Appendix

7.0

Kadkad in

N̄e aikuji im n̄e ekkar n̄an mijen eo am̧ im jekjek ko, ļoor unin tōl ko jet kar kōllaajraki ilo appendix in.

7.1

Eddo ko an Ritōl an Mijenede ro Reddik

Ijjitōn̄ ko im eddo ko an tōl an mijenede reddik ekoba bōtaab emaron̄ ejjeļo̧k jon̄an n̄an elaajrak in ilaļ.

Senior kōmpānien eo

Juon mijenede ilo kajjojo m̧ōttā ej jitōn̄e āinwōt senior kōmpānien eo. Seniro kōmpānien eo:

Ej tōl kōmpānien eo n̄an kadedeļo̧k jerbal eo ilo juon eria kar kappeik n̄an katakin.
Ej rōjan̄ kōmpānien eo n̄an ekkatak, jar, ļoor jikejuuļ eo raan otemjeļo̧k, im dāpij rekoot ko rejim̧we.
Jipan̄ kōmpānien eo an n̄an erom̧ juon mijenede eo em̧m̧antata.
Ej kile im ej kwaļo̧k kapeel kko rewejepedik, tōļan ko, im kijejeto ko ilo kōmpānien eo an.
Kwaļo̧k kilen jerbal eo wājabdik ippān ritōl ro ijo jokwe ie im an membōr ro n̄an kōtōbalbal kijejeto ko an mijenede.

Rikaminene

Juon mijenede kappeiki bwe en jerbal āinwōt juon rikaminen im senior kōmpānien n̄an kajjojo mijenede kāāl. Juon Rikaminene:

Ej jerbal ippān im ej kamineneik juon mijenede kāāl kōn iakwe, kijenmej, iakwe em̧ool, im meanwōd.
Ej kautiej jipan̄ ko im kōļmenļo̧kjeņ ko an juon mijenede kāāl āinwōt juon kōmpānien ejokkun wōt juon.
E joļo̧k elōn̄ļo̧k iien kaminene eo kajjojo raan ilo iien ekkatak eo an kōmpānien eo (lale “For New Missionaries: Additional Companion Study” ilo “Introduction: How Can I Best Use Preach My Gospel?” ilo Preach My Gospel [2018], ix–x).
Ej ekkatak jon̄ak ko ilo bok in bōk meļeļe in ippān kōmpānien eo raan otemjeļo̧k.
Ej katakin mijenede eo ekāāl kōn unin kōnono ko loi ilo Safeguards for Using Technology im Adjusting to Missionary Life kein katak ko.
Ej kwaļo̧k ekōjkan kōtōbalbali kijejeto ko an mijenede ko me rewājepdik ippān ritōl ro ijo rej pād ie im membōr ro.

Ritōl eo an District eo

Juon elder em̧ōj kappeiki n̄an jerbal āinwōt juon ritōl an district eo ilo district eo, eo ej kobaik in elōn̄ eria in katakin ko. Ritōl eo an district eo ej:

Tōl, kaminene, im ej ko̧o̧njeļ ippān mijenede ro ilo ko̧o̧njeļ ko an district eo wiik otemjeļo̧k.
Tōl iien intōrpiu in peptaij ko (lale 2.3.6).
Tōl iien jānij ko an kōmpānien ro an elder ro ilo district eo an (lale 2.3.1).
Jerbal ippān ritōl ro an ward eo ijo rej pād ie im membōr ro n̄an kōtōbalbal kijejeto ko an mijenede.
Ej riboot kajju n̄an ritōl ro an Zone eo.

Ritōl ro an Sister rej Kaminene im Ritōl ro an Zone

Ruo sister rej kappeik er n̄an jerbal ilo juon kōmpānien āinwōt ritōl ro an sister rej kaminene ilo juon ak lōn̄ļo̧k zone ko. Rej bōk eddo in kaminene im jeraam̧m̧an eo an sister mijenede ro kar kappeik er kaki. Rej barāinwōt membōr in district ko im zone ko im jipan̄ mijen būreejtōn eo, ritōl ro an zone, im ritōl ro an district eo ilo kweilo̧k in kaminene ko im kweilo̧k ko an zone eo.

Ruo elder ro kar kappeik er n̄an jerbal ilo juon kōmpānien āinwōt ritōl ro an zone ilo juon zone emake iaan. Rej bōk eddo in kaminene im jeraam̧m̧an eo an aolep mijenede ro kar jitōn̄ er n̄an zone eo aer. Rej barāinwōt jipan̄ mijen būreejtōn eo ilo kweilo̧k in kaminene ko im kweilo̧k ko an zone eo.

Ritōl ro an sister rej kaminene im ritōl ro an zone rej:

Tōl, kaminene, im kōm̧mane jājin ko an kōmpānien ko ippān mijenede ro ilo zone eo ak zone ko kar kappeik er n̄ane. Ritōl ro an sister rej kaminene rej kōm̧m̧ani jānij ko an kōmpānien ippān sister ro, im ritōl ro an zone eo rej kōm̧mani jānij ko ippān elder ro.
Jerbal ippān ritōl ro ijo jokwe ie im membōr ro n̄an kōtōbalbal kijejeto ko an mijenede.
Bōk kuņaan ilo ko̧o̧njeļ in tōl an mijen.
Kajju riboot n̄an mijen būreejtōn eo.

Ritōl ro an zone eo rej kōm̧m̧ani intōrpiu in peptaij ko (lale 2.3.6).

Rijipan̄ ro n̄an Būreejtōn eo

Ruo elder kar kappeik er n̄an jerbal ilo juon companionship āinwōt rijipan̄ ro n̄an mijen būreejtōn eo. Rijipan̄ ro rej:

Kōm̧m̧ani kōm̧m̧ani jānij ko ilo kōmpānien eo ippān ritōl ro an zone eo im ippān elder ro jet (lale 2.3.1).
Leļo̧k kaminene ilo ko̧o̧njeļ ko an ritōl an mijen im kweilo̧k ko an zone eo āinwōt kar kajjitōk jān mijen būreejtōn eo.
Maron̄ leļo̧k kapilōk ikkijien em̧m̧akūt an mijenede ak ijjitōn̄ ko an ritōl, bōtaab rejjab kōm̧mani jokāālet ko āliktata.
Kajju riboot n̄an mijen būreejtōn eo.

7.2

Unin Tōl ko n̄an Jerbal in Jipan̄

Ļoor unin tōl ko an jerbal in jipan̄ kar kōllaajraki ilo subsection kein.

7.2.1

Makūtkūt in Jerbal in Jipan̄ ko kar Ejaki

Komaron̄ lo iien ko rem̧m̧an an jerbal in jipan̄ jān doulul ko āinwōt JustServe.org (ijo ewōr ie), āinwōt kar kabbe jen ritōl ro an mijen eo am̧.

N̄e bōk kuņam̧ ilo juon iien jerbal in jipan̄ kar ejaake, kōjparok wōt jon̄ak kein:

Kōm̧m̧ani awa in jerbal in jipan̄ ko n̄an raan.
Jab kōm̧m̧an jerbal ilo iien ko me rōkobbā tata ilo kappok im katakin ijello̧kin kappe jān mijen būreejtōn eo am̧.
Bōk kuņam̧ ilo būrojāāk in jerbal in jipan̄ ko an jukjukinpād n̄e emaron̄.
Jab kōm̧m̧an m̧akūtkūt in jerbal in jipan̄ ilo raan in kōppopo eo (preparation day) ak ilo iien ko redaabtōk ippān district ko̧o̧njeļ ko ak kweilo̧k ko an zone eo.
Jab kāānjōļ ak bar jikejuuļi iien katak ko n̄an jerbal in jipan̄ būroojāāk ko ijello̧kin kappe jān mijen būreejtōn eo am̧.
Pād wōt ippān kōmpānien eo m̧ōttam̧ ilo am̧ jerbalan̄.
Kōņak tāāk eo am̧ n̄e em̧m̧an im ekkar, men̄e kwoj nuknuk ekpā in jerbal.
Jab bōk kuņam̧ ilo m̧akūtkūt ko me ekōm̧m̧an bwe kwon joļo̧k jāān ak kōļļā.
Jab kipel eok make n̄an būrojāāk ko reaitok kitieer n̄e ejjeļo̧k mālim jen ritōl ro an mijen eo am̧.

7.2.2

An Ejjeļo̧k Jorrāān ilo Iien Jerbal in Jipan̄ ko

Ejjeļo̧k Jorrāān ilo IIen Jerbal in Jipan̄ ko kōjerbal loļātāt im ļoor im̧we ko an Jetōb Kwojarjar im ļoor unin tōl kein:

Kōm̧m̧ani wōt m̧akūtkūt ko komaron̄ in kadedeļo̧k.
Jab kōjerbal kein jerbal ko rekajoor ak kattōr ak iuwe ilo jabdewōt wa kilep ko (ko āinwōt, tractor ko, trailer ko, ak turak ko aitok tuļo̧kaer).
Kōņak nuknuk ko rekkar (āinwōt kūlob ko ak jōōt aetok pā ko).
Jab jerbal ijoko routiej me komaron̄ wōtļo̧k jāni (āinwōt ilo bōrooj ko ak wōjke ko).
Jab jerbal ijoko komaron̄ in po ie ak jorrāān ilo jikin ko rōkeņaak (āinwōt ilo ra ko).
Jab jerbal ilo im̧ōņ jikuuļ ko, im̧ōn lale ko, ak jabdewōt jikin ijo komaron̄ in make ippān ajri ro, ekoba Būraimere ak nursery (lale 3.5.2).

Aloje pija in n̄an eļapļo̧k meļeļe ko kōn kōm̧m̧an jerbal in jipan̄.

7.3

Jeļā Ņae ro Jet

Iien otemjej kōm̧m̧an em̧m̧an n̄an ro jet kōn jouj im jeļā ņae. Barāinwōt ļoor kakkobaba in unin tōl ko ilo jekjen in.

7.3.1

Unin Kōnono ko an Bwebwenato n̄an Bōbrae

N̄an jeļā ņae ro jet im n̄an kōjparok eo am̧, bōbrae unin kōnono in bwebwenato ko me remaron̄ kwaļo̧k jorrāān. Unin kōnono in bwebwenato ko n̄an bōbrae ekoba ijo jokwe ie im kien ko ilo eria eo kwoj jerbal ie; barāinwōt bōbrae kōm̧m̧an enaan bajjōk kōn kien ak jukjukinpād. Ilo kakkobaba, jab ļo̧k wōt n̄an jidik:

Kōm̧m̧an kōjak kōn rinana ak kōm̧m̧an ko an rinana ro.
Ba ke armej rej em̧akūt n̄an bar juon laļ—jekdo̧o̧n ta jerbal ak jikuuļ.
Leļo̧k ak kōm̧m̧ani kallim̧ur ko kōn jāān ak visa n̄an jipan̄ armej ro ilo mijen eria eo am, ekoba n̄an jerbal, jikuuļ, em̧, ak kōkaajriri.

7.3.2

Kien im Manit Ijo Jokwe ie

Pokake kien an ijo jokwe ie im kakien ko kōn leto-letak kein katakin ko, m̧anit ko im kakien ko an jikin eo, im passport im visa n̄e emennin aikuj. Eļan̄n̄e kwojjab jeļā kōn kien ko ijo jokwe ie, m̧anit ko, im imminene ko, kajjitōk ippān ritōl ro an mijen eo am̧ n̄an jipan̄.

Aloje pija in n̄an elōn̄ļo̧k meļeļe kok kōn m̧wil eo ejetjet.

7.4

Etal ñan Tampeļ

N̄e kwoj etal n̄an tampeļ, keememej men kein ilaļ:

Pād wōt ippān kōmpānien eo m̧ōttam̧.
Bōk kūņam̧ ilo aolep kain̄i ko kōm̧m̧ani ilo tampeļ eo. Ijo wōt ke, n̄an joļo̧k bōd ukōt en̄jake ko ilo jetōb āinwōt en̄jake in mejpata ko, jab āinwōt juon eo ej bōk jikin n̄an ļeo pālele ak juon lio pālele ilo iien liāp eo ak āinwōt juon rikam̧ool ilo juon jājen in bōk menin letok kwojarjar eo.
Jab inepata in ebbōk nuknuk in tampeļ; ewōr nuknuk in tampeļ n̄an mijenede ro ilo tampeļ eo kōn ejjeļo̧k wōnāān.
Kōmanit ilo kōjerbal taļboon Komaron̄ bōktok taļboon eo nejūm n̄an lowaan tampeļ eo n̄an būrini kaat in kain̄i ko. Ijoke, kwojjab aikuj kōjerbal pija, kōnono ilo phone eo am̧, ak jilkinļo̧k ennaan ko n̄e kwoj pād ilowaan tampeļ eo.
Jab bōktok pija ko ak kein riit ko, ekoba kōjeraam̧m̧an ko an petriak, n̄an kōjerbale ilowaan tampeļ eo.
Jab kuk ippān doon āinwōt mijenede ro ak bukwelōlō ilo jar ilo ruum̧in celestial.

Aolep iien keememej in ekōņak tampeļ kaarmen āinwōt kar kōmeļeļeiki. Eļan̄n̄e ewōr am kajjitōk kōn ekōņak kaarmen ak kōn etal n̄an tampeļ, kajjitōk ippān mijen ritōl ro am̧.

7.5

Tōknaļōji

Ļoor jon̄ak ko an tōknaļōji kar kōllaajraki ilo subsection kein.

7.5.1

Ļoor Jon̄ak in Kōjerbal Tōknaļōji ko

Pedped wōt ioon armej ro, en jab tōknaļōji eo. N̄e kwoj jelm̧ae armej, lukkuun leļo̧k am̧ n̄an er. Ejjab menin kautiej im nōbar n̄e kwoj lale email, uwaaki ennaan ko, ak alooje social media ko.

Komaron̄ kōjerbal:

Wi-Fi ilo im̧ōņjar ko ak m̧ōko jet an Kabun̄ in.
Public kamputōr ko, āinwōt ļaibrare ko im internet cafe ko.
Kōjerbal an armej kamputōr n̄an katakin n̄e armej eo eaar lewaj mālim.
Headphone ko maron̄ kōjerbali n̄an m̧akūtkūt ko an mijenede kar kōmālim, ko āinwōt ekōnono ippāņ baam̧le eo am̧ ak bōk kūlaaj in mijenede ko.

Jab kōjerbal tōknaļōji an ward ak stake, website ko, blog ko, ak social media akoun ko.

Aloje pija in n̄an elōn̄ļo̧k meļeļe ko kōn kōjerbal mobile device ko n̄an jerbal in mijenede.

7.5.2

Kōjerbal Tōknaļōji ilo Ejjeļo̧k Jorrāān

Kwoj aikuj kadedeļo̧k Kōjparok Kōjerbal Tōknaļōji online kooj eo ilo am pād ilo missionary training center eo. Jon̄ak kein renaaj bar jipan̄ eok n̄an kōjerbal tōknaļōji ilo ejjeļo̧k jorrāān ippānļo̧k jibadbad eo an mijenede.

Kōjerbal tōknaļōji ilo kōttōbar Karōk m̧akūtkūt ko me rejipan̄ eok karuwainenei ro jet n̄an itok n̄an Rilo̧mo̧o̧r.
Jab kōjerbal tōknaļōji ko n̄an joļo̧k m̧ōk ak eddodo.
Ron̄jake im ļoor im̧we ko an Jetōb Kwojarjar. Juon ekkejel eo ekajoor n̄an Jetōb eo an Irooj ej kattōrak eo am̧ em̧m̧an tata ņae jab jetjet kōjerbal tōknaļōji.
Aole iien pād ilo juon jikin ijo kwe im kōmpānien eo m̧ōtttam̧ maron̄ lo screen eo an doon. Jab kōjerbal mobile device ko n̄e kwoj make iaam̧, āinwōt ilo am̧ pād ilo juon im̧ōn kōppojak.
Jerbal ippān kōmpānien eo m̧ōttam̧ n̄e kapukot ak katakin ilo online. Etale an doon jeje ak ennaan m̧okta jen amiro likūti ak jilkinļo̧k juon ennaan bwe komiro maron̄ kwaļo̧k an doon ļōmņak im maron̄ eddoiki n̄an em̧m̧an eo ilo ialen leto-letak ennaan. Kakeememej: menin ejjab jerbal n̄an kōnono ippān baam̧le eo am̧ (lale 3.9.1), mijen opiij eo, ak mijen būreejtōn eo.
Lale Kōjparok ko n̄an Kōjerbal Tōknaļōji emakijkij an juon make im iiien ekkatak an kōmpānien.

7.5.3

Jab Alooj Pija Nana

Pija ko renana remaron̄ itok ilo elōn̄ wāween ko. Pepe m̧oktaļo̧k im kōm̧m̧an kālet ko rejim̧we remaron̄ jipan̄ eok jab aloj pija nana (lale Kōjparok n̄an Kōjerbal Tōknaļōji). N̄e kwoj loe, oktaļo̧k, kune pija eo, ak etal jen jekjek eo. Ijin ilaļ rej jet elmakot ko n̄an jipan̄ eok jab alooj pija nana:

Jab kōjerbal website ko, bok ko, im jikin ko ijo komaron̄ ron̄, riit, ak loe bok in riit ko ak pija nana.
Jeļā n̄an kile iien ko n̄e kwoj po n̄an kōjerbal tōknaļōji ko rejjab ekkar, āinwōt n̄e kwoj m̧ōk ak jalimo.
Bōk juon karōk kōn ta eo kwonaaj kōm̧m̧ane. Ritōl ro am̧ ilo mijen remaron̄ jipan̄. Komaron̄ bar lo meleļe ko ilo ChurchofJesusChrist.org/addressing-pornography.

Jabdewōt eo ej kappukōt n̄an joļo̧k ak anjo̧ ioon pija nana emaron̄ lo jipan̄ eo im kōmour eo jān Pinmuur eo an Jisōs Kraist. Elan̄n̄e kwoj kakkōt, kōnono ippān mijen būreejtōn eo am̧, eo ej aikuj lewaj jipan̄ eo ej iakwe, ko̧o̧njeļ, im jipan̄.

7.5.4

Katakin kōn Tōknaļōji

Ijo emālim, kōjerbal online tōknaļōji eo ippāņ membōr ro im armej ro kwoj katakin er n̄an connect ippāer, jipan̄ er, im kwaļo̧k ennaan ko an gospel eo ippāer.

Jipan̄ ro jet jeļā wāween ko rem̧m̧anļo̧k n̄an kwaļo̧k gospel eo, im jipan̄ membōr ro an Kabun̄ in ilo aer kōjerbal tōknaļōji ilo jerbal in mijenede ko aer.
Jerbal ilo online ippān armej ro kwoj katakin er me rej jokwe itulikin eria eo kappeik eok n̄an e, im jipan̄ er ilo aolepān oktak eo aer.
N̄e kwoj katakin juon eo me ej jokwe itulikin eria eo am̧, jerbal epaak ippān mijenede ro me kar kappeik er n̄an eria eo ijo armej eo katakin ej jokwe ie. Ippān doon, jipan̄ armej eo itok epaake Jemedwōj Ilan̄ im Jisōs Kraist.
Kōjerbal pija ko, video ko, im media ko jet jān Kabun̄ in Media Library im site ko jet an Kabun̄ in ilo kijejeto in katakin ko am̧ n̄e ejetjet. Ilo ekōnono ko am̧, jab kōjerbal media eo me kar jab kōmālim jen Kabun̄ (n̄an waanjon̄ak, video ko kar kōm̧m̧an jān membōr ro ak iunit eo ijo jokwe ie).
N̄e likūt ilo social media, kwaļo̧k enaan ko kōn gospel eo im en̄jake in mijenede eo am̧ ijello̧kin am̧ pedped ioon ito itak ko am̧.

Etale unin tōl kein n̄an kōjparok ņojak eo an armej eo im meļeļe ko aer make.

Jeļā bwe likio in āt ko, pija ko (lale 3.7), meļeļe ko kōn tōpar er, im jekjek ko an juon make kōn armej ro kwoj katakin er rej eņņojak. Kwaļo̧k ak likūt meļeļe in emaron̄ in kakkure kakien ko an data privacy. Kanooj mejmejkaruo ilo ta eo kwoj je n̄an ro uwaan baam̧le eo, āinwōt aer maron̄ likūt leta ko am̧ im email ko ilo online.
Bōk mālim jān jabdewōt eo ej waļo̧k ilo juon pija ak pija in alooj m̧okta jāņ kwaļo̧ke ippān jabdewōt ak likūti ilo online. Bōk mālim eo an jinen im jemān m̧okta jān kwaļo̧k pija ko ak pija in alooj kōn ajri ro (lale 3.7).

Alooje pija in alooj in n̄an elōn̄ļo̧k meļeļe ko kōn kōjparok eņņojak eo an ro jet.

7.5.5

Kōjerbal Email

Ilo iien mijen eo am̧, kar lewaj juon am̧ make email akkaun n̄an kōjerbale ilo an bōk jikin aolep email akkaun ko am̧ make. Kōjerbal email akoun in n̄an aolep bwebwenato ko ijeļo̧kin leta ko am kajjojo wiik n̄an mijen būreejtōn eo, eo me kwonaaj jilkinļo̧k ilo Leta eo an Mijenede.

7.5.6

Kōjerbal Social Media

Social Media emaron̄ jerbal n̄an kwaļo̧k gospel eo. Kanooj lale bwe kwon kōjerbal wōt social media site ko kar kōmālimi n̄an mijen eo am̧, kōn an oktak kakien ko kōn social media jāņ laļ n̄an laļ.

Ļoor jabdewōt jon̄ak an mijen kōn social media barānwōt ļoor jon̄ak ko.

Kanooj lale bwe social media akkaun eo am̧ en kwaļo̧k jibadbad eo am̧ im kūr eo am̧ āinwōt juon mijenede.
Kanooj lale bwe pija eo ilo akkaun eo am̧ im kajjojo armej im kumi ko kwoj ļoori rej kwaļo̧k bwe kwoj juon iaan mijenede ro an Irooj.
Jab bar kōm̧m̧ane bar juon akkaun ilo juon social media site n̄an joļo̧k kōm̧mani oktak ko n̄an akkaun eo epād kadede. Menin ej juon kakkure an errā eo an juon rikōjerbale n̄an jabdewōt social media site ko.
Jab kōjerbal taitōļ “Elder” ak “Sister” ilo etan akkaoun eo am̧. Taitōļ rōt kein rejjab kōtļo̧k jān jet social media platform.
Kalimjōk wōt ikitōltōk ko juon illo̧k juon, eļap meļeļeier ijello̧kin bōk “like ko” ak an ennaan eo am̧ kwaļo̧ke ilo online.
Jab kwaļo̧k bwe ennaan ko am̧ rej ennaan ko an Kabun̄ in.
Kōjparok eņņojak eo am̧ make. Mejmejkaruo n̄e kwaļo̧k jikejuuļ eo im jikin eo am̧ ilo online. Mejmejkaruo kōn armej ro kwoj bōk er n̄an social network eo am̧; jet armej renaaj lāj n̄an mijenede ro.
Kōjparok eņņojak eo an ro jet. Eļan̄n̄e kwoj kōņaan likūt jet men kōn ro jet kwoj jerbal ippāer, kwoj aikuj in kajjitōk mālim eo an (men̄e ilo naan ak jeje) m̧okta jen am̧ likūti jabdewōt me ej kwaļo̧k etan ak pijjain (lale 3.7). Kōnke kōn kakien ko an eņņojak ijo jokwe ie, ilo jet mijen mijenede ro ejjab mālim are kwaļo̧k n̄an lo̧bwiilej pija in ro rej ekkatak ippāer.

Alooje pija in alooj in n̄an elōn̄ļo̧k meļeļe ko kōn kōjparok eņņojak eo an ro jet.

7.6

Jekjek ko Reppen

Ļoor unin tōl ko itulaļ kōn jerbali jekjek ko reppen.

7.6.1

Jerbal ippān Jekjek ko Renana

Āinwōt Rilo̧mo̧o̧r eo, rikanaan ro, im elōn̄ mijenede ro m̧oktaļo̧k jen kwe, kwonaaj en̄jaake kōnana im bōlen jekjek ko jet kōn jab kautiej āinwōt juon mijenede. Ļoor unin tōl ko enaaj jipan̄ eok jeļā kilen bōk jab bōk:

Jab kowaan en̄jake eo am̧.
- Kile bwe ej Em̧m̧an n̄an kwaļo̧k inepata im ebbweer n̄an kōmpānien eo am̧, ritōl mijidede ro rem̧m̧an ded, ritōl mijen ro, im ro uwaan baam̧le repaak.
- Meļeļe bwe jet iien kōnono kōn juon jekjek enana emaron̄ jipan̄ en̄jake men eo emootļo̧k.
- Jab ļōmņak jekjek eo enana ak kōtļo̧k bwe en ukōt m̧wiļ eo am̧.
Likūt jab bōk ilo ļōmņak em̧m̧an.
- Jeļā bwe jekjek ko renana ejjab kwaļo̧k wōn kwe, ta eo kar kūr eok n̄an kōm̧m̧ane, ak ewi jon̄an am̧ maron̄ kōm̧m̧ane.
- Kajjieon̄ in jab kwaļo̧k ennaan ko āinwōt “Armej reban ron̄jake.”
- Keememej bwe anemkwoj ekōtļo̧k an kajjojo armej bōke ak kōnanaik ennaan eo am̧.
- Kile bwe armej rej mour im jekjek ko remaron̄ oktak. Jab bōk ejjab aolep iien meļeļein bwe armej eo eban itok limoin ilo gospel in.
Kōm̧m̧an n̄an kwe make im ro jet kōn ettā.
- Kappukot aenōm̧m̧an ilo jar. Keememej bwe Irooj ejeļā kajjiem̧, jekjek eo am̧, im aikuj ko am̧.
- Jab kōnanaik eok make, jekjek eo, ak armej ro raar bōk kuņaer.
- Kōm̧m̧ane ijo em̧m̧antata ippam̧.
Katak jān en̄jake. Ļōmņak kōn ta eo komaron̄ kōm̧m̧ane eoktakļo̧k tokālik.

7.6.2

Jerbal ippān Armej in Jum̧ae ro

Komaron̄ ioon armej ro me renana ak lāj. N̄e juon ej nana tam̧m̧win, kwon peran im etal jen jekjek eo. eļan̄n̄e kwoj lo mirokan kauwōtata, m̧ōkaj im em̧m̧akūt. An ejjeļo̧k jorrāān n̄an kwe im eo kōmpānien eo m̧ōttam̧ (lale 4.5) ej men eo m̧oktata.

Armej in jum̧ae ro im kōm̧m̧an ko renana rej menin inepata. Bōk bun̄ten ko kwoj aikuji n̄an jerbal ippān eo einepata (lale 4.3) im n̄an kea kōn en̄jake im jetōb eo am make.

Jeļā bwe jabdewōt men ilo naan, en̄jake, ak kōmetak ānbwin jen jabdewōt, ekoba juon kōmpānien, ejjab em̧m̧an. Men in emaron̄ ilo naan ko, kōkkaļļe, ak kōm̧m̧an ko me relikkar ak kōmetak jen bar juon armej.

Kajju pukotļo̧k mijen būreejtōn eo am̧, kōrā eo ippān, ak ritōl ro jet leke r n̄e kwoj ioon en̄jake rot in, lale, ak ron̄jake jabdewōt m̧ōm̧ an kanniōk ak jabdewōt kōmetak ilo ānbwin, kōmetak, ak kakkure (lale 7.8.2–7.8.4)

7.7

N̄ūrbōktak ko kōn Ājmour ilo Ānbwin im Kōmālij

Ļoor unin tōl ko an ājmour kar kōllaajraki n̄an jerbal in jipan̄ ilo jekjen kein ilaļ.

7.7.1

Kūrļo̧k Mijen Opiij eo kōn N̄ūrbōktak ko kōn Nan̄inmej

Jab pedped ioon etal eo am̧ make ak ļōmņak ko an ro jet. Men̄e rejan̄ eo an kōmpānien eo m̧ōttam̧ ikkijen taktō, membōr ro jet an Kabun̄ in, baam̧le, ak ro m̧ōttam̧ maron̄ in jipan̄, kūrļo̧k mission medical coordinator eo n̄e ewōr jabdewōt am̧ kajjitōk ak n̄ūrbōktak ko, eļap tata kōn jorrāāņ eļļap ak jorrāān ko an ājmour. Mijen būreejtōn eo am̧ enaaj kōnono ippān stake būreejtōn eo am̧ im baam̧le eo kōn jorrāān ko reļļap im n̄ūrbōktak ko kōn ājmour.

Kūrļo̧k mission medical coordinator eo eļan̄n̄e kwoj en̄jake jabdewōt iaan jorrāān ko an ājmour.

Nan̄inmej jen lukkuun blu ak kakōlkōl ko ekadu kitieer.
Lukkuun jorrāān.
Mōkaj an bam̧ (100 alen an menono eo bam̧ ilo juon minit) n̄e kwojjab kejemouruur.
Jabdewōt peba lōn̄ļo̧k jen 101°F (38.3°C), piba kōn 101°F (38.3°C) elōn̄ļo̧k jen ruo raan, ak piba eo ejjab jako jen uno ko.
Mōkaj an aidikļo̧k ak kilepļo̧k.
Emaroro ak erautut.
Em̧ōj ļo̧k wōt, metak bar, m̧aļan̄ļōn̄, pokpok, ak bokaidik.
Ebbōj ilo ne, ne ko, lo̧je, ak mej.
Toorļo̧k kōn bōktōktōk, ak kilmeej ilo bwidej.
Boņ ak pidodo elōn̄ļo̧k jen ruo raan.
Metak N̄ii.
Addiin ne.

7.7.2

Kōjparok Ājmour ilo Ānbwin

Kwonaaj m̧ōņōņō ļo̧k ilo mijen im em̧m̧anļo̧k am̧ jerbal n̄an Irooj n̄e kwoj kōjparok ājmour ilo ānbwin. Kwon tiljek ilo kijejeto in mijenede ko am̧, ak jab kōtļo̧k eo make jen am̧ maron̄.

N̄an jipan̄ dāpij ājmour ilo ānbwin eo am̧, kanooj lale bwe:

Kwon kejemouruur.
Kwon kiki eļap.
Mōn̄ā m̧ōn̄ā ko ippān pijitabōļ ko, leen wōjke ko, im grain ko.
Buul idaak aibōj.
En emakijkij am̧ kwaļ peiūm.
Ekkapit sunscreen im kein m̧anm̧an ļo̧n̄ n̄e ekkar.
Pukot wāween ko n̄an kakkije.
Lem̧ōņōņō ilo elōn̄ ikkure ko ilo raan in kōppopo ko.

7.7.3

Kōjparok Ājmour ilo Kōmālij

Ekkā en̄jake jet iien būrom̧ōj, inepata, oon̄, im ebbwer n̄e jerbale juon mijen. Ijowōt ke, en̄jake ko im m̧wil eo me ej bōbrae eok jāņ wejepedik jerbal aikuj in kōnono kake. Jekjek kein remaron̄ koba:

Mejatoto in en̄jake.
Inepata ak bōd.
Mejatoto in m̧ōk.
Jon̄ak ko an kan̄ m̧ōn̄ā ko rejjab ūne.
Pen dāpij en̄jake ko an m̧ōm an kanniōk.

Meļeļe bwe jejjeļo̧k kajookok ilo kile im kōm̧adm̧ōde jabdewōt jorrāāņ in nan̄inmej, ekoba n̄ūrbōktak ko an en̄jake im kōļmenļo̧kjeņ. Eļan̄n̄e kwoj en̄jake ak kōmpānien eo m̧ōttam̧ aikuj jipan̄, kōnono ippān mijen būreejtōn eo am̧, kōrā eo ippān, ak kotinetōr in taktō eo. Ewōr ippāer kein jipan̄ ko kōn nan̄inmej in kōmālij. Komaron̄ lo eļapļo̧k jipan̄ in kapilōk ilo Adjusting to Missioary Life.

7.7.4

Kōjparok Ikkij ko an Menin Mour im Ļon̄

Mennin mour im ļon̄ ko rej kijkij remaron̄ kōm̧m̧an lukkuun jorrāān im jet iien nan̄inmej. Eļan̄n̄e lon̄ ko rej kijkij im ebbōj ak jino metak, m̧ōkaj in kūrļo̧k mijen opiij.

Bōbrae

Komaron̄ jipan̄ bōbrae ikkūk ko an tick, ņam̧, im ļon̄ ko jet jān ļoor unin tōl kein:

Jab jutak iturin ron̄ ko ak jutak ilo dān ko, ijo elōn̄ ņam ie.
Jab pād ilo aļaļ im mar ko, ijo kij ko rej pād ie.
Kōņak nuknuk aetokpād ko rej pinej peim̧ im neem̧, men̄e ebwiļ.
Aloje pija in n̄an Bōbrae an Nam̧ Kwaļo̧k Nan̄inmej.
Kōjerbal kein bwittik in ņam ko n̄an ānbwin im ilo tulik im tulowaan nuknuk eo.

Kōm̧adm̧ad

Eļan̄n̄e kar kij eok ak kinejnej kōn kij ak ņam ak lon̄ ko jet ak mennin mour.

Kōm̧adm̧ade kinjen lon̄ eo kōn aij ak uno.
Loļo̧k taktōk eo etijemļo̧k n̄an joļo̧k kij ko me raar deļo̧n̄e ānbwinum̧ im lale n̄e elōn̄ bokaidik.
Kwaļļo̧k kijen eo ak ijo kar kiji jen mennin mour eo kōn joob im dān (kōn 15 minit, ļaptata), im kūrļo̧k mijen opiij. Kwaļo̧k kajjien armej eo nejin mennin mour eo, n̄e ekkar, bwe mijen opiij eo en maron̄ jipan̄ kwaļo̧k kij ko ak nan̄inmej ko jet rekauwōtata.
Eļan̄n̄e kinjen ņam ak mennin mour eo ebbōj, im jino metak, ak ļapļo̧k ebbōj mejen ak bokaidik, m̧ōkaj in kūrļo̧k mijen opiij.

Aloje pija in n̄an eļapļo̧k meļeļe n̄an kōjparok eok make jen kinjen ņam im mennin mour ko jet.

7.8

Jekjek ko Rekauwōtata

Ļoor unin tōl ko an kōjparok kar kōllaajraki ilo subsection kein:

7.8.1

Pojak n̄an Jekjek ko Rekauwōtata

Ļoor unin tōl ko maron̄ jipan̄ eok kōpopo n̄an im uwaake jekjek ko rōkauwōtata.

Jar kōn kōjparok eo raan otemjeļo̧k an Irooj.
Ron̄jake im ļoor im̧we ko an Jetōb, eo emaron̄ kakkōl eok kōn kauwōtata.
Kwon jeļa kilen kōjerbal karōk in idin̄ in mijen eo am̧. Ļoor bun̄ten nee ko n̄an kilen jerbali ilo jekej in idin̄ ko.
Kadeļo̧n̄ meļeļe ko an ro kepaak er ilo iien in̄in̄ n̄an eria eo am̧ im laļ eo ilo taļboon eo am̧. Kwon jaaj eo taļboon eo am̧ im en pād ippam̧ aolep iien.
Lale eria ko em̧ōj an mije lewaj ke rekauwōtata.
Jab leļo̧k im̧we bwe ewōr men ko raorōk (n̄an waanjon̄ak, bōkļo̧k juon pāāk).
Lukkuun lale ko men rejjab wōr tokjeer, āinwōt n̄e juon ej lukkuun lale eok, kajjitōk kajjitōk ko, ak ļoore eok.
Kajjieon̄ in kōjerbal ānbwinum̧ n̄an leļo̧k ennaan n̄e kwoj leke ak jab mijak.
Bōk juon kout nōm̧ba ak naan n̄an kōjerbale ippān kōmpānien eo am̧ n̄an jiknal n̄e kwoj kōņaan etal. Kōjerbale n̄e kwoj ke lo ke kopād ilo juon jekjek ejjab em̧m̧an.

Jejjet in kōjerbal kein kaminene ko, men̄e ro jet (ekoba mijenede ro jet) rej rōjan̄ eok bwe kwon kōjparok eok make n̄an kadedeļo̧k jerbal in mijen eo am̧.

7.8.2

Kil Jejkek ko Rekauwōtata

Kajju kūrļo̧k juon iaan ritōl mijen ro am̧ ak ritōl eo kwoj leke n̄e en̄jake, kam̧oole, ak ron̄ jabdewōt kōn m̧ōm an kanniōk ak ļōn̄ ilo jabdewōt wāween. Emaron̄ ilo kōmetak, kakkure, ak kakitōtō. Men̄e kauwōtata kein remaron̄ oktak meļeļeir jen kien ko ijo jokwe ie, reboote jabdewōt men ko rej kainepataik eok.

Kakkure ekitbuuj jabdewōt kōm̧m̧an ilo ānbwin ak m̧ōm an kanniōk me ej kipel jabdewōt. Waanjon̄ak ko ekitbuuj jabddewōt ilo ānbwin, ejekkakar jibwe, kōmetak ilo ānbwin.
Kaamjak ilo Kanniōk ej waļo̧k n̄e juon ej mijak ilo jorrāān ak mej. Waanjon̄ak ko ekitbuuj kakkure ilo naan ak kakkure ilo jabdewōt m̧wiļ.
Mōm an Kanniōk ilo jab ettā ekitbuuj ilo naan ak kōm̧m̧an, kajjitōk ko n̄an kōņaan m̧ōm̧ an kanniōk, ak jabdewōt kōm̧m̧an an m̧ōm an kanniōk. Waanjon̄ak ko ekitbuuj anemejkur (ļoor kōn kakitōtō ak iruj) ak ānbwin.

7.8.3

Uwaak n̄an Kakkure ko, Kaamijak ko, ak Kakitōtō

Kōm̧m̧ane menin n̄e ko̧o̧te eok ak kōmpānien eo m̧ōttam̧.

Kajju m̧ōkaj in leļo̧k men ko am̧. Emaron̄ kōm̧m̧an menin an rikwot eo etal im jab kakkure kwe. Mour eo am eaorōkļo̧k jen men ko m̧weiem̧.
Kajjieon̄ in jab illu ak nana tam̧m̧um̧. Emaron̄ kōm̧m̧an men ko ren nanaļo̧k.

Kōm̧m̧ane men kein n̄e kwe im kōmpānien eo am̧ kar kakkure ak kar kakitōtō im eļapļo̧k jen men ko m̧weiem̧ repād ilo kauwōtata.

Kwe wōt komaron̄ kālet wāween eo em̧m̧antata n̄an uwaak jekjek in. Komaron̄ in ko, jojomare kwe make, ak pād wōt. N̄an waanjon̄ok:
- N̄e kwoj ko, lale bwe en ejjeļo̧k kakkure.
- N̄e kwoj jojomare kwe make, komaron̄ in kōjparok ānbwinum̧ ilo lam̧ōj, kakkure, kakinejnej bait, juji, ak jar.
- N̄e kwoj ikun̄ im kālet n̄an pād wōt, uwaak rot eo emman, jouj im jab jekpen ņae eok make.
Ļōmņak in pukot jipan̄ jen ro jet. N̄an waanjon̄ok:
- Komaron̄ kajjitōk jipan̄ jen ro jet, eļaptata jen juon eo ewōr an mālim (āinwōt rittōr baj eo) ijo kwoj pād ie.
- N̄e kwoj pād ilo lo̧pelej ippān armej ro im ban maron̄ rōļak jen kakkur ak m̧ōm an kanniōk (n̄an waanjon̄ak, n̄e kwoj iuwe ilo waan ko ijo jokwe ie), ļōmņak in kōnono jouj n̄an kajjieon̄ in kaenōm̧m̧an armej eo jen jabdewōt m̧akūtkūt ak kakitōtō. N̄an waanjon̄ak, komaron̄ kōjerbal ānbwinum̧, kalimjōk rijorrāān eo, im kōnono eļļaaj. Komaron̄ ba etan armej eo, kwaļo̧k m̧wiļ, im ba ta eo armej eo en kōm̧m̧ane, āinwōt, “Ah, kwe jilin̄ij iaļo, jab jibwe n̄a. Etal jen iturū.”
- N̄e ejjelo̧k en ej epake eok, komaron̄ lam̧ōj, lam̧ōj, ak kajjieon̄ in kōm̧ade; juon emaron̄ jeļā kwoj aikuj jipan̄.

7.8.4

Ribooti Kakkure ko, Kamjak ko, ak Kakitōtō

Eļan̄n̄e ewōr ekar kōmetak, kamjak, ak kakitōtō kwe (lale 7.8.2) jen jabdewōt, kajjur kūrļo̧k juon iaan ritōl ro an mijen eo am̧, juon ilo mijen opij eo, ak bar juon ritōl eo lōke. Ritōl ro an mijen eo am̧ ewōr ippāer kein ekkatak ko n̄an jipan̄ eok kōn taktō, kapilōk ko retijemļo̧k, bar juon jikin, ak aikuj jipan̄ ko jet. Kile bwe komaron̄ in bwilōn̄ ālkin an men eo kar waļo̧k im bwe komaron̄ bar en̄jake nan̄inmej in kōmalij. N̄e kwoj en̄jake ke kojokne, kajjieon̄ in rekoote jabdewōt men komaron̄ keememeje kōn jorrāān eo.

Meļeļe bwe n̄e kar kōmetak eok, jekdo̧o̧n ta eo kwoj kōm̧m̧ane, kōmetak eo ejjab am̧ bōd. Aolep iien ewōr am kālet n̄an kapilōk jen ro kwoj leke im en̄jake aenōm̧m̧an kake, āinwōt mijen būreejtōn eo am̧, kōrā eo ippān, rikien eo, ak armej ro ilo m̧weeo. Ej am̧ kālet n̄an kobaiktok būlijmān ro.

Ej em̧m̧an wōt n̄an kajjitōkin eok make im ta eo kwe ak kōmpānien eo m̧ōtttam maron̄ kar kōm̧m̧ane oktakļo̧k. Leke bwe kwaar kōm̧m̧ane ijo em̧m̧antata ilo jorrāān eo. Armej eoktak aer en̄jake nan̄inmej in kōmālij jen doon. Irooj enaaj jipan̄ kōmour eok.

Aloje pija in n̄an elōn̄ļo̧k meļeļe ko kōn kōppopo n̄ane, kile, im jeļā jerbale jekjek ko rekauwōtata im kakkure ko.

7.9

Kōjparok Mweeo

Ļoor laajrak in tōl kein ilaļ n̄an kōjparok m̧weeo im̧ōm̧, kon, im erreeo.

7.9.1

Eņņojak im Kōjparok eo

Etale unin tōl kein n̄an kanooj lale bwe m̧weo im̧ōm ej eņņojak im em̧m̧an:

Likut juon carbon monoxide im smoke detector ko. Kōm̧m̧ani etale ko im kōkāāl bātre ko āinwōt kar jikejuuļ jān mission housing coordinator eo. Jab kuni device in kōjparok mour kein.
Jab kattil jabdewōt kain kāāntōļ ko.
Ļake kōjem ko inam̧ōj im wintō ko. N̄e ekkar, ritōl ro an mijen eo am̧ remaron̄ elmakote ļōmņak ko me ej kadeļo̧n̄ kōto jān nam̧ōj.
Aolep iien kiil katin̄ ko ak lilaļatak n̄e ebon̄.
Jab kwaļo̧k atōreej eo am̧ lo̧pelej ak n̄an armej ro kwoj katakin.
Jab kōpeļļo̧k kōjem eo n̄e kojaje kajjien armej eo nam̧ōj ak n̄e ejjab em̧m̧an am en̄jake kōn e.
Jab katakin armej ro ilo m̧weeo im̧ōm̧ ak karuwaineneik armej ro n̄an lowaan iljelo̧kin n̄e rej mijenede ak ritōl ro an Kabun̄ ijo jokwe ie ro rej lowaj em̧ōj kar kōmālim jen ritōl mijen ro am̧.
Jab jokwe ijo armej ro rejjan̄in m̧are n̄e ļaddik ļaddik ak n̄e leddik leddik rej jokwe ie ak ijo ripālele rejjab pād.
Kajjur riboot n̄an mijen opiij jabdwōt inepata, koba jabdewōt ro rej lale m̧weeo im̧ōm̧ ak kōm̧m̧an am̧ inepata.
Kōtļo̧k an mijenede ro jet en ļaddik wōt ak leddik wōt kar kōmālim n̄an janij im joļo̧k juon bon̄ ilo m̧weeo im̧ōm̧.
Joļo̧k jāān n̄an men ko rekkar n̄an dāpij an m̧weeo im̧ōn kon. N̄an waanjon̄ak, joļo̧k aolep tōm̧a ko rebwiļ n̄e emenin aikuj.

7.9.2

Erreeo im Jerbal

Dāpij wōt an m̧weeo im̧ōm̧ erreeo im em̧m̧an:

Karreeo ilo raan in kōppopo eo (lale 2.5.1) im kajjojo raan n̄e ekkar.
Bōk bun̄ten nee ko n̄an bōbrae ļon̄ (lale 7.7.4) ilowaan m̧weeo im̧ōm̧.
Jeļā kile kōjerbal im kōjparok appliance ko, eļaptata jitoob im itōōr.
Jab nejnej jabdewōt kein menin mour ko.

Mweeo im̧ōm̧ naaj emakijkij etale n̄an lale bwe en erreeo, kon, im em̧m̧an.

Aloje pija in n̄an elōn̄ļo̧k meļeļe ko kōn kōjparok m̧weeo.

7.10

Kōjparok Ialen Ito-itak

Ļoor laajrak in tōl n̄an jerbal in jipan̄ ilo jekjen kein ilaļ.

7.10.1

Etetal

N̄e etetal:

N̄e emaron̄, etetalļo̧k ilo ijo wa ko rej ettortok n̄an kwe ie.
Pād ilo ijoko remeram n̄e emarok.
Iien am̧ ito-itak ilo eria eo. Ļoor im̧we ko an jetōb n̄an wāween am̧ kōm̧m̧an.

Aloje pija in n̄an eļōn̄ļo̧k meļeļe ko kōn kōjparok n̄e etetal.

7.10.2

Bajkōļ

N̄e kwoj baijikōļ:

Ļoor kōjparok in kakien ko im unin tōl ko, ekoba ekōņak helmet n̄an bōbrae, kōjerbal jeer ko, im kōjerbal pā n̄an jeknōļ n̄e ekkar.
Jab etan ke kwoj ba am̧ iaļ eo.
Kajjieon̄ in jab kōjerbal baijikōļ n̄e enana mejatoto, ebooļ wa, ak marok. Jab bajkōļ ikōjaan doon ak lukkuun epaake doon.
Ettoļo̧k jidik n̄an kōjparok jen an compaion eo am̧ pinej m̧aan.
Kōjparok baijikōļ eo waam̧, ekoba lait ko, lait ko lik, im jeer ko.
Lake ak kakoņ baijikōļ eo waam̧ n̄e ejjab jerbal.

Aloje pija in n̄an eļapļo̧k meļeļe kōn kōjparok baijikōļ.

7.10.3

Kōjerbal Waan Ettōr ko

Eļan̄n̄e kar kappeik eok n̄an ettōr kōn waan ettōr ko waan mijen eo, kōjerbali wōt waan ettōr ro waan mijen eo. N̄an kattōre juon waan ettōr waan mijen eo, ej aikuj wōr am̧ ļaijen ilo laļ eo kwoj jerbal ie, kwaļo̧k bwe kwoj meļeļe jon̄ak ko waan ettōr waan mijen eo, im wōr am̧ mālim jān ritōl ro an mijen eo. Barāinwōt ļoor unin tōl kein:

Meļeļe bwe komiro ej kōmpānien eo m̧o̧ttam̧ eddoin kōjparok eo, jekdo̧o̧n wōn eo ej ettōr.
Kōņak jit pel ko, kōkōm̧anm̧ōn ettōr, kōjerbal tōm̧ak ko bon̄ in raan, im mejāņ iruj im jeļā men̄e kwoj bajinjea eo ak rikattōr ek.
N̄e kwoj ettōr, jab m̧ad ilo jabdewōt jekjek, ekoba kōjerbal mobile device ko ak radio eo ilo wa eo.
N̄e kwoj pajinjea eo, jipan̄ rittōr eo mije wōt.
N̄e kwoj pajinjea eo, jutak ettoļo̧k jikik jen likin wa im tōl rikattōr eo ilo an pāāke wa eo.
N̄an kōjparok ilo jabdewōt wāween, komaron̄ jab kawaik jabdewōt ijelo̧kin mijenede ro jet rej jerbal aolep raan n̄e ļaddik ļaddik ak leddik leddik.
Ettōr ilowan wōt m̧aiļ eo kar lewaj.
Jab kabwiļ odometer eo an jabdewōt device ko kar likūti ilo wa eo.
Dāpij erreeo im em̧m̧an eo an wa eo.
N̄e kopād ilo juon jorrāān, lale bok eo Ta eo Kwoj Kōm̧m̧ane Eļan̄n̄e kwoj Itaak Ippān Bar Juon Wa, eo im ej aikuj in pād ilo kōbatmen eo an wa eo. Kūrļo̧k mijen kotinatōr eo ilo iien eo em̧ōkaj n̄e kōjparok eo ekkar n̄an kōm̧m̧ane.

Aloje pija in n̄an elōn̄ļo̧k meļeļe eo kōn kōjparok wa eo.

7.10.4

Kōjerbal Iaļen Ito-Itak ko ilo Aolep Armej

N̄e kōjerbal iaļen itok-itak ko ilo public:

Kōjerbal wōt iaļen ito-itak ko ilo public kar kōmālimi jen mijen eo am̧.
Kwon jeļā awa in kōjerbal iaļen ito-itak ko ilo public im eria ko ijo kwoj ito-itak ie.
Jijet epake rikattōr eo n̄e emaron̄. Likūt bāāk ko am̧ itum̧anum̧ n̄e em̧m̧an n̄an kōm̧m̧ane.

7.11

Kain̄i ko im Kōjeraam̧m̧an ko an Priesthood

Kōjerbal unin tōl kein n̄an kōm̧m̧ani kain̄i ko im kōjeraam̧m̧an ko an priesthood. Meļeļe eo ilo jekjen in j kobaiki jen jebta 20 in Bok in Bōk Meļeļe 2: Tōl Kabun̄ eo (2010)

Keememej: Āinwōt kar kōmeļeļeiki ilo jekjen kein ilaļ, jet kain̄i eaikuj kōmālim jen ritōl eo eutiej eo ej kabwijer kii ko.

7.11.1

Kōjeraam̧m̧an ilo Priesthood eo: Uniin Tōl ko n̄an Rikabwijer ro an Melkisedek Priesthood

Rikabwijer ro an Melkisedek Priesthood eo rej aikuj kajjieon̄ in erreo kōn im tōl jān Jetōb Kwojarjar. Rej aikuj kōm̧m̧an kajjojo kain̄i im kōjeraam̧m̧an ilo juon jekjek eutiej, kanooj lale bwe ej tōpar men kein aikuji:

Ej aikuj kōm̧m̧ane ilo etan Jisōs Kraist.
Ej aikuj kōm̧m̧an jān mālim an priesthood eo.
Ej aikuj kōm̧m̧an kōn jabdewōt jekjek ko remenin aikuj, ko āinwōt kōjerbal naan ko rejeno̧ļo̧k ak kōjerbal oil eo kar kōjeraam̧m̧ane.
Ej aikuj in mālim jen ritōl eo eutiej me ej kabjōr kii ko (ekkā bisop eo, stake būreejtōn eo, ak mijen būreejtōn eo), n̄e ekkar jen kōmeļeļe ko ilo jekjen in.

Ro rej leļo̧k kōjeram̧m̧an ko an priesthood eo rej kōnono naan ko an kōjeraam̧m̧an eo (“Ij [ak kōmij] kōjeraam̧m̧an eok bwe …”) ijello̧kin kōm̧m̧an juon jar (“Jemedwōj Ilan̄, jouj im kōjeraam̧m̧an armej in bwe …”).

N̄e jejjo em̧m̧aan ro rej bōk koņaer ilo juon kain̄i ak kōjeraam̧m̧an, kajjojo iaer ilo mera likūt tuanbwijmaron̄ in pein ioon bōran armej eo (ak ium̧win nin̄nin̄ eo ej kōjeraam̧m̧an) im tuanmiin̄ in pein ioon aeran būratōr eo ituanmin̄in.

Em̧m̧aan ro wōt ro rej kabwijer priesthood eo rekkar im rej erreo remaron̄ kōm̧m̧ane juon kain̄i ak kōjeraam̧m̧an . Āinwōt tōl jen Jetōb, bisop ro im stake būreejtōn ro ewōr aer bōklekōt n̄an kūr priesthood em̧m̧aan ro m rejjab erreeo n̄an tampeļ n̄an kōm̧m̧ani ak bōk kuņan ilo jet iaan kain̄i ko im kōjeraam̧m̧an ko (lale Bok in Bōk Meļeļe 2: Tōl Kabun̄ in, 20.1.2).

Kūrtok elōn̄ uwaan baam̧le eo, ro m̧ōttan, im ritōl ro n̄an jian̄ ilo juon kain̄i ak kōjeraam̧m̧an em̧ōj an bōjrak kōnke emaron̄ in karuwaimejet jet im maron̄ kōm̧m̧an bwe en pen kōm̧m̧ane kain̄i eo.

7.11.2

Peptaij

Mijen būreejtōn eo ej kabjōr kii ko n̄an peptaiji ro rioktak ro. Ium̧win tōl eo an ritōl eo ej tōl, juon pris ak rikabjōr Melchizedek Priesthood eo erreo maron̄ kōm̧m̧ane kain̄i eo an peptaij N̄an kōm̧m̧ane āindein, ļeo:

Ej jutak ilo dān eo ippān armej eo ej itōn peptaij.
Bwe en meļak im jejjet) bōk pāin armej eo ej itōn peptaij ilo jemlo̧kin lo̧piden pein ituanbwijmaron̄ kōn pein ianmiin̄,innem likūt pein ituanmiin̄ make ilo pein armej eo ituamiin̄.
Kotak pein anbwijimaron̄ bwe en jōkjōk in jikuwae.
Ba likieo in etan armej eo im ba, “Bwe em̧ōj kōmālim eō kōn Jisōs Kraist, Ij peptaij eok ilo etan Jemān, im Nejin, im Jetōb Kwojarjar. Amen” (Katak im Bujen Ko 20:73).
Kōm̧m̧an bwe armej eo en pinej botin kōn tuanbwijmaron̄in pein (bwe en meļak). Rikabwijer priesthood eo ej likut tuanbwijmaron̄ in peij likin armej eo im katulo̧k aolepen armej eo, ekoba nuknuk eo an armej eo.
Jipan̄ armej eo waļoktok jān dān eo.

Āinwōt an kōmeļeļe ilo Bok in Bōk Meļeļe 2: Tōl Kabun̄ eo, 20.3.7, ruo rikam̧ool rej lukkuun lale bwe kajjojo peptaij en jejjet. Peptaij eo eaikuj in bar āliji eļan̄n̄e naan ko rejjab kōnono jejjet āinwōt an waļo̧k ilo Katak im Bujen ko 20:73 ak eļan̄n̄e m̧ōttan ānbwinin armej eo ak nuknuk eo ejjab tulo̧k aolepān.

7.11.3

Kapene

Mijen būreejtōn eo ej kabjōr kii ko n̄an kapene uwaan ro rekāāl. Ijoke, bisop eo ej lale kain̄i eo an aolepen kapene. Ej lukkuun lale bwe rioktak ro rej kapen er ilo juon kweilo̧k in kwojkwoj ilo ward eo ijo rej jokwe ie, eļan̄n̄e emaron̄ ilo Jabōt eo ālkin wōt aer peptaij. Membōr ro rekāāl rejjab kapen ilo kweiļok in peptaij eo.

Juon ak lōn̄ļo̧k rikabwijer ro an Melkisedek Priesthood eo remaron̄ pād ilo kapene eo. Rej likut peier emerā ioon bōran armej eo. Innām armej eo ej kōm̧m̧ane kain̄i eo ej:

Ba likio in etan armej eo.
Ba bwe kain̄i eo ej kōm̧m̧an jān māļim eo an Melkisedek Priesthood eo.
Kapene armej eo juon membōr in Kabun̄ eo an Jisōs Kraist im Amrej ro Rekwojarjar ilo Raan-ko Āliktata.
Kōjerbal naan ko “Bōk Jetōb Kwojarjar” (ejjab “Bōk menin letok eo an Jetōb Kwojarjar”).
Leļo̧k naan in kōjeram̧m̧an ko āinwōt an tōl jāņ Jetōb.
Kili ilo etan Jisōs Kraist.

7.11.4

Kōjeraam̧m̧an Oil eo

Juon ak elōn̄ļo̧k Rikabwijer Melkizedek Priesthood eo aikuj kōjeraam̧m̧an olive oil eo m̧okta jān kōjerbale n̄an kapit eo ej nan̄inmej im jorrāān. Ejjeļo̧k bar oil maron̄ kōjerbale. N̄an kōjeraam̧m̧an oil, juōn rikabjōr priesthood eo:

Ej jibwe nein olive oil eo epeļļo̧k.
Ba etan Jemedwōj Ilan̄.
Ba bwe ej kōm̧mane kōn mālim eo an Melkisedek Priesthood eo.
Kōjeram̧m̧an oil eo (jab nien oil eo) im kōjeno̧lok e n̄an kapit im kōjeraam̧m̧an rinan̄inmej im liaajļo̧ļ.
Kili ilo etan Jisōs Kraist.

7.11.5

Kōjeraam̧m̧an Rinan̄inmej im Riajlaļ.

Jisōs eaar leļo̧k mālim in priesthood eo n̄an Rijilōk ro An “n̄an kōmour, im kadiwōjļo̧k tipil ko” (Mark 3:15). Rikabwijer ro an Melkisedek Priesthood eo ewōr ippāer ejja mālim in wōt. Kōjerbal menin letok in ekkar im emakijkij.

Rikabwijer ro wōt an Melkisedek Priesthood ro remaron̄ kōjeraam̧m̧an rinan̄inmej ak riajlo̧ļ ro. Ekkā an ruo ak lōn̄ļo̧k rikabjōr priesthood ro kōjeraam̧m̧an rinan̄inmej eo, bōtaab juon emaron̄ jimo̧r kōm̧m̧ani ekkapit eo im liāpe ekkapit eo make iaan eļan̄n̄e emenin aikuj.

Eļan̄n̄e ejjeļo̧k oil kar kōjeraam̧m̧ane, juon kōjeraam̧m̧an maron̄ kōm̧m̧an jān mālim eo an priesthood eo ilo an jab kōm̧m̧an ekkapit eo.

Juon ļeo pālele ak baba eo erreo me ej kabwijer Melkisedek Priesthood eo ekka an aikuj kōm̧m̧ane n̄an membōr ro renan̄inmej an baam̧le eo an.

Em̧m̧aan ro rej aikuj kōjeraam̧m̧an rinan̄imej eo n̄e kajjitōk jān armej eo enan̄inmej ak jān ro me relukkuun epake armej eo bwe kōjeraam̧m̧an en ekkar n̄an tōmak eo aer. Rikabjōr Melkisedek Priesthood ro me rej lolo̧k aujpitōļ ko rejjab aikuj in kajjitōk iien ko rem̧m̧an n̄an kōjeraam̧m̧an rinan̄inmej ro.

Eļan̄n̄e juōn armej ej kajjitōk elōn̄ lok jen juōn kōjeraam̧m̧an n̄an ejja nan̄inmej eo wōt, rikabjōr priesthood eo eaikuj jab kapit kōn oil ālikin kōjeraam̧m̧an eo mokta. Ijello̧kin, ej leļo̧k juon kōjeraam̧m̧an kōn likūt pā ko im kōn mālim eo an mālim eo an priesthood eo.

Kōjeram̧m̧an ro rinan̄inmej ewōr ruo mōttan ko: (1) kapiti kōn oil eo im (2) kapen ekkapit eo.

Ekkapiti kōn Oil eo kar Kōjeraam̧m̧ane

Ekkapit kōn oil eo ej kōm̧m̧an jān juon rikabwijer an Melkisedek Priesthood eo. Ļeo ej:

Likūt jidik oil eo em̧ōj kōjeraam̧m̧ane ioon bōran armej eo.
Likūt pein emera ioon bōran armej eo im kūr likieo in etan armej eo.
Ba bwe ej kōm̧mane kōn mālim eo an Melkisedek Priesthood eo.
Ba bwe e ej kapit kōn oil eo em̧ōj kōjeraam̧m̧ane n̄an kapit im kōjeraam̧m̧an rinan̄inmej im liaajļo̧ļ.
Kili ilo etan Jisōs Kraist.

Kapene Ekkapit eo

Ekkā an, ruo ak lōn̄ļo̧k rikabjōr Melkisedek Priesthood ro likūt emera peier ioon bōran armej eo n̄an kapen ekkapit eo; ijoke, juon rikabwijer Melkisedek Priesthood eo emaron̄ kōm̧m̧ane kōjeraam̧m̧an eo make, n̄e ekkar. N̄e kapene ekkapit eo, rikabwijer Melkisedek Priesthood eo:

Ba likieo in etan armej eo.
Ba bwe ej kōm̧mane kōn mālim eo an Melkisedek Priesthood eo.
Ej leļok naan ko an kōjeraam̧m̧an āinwōt an Jetōb eo tōl.
Kili ilo etan Jisōs Kraist.

7.11.6

Leļo̧k Kōjeraam̧m̧an ko an Kaenōm̧m̧an im Kapilōk

Rikabwijer Melkisedek Priesthood ro maron̄ barāinwōt leļo̧k kōjeraam̧m̧an ko an kaenōman im kapilōk n̄an rej kajjitōk kaki. N̄an kōm̧m̧ane juon ekkapit ilo priesthood, juon ak lōn̄ ļo̧k rikabwijer priesthood ro rej kōmeraik aer likūt pā ko peir ioon bōran armej eo. Innām eo ej kabwijer priesthood eo me ej leļo̧k kōjeraam̧m̧an eo:

Kūr armej eo kōn likio in etan.
Ba bwe kōjeraam̧m̧an eo ej kōm̧m̧an jān mālim eo an Melkisedek Priesthood eo.
Leļo̧k naan ko an kōjeraam̧m̧an eo āinwōt an Jetōb eo tōl.
Kili ilo etan Jisōs Kraist.

Mijenede ro rej leļo̧k kōjeraam̧m̧an ko n̄an membōr ro rej aikuj riboote ļo̧k kajju n̄an bisop eo ak kōn būreejtōn eo an doulul eo an elder ro ak ritōl ward mijen eo, eo enaaj jiron̄ bisop eo.