“Ang Tumong sa Seminaries and Institutes of Religion,” Ang Tumong sa Seminaries and Institutes of Religion (2022)

“Ang Tumong sa Seminaries and Institutes of Religion,” Ang Tumong sa Seminaries and Institutes of Religion

Ang Tumong sa Seminaries and Institutes of Religion

Ang atong katuyoan mao ang pagtabang sa kabatan-onan ug mga young adult nga mapalawman ang ilang pagkakabig ngadto ni Jesukristo ug sa Iyang gipahiuli nga ebanghelyo, mahimong sarang alang sa mga panalangin sa templo, ug makaandam sa ilang mga kaugalingon, sa ilang mga pamilya, ug sa uban alang sa kinabuhing dayon uban sa ilang Amahan sa Langit.

Sa pagkab-ot sa atong katuyoan:

Magpuyo

Kita magpuyo sa ebanghelyo ni Jesukristo ug maningkamot alang sa pagpakig-uban sa Espiritu Santo. Ang atong pamatasan ug mga relasyon maoy panig-ingnan diha sa panimalay, sa klasehanan, ug sa komunidad. Kita padayong magtinguha sa pagpalambo sa atong buhat, kahibalo, kinaiya, ug karakter. Kita maminaw og maayo ngadto sa mga buhing propeta sa Dios ug mosunod sa ilang dinasig nga mga pagtulon-an ug direksiyon.

Motudlo

Kita mosentro sa matag kasinatian sa pagkat-on diha ni Jesukristo ug sa Iyang ehemplo, mga hiyas, ug makatubos nga gahom. Kita motabang sa mga estudyante nga makat-on sa gipahiuli nga ebanghelyo ni Jesukristo sama sa makita diha sa mga kasulatan ug sa mga pulong sa mga propeta. Kita motabang sa mga estudyante sa ilang tahas diha sa proseso sa pagkat-on alang sa ilang kaugalingon. Kita maningkamot sa pagdapit sa Espiritu Santo aron sa pagtuman sa Iyang tahas diha sa matag kasinatian sa pagkat-on.

Pagpangulo

Kita mosunod sa atong liderato diha sa ehemplo ni Jesukristo. Kita modapit ug moawhag sa tanang kabatan-onan ug mga young adult sa pag-apil diha sa seminary ug institute. Kita magtinguha sa paglig-on niadtong atong gipangulohan, modumala sa buhat sa epektibong paagi, ug mopalig-on sa panaghiusa sa uban. Ang atong mga paningkamot moabag ug mosuporta sa mga indibidwal, mga pamilya, ug mga lider sa pagkapari.