5. kafli
Fæðing Jesú Krists
Rómverska keisaradæmið setti þau lög að allir yrði að greiða skatt. Jósef og María bjuggu í Nasaret. Til að greiða skatta sína urðu þau að ferðast um 105 km til Betlehem.
Það var ekki auðvelt fyrir Maríu að ferðast til Betlehem. Senn myndi barnið hennar fæðast.
Þegar Jósef og María komu til Betlehem, voru allir gististaðirnir fullskipaðir. María og Jósef þurftu að gista í gripahúsi. Í gripahúsum eru dýrin hýst.
Barnið fæddist þar. María vafði teppi um hann og lagði hann í jötu. Jósef og María nefndu hann Jesú.
Þá nótt er Jesús fæddist voru fjárhirðar út í högunum í grennd við Betlehem að gæta hjarða sinna. Engill birtist þeim. Fjárhirðarnir urðu óttaslegnir.
Engillinn sagði þeim að óttast ekki. Hann kæmi til að flytja þeim gleðitíðindi: Frelsarinn, Jesús Kristur, væri fæddur í Betlehem. Þeir myndu finna hann lagðan í jötu.
Fjárhirðirnir fóru til Betlehem. Þar sáu þeir drenginn Jesú.
Fjárhirðarnir voru glaðir yfir því að sjá frelsarann. Þeir sögðu öðrum frá öllu því sem þeir höfðu heyrt og séð.