Kapitulo 3
Juan Bautista Natawo
Ang anghel nga si Gabriel miingon kang Maria nga si Elisabet nagsabak usab og usa ka batang lalaki. Si Maria ug si Elisabet magparyenti.
Si Maria miduaw kang Elisabet. Ang Espiritu Santo miingon kang Elisabet nga si Maria mahimo nga inahan ni Jesukristo. Si Maria ug si Elisabet nagpasalamat sa Dios sa pagpanalangin kanila. Si Maria mipuyo uban kang Elisabet sulod sa tulo ka bulan. Dayon mipauli si Maria sa Nazaret.
Si Elisabet nanganak og usa ka batang lalaki. Ang iyang mga higala ug pamilya nalipay. Sila nagdahum nga ang bata nganlan og sama sa pangalan sa iyang amahan, Zacarias. Apan si Elisabet miingon nga ang iyang pangalan kinahanglan nga Juan. Ang tanan nahibulong.
Ang mga tawo nangutana kang Zacarias kon unsa ang ipangalan sa bata. Si Zacarias dili pa gihapon makasulti, mao nga siya misulat, “Ang iyang pangalan mao si Juan.”
Dayon si Zacarias nakasulti na og balik. Siya napuno sa Espiritu Santo. Iyang gisultihan ang mga katawhan nga si Jesukristo matawo na sa dili madugay ug nga si Juan moandam sa agianan alang Kaniya.
Si Juan nagdako nga nahimong usa ka bantugan nga propeta. Siya nagtudlo sa mga katawhan mahitungod kang Jesukristo.