Kapitulli 49
Sakramenti i Parë
Çdo vit hebrenjtë bëjnë një festë që quhet pashkë. Ajo i ndihmonte hebrenjtë të kujtojnë që Perëndia kishte shpëtuar paraardhësit e tyre në kohën e Moisiut.
Jezusi dhe Dymbëdhjetë Apostujt kishin nevojë për një vend për të ngrënë gostinë e pashkës. Shpëtimtari dërgoi Pjetrin dhe Gjonin për të gjetur një dhomë dhe të kujdeseshin që gjithçka të ishte gati për festën.
Ata gjetën një dhomë dhe përgatitën festën.
Jezusi dhe të gjithë Apostujt shkuan atje. Ata hëngrën gostinë e pashkës së bashku.
Jezusi u dha Apostujve të Tij sakramentin për herë të parë. Ai mori bukë me duart e Tij, e bekoi atë dhe pastaj e ndau në pjesë. Ai u tha Apostujve ta hanin bukën.
Jezusi u tha atyre të mendonin për trupin e Tij kur të hanin bukën. Ai u kërkoi atyre të kujtonin që Ai do të vdiste për ta.
Jezusi hodhi verë në një gotë. Ai e bekoi verën dhe u tha Apostujve ta pinin atë.
Jezusi u tha atyre të mendonin për gjakun e Tij kur ta pinin verën. Ai u kërkoi atyre të kujtonin që Ai do të derdhte gjak dhe do të vuante për mëkatet e të gjithë njerëzve.
Jezusi u tha gjithashtu Apostujve se njerëzit e ligj së shpejti do ta vrisnin Atë. Njëmbëdhjetë nga Apostujt u dëshpëruan shumë. Ata e donin Shpëtimtarin dhe nuk donin që Ai të vdiste. Jezusi e dinte se një nga Apostujt do të ndihmonte njerëzit e ligj. Emri i tij ishte Judë Iskarioti.