Mga Kuwento sa Lumang Tipan para sa mga Batang Mambabasa

Pinatawad ni Jose ang Kanyang mga Kapatid

ni Kim Webb Reid

Mga paglalarawan ni Apryl Stott

Mula sa Genesis 42, 45

Si Jose ay isang lider sa Egipto nang dumating ang taggutom. Kakaunti ang pagkain. Sa malayong lugar, ang pamilya ni Jose ay nagugutom. Naglakbay sila papunta sa Egipto upang maghanap ng pagkain.

Nakita ni Jose ang kanyang mga kapatid. Pero hindi siya nakilala ng kanyang mga kapatid! Tinanong ni Jose kung buhay pa ang tatay nila, at sumagot sila ng oo.

Nakita ni Jose na naging mas mabait ang kanyang mga kapatid. Inaalagaan nila ang kanilang nakababatang kapatid na si Benjamin. Nagmamalasakit sila sa isa’t isa.

Sinabi ni Jose sa kanyang mga kapatid kung sino siya talaga. Hindi sila makapaniwala! Si Jose at ang kanyang mga kapatid ay naiyak sa tuwa. Pinatawad sila ni Jose sa pagbebenta sa kanya bilang alipin. Sinabi niya na itinulot ng Diyos na mapunta siya sa Egipto upang mailigtas sila mula sa taggutom.

Maaari akong maging katulad ni Jose. Maaari kong mahalin ang aking pamilya at patawarin ang iba.

Pahinang Kukulayan

Mahal Ako ni Jesus

I-click ang larawan para mai-download.

Paglalarawan ni Apryl Stott