hōho’a pēni nō Iesu e amo ra i te ’ārenio

Mānava

Manava i tō ’oe pi’ira’a ’āpī. ’Ua māuruuru mātou nō te here ’e nō te fafaura’a i te Metua i te ao ra ’o tā ’oe i fa’a’ite mai nā roto i te hina’arora’a ’oe e tāvini i tāna mau tamari’i. Nā roto ia ’oe, e nehenehe ’oia e ha’aputapū i te mau ’ā’au, e ha’apūai i te fa’afāriura’a, ’e e arata’i i tāna mau tamaiti ’e mau tamāhine i ni’a i te ’ē’a nō te fafaura’a.

Te mau mātēria tauturu e ti’a ’ia ’ite

E tauturu te Buka arata’i rahi a te ’Ēkālesia ’e te mātēria tauturu Tō’u pi’ira’a ia ’oe ’ia rātere atu nā roto i tō ’oe pi’ira’a. ’A tai’o i te mau fa’ata’ara’a i raro nei nō te māramarama maita’i a’e, e nāhea ’ia fa’a’ohipa i teie nā mātēria tauturu e piti.

Tē hōro’a mai nei te Buka arata’i rahi : Buka arata’i rahi : Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei i te mau arata’ira’a pāpū nō tā ’oe mau hōpoi’a rau. ’A fa’a’ohipa i teie buka arata’i i te roara’a o tā ’oe tāvinira’a ’e ’a feruri nā roto i te pure i te arata’ira’a tā te reira e hōro’a mai.

Tō’u pi’ira’a : e hōro’a mai Tō’u pi’ira’a i te hō’ē hi’ora’a nō tā ’oe mau hōpoi’a ’āpī. I roto i teie mau ha’apotora’a, tē vai ra e rave rahi mau hono nō te haere i roto i te Buka arata’i rahi, nō te tahi atu ā mau ha’amāramaramara’a pāpū.