tā valivali ʻo Sīsū ʻokú ne fua e lamí

Talitali Lelei Koe

ʻOku talitali fiefia koe ki ho uiuiʻi foʻoú. ʻOku mau houngaʻia ʻi he ʻofa mo e tukupā kuo mou fakahaaʻi ki he Tamai Hēvaní ʻi hoʻomou loto-fiemālie ke tokoniʻi ʻEne fānaú. Te Ne lava ʻo ueʻi ʻa e lotó, fakamālohia e uluí, mo tataki Hono ngaahi fohá mo e ngaahi ʻofefiné ʻi he hala ʻo e fuakavá ʻo fakafou ʻiate koe.

Ngaahi Maʻuʻanga Fakamatala ke ʻIló

ʻE tokoni atu ʻa e Tohi Tuʻutuʻuni Fakakātoa ʻa e Siasí mo e Ngaahi Maʻuʻanga Tokoni Ko Hoku Uiuiʻí ki hono fakahoko hoʻo uiuiʻí. Lau ʻa e fakamatala ʻi laló ke mahino lelei ange ʻa e founga hono fakaʻaongaʻi ʻo e ongo maʻuʻanga tokoni ko ʻení.

Tohi Tuʻutuʻuni Fakakātoá: ʻOku ʻoatu ʻe he Tohi Tuʻutuʻuni Fakakātoa: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ha ngaahi fakahinohino fakaikiiki ki ho ngaahi fatongia kehekehé. Kātaki ʻo fakaʻaongaʻi ʻa e tohi tuʻutuʻuni ko ʻení ʻi he kotoa hoʻo ngāué pea fakakaukauʻi ʻi he faʻa lotu ʻa e fakahinohino ʻokú ne ʻoatú.

Ko Hoku Uiuiʻí: ʻOku ʻomi ʻe he Ko Hoku Uiuiʻí ha vakai fakalūkufua ki hoʻo ngaahi fatongia foʻoú. ʻOku ʻoatu fakataha mo e ngaahi fakamatala fakanounoú ni ha ngaahi fehokotakiʻanga ki he Tohi Tuʻutuʻuni Fakakātoa ke maʻu ha fakamatala fakaikiiki ange.