១
អនុវត្តសេចក្ដីជំនឿលើព្រះយេស៊ូវគ្រីស្ទ
-
ពិចារណា ៖តើសេចក្ដីជំនឿខ្ញុំលើព្រះយេស៊ូវគ្រីស្ទ នឹងជះឥទ្ធិពលលើភាពខ្លួនទីពឹងខ្លួនរបស់ខ្ញុំយ៉ាងដូចម្តេច ?
-
2:3« អនុវត្តសេចក្ដីជំនឿលើព្រះយេស៊ូវគ្រីស្ទ » ( មាននៅ srs.lds.org។ បើអ្នកពុំមានវីដេអូ សូមអានប្ររូលនៅទំព័របន្ទាប់ ) ។
-
ពិភាក្សា ៖តើអ្នកអាចធ្វើអ្វីខ្លះ ដើម្បីអនុវត្តសេចក្ដីជំនឿលើព្រះយេស៊ូវគ្រីស្ទ ដែលនឹងជួយអ្នកឲ្យកាន់តែមានភាពខ្លួនទីពឹងខ្លួន ?
-
អាន ៖សូមអាន គោលលទ្ធិ និងសេចក្តីសញ្ញា ១០៤:១៥ ( នៅខាងស្តាំដៃ ) ។
-
អនុវត្ត ៖សូមជ្រើសរើសប្រយោគខាងក្រោមមួយ ហើយអានវាឭៗ ។ សូមគិតអំពីរបៀបដែលបទគម្ពីរនេះអនុវត្តចំពោះអ្នក កាលដែលអ្នកស្វែងរកភាពខ្លួនទីពឹងខ្លួន ។ សូមចែកចាយគំនិតរបស់អ្នកជាមួយក្រុម ។
បទគម្ពីរនានាអំពីសេចក្តីជំនឿជាសកម្មភាព
ដោយសារតែ ដានីយ៉ែល មិនព្រមឈប់អធិស្ឋាន លោកត្រូវបានបោះចូលទៅក្នុងរូងសត្វសិង្ហ ប៉ុន្តែ « ព្រះ … ចាត់ទេវតារបស់ទ្រង់ឲ្យ… បិទមាត់សិង្ហទាំងអស់… ហើយឥតឃើញមានរបួសណានៅខ្លួនលោកឡើយ ពីព្រោះលោកបានទុកចិត្តនឹងព្រះនៃលោក ។ ដានីយ៉ែល ៦:២២–២៣ ( សូមមើលផងដែរ ខ ១៦–២១ )
« នោះការណ៍ទាំងអស់នឹងសម្រេចបានដល់អ្នកណាដែលជឿ ។ … ក្មេងនោះត្រឡប់ដូចជាស្លាប់ ។ … ប៉ុន្តែព្រះយេស៊ូវទ្រង់ចាប់ដៃលើកវាឡើងហើយវាក៏ក្រោកឈរ » ។ ម៉ាកុស ៩:២៣, ២៦–២៧ ( សូមមើលផងដែរ ខ ១៧–២២, ២៤–២៥ )
« ចូរអំពាវនាវសម្រាប់ហ្វូងចៀម នៅឯវាលស្រែរបស់អ្នកដើម្បីឲ្យវាអាចកើនឡើង » ។ អាលម៉ា ៣៤:២៥
ព្រះអម្ចាស់បានប្រទានដល់លីហៃនូវលីអាហូណាដើម្បីដឹកនាំក្រុមគ្រួសារគាត់ ហើយ « វាធ្វើការឲ្យគេស្របតាមសេចក្តីជំនឿរបស់ពួកគេនៅក្នុងព្រះ ។ … [ នៅពេល ] ពួកគេខ្ជិលច្រអូស ហើយភ្លេចអនុវត្តសេចក្តីជំនឿ និងសេចក្តីព្យាយាម… ពួកគេពុំអាចធ្វើដំណើរទៅមុខទៀតបានទេ » ។ អាលម៉ា ៣៧:៤០–៤១
« ចូរនាំយកដង្វាយមួយភាគក្នុងដប់ទាំងអស់ មកដាក់ក្នុងឃ្លាំងហើយល្បងលអញឥឡូវនេះ បើអញមិនបើកទ្វារស្ថានសួគ៌ ដើម្បីចាក់ព្រះពរមកលើឯង ដែលនឹងគ្មានកន្លែងល្មមទុកបានទេ » ។ ម៉ាឡាគី ៣:១០
អំឡុងពេលកើតមានអំណត់អត់ឃ្លាន អេលីយ៉ា បានសុំឲ្យស្ត្រីមេម៉ាយម្នាក់ជូនអាហារចុងក្រោយនាងដល់គាត់ ។ អេលីយ៉ា បានសន្យាថា ដោយសារតែសេចក្តីជំនឿរបស់នាង ព្រះអម្ចាស់នឹងប្រទានអាហារដល់នាង ហើយនាងនឹងមិនដែលអស់អាហារឡើយ ។ សូមមើល ពង្សាវតារក្សត្រទី ១ ១៧ ។
« ទ្រង់ក៏… ចិញ្ចឹមឯងដោយនំម៉ាន៉ា [ អស់ ៤០ ឆ្នាំ ]… ដើម្បីឲ្យឯងបានដឹងថា មនុស្សមិនមែនរស់ ដោយសារតែនំបុ័ងប៉ុណ្ណោះទេ គឺរស់ដោយសារគ្រប់ទាំងព្រះបន្ទូល ដែលចេញពីព្រះឱស្ឋនៃព្រះយេហូវ៉ាមកដែរ » ។ ចោទិយកថា ៨:៣
-
អនុវត្ត ៖សូមសរសេរវិធីច្បាស់លាស់ពីរយ៉ាងដែលអ្នកអាចអនុវត្តសេចក្តីជំនឿលើព្រះយេស៊ូវគ្រីស្ទ ៖
-
តាំងចិត្ត ៖នៅក្នុងសប្តាហ៍នេះ សូមសញ្ជឹងគិតពីសេចក្តីថ្លែងការណ៍ដែលនៅសេសសល់ និងបទគម្ពីរខាងលើ ហើយសូមតាំងចិត្តដើម្បីធ្វើសកម្មភាពដូចខាងក្រោម ។ សូមគូសសញ្ញាកែងក្នុងប្រអប់ នៅពេលអ្នកបំពេញចប់ការងារនីមួយៗ ៖
-
អនុវត្តលំហាត់សេចក្ដីជំនឿលើព្រះយេស៊ូវគ្រីស្ទជារៀងរាល់ថ្ងៃ ។
-
បង្រៀនគោលការណ៍នេះដល់ក្រុមគ្រួសារអ្នក ។
-
អនុវត្តសេចក្ដីជំនឿលើព្រះយេស៊ូវគ្រីស្ទ
បើអ្នកពុំអាចមើលវីដេអូ សូមអានប្ររូលនេះជំនួសវិញ ។
អែលឌើរ បែតណា ៖ ការធ្វើសកម្មភាព គឺជាការអនុវត្តសេចក្ដីជំនឿ ។ កូនចៅនៃអ៊ីស្រាអែល សែងហឹបនៃសេចក្ដីសញ្ញា ។ ពួកគេបានទៅដល់ទន្លេយ័រដាន់ ។ ការសន្យាគឺថា ពួគគេនឹងដើរឆ្លងកាត់ដើរដីគោក ។ តើនៅពេលណាដែលទឹកញែកចេញ ? នៅពេលដែលជើងរបស់ពួកគេទទឹក ។ ពួកគេដើរនៅក្នុងទឹកទន្លេ--សកម្មភាព ។ អំណាចបានកើតមានមកតាមក្រោយ--ទឹកបានញែកចេញ ។
ជាញឹកញាប់ យើងជឿថា « មែនហើយ ខ្ញុំនឹងមានការយល់ដឹងដ៏ឥតខ្ចោះអំពីការណ៍នេះ រួចហើយខ្ញុំនឹងប្រែរូបរឿងនោះឲ្យទៅជាអ្វីដែលខ្ញុំធ្វើ » ។ ខ្ញុំនឹងផ្ដល់យោបល់ថា យើងមានល្មមគ្រប់គ្រាន់ដើម្បីចាប់ផ្ដើម ។ យើងបានដឹងអំពីទិសដៅត្រឹមត្រូវហើយ ។ សេចក្ដីជំនឿគឺជាគោលការណ៍មួយ-- គោលការណ៍--នៃសកម្មភាព និងអំណាច ។ សេចក្ដីជំនឿពិត ផ្ដោតចំពោះ និងទៅលើព្រះអម្ចាស់ព្រះយេស៊ូវគ្រីស្ទ ហើយតែងតែដឹកនាំទៅរកសកម្មភាព ។
(ដេវីឌ អេ បែតណា «What Must I Do?» [Leadership Pattern video ឆ្នាំ ២០១៤] ដេវីឌ អេ បែតណា «Seek Learning by Faith» [សុន្ទរកថាទៅកាន់គ្រូបង្រៀនប្រព័ន្ធអប់រំសាសនាចក្រខាងសាសនា ថ្ងៃទី ៣ ខែកុម្ភៈ ឆ្នាំ ២០០៦] lds.org/media-library)