Kutoka 2–3

Musa Nabii

Kuitwa kuwaweka huru watu wa Bwana

Musa alikua kama mwana wa binti Farao. Musa aliona kwamba Wamisri walikuwa wakatili kwa Waisraeli. Alikuwa na huzuni kwamba Wamisri waliwafanya Waisraeli kuwa watumwa wao.

Kutoka 2:10–11

Siku moja Musa alimwona Mmisri akimpiga Muisraeli. Ili kumlinda Muisraeli, Musa alimuua Mmisri.

Kutoka 2:11–14

Farao alipogundua, alitaka kumuua Musa, lakini Musa alikimbia kutoka Misri.

Kutoka 2:15

Musa alienda mahali palipoitwa Midiani, ambapo alikutana na mwanamke aliyeitwa Sipora. Walioana na kupata watoto.

Kutoka 2:21–22

Wakati akiishi Midiani, Musa aliona kichaka kilichokuwa kikiwaka moto, lakini moto haukuchoma kichaka. Bwana alitokea katika moto na kuzungumza na Musa.

Kutoka 3:1–6

Bwana alisema alijua Waisraeli walikuwa wakiteseka Misri. Alimwamuru Musa kurudi Misri na kumwambia Farao kuwaruhusu Waisraeli waondoke kwa uhuru. Bwana alisema angemsaidia Musa kuwaweka huru Waisraeli na kuwaongoza kwenye nchi ya ahadi.

Kutoka 3:7–18