oil eo

Juon ak elōn̄lok rikabjōr Melkizedek Priesthood ro remaron̄ kōjeraam̧m̧an olive oil eo m̧okta jān kōjerbale n̄an kapit rinan̄inmej im rijorrāān. Ejjeļo̧k bar oil maron̄ kōjerbale. N̄an kōjeraam̧m̧an oil, juōn rikabjōr priesthood eo:

Ej jibwe nein olive oil eo epeļļo̧k.
Ba etan Jemedwōj Ilan̄.
Ba bwe ej kōm̧mane kōn mālim eo an Melkisedek Priesthood eo.
Kōjeram̧m̧an oil eo (jab nien oil eo) im kōjeno̧lok e n̄an kapit im kōjeraam̧m̧an rinan̄inmej im liaajļo̧ļ.
Kili ilo etan Jisōs Kraist.

7.11.5

Kōjeraam̧m̧an Rinan̄inmej im Riaajlaļ.

Jisōs eaar leļo̧k mālim in priesthood eo n̄an Rijilōk ro An “n̄an kōmour, im kadiwōjļo̧k tipil ko” (Mark 3:15). Rikabwijer ro an Melkisedek Priesthood eo ewōr ippāer ejja mālim in wōt. Kōjerbal menin letok in ekkar im emakijkij.

Rikabwijer ro wōt an Melkisedek Priesthood ro remaron̄ kōjeraam̧m̧an rinan̄inmej ak riajlo̧ļ ro. Ekkā an ruo ak lōn̄ļo̧k rikabjōr priesthood ro kōjeraam̧m̧an rinan̄inmej eo, bōtaab juon emaron̄ jimo̧r kōm̧m̧ani ekkapit eo im liāpe ekkapit eo make iaan eļan̄n̄e emenin aikuj.

Eļan̄n̄e ejjeļo̧k oil kar kōjeraam̧m̧ane, juon kōjeraam̧m̧an maron̄ kōm̧m̧an jān mālim eo an priesthood eo ilo an jab kōm̧m̧an ekkapit eo.

Juon ļeo pālele ak baba eo erreo me ej kabwijer Melkisedek Priesthood eo ekka an aikuj kōm̧m̧ane n̄an membōr ro renan̄inmej an baam̧le eo an.

Em̧m̧aan ro rej aikuj kōjeraam̧m̧an rinan̄imej eo n̄e kajjitōk jān armej eo enan̄inmej ak jān ro me relukkuun epake armej eo bwe kōjeraam̧m̧an en ekkar n̄an tōmak eo aer. Rikabjōr Melkisedek Priesthood ro me rej lolo̧k aujpitōļ ko rejjab aikuj in kajjitōk iien ko rem̧m̧an n̄an kōjeraam̧m̧an rinan̄inmej ro.

Eļan̄n̄e juōn armej ej kajjitōk elōn̄ lok jen juōn kōjeraam̧m̧an n̄an ejja nan̄inmej eo wōt, rikabjōr priesthood eo eaikuj jab kapit kōn oil ālikin kōjeraam̧m̧an eo mokta. Ijello̧kin, ej leļo̧k juon kōjeraam̧m̧an kōn likūt pā ko im kōn mālim eo an mālim eo an priesthood eo.

Kōjeram̧m̧an ro rinan̄inmej ewōr ruo mōttan ko: (1) kapiti kōn oil eo im (2) kapen ekkapit eo.

Kapit kōn Oil eo kar Kōjeraam̧m̧ane

Kapit oil eo ej kōm̧m̧an jān juon rikabwijer Melkisedek Priesthood eo. Ļeo ej:

Likūt jidik oil eo em̧ōj kōjeraam̧m̧ane ioon bōran armej eo.
Likūt pein emera ioon bōran armej eo im kūr likieo in etan armej eo.
Ba bwe ej kōm̧mane kōn mālim eo an Melkisedek Priesthood eo.
Ba bwe e ej kapit kōn oil eo em̧ōj kōjeraam̧m̧ane n̄an kapit im kōjeraam̧m̧an rinan̄inmej im liaajļo̧ļ.
Kili ilo etan Jisōs Kraist.

Kapene Ekkapit eo

Ekkā an, ruo ak lōn̄ļo̧k rikabjōr Melkisedek Priesthood ro likūt emera peier ioon bōran armej eo n̄an kapen ekkapit eo; ijoke, juon rikabwijer Melkisedek Priesthood eo emaron̄ kōm̧m̧ane kōjeraam̧m̧an eo make n̄e ekkar. N̄e kapene ekkapit eo, rikabwijer Melkisedek Priesthood eo:

Ba likieo in etan ļeo ak lio.
Ba bwe ej kōm̧mane kōn mālim eo an Melkisedek Priesthood eo
Ej leļo̧k naan in kōjeraam̧m̧an ko āinwōt an Jetōb eo tōl.
Ej kiili ilo etan Jisōs Kraist.

7.11.6

Leļo̧k Kōjeraam̧m̧an ko an Kaenōm̧m̧an im Kapilōk

Rikabwijer Melkisedek Priesthood ro maron̄ barāinwōt leļo̧k kōjeraam̧m̧an ko an kaenōman im kapilōk n̄an rej kajjitōk kaki. N̄an kōm̧m̧ane juon ekkapit ilo priesthood, juon ak lōn̄ ļo̧k rikabwijer priesthood ro rej kōmeraik aer likūt pā ko peir ioon bōran armej eo. Innām eo ej kabwijer priesthood eo me ej leļo̧k kōjeraam̧m̧an eo:

Kūr armej eo kōn likio in etan.
Ba bwe kōjeraam̧m̧an eo ej kōm̧m̧an jān mālim eo an Melkisedek Priesthood eo.
Ej leļo̧k naan in kōjeraam̧m̧an ko āinwōt an Jetōb eo tōl.
Ej kiili ilo etan Jisōs Kraist.

Mijenede ro rej leļo̧k kōjeraam̧m̧an ko n̄an membōr ro rej aikuj riboote ļo̧k kajju n̄an bisop eo ak kōn būreejtōn eo an doulul eo an elder ro ak ritōl ward mijen eo, eo enaaj jiron̄ bisop eo.