Ներածական նյութեր

Ակնարկ

Այս տարի սեմինարիայում դուք կուսումնասիրեք Նոր Կտակարանը։ Այս շաբաթվա դասերը կօգնեն ձեզ նախապատրաստվել սովորելու Հիսուս Քրիստոսի մասին՝ Սուրբ Հոգու զորությամբ:

Պատրաստվեք ուսուցանել

Հետևյալ տեղեկություններն ուսուցիչներին հուշում են, թե ինչ պետք է նախապատրաստեն յուրաքանչյուր դասի համար:

Նոր Կտակարանի նախաբանը

Դասի նպատակը․ Օգնել ուսանողներին՝ գալ դեպի Հիսուս Քրիստոսը և հետևել Նրան, Նոր Կտակարանն ուսումնասիրելիս։

• Ուսանողի նախապատրաստում. Հրավիրեք ուսանողներին մտածել, թե ինչ օգուտ կունենան՝ այս տարի ուսումնասիրելով Նոր Կտակարանը: Լավ կլինի խնդրեք ուսանողներին հարցնել իրենց ընտանիքի անդամներին, թե նրանց կարծիքով՝ ինչո՞ւ դա օգտակար կլինի:

• Նյութեր ուսանողների համար․ Հավաստիացեք, որ յուրաքանչյուր ուսանող ունի սուրբ գրությունների ուսումնասիրության օրագիր և նրանց հասանելի է Նոր Կտակարանի թվային կամ տպագիր օրինակը (վերջին օրերի սրբերի հրատարակությամբ՝ ծանոթագրություններով, ցուցիչով և այլն, եթե առկա է ձեր լեզվով):

• Տեսակոնֆերանսով ուսուցման առաջարկ. Կարող եք դասը սկսելուց առաջ ժամանակ հատկացնել՝ ներկայանալու ուսանողներին և օգնելու նրանց ծանոթանալ միմյանց հետ։

Սուրբ գրությունների ուսումնասիրություն

Դասի նպատակը․ Օգնել ուսանողներին գալ դեպի Քրիստոսը և ավելի լավ ճանաչել Նրան՝ Աստծո խոսքն ուսումնասիրելով, զարգացնելով սուրբ գրությունների ուսումնասիրության հմտություններ և դնելով սուրբ գրությունների ուսումնասիրության նպատակներ:

• Ուսանողի նախապատրաստում. Եթե հնարավոր է, թող ուսանողները կատարեն սուրբ գրությունների ուսումնասիրության գնահատումը դասից մի քանի օր առաջ: Կարող եք դա անել էլեկտրոնային ձևաչափով կամ ուսանողներին տրամադրել գնահատման թերթիկ, որը պետք է լրացնեն անանուն և ներկայացնեն դասից առաջ:

Սովորել Հոգով

Դասի նպատակը․ Օգնեք ուսանողներին հասկանալ, թե ինչպես է Սուրբ Հոգին օգնում նրանց սովորել ճշմարտությունը և ստանալ անձնական հայտնություն:

• Ուսանողի նախապատրաստում. Ուսանողներին առաջարկեք կարդալ Հովհաննես 14.26-27-ը և մտածել փորձառությունների մասին, երբ նրանք ինչ-որ բան զգացել կամ սովորել են Սուրբ Հոգուց այնպիսի եղանակներով, ինչպես Փրկիչը նկարագրել է այս հատվածներում:

• Տեսակոնֆերանսով ուսուցման առաջարկ. Կարող եք օգտագործել գրատախտակի ֆունկցիան, որպեսզի ուսանողները կարողանան թվարկել, թե ինչպես է Սուրբ Հոգին նկարագրված այն սուրբ գրություններում, որոնք ընդգրկված են դասի մեջ:

Սովորել հավատքով առ Հիսուս Քրիստոս

Դասի նպատակը. Օգնեք ուսանողներին հասկանալ Հիսուս Քրիստոսի հանդեպ հավատքով գործելու կարևորությունը, սեմինարիայում սովորելիս:

• Ուսանողի նախապատրաստում. Խնդրեք ուսանողներին խորհել այս հարցի շուրջ. Ի՞նչ եք դուք անում, որն ամենաշատն է օգնում ձեզ ավետարանը սովորելու հարցում:

• Տեսանյութեր․ Պատրաստ եղել ցուցադրելու ուսանողներին հետևյալ տեսանյութերը․ Staying Spiritually Fit (3:30), Ask of God (2017 Mutual Theme) (3:21), կամ Seminary Can Change Lives (4:13)։ Այս տեսանյութերը հասանելի են ChurchofJesusChrist.org կայքում։

• Նյութեր ուսանողների համար․ Յուրաքանչյուր ուսանողի համար բերեք բավական մեծ թուղթ, որպեսզի երեք սյունակ տեղավորվի։

Վարդապետության սերտման նախաբան

Դասի նպատակը. Ուսանողներին պատմեք վարդապետության սերտման մասին, թե ինչպես այն կարող է օրհնել նրանց կյանքը և օգնել, որ կառուցեն իրենց հոգևոր հիմքը Հիսուս Քրիստոսի վրա:

• Ուսանողի նախապատրաստում. Հրավիրեք ուսանողներին ընտրել վարդապետության սերտման հատվածներից մեկը, որն իրենց համար հետաքրքիր է, կարող է օգնել անձնական կարիքի դեպքում կամ պատասխանել իրենց ունեցած հարցին: Հատվածների ցանկը գտնվում է Վարդապետության սերտման հավելվածում կամ Վարդապետության սերտման հիմնարար փաստաթղթի վերջում:

• Տեսակոնֆերանսով ուսուցման առաջարկ. Օգտագործեք քննարկման սենյակները, որպեսզի օգնեք ուսանողներին՝ քննարկել մեկ կամ մի քանի հարցեր դասի ընթացքում:

• Թերթիկ․ Յուրաքանչյուր ուսանողի համար պատրաստեք «Իմ հոգևոր հիմքը» թերթիկ:

• Ցուցադրելու նյութ. Պատրաստվեք ցուցադրելու մի դիագրամ, որը ցույց է տալիս վարդապետության սերտման դասերի մանրամասները: