Apèl mwen kòm yon Konseye nan Kowòm Enstriktè yo

Responsablite

Senyè a rekonesan pou dispozisyon w pou w sèvi nan Legliz Li a. Anba la a, w ap jwenn yon rezime sou responsablite konsènan apèl ou a.

Objektif Prètriz Aawon an

Kowòm Prètriz Aawon yo ede jènjan yo fè ak kenbe alyans sakre yo epi apwofondi konvèsyon yo nan Jezikri ak nan levanjil Li a. Objektif yon kowòm se ede detantè prètriz yo travay ansanm pou patisipe nan travay sali ak egzaltasyon Bondye a. (Gade nan Manyèl Enstriksyon Jeneral la: Sèvi nan Legliz Jezikri pou Sen Dènye Jou yo, 10.1, Bibliyotèk Levanjil la.)

Kowòm Enstriktè

Jèn gason yo rantre nan kowòm enstriktè yo apati mwa janvye ane yo gen 14 zan an. Lè sa a yo kalifye tou pou yo vin òdone kòm enstriktè si yo prepare epi diy. Enstriktè yo gen menm devwa avèk dyak yo. Anplis de sa, yo prepare Sentsèn nan epi yo sèvi kòm frè sèvis pastoral. Lòt devwa yo dekri nan Doktrin ak Alyans 20:53–59; 84:111. (Gade 10.1.3.2.)

Konseyè

Konseye kowòm enstriktè yo sipòte prezidan an nan responsablite li yo, sa ki gen ladan oryante efò kowòm nan patisipe nan travay sali a ak egzaltasyon Bondye; rive konnen ak sèvi chak manm kowòm nan, enkli tou moun ki pa ale nan reyinyon kowòm yo; ranfòse nouvo manm yo ak manm k ap retounen yo; anseye manm kowòm yo devwa prètriz yo; ak planifye ak fè reyinyon kowòm (gade 10.4.2). Prezidans kowòm nan ta dwe rankontre regilyèman (gade 10.4.3).

Sèvis ak Aktivite

Dirijan Episkopa yo ak enstriktè kowòm jèn yo, sipòte pa konseye yo, planifye sèvis ak aktivite yo. Sa yo ta dwe ede akonpli travay sali ak egzaltasyon an. Aktivite yo dwe balanse pami kat domèn devlòpman pèsonèl yo: espirityèl, sosyal, fizik, ak entèlektyèl. (Gade 10.2.1.3.)

Direksyon ak Règleman

N ap jwenn direksyon ak règleman adisyonèl, ki gen ladan sipòte jènjan ki gen andikap yo, resevwa anblèm Timoun ak Jèn yo, ak ranmase ofrann jèn, nan seksyon 10.8 nan Manyèl Jeneral la.