Exodo 2–3

Moises ang Propeta

Gitawag aron sa pagpalingkawas sa mga katawhan sa Ginoo

Nagdako si Moises isip usa ka anak nga lalaki sa anak nga babaye ni Paraon. Nakita ni Moises nga ang mga Ehiptohanon mga dautan ngadto sa mga Israelihanon. Nagsubo siya nga gihimo sa mga Ehiptohanon ang mga Israelihanon nga ilang mga ulipon.

Exodo 2:10–11

Usa ka adlaw niana nakita ni Moises ang usa ka Ehiptohanon nga nagbunal sa usa ka Israelihanon. Aron sa pagpanalipod sa Israelihanon, gipatay ni Moises ang Ehiptohanon.

Exodo 2:11–14

Sa dihang nakahibalo si Paraon, gusto niyang patyon si Moises, apan si Moises milayas palayo gikan sa Ehipto.

Exodo 2:15

Si Moises miabut sa usa ka dapit nga gitawag og Median diin iyang gikakita ang usa ka babaye nga gihinganlan og Sepora. Nagminyo sila ug nakabaton og mga anak.

Exodo 2:21–22

Samtang nagpuyo sa Median, nakakita si Moises og sampinit nga nagkalayo, apan ang kalayo wala mosunog sa sampinit. Mipakita ang Ginoo diha sa kalayo ug namulong ngadto ni Moises.

Exodo 3:1–6

Ang Ginoo miingon nga nahibalo Siya nga ang mga Israelihanon nag-antus sa Ehipto. Gimandoan Niya si Moises sa pagbalik ngadto sa Ehipto ug sa pagsulti sa Paraon sa pagtugot sa mga Israelihanon nga malingkawas. Ang Ginoo miingon nga Siya motabang ni Moises sa pagpalingkawas sa mga Israelihanon ug sa paggiya kanila ngadto sa gisaad nga yuta.

Exodo 3:7–18