Apèl mwen kòm Konseyè nan Prezidans Sosyete Sekou Pieu.

Responsablite

Senyè a rekonesan pou dispozisyon w pou w sèvi nan Legliz Li a. W ap jwenn anba la a yon rezime sou responsabilite pou apèl ou a.

Objektif Sosyete Sekou

Sosyete Sekou se yon òganizasyon divinman enstitiye pou tout fi ki adilt nan Legliz la. Sosyete Sekou ede pitit Bondye yo prepare yo pou yo retounen nan prezans Li. Pwofèt Joseph Smith te anseye ke objektif Sosyete Sekou se “sove nanm epi soulaje soufrans”—ofri sekou Sovè a (gade Manyèl Jeneral: Sèvi nan Legliz Jezikri pou Sen Dènye Jou yo, 9.1).

Konseyè Sosyete Sekou Pye

Manm prezidans Sosyete Sekou pieu a gen plizyè responsablite ki enkli oryante prezidans Sosyete Sekou pawas ki fèk aple yo epi ba yo sipò kontinyèl; anseye Prezidan Sosyete Sekou pawas yo prensip sèvis pastoral yo, istwa familyal, ak travay misyonè (gade 9.5); ranfòse sè adilt selibatè yo; kowòdone efò ijans; pale nan reyinyon sentsèn ak lòt aktivite; ak vizite reyinyon Sosyete Sekou pawas yo (gade 6.7.1).

Reyinyon ak Konsèy yo

Prezidans Sosyete Sekou pieu a chita an konsèy ansanm regilyèman. Yon manm prezidans lan ap sèvi sou komite jèn adilt sèl pieu a ak komite adilt sèl yo, si yo òganize. Prezidans lan patisipe nan reyinyon lidèchip pieu a chak ane epi li bay prezidans Sosyete Sekou pawas yo enstriksyon nan reyinyon sa yo (gade 29.3.4), li sèvi nan komite lidèchip adilt pieu a, epi li ale nan reyinyon konsèy kowòdinasyon yo lè Swasanndis Entèrejyon an envite li (gade 29.3.9).

Sèvis ak Aktivite

Prezidans Sosyete Sekou pieu a ka planifye youn oubyen de reyinyon chak ane pou tout sè Sosyete Sekou nan pieu a. Reyinyon sa yo ka gen ladan yo sèvis, klas, pwojè, konferans, oswa atelye (gade 6.7.1). Prezidans Sosyete Sekou, Jènfi ak Primè pieu yo ka detanzantan planifye aktivite konbine pou òganizasyon respektif pa yo a (gade 6.7.1).

Direksyon ak Règleman yo

N ap jwen lòt direksyon ak règleman adisyonèl nan seksyon 9.6 nan Manyèl Jeneralla.