Зохицуулагчийн үүрэг

Цугларалт хийх өдөр:

• Өнөөдөр бүлгийнхэн Амлалт өг хэсэг дээр 20 минут илүү зарцуулна. “Миний суурь: зарчим, ур чадвар, дадал хэвшил” товхимлын төгсгөлийн хэсгийн үйл ажиллагааг уншаад, асуултуудад хариулахад бэлэн бай.

• Бүлгийн гишүүд рүү мессеж илгээ, эсвэл утсаар ярь. Тэднийг цугларалт эхлэхээс 10 минутын өмнө ирж, амлалтаа хэрхэн биелүүлсэн талаар тайлагнахад урь.

• Цугларалтын үеэр ашиглах материалуудыг бэлд.

• “Миний бие даах чадвартай болох арга зам” товхимлын таван хувийг илүү авч ир.

Цугларалт эхлэхээс 30 минутын өмнө:

• Бүх хүнийг нэг нэгэнтэй нь ойрхон суулгахын тулд ширээ тойруулан сандлуудаа тавь.

• Энэ амлалтын хүснэгтийг самбар дээр зур.

  Бүлгийн гишүүний нэр	Ажилтай холбоотой шинэ амлалтаа биелүүлсэн (Тийм/Үгүй)	“Миний суурь: зарчим, ур чадвар, дадал хэвшил” товхимлын зарчмаар дадлага хийж, уг зарчмыг гэр бүлийнхэндээ заасан (Тийм/Үгүй)	Хадгаламжиндаа мөнгө нэмж хийсэн (Тийм/Үгүй)	Хамтрагчдаа тайлагнасан (Тийм/Үгүй)
  Глория	Т	Т	Т	Т

Цугларалт эхлэхээс 10 минутын өмнө:

• Хүмүүсийг орж ирэхэд дотно хүлээж авч угт.

• Бүлгийн гишүүдийг орж ирэхэд, тэднээс самбар дээрх амлалтын хүснэгтийг бөглөхийг хүс.

• Цаг бүртгэгч томил.

Цугларалт эхлэх үед:

• Хүмүүсээс гар утас болон бусад хэрэгслээ унтраахыг хүс.

• Нээлтийн залбирлаар эхэл (хүсвэл дуулал дуулж болно).

• Хүмүүсийг ярилцаж байх хооронд, хоцорч ирсэн хүмүүсээс гар утсаа унтрааж, амлалтын хүснэгтээ бөглөхийг нам дуугаар хүс.

• “Миний суурь: зарчим, ур чадвар, дадал хэвшил” товхимол дээр ажиллахад 20 минут зарцуулахаар тооцож, цаг хэмжигчийг тааруул.

• “Миний суурь: зарчим, ур чадвар, дадал хэвшил” товхимлын 12-р зарчмыг үзэж дуусга. Дараа нь энэ дасгалын номны дараагийн хуудаснаас үргэлжлүүлэн унш.