Nakoau ae te Kauntira n te Kooram n Tia Reirei

Mwioko

E kakaitau te Uea ibukin nanom ni kan beku n Ana Ekaretia. Aika a oti i nano bon rinanoakin mwioko ibukin weteam.

Te Kantaninga n te Nakoanibonga ae te Aaron

Kooram n te Nakoanibonga ae te Aaron a buokiia ataeinimwaane ni karaoi ao ni kawakini berita aika tabu ao ni kamatoa rairakiia nakon Iesu Kristo ao Ana euangkerio. Te kantaninga n te kooram bwa e na buokiia naake iai irouia te nakoanibonga bwa a na bootaki ni mwakuri n ibuobuoki n ana mwakuri te Atua ibukin te kamaiuaki ao te karietataaki. (Taraa Te Aeniboki ni Kabuta: Te Beku n Ana Ekaretia Iesu Kristo Ibukiia AikaItiaki ni Boong aika Kaitira 10.1, Gospel Library.)

Aia Kooram Tia Reirei

Ataeinimwaane a kaaina te kooram n tia reirei ni moa man Tianuare n te ririki are koro iai 14 te ririki. N te tai anne are a tau naba ni katabuaki bwa tia reirei ngkana a tauraoi ao a tau. Taan reirei e na tii te arona tabeia ma riikan. A katauraoa naba te toa ao a beku bwa taari n ibuobuoki. Tabeia riki tabeua a kabwarabwaraki i nanon Reirei ao Berita aika Tabu 20:53–59; 84:111. (Taraa 10.1.3.2.)

Kauntira

Tabeia kauntira n te kooram n tia reirei a na boutoka te beretitenti n mwiokoana, kairan ana waaki te kooram n iriira Ana mwakuri te Atua ibukin te kamaiuaki ao te karietataaki; ni kinaia ao ni beku ibukiia kaain te kooram n ikotaki ma naake a aki kakaonimaki nakon bowin te kooram; kakorakoraaia membwa aika boou ao ake a manga oki; reireiniia kaain te kooram tabeia n te nakoanibonga; ao ni bairei ao ni kairii botakin te kooram (taraa 10.4.2). A na boowi n taainako te beretitentii n te kooram (taraa 10.4.3).

Mwakuri n Ibuobuoki ao Waaki ni Kakukurei

Te bitiobiriki ao taan kairiri irouia kairake, ni boutokaaki irouia taan ibuobuoki, a na bairei mwakuri n ibuobuoki ao waaki ni kakukurei. Aikai a riai n ibuobuoki ni kakoroa nanon te mwakuri ibukin te mwakuri ni kamaiu ao te karietataaki. A riai ni baeranti inanon aua mwakoron te rikirake: maiu n tamnei, aroia n reitaki ma aomata, marurungin te rabwata, ao te wanawana. (Taraa 10.2.1.3.)

Kainibaire ao Kaetieti

Kainibaire ao kaetieti riki tabeua, n ikotaki ma boutokaakia ataeinimwaane ake aki toamau, karekean kanikinaa ibukiia Ataei ao Kairake, ao rikoan angabwai n aki mamatam, a kona n reke n te tiekition aei 10.8 n te Aeniboki ni Kabuta.