Kasinatian sa Pagkat-on 11

Pagdesisyon kon Unsaon sa Pagtudlo: Pagtabang sa mga Estudyante nga Matuman ang Ilang Tahas

Kinatibuk-ang Pagpasabut [Overview]

Kini nga kasinatian sa pagkat-on naglangkob sa mosunod nga mga konsepto:

Pagtino kon unsaon sa pagtudlo
Pagsabut sa tahas sa mga estudyante diha sa pagkat-on
Pagtabang sa mga estudyante nga matuman ang ilang tahas

Imahe

balanced scale

Mahinungdanong mga Konsepto

Samtang mag-andam ka og mga leksyon, importante ang pagbalanse sa pagtino kon unsay itudlo ug unsaon sa pagtudlo.

Diha sa kasinatian sa pagkat-on 10, imong nakat-unan kon unsaon paggamit sa kurikulum kon magdesisyon kon unsay itudlo diha sa scripture block. Andam na ka karon sa pagtino kon unsaon sa pagtudlo ang imong mga estudyante.

Ang Tahas sa Estudyante diha sa Proseso sa Pagkat-on

Aron makasinati ang mga estudyante og espirituhanong paglambo, kinahanglan nimong masabtan ang ilang tahas diha sa proseso sa pagkat-on ug mag-andam og mga kalihokan sa pagkat-on nga makatabang nila nga aktibong makatuman sa ilang tahas.

Sa tibuok niining kasinatian sa pagkat-on, irekord ang bisan unsa nga inspirasyon o mga ideya nga imong madawat sa pagtabang sa imong mga estudyante nga matuman ang ilang tahas diha sa proseso sa pagkat-on.

Kalihokan diha sa Gospel Teaching and Learning nga Handbook

Imahe

handbook cover

Tun-i ang seksyon 1.3.3 (mga pahina 6–7) ug ang unang tulo ka mga paragraph sa seksyon 4.3.4 (pahina 55) sa Gospel Teaching and Learning: A Handbook for Teachers and Leaders in Seminaries and Institutes of Religion (2012). Samtang magbasa, pangitaa ang mga tubag sa mosunod nga mga pangutana:

Unsa man ang tahas sa estudyante diha sa proseso sa pagkat-on?
Unsa ang imong gibati nga labing importante nga mga butang nga imong mahimo aron matabangan ang imong mga estudyante nga matuman ang ilang tahas?

Irekord ang imong mga tubag niining mga pangutana diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Propetikanhong Tambag bahin sa Tahas sa Estudyante

Daghang mga General Authoritiy ang mihatag og gibug-aton sa kaimportante sa pagtabang sa mga estudyante nga matuman ang ilang tahas diha sa proseso sa pagkat-on.

Tan-awa ang video nga “Prophetic Teaching about the Student’s Role in Learning” (4:14), nga available sa churchofjesuschrist.org. Dinhi niini nga video, pipila ka mga lider sa Simbahan ang nagpamatuod sa kaimportante sa tahas sa estudyante diha sa proseso sa pagkat-on.

Personal nga Pagpamalandong

Paghunahuna og higayon sa dihang ang magtutudlo sa klase nga imong natambungan miandam og mga kalihokan nga mipaapil nimo diha sa proseso sa pagkat-on. Karon hunahunaa ang higayon sa dihang ang magtutudlo sa klase nga imong gitambungan wala mopaapil sa mga sakop sa klase sa aktibong paagi. Itandi ug tan-awa ang kalainan sa duha ka mga kasinatian.

Unsay kalainan ang nahimo niini sa dihang ikaw ug ang uban gidapit nga moapil diha sa proseso sa pagkat-on?
Unsa man ang gibuhat sa magtutudlo aron matabangan ka nga matuman ang imong tahas isip usa ka tigkat-on?

Irekord ang imong mga tubag niining mga pangutana diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Imahe

students in church classroom

Pagtabang sa mga Estudyante nga Matuman ang Ilang Tahas

Ang mga estudyante makatuman sa ilang tahas diha sa pagkat-on sa ebanghelyo samtang imo silang dapiton nga mopasabut, mopakigbahin, ug mopamatuod bahin sa doktrina ug mga baruganan sa ebanghelyo. Ang pagpasabut, pagpakigbahin, ug pagpamatuod bahin sa doktrina ug mga baruganan sa ebanghelyo moklaro sa panabut sa mga estudyante, mopalambo sa ilang abilidad sa pagtudlo sa ebanghelyo ngadto sa uban, ug mopalig-on sa ilang pagpamatuod bahin sa mga butang nga ilang gipahayag. (Tan-awa sa Gospel Teaching and Learning, seksyon 2.6 [mga pahina 31–33].)

Ang mga etudyante mahimong mopasabut og usa ka tudling sa kasulatan o baruganan diha sa kaugalingon nilang mga pulong. Mahimo nimong dapiton ang mga estudyante nga mopasabut nga magpares, diha sa ginagmay nga mga grupo, uban sa tibuok klase, pinaagi sa pag-role-play, o sa pagsulat.
Ang mga estudyante mahimong mopakigbahin og mga hunahuna, mga kasinatian, o mga pagbati nga may kalabutan sa usa ka kasulatan o baruganan. Mahimo nimong dapiton ang mga estudyante nga mopakigbahin og mga pagbati o angay nga personal nilang mga kasinatian sa usa ka doktrina o baruganan. Mahimo usab silang mopakigbahin og mga kasinatian nga ilang nasaksihan sa kinabuhi sa uban. Mahimo kining buhaton pinaagi sa pagsulti o pagsulat.
Ang mga estudyante mahimong mopamatuod bahin sa doktrina ug mga baruganan nga ilang nahibaloan nga tinuod. Mahimo nimo silang dapiton nga mopamatuod bahin sa unsay ilang gibati ug nasayran nga tinuod ug ang kalainan nga nahatag niini sa ilang kinabuhi. Dili kinahanglan nga sugdan sa mga estudyante og “Gusto kong mopamatuod” o “Nasayud ko.” Ang paghimo og bisan unsang pamahayag bahin sa kombiksyon o personal nga pagsaksi sa kamatuoran naglangkob og pagpamatuod.

Ang Pag-apil Makapalambo sa Pagkat-on

Tan-awa ang video nga “Explain, Share and Testify: Students’ Testimonies” (2:28), nga available sa churchofjesuschrist.org. Dinhi niini nga video, ang mga estudyante naghisgot bahin sa pagtuman sa ilang tahas samtang sila mopasabut, mopakigbahin, ug mopamatuod diha sa seminary.

Usa ka Nakasentro sa Estudyante nga Classroom

Tan-awa ang video nga “A Student-Centered Classroom: An Example” (6:51), nga available sa churchofjesuschrist.org. Dinhi niini nga video, gitabangan ni Sister Weller ang mga estudyante nga matuman ang ilang tahas sa pagkat-on gikan sa mga kasulatan. Tan-awa kon giunsa niya pagkab-ot niini nga katuyoan.

Tan-awa ang video nga “A Student-Centered Classroom: A Teacher’s Reflections” (3:01), nga available sa churchofjesuschrist.org. Dinhi niini nga video, gihisgutan ni Sister Weller ang kaimportante sa pagtabang sa mga estudyante nga moapil diha sa proseso sa pagkat-on.

Kalihokan diha sa Manwal sa Magtutudlo

Ang matag leksyon diha sa imong manwal sa magtutudlo dunay mga pangutana, mga kalihokan, ug mga pamaagi nga makatabang sa imong mga estudyante nga aktibong makaapil samtang nagkat-on gikan sa mga kasulatan. Ablihi ang imong manwal sa magtutudlo sa bisan unsa nga leksyon o gamita ang handout nga giulohan og “Sample Lesson—3 Nephi 11:1–17,” nga gihatag diha sa apendiks niini nga manwal. Pangitaa ang mga pangutana, mga kalihokan, ug mga pamaagi nga mahimo nimong magamit aron dapiton ang mga estudyante nga matuman ang ilang tahas diha sa proseso sa pagkat-on.

Irekord ang pipila ka mga pangutana, mga kalihokan, ug mga pamaagi nga imong nakita diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Pagtudlo sa mga Estudyante sa Ilang Tahas

Mas moapil pa ang mga estudyante samtang masabtan nila ang ilang tahas diha sa pagkat-on sa ebanghelyo. Usa sa unang mga leksyon sa kasagaran sa mga manwal sa seminary teacher naghatag og impormasyon bahin sa padtudlo sa mga estudyante sa ilang tahas. Ribyuha sa daklit ang leksyon 1, “The Role of the Learner,” diha sa Book of Mormon Seminary Teacher Manual ug ikonsiderar kon unsaon nimo paggamit sa mga baruganan gikan sa leksyon samtang magtudlo ka sa imong mga estudyante kalabut sa ilang tahas diha sa proseso sa pagkat-on.

Tan-awa ang video nga “Teaching Students Their Role” (6:27), nga available sa churchofjesuschrist.org. Dinhi niini nga video, nagtudlo si Brother Howell sa iyang mga estudyante kalabut sa ilang tahas atol sa pagsugod sa school year.

Irekord ang pipila ka mga ideya nga gusto nimong gamiton samtang nagtudlo ka sa imong mga estudyante kalabut sa ilang tahas atol sa pagsugod ug sa tibuok school year. Irekord ang imong mga ideya diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Summary ug Paggamit

Mga Baruganan nga Angayang Hinumduman

Makatabang ka sa imong mga estudyante nga makasabut, makadawat, ug makatuman sa ilang tahas diha sa pagkat-on sa ebanghelyo.
Importante nga imong matudloan ang imong mga estudyante kalabut sa ilang tahas diha sa proseso sa pagkat-on atol sa pagsugod ug sa tibuok school year.
Makatabang ka sa mga estudtyante nga matuman ang ilang tahas diha sa proseso sa pagkat-on pinaagi sa pagdapit kanila nga mopasabut, mopakigbahin, ug mopamatuod bahin sa doktrina ug mga baruganan.
Ang manwal sa magtutudlo makatabang nga maandam nimo ang mga kalihokan nga makapaapil sa imong mga estudyante diha sa proseso sa pagkat-on.

Imahe
Elder Richard G. Scott

“Ang desisyon sa [mga estudyante’] nga moapil usa ka paggamit sa kabubut-on nga nagtugot sa Espiritu Santo sa paghatag sa personal nga mensahe nga angay sa ilang indibidwal nga mga panginahanglan. Ang paghimo og usa ka kahimtang nga dunay pag-apil mopasaka sa kalagmitan nga ang Espiritu motudlo og mas daghan pang importante nga mga leksyon kay sa inyong masulti.

“Kana nga pag-apil moresulta sa paggiya sa Espiritu diha sa ilang kinabuhi ” (Richard G. Scott, “To Learn and to Teach More Effectively” [debosyonal sa Education Week, Ago. 21, 2007], 4–5, speeches.byu.edu).

“Busa, Unsa Man?”

Sa pagtapos niining kasinatian sa pagkat-on, isulat ang pipila ka mga butang nga imong buhaton basi sa mga baruganan nga imong nakat-unan karon.