Kapitulo 60

Gibuhi og Balik ni Pedro si Tabita

Usa ka buotan nga babaye nga ginganlan og Tabita mipuyo sa siyudad sa Joppe. Siya usa ka sumusunod ni Jesukristo. Siya mitabang sa daghang mga tawo ug mibuhat og daghang maayong mga butang.

Mga Buhat 9:36

Siya nasakit ug namatay.

Mga Buhat 9:37

Giadto sa iyang mga higala si Pedro. Pag-abut niya didto, iyang gihangyo ang mga higala ni Tabita sa pagbiya sa kwarto.

Mga Buhat 9:38–40

Si Pedro miluhod ug nag-ampo, dayon misulti kang Tabita sa pagtindog. Siya mibuka sa iyang mga mata ug mitindog.

Mga Buhat 9:40

Si Pedro mitabang kaniya sa pagtindog. Iyang gitawag ang iyang mga higala. Sila miduol ug nakakita nga siya nabuhi. Gigamit ni Pedro ang priesthood aron sa pagbuhi og balik ni Tabita. Daghang mga tawo sa Joppe ang mituo ni Jesukristo sa dihang ilang nasayran nga nabuhi og balik si Tabita.

Mga Buhat 9:41–42