33. kafli
Birtist í dýrð: Ummyndunin
Jesús tók Pétur, Jakob og Jóhannes með sér upp á hátt fjall til að biðjast fyrir.
Dýrð Guðs kom yfir Jesú er hann bað. Andlit hans ljómaði sem sólin. Tveir spámenn Gamla testamentisins, Móse og Elía, birtust honum. Þeir töluðu um komandi dauða hans og upprisu.
Matt 17:2‒3; Mark 9:3‒4; Lúk 9:29‒31 (sjá neðanmálsgrein 31a)
Postularnir sofnuðu meðan Jesús baðst fyrir.
Þegar þeir vöknuðu, sáu þeir dýrð Jesú Krists, Móse og Elía. Þeir heyrðu rödd himnesks föður vitna: „Þessi er minn elskaði sonur, sem ég hef velþóknun á. Hlýðið á hann.“
Postularnir urðu hræddir og féllu til jarðar. Jesús snart þá og sagði þeim að óttast ekki. Þegar þeir litu upp voru himnesku verurnar farnar. Jesús sagði postulunum að segja engum frá því sem þeir sáu fyrr en eftir dauða hans og upprisu.