Ha’amatara’a
« Tāna noa e ani mai nei, ’oia ho’i, ’ia hōro’a ’oe i tā ’oe tauto’ora’a maita’i roa a’e ’e i tō ’oe ’ā’au ato’a. ’A rave i te reira ma te ’oa’oa ’e ma te pure o te fa’aro’o ».—Peresideni Henry B. Eyring1
Tē ani nei mātou ia ’oe ’ia ha’amata i tō ’oe pi’ira’a ’āpī ma te pāturura’a ato’a ’e te fa’aurura’a tei hōro’ahia ia ’oe e te Fatu. E nehenehe te reira e ravehia nā roto i te fāri’ira’a i teie nā anira’a e piti ’ia rave.
A tahi, ’a pure. ’A pure nō te feiā tā ’oe e arata’i nei. ’A pure nō te feiā tā ’oe e tāvini nei. ’A pure pinepine nō te fāri’i i te mau rāve’a, te hāro’aro’ara’a ’e te mau ha’amaita’ira’a. A turu’i pūai atu i ni’a i te Fatu ’e e ha’amaita’i mai ’oia ia ’oe i roto i tō ’oe pi’ira’a.
A piti, ’ia pāturuhia ’e ’ia fa’ata’ahia ’oe nō tō ’oe pi’ira’a ’āpī. Nā teie ta’ahira’a faufa’a rahi e hōro’a ia ’oe i te ha’amanara’a o te autahu’ara’a, nō te ’ohipa i roto i tō ’oe pi’ira’a. Nā roto i teie ha’amanara’a, e nehenehe ’oe e fāri’i i te mau ha’amaita’ira’a ’e te fa’aurura’a e arata’ihia e te Vārua, nō te feiā tā ’oe e fa’atere nei ’e e tāvini nei.
’A haere atu i te tuha’a Te mau hōpoi’a nō te hō’ē hi’ora’a nō tō ’oe pi’ira’a.