Kapitulo 4
Jose ug ang Anghel
Si Jose usa ka maayo ug mabination nga tawo. Siya ug si Maria minyoonon na. Sa dihang iyang nasayran nga si Maria nagsabak, wala siya masayud kon unsay iyang buhaton. Tungod kay ang bata dili iyang anak, siya naghunahuna nga siya dili gayud mangasawa kaniya.
Usa ka gabii niana ang anghel miduaw ni Jose diha sa usa ka damgo ug miingon kaniya nga ang gisabak ni Maria mao ang Anak sa Dios. Ang anghel misugo kang Jose sa pagminyo kang Maria ug nganlan ang iyang anak og Jesus. Si Jesus mao ang mahimong Manluluwas sa kalibutan.
Si Jose misunod sa anghel ug giminyoan si Maria.