Apèl mwen kòm Prezidan Kowòm Dyak yo

Responsablite

Senyè a rekonesan pou dispozisyon w pou w sèvi nan Legliz Li a. Anba la a, w ap jwenn yon rezime sou responsabilite konsènan apèl ou a.

Objektif Prètriz Aawon an

Kowòm Prètriz Aawon yo ede jènjan yo fè ak kenbe alyans sakre yo epi apwofondi konvèsyon yo nan Jezikri ak nan levanjil Li a. Objektif yon kowòm se ede detantè prètriz yo travay ansanm pou patisipe nan travay sali ak egzaltasyon Bondye a. (Gade nan Manyèl Jeneral la: Sèvi nan Legliz Jezikri pou Sen Dènye Jou yo, 10.1, Bibliyotèk Levanjil la.)

Kowòm Dyak yo

Jènjan yo rantre nan kowòm dyak yo nan kòmansman mwa janvye ane yo gen 12 zan an. Lè sa a yo kalifye tou pou yo vin òdone kòm dyak si yo prepare epi diy. Lòt devwa yo enkli distribye Sentsèn epi ede evèk la nan “administre tout bagay tanporèl” (Doktrin ak Alyans 107:68). (Gade 10.1.3.1.)

Prezidan

Responsablite prezidan kowòm dyak yo genyen ladan oryante efò kowòm nan nan patisipe nan travay sali ak egzaltasyon Bondye a; rive konnen ak sèvi chak manm kowòm nan, enkli tou moun ki pa prezan nan reyinyon kowòm yo; ranfòse nouvo manm yo ak manm k ap retounen yo; anseye manm kowòm yo devwa prètriz yo; ak planifye ak fè reyinyon kowòm (gade 10.4.2). Konseye li yo soutni li nan responsablite li yo. Prezidans kowòm nan ta dwe rankontre regilyèman (gade 10.4.3).

Konsèy Jèn yo

Prezidan kowòm dyak la se yon manm konsèy jèn yo nan pawas la. Objektif konsèy sa a se ede jèn yo mennen lòt moun bay Jezikri epi ede yo akonpli travay sali ak egzaltasyon an. Evèk la prezide konsèy jèn yo nan pawas la. (Gade nan 10.4.4.)

Sèvis ak Aktivite

Dirijan episkopa yo ak kowòm jèn yo, avèk sipò konseye yo, planifye sèvis ak aktivite yo. Bagay sa yo ta dwe ede akonpli travay sali ak egzaltasyon an. Yo ta dwe balanse ant kat domèn devlòpman pèsonèl yo: espirityèl, sosyal, fizik, ak entèlektyèl. (Gade 10.2.1.3.)

Direksyon ak Règleman

Genyen direksyon ak règleman adisyonèl, ki gen ladan sipòte jènjan ki gen andikap yo, resevwa anblèm pwogram Timoun ak Jèn nan, ak ranmase ofrann jèn, nan seksyon 10.8 nan Manyèl Jeneral la.