Koling blong Mi olsem wan Praemeri Tija

Ol Responsabiliti

Lod i tangkyu from tingting blong yu blong wantem givim seves insaed long Jos blong Hem. Andanit ia i wan sot lukluk blong ol responsabiliti blong koling blong yu.

Stamba Tingting blong Praemeri

Praemeri i helpem ol pikinini blong filim lav blong Papa blong olgeta long Heven; lanem abaot plan blong hapines blong Hem; laef folem gospel blong Jisas Kraes; mo filim, luksave mo mekem folem insperesen blong Tabu Spirit. Praemeri tu i wan taem blong rere blong mekem mo kipim ol kavenan taem ol pikinini oli tekpat long wok blong God blong fasin blong sevem man mo hemia blong kam olsem wan god. (Luk long Jeneral Hanbuk : Stap Givim Seves Insaed long Jos Ia blong Jisas Kraes blong Lata-dei Sent, 12.1.)

Praemeri Tija

Blong stap tijim ol pikinini blong God hem i wan tabu spesel janis. Oli singaotem ol Praemeri tija blong tijim mo givhan long ol spesifik yia grup blong ol pikinini (luk long 12.3.5). Oli stadi long gospel mo oli serem wanem we oli lanem wetem ol pikinini. Ol tija oli leftemap tingting blong ol pikinini mo famli blong olgeta blong oli lanem gospel insaed long hom. Oli invaetem ol pikinini blong serem wanem we oli stap lanem insaed long hom, long Jos (luk long 12.2.1.2).

Sandei Klas

Ol Praemeri tija oli tij folem Kam Folem Mi. Oli folem olgeta prinsipol insaed long Stap Tij Folem Wei blong Sevya mo japta 17 blong Jeneral Hanbuk. Taem i gat ol adalt we oli stap tijim ol pikinini long Jos, i mas gat tu responsibol adalt, we oli mas stap (luk long 12.3.5).

Sam Moa Gaedlaen mo Polisi

Evri adalt we oli wok wetem ol pikinini mo yut oli mas finisim Proteksen trening blong Ol Pikinini mo Ol Yut, hemia bifo wan manis i pas afta we oli sastenem olgeta (ProtectingChildren.ChurchofJesusChrist.org Ol gaedlaen mo polisi abaot ol pikinini wetem ol spesel nid, ol impoten sefti, ol Pikinini mo ol Yut program, mo ol narafala samting yu save faenem long seksen 12.5 blong Jeneral Hanbuk.