Chapit 37
Dis lepre yo
Jezi te ale nan yon ti vil kote li te wè dis lepre. Lepre se moun ki malad. Maladi yo te lakoz yo gen gwo maleng terib sou tout kò yo.
Doktè yo pa t ka ede moun ki te gen lèp yo. Tout moun te pè al bò kote yo. Yo pa t vle pou yo te vin malad tou.
Lepre yo te mande Jezi pou geri yo. Yo te konnen li te ka geri maleng yo.
Jezi te vle yo geri. Li te di yo pou yo ale al fè prèt yo wè yo.
Sou wout yo pou al wè prèt yo, dis lepre yo te geri. Maleng yo te geri.
Youn nan lepre yo te konnen ke Jezi te geri yo. Li te retounen al jwenn ni. Jezi te mande ki kote lòt nèf lepre yo te ye. Yo pa t retounen. Jezi te di lepre a ki te vin remèsye la la se lafwa li ki te fè l geri.