Apèl mwen an kòm yon Konseye Kowòm Dyak yo

Responsablite

Senyè a rekonesan pou dispozisyon w pou w sèvi nan Legliz Li a. Anba la a, w ap jwenn yon rezime sou responsabilite konsènan apèl ou a.

Objektif Prètriz Aawon an

Kolèj Prètriz Aawon yo ede jènjan yo fè ak kenbe alyans sakre yo epi apwofondi konvèsyon yo nan Jezikri ak nan levanjil Li a. Objektif yon kowòm se ede detantè prètriz yo travay ansanm pou patisipe nan travay sali ak egzaltasyon Bondye a. Gade nan Manyèl Enstriksyon Jeneral: Sèvi nan Legliz Jezikri pou Sen Dènye Jou yo, 10.1, Bibliyotèk Levanjil la.

Kolèj dyak yo

Jènjan yo rantre nan kowòm dyak yo kòmanse nan mwa Janvye nan ane yo gen 12 zan an. Lè sa a yo kalifye tou pou yo vin òdone kòm dyak si yo prepare epi diy. Devwa yo enkli distribye Sentsèn epi ede evèk la nan “administre tout bagay tanporèl” (Doktrin ak Alyans 107:68. (Gade 10.1.3.1.)

Konseye

Konseye kowòm dyak yo sipòte prezidan an avèk responsablite li, ki gen ladan dirije efò kowòm nan nan travay sali ak egzaltasyon an; aprann konnen ak sèvi chak manm kowòm nan, enkli moun ki pa vini nan reyinyon kowòm yo; ranfòse nouvo yo ak manm ki retounen yo; anseye manm kowòm yo devwa prètriz yo; ak planifye epi dirije reyinyon kowòm yo (gade 10.4.2). Prezidans kowòm nan ta dwe rankontre regilyèman (gade 10.4.3).

Sèvis ak Aktivite

Episkopa a ak dirijan jèn yo, sipòte pa konseye yo, planifye sèvis ak aktivite yo. Bagay sa yo ta dwe ede akonpli travay sali ak egzaltasyon an. Aktivite yo dwe balanse ant kat domèn devlòpman yo: spirityèl, sosyal, fizik, ak entèlektyèl. (Gade10.2.1.3.)

Direksyon ak Règleman

N ap jwenn direksyon ak règleman adisyonèl, enkli sipòte jènjan ki gen andikap yo, resevwa anblèm pou pwogram Timoun ak Jèn nan, ak ranmase ofrann jèn, nan seksyon 10.8 nan Manyèl Jeneral la.