Kasinatian sa Pagkat-on 2

Ang Tumong sa Seminaries and Institutes of Religion

Kinatibuk-ang Pagpasabut

Kini nga kasinatian sa pagkat-on naglangkob sa mosunod nga mga konsepto:

Pagsabut sa Tumong sa Seminaries and Institutes of Religion
Pagsabut sa imong katuyoan isip usa ka magtutudlo
Pagtabang sa mga estudyante nga tinuod nga makabig

Mahinungdanong mga Konsepto

Pagsabut sa Imong Katuyoan

Sa pag-focus sa atong mga paningkamot samtang moabag kita sa buhat sa Ginoo, ang mga magtutudlo sa S&I gihatagan og klaro nga katuyoan. Kini nga katuyoan gitawag og Tumong sa Seminaries and Institutes of Religion. Importante nga makapalambo ka og lawom nga panabut niini nga katuyoan ug sa unsang paagiha kini makagiya sa imong inadlaw nga trabaho isip usa ka magtutudlo.

Unsa Man Ang Atong Katuyoan?

“Ang atong katuyoan mao ang pagtabang sa mga batan-on ug mga young adult nga makasabut ug makasalig sa mga pagtulun-an ug Pag-ula ni Jesukristo, mahimong takus alang sa mga panalangin sa templo, ug makaandam sa ilang kaugalingon, sa ilang mga pamilya, ug sa uban alang sa kinabuhing dayon uban sa ilang Amahan sa Langit” (Gospel Teaching and Learning: A Handbook for Teachers and Leaders in Seminaries and Institutes of Religion [2012], x).

Tan-awa ang video nga “Our Purpose” (1:32), nga anaa sa churchofjesuschrist.org. Dinhi niini nga video, ang pipila ka mga magtutudlo mi-recite sa katuyoan sa Seminaries and Institutes of Religion.

Irekord ang imong mga hunahuna ug mga impresyon diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Pagdala sa Ebanghelyo ngadto sa Kasingkasing sa mga Estudyante

Atol sa seminary centennial broadcast niadtong 2012, si Presidente Henry B. Eyring sa Unang Kapangulohan mipakigbahin og pipila ka mga impresyon mahitungod sa gigikanan ug mga katuyoan sa seminary.

Tan-awa ang video nga “A Foundation of Faith: 100 Years of Seminary” (7:36), usa ka kinutlo gikan sa pakigpulong ni Presidente Eyring, nga anaa sa churchofjesuschrist.org. Samtang magtan-aw ka, pangita og ebidensya kon sa unsang paagi nga ang seminary nakatabang sa ebanghelyo nga madala ngadto sa kasingkasing sa mga estudyante.

Irekord ang imong mga hunahuna ug mga impresyon diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Gospel Teaching and Learning Handbook Activity

Imahe

handbook cover

Basaha ang seksyon 1.1 (“Our Purpose”) diha sa mga pahina 1–2 sa Gospel Teaching and Learning handbook. Linyahi ang mga pulong nga nakatabang nimo aron masabtan ang imong katuyoan isip usa ka magtutudlo sa Seminaries and Institutes of Religion.

Human nimo makompleto ang pagbasa, irekord ang imong mga hunahuna ug mga impresyon diha sa study journal o sa laing dapit diin maka-refer ka niini ug makahimo sa pagpakigbahin niini sa imong inservice leader o sa grupo.

Summary ug Paggamit

Mga Baruganan nga Angayang Hinumduman

Ang usa ka klaro nga pagsabut sa Tumong sa Seminaries and Institutes of Religion mogiya kanato sa atong inadlaw nga trabaho isip mga magtutudlo.
Ang epektibo nga pagtudlo makatabang sa ebanghelyo nga motuhop gayud ngadto sa kasingkasing sa mga estudyante.
Ang atong tumong kinahanglan gayud nga mao ang pagtabang sa atong mga estudyante nga makasinati og tinuod nga pagkakabig ngadto sa ebanghelyo.

Imahe
President Dieter F. Uchtdorf

“Samtang magtudlo kita sa atong mga kabatan-onan nga mohigugma sa Manluluwas nga si Jesukristo, mahimo silang tinuod nga mga disipulo sa Agalon. Kini nga proseso moandam kanila nga mahimong … mga lider sa mahangturong mga pamilya. Ang templo mahimong usa ka natural ug importante nga bahin sa ilang kinabuhi. (Dieter F. Uchtdorf, “A Teacher of God’s Children” [usa ka gabii kauban si Presidente Dieter F. Uchtdorf, Ene. 28, 2011], 5, si.churchofjesuschrist.org).

“Busa, Unsa Man?”

Sa pagtapos niining kasinatian sa pagkat-on, isulat ang pipila ka mga butang nga imong buhaton basi sa mga baruganan nga imong nakat-unan karon.