រៀន—ម៉ោងជាអតិបរមា ៖ ៤៥ នាទី

ការពិភាក្សាសម្រាប់ថ្ងៃនេះ ៖

ថវិកា

គំនូររូបផ្ទះ — ផែនទីស្ដីពីភាពជោគជ័យនៃការគ្រប់គ្រងហិរញ្ញវត្ថុ

ពិភាក្សា ៖ហេតុអ្វីអ្នកគិតថា « ថិវកា » គឺជាជញ្ជាំងមួយនៅ លើផែនទីស្ដីពីភាពជោគជ័យនៃការគ្រប់គ្រងហិរញ្ញវត្ថុជាជាងស្រទាប់មួយ ?

អាន ៖នៅថ្ងៃនេះ យើងនឹងពិភាក្សានូវឧបករណ៍ដ៏សំខាន់មួយសម្រាប់ការបង្កើតសុវត្ថិភាពផ្នែកហិរញ្ញវត្ថុ ហើយមានភាពខ្លួនទីពឹងខ្លួន ៖ គឺការបង្កើត និងការប្រើថវិកាឲ្យមានប្រសិទ្ធភាព ។ ថវិកាគឺជាផែនការមួយ ។ ដោយប្រើថវិកាមួយ អ្នកដាក់ផែនការអំពីរបៀបដែលអ្នកនឹងប្រើប្រាស់ប្រាក់របស់អ្នកសម្រាប់គ្រាជាក់លាក់មួយ ។

ការធ្វើតាមគម្រោងថវិកាមួយនឹងជួយអ្នក និងគ្រួសារឲ្យចេះគ្រប់គ្រងជីវិតខាងសាច់ឈាមរបស់អ្នក សម្រាតភាពខាងសាច់ឈាមចេញ ( សូមមើល ម៉ូសាយ ៣:១៩ ) ហើយយាងអញ្ជើញព្រះវិញ្ញាណចូលទៅក្នុងផ្ទះរបស់អ្នក ។ ការធ្វើផែនការថវិកាក៏អាចជួយអ្នកឲ្យការពារគ្រួសាររបស់អ្នកពីការលំបាក កាលអ្នកប្រើវាដើម្បីបម្រុងទុកប្រាក់សម្រាប់ការបង្កើតមូលនិធិសម្រាប់ភាពអាសន្នមួយ ការបង់រំលោះបំណុល និងការសន្សំប្រាក់សម្រាប់ការចំណាយនាពេលអនាគត ។

ការបង្កើត និងការធ្វើតាមថវិកាមួយគឺជាសកម្មភាពនៃសេចក្ដីជំនឿ ។ យើងពុំអាចដឹងជាមុនពីអនាគតនោះទេ ហើយជារឿយៗថ្លៃចំណាយកើនឡើងដោយពុំបានរំពឹងទុក ។ វាគឺជារឿងដ៏សំខាន់ដើម្បីចងចាំថា ថវិកាមួយត្រូវតែមានភាពបត់បែន—មានការកែសម្រួល និងការកែលម្អជាបន្តបន្ទាប់ ។ នៅពេលអ្នកបង្កើតផែនការថវិការមួយនៅសប្ដាហ៍នេះ សូមចងចាំថា វានឹងត្រូវការការពិនិត្យមើល ហើយកែសម្រួលជាទៀងទាត់អំឡុងក្រុមប្រឹក្សាគ្រួសារជាទៀងទាត់របស់អ្នក ។ ប្រសិនបើអ្នកចំណាយលើសថវិកា សូមកុំបោះបង់ឡើយ ! វាអាចចំណាយពេលបីបួនខែនៃការសម្របសម្រួលពីមុនអ្នកមានថវិកាមួយដ៏មានប្រសិទ្ធភាព ។

សកម្មភាព ( ៥ នាទី )

ជំហានទី ១ ៖ សូមចំណាយពេលមួយនាទីពិនិត្យមើលឡើងវិញដោយស្ងៀមស្ងាត់នូវប្រយោគដែលអ្នកទើបតែអានអំពីការប្រើប្រាស់ថវិកាមួយ ។ សូមគូសបន្ទាត់ពីក្រោមពរជ័យជាក់លាក់នៃការប្រើប្រាស់ថវិកាមួយ ។

ជំហានទី ២ ៖ បន្ទាប់មក សូមជួបសមាជិកម្នាក់ៗក្នុងក្រុម ហើយចែកចាយនូវពរជ័យដែលបានគូសបន្ទាត់ពីក្រោម ដែលវាមានន័យចំពោះអ្នកបំផុត ។

១. បង្កើតថវិកា

អាន ៖នៅក្នុងសកម្មភាពខាងក្រោម យើងនឹងអនុវត្តការបង្កើតថវិកាមួយ ។

សម្រាប់ថ្ងៃនេះ អ្នកនឹងប៉ាន់ប្រមាណចំនួនទឹកប្រាក់ដែលត្រូវការដោយផ្អែកទៅលើអ្វីដែលអ្នកដឹង និងអ្វីដែលអ្នកបានរៀនមកពីការតាមដានប្រាក់ចំណូល និងការចំណាយរបស់អ្នក ។ ការតាំងចិត្តមួយរបស់អ្នកនៅសប្ដាហ៍នេះគឺជាការធ្វើលំហាត់នេះឡើងវិញជាមួយនឹងចំនួនពិតប្រាកដ ដោយប្រើតារាងនៅចុងបញ្ចប់នៃជំពូកនេះ ។

ដើម្បីបង្កើតថវិកាមួយ សូមចាប់ផ្ដើមជាមួយនឹងប្រាក់ចំណូលរបស់អ្នក ។

អាន ៖ជំហានបន្ទាប់ដើម្បីបង្កើតថវិកាមួយគឺការចាត់ថ្នាក់ និងប៉ាន់ស្មានការចំណាយរបស់អ្នក ។ អ្នកបានធ្វើការតាមដានការចំណាយរបស់អ្នក ហើយដាក់វានៅក្នុងផ្នែកនានាដែលអ្នកបានបង្កើតនៅជំពូកទី ១ ។ ឥឡូវយើងនឹងបំបែកការចំណាយរបស់យើងជាពីរប្រភេទ ៖ « មានកាលកំណត់ » និង « គ្មានកាលកំណត់ » ។ ខាងក្រោមនេះគឺជាឧទាហរណ៍មួយចំនួន ។

ការចំណាយថេរ ( ថ )	ការចំណាយគ្មានកាលកំណត់ ( គ )
ឥណទានគេហដ្ឋាន/ថ្លៃជួលផ្ទះ	វិក្ក័យបត្រទឹកភ្លើង
ថ្លៃបង់សម្រាប់រថយន្ត	គ្រឿងទេស
ថ្លៃបង់ធានារ៉ាប់រង	ការបរិភោគនៅខាងក្រៅ
ដង្វាយមួយភាគក្នុងដប់	ប្រេង និងការធ្វើដំណើរ
មូលនិធិសម្រាប់ភាពអាសន្ន	បរិក្ខារក្នុងផ្ទះ
វិក្ក័យបត្រផ្សេងទៀត	សេវាកម្សាន្ត

ការចំណាយថេរ

អាន ៖ការចំណាយថេរគឺជាចំនួនកំណត់មួយ ហើយវាពុំផ្លាស់ប្ដូរទេ ។ ភាគច្រើន ការចំណាយទាំងនេះនឹងមានជាប្រចាំខែ ប៉ុន្តែប្រហែលជាមានខ្លះកើតឡើងជាញឹកញាប់ ឬម្ដងម្កាល ។ ការចំណាយថេរពុំអាចគ្រប់គ្រងដោយផ្ទាល់ដោយទម្លាប់ចំណាយនោះទេ ផ្ទុយទៅវិញ ការចំណាយថេរត្រូវបានគ្រប់គ្រងដោយការវាយតម្លៃពីស្ថានភាពរបស់អ្នក និងការធ្វើការផ្លាស់ប្ដូរ ។ វិធីដ៏ល្អមួយដើម្បីស្គាល់ការចំណាយថេរគឺការសួរសំណួរថា « តើការចំណាយនេះកើតឡើងទៀងទាត់ដែរឬទេ ហើយតើការចំណាយនេះមានចំនួនដូចគ្នារាល់ពេលដែរឬទេ ? » ឧទាហរណ៍រួមបញ្ចូលទាំងឥណនទានគេហដ្ឋាន ថ្លៃជួលផ្ទះ ថ្លៃបង់សម្រាប់រថយន្ត និងការចំណាយជាក់លាក់ដូចជាថ្លៃអ៊ិនធើរណែត ថ្លៃទូរទស្សន៍ខ្សែកាប ឬវិក្ក័យបត្រទូរសព្ទ ។

ក៏មានការចំណាយថេរមួយចំនួនទៀតដែលមិនកើតឡើងរាល់ខែដែរ ពេលខ្លះការចំណាយទាំងឡាយកើតឡើងប្រចាំឆ្នាំ ប្រចាំឆមាស ឬប្រចាំត្រីមាស ។ ឧទាហរណ៍ ប្រសិនបើអ្នកបង់ថ្លៃធានារ៉ាប់រងរថយន្តរៀងរាល់៦ខែម្តង ឬធានារ៉ាប់រងជីវិតរៀងរាល់១២ខែម្ដង វាគឺជាការចំណាយថេរមួយ ។ ដើម្បីបំលែងការចំណាយថេរនេះឲ្យត្រូវនឹងថវិការបស់អ្នក សូមចែកចំនួនទឹកប្រាក់ដែលអ្នកបង់នឹងចំនួនខែចន្លោះការបង់ប្រាក់នីមួយៗ ។ ខណៈដែលអ្នកប្រហែលជាពុំបង់វិក្ក័យបត្រនេះរាល់ខែ នោះអ្នកនឹងត្រូវទុកផ្នែកដ៏ចាំបាច់ដាច់ដោយឡែករាល់ខែ ដើម្បីអ្នកអាចបង់វិក្ក័យបត្រនោះនៅពេលវាដល់កាលកំណត់ ។

សកម្មភាព ( ១០ នាទី )

សូមសរសេរការចំណាយថេររបស់អ្នកនៅក្នុងថវិកាគំរូនៅទំព័របន្ទាប់ ។ សូមសរសេរអក្សរមនៅក្នុងជួរឈរ « ប្រភេទ » ហើយប៉ាន់ស្មានចំនួននៃការចំណាយនោះនៅក្នុងជួរឈរទីបី ។ នៅពេលអ្នកបន្ថែមការចំណាយ សូមដាក់បញ្ចូលសមតុល្យនៃចំនួនប្រាក់ចំណូលដែលនៅសល់ក្នុងជួរឈរ « សមតុល្យ » ជាបន្តបន្ទាប់ ។ សូមមើលថវិកាគំរូសម្រាប់ជំនួយ ។

ការចំណាយមានកាលកំណត់

អាន ៖ការចំណាយគ្មានកាលកំណត់គឺជាចំនួនពុំដូចគ្នារៀងរាល់ខែនោះទេ ។ មានការចំណាយគ្មានកាលកំណត់ខ្លះដែលពុំត្រូវបានគ្រប់គ្រងដោយផ្ទាល់ដោយទម្លាប់ចំណាយរបស់អ្នក ។ ឧទាហរណ៍ ការចំណាយដូចជាវិក្ក័យប័ត្រប្រើប្រាស់ផ្សេងៗរបស់អ្នក ( ទឹក ហ្គាស់ ភ្លើង ជាដើម ) ប្រែប្រួលតាមការប្រើប្រាស់ ។ ប៉ុន្តែ ទោះជាចំនួនប្រចាំខែប្រហែលជាខុសគ្នាក្ដី ក៏អ្នកនៅ តែអាចធ្វើថវិកាសម្រាប់ការចំណាយទាំងនេះផងដែរ ។

នៅពេលដល់វេលាដើម្បីធ្វើថវិកា ការចំណាយមិនថេរដ៏សំខាន់បំផុតគឺជាការចំណាយទាំងឡាយណាដែលអ្នកគ្រប់គ្រងបានច្រើនជាងគេបំផុត ។ ការចំណាយទាំងនេះត្រូវបានគ្រប់គ្រងផ្ទាល់ដោយទម្លាប់ចំណាយរបស់អ្នក ។ វិធីដ៏ល្អ មួយដើម្បីស្គាល់ការចំណាយទាំងនេះជាច្រើនគឺដោយការសួរខ្លួនឯងថា « តើខ្ញុំទិញរបស់នេះមកពីហាង ( ឬតាមអ៊ិនធើរណែត ) ? » ចំពោះការចំណាយគ្មានកាលកំណត់ជាច្រើន អ្នកអាចធ្វើការជ្រើសរើសដើម្បីចំណាយច្រើន ឬតិចនៅក្នុងផ្នែកទាំងនេះ ។ ឧទាហរណ៍រួមបញ្ចូលទាំងគ្រឿងទេស សាំង ការបរិភោគនៅខាងក្រៅ ទូរសព្ទដៃ និងសេវាកម្សាន្ត ។

សកម្មភាព ( ១០ នាទី )

សូមសរសេរការចំណាយគ្មានកាលកំណត់របស់អ្នកនៅក្នុងតារាងថវិកាគំរូ ។ សូមសរសេរអក្សរ « គ » នៅក្នុងក្រឡោន« ប្រភេទ » ហើយប៉ាន់ស្មានចំនួននៃការចំណាយនោះនៅក្នុងក្រឡោនទីបី ។ នៅពេលអ្នកបន្ថែមការចំណាយ សូមដាក់បញ្ចូលតុល្យភាពនៃចំនួនប្រាក់ចំណូលដែលនៅសល់ក្នុងក្រឡោន « តុល្យភាព » ជាបន្តបន្ទាប់ ។ សូមមើលតារាងថវិកាគំរូសម្រាប់ជំនួយ ។

សកម្មភាពថវិកាគំរូ ( ដោយប្រើតម្លៃប៉ាន់ស្មាន )

ការពិពណ៌នា	ប្រភេទ	ចំណូល	ចំណាយ	សមតុល្យ
ចំណូល	( ម.អ )




















សមតុល្យ

ថវិកាគំរូ

ការពិពណ៌នា	ប្រភេទ	ចំណូល	ចំណាយ	សមតុល្យ
ចំណូល	( ម.អ. )	១,០០០
ដង្វាយមួយភាគក្នុងដប់ និង ដង្វាយផ្សេងៗ	ថ		១១០	៨៩០
មូលនិធិសម្រាប់ភាពអាសន្នរយៈពេលមួយខែ	ថ		៥០	៨៤០
ការធានារ៉ាប់រង	ថ		៨០	៧៦០
ថ្លៃជួលផ្ទះ	ថ		៣០០	៤៦០
ថ្លៃទឹកភ្លើង	គ		៣០	៤៣០
គ្រឿងទេស និងម្ហូបអាហារ	គ		២៣០	២០០
ថ្លៃបង់សងបំណុល	គ		៨០	១២០
មធ្យោបាយធ្វើដំណើរ	គ		៥០	៧០
សេវាកម្សាន្ត	គ		៣០	៤០
ផ្សេងៗ	គ		៤០	០
សមតុល្យ				០

២. ធ្វើឲ្យថវិកាមួយមានតុល្យភាព

អាន ៖នៅពេលអ្នកដាក់ថវិការបស់អ្នករួមគ្នា អ្នកប្រហែលជារកឃើញថាអ្នកមានការចំណាយច្រើនជាងប្រាក់ចំណូល ។ ប្រសិនបើអ្នកមានស្ថានភាពបែបនេះ នោះអ្នកពុំមែនជាមនុស្សតែម្នាក់ទេ ។ ហើយនេះគឺជាបញ្ហាមួយដែលអ្នកអាចដោះស្រាយបាន ។ មានវិធីពីរយ៉ាងដើម្បីដោះស្រាយបញ្ហាប្រឈមនេះគឺ ៖ បង្កើនប្រាក់ចំណូល ឬបន្ថយការចំណាយ ។ សម្រាប់ឥឡូវនេះ ចូរយើងពិភាក្សាអំពីរបៀបដែលយើងអាចប្រើថវិកាមួយដើម្បីជួយយើងចំណាយតិចជាង ដោយរៀនពីរបៀបគ្រប់គ្រងទំហំទឹកប្រាក់ដែលយើងត្រូវចំណាយលើអ្វីដែលយើងចង់បាន ។

សូមមើល ៖« បន្តនៅក្នុងភាពអត់ធ្មត់ » មាននៅលើ srs.lds.org/videos ។ ( គ្មានវីដេអូឬ ? សូមអាន ទំព័រ ៦៦ ) ។

ពិភាក្សា ៖តើពេលខ្លះអ្នកដូចគ្នានឹងកុមារទាំងនេះតាមរបៀបណា ? តើអ្នកគឺជាកុមារម្នាក់ណា ?

សកម្មភាព ( ៧ នាទី )

ជំហានទី ១ ៖ សូមវិភាគរៀងៗខ្លួននូវគំរូចំណាយបច្ចុប្បន្នរបស់អ្នក ដោយគូសប្រអប់នៅក្នុងតារាងខាងក្រោមនេះ ។ តើអ្នកអាចកែសម្រួលការចំណាយរបស់អ្នកដោយផ្ដល់អាទិភាពដ៏ប្រសើរមួយទៅលើសេចក្ដីត្រូវការរយៈពេលវែងជាជាងការចង់បានរយៈពេលខ្លីខ្លះតាមរបៀបណា ?

តើខ្ញុំមានអារម្មណ៍បែបណាចំពោះការចំណាយរបស់ខ្ញុំ ?	ខ្ញុំចំណាយតិចពេក	ខ្ញុំមានអារម្មណ៍ល្អចំពោះការចំណាយរបស់ខ្ញុំ	ខ្ញុំចំណាយច្រើនពេក
ការទទួលទានអារហារនៅភោជនីយដ្ឋាន	□	□	□
គ្រឿងទេស	□	□	□
អាហារសម្រន់ និងភេសជ្ជៈ	□	□	□
សេវាកម្សាន្ត	□	□	□
ថ្លៃជួលផ្ទះ ឬប្រាក់កម្ចីទិញផ្ទះ	□	□	□
ថ្លៃទឹកភ្លើង	□	□	□
ថ្លៃសំលៀកបំពាក់	□	□	□
សម្ភារប្រើប្រាស់ក្នុងផ្ទះ	□	□	□
មធ្យោបាយធ្វើដំណើរ	□	□	□
ការធានារ៉ាប់រង	□	□	□
ទូរសព្ទដៃ	□	□	□

ជំហានទី ២ ៖ ចាប់ដៃគូជាមួយនឹងស្វាមី ឬភរិយា ឬដៃគូសកម្មភាពរបស់អ្នក ។ សូមធ្វើកំណត់សម្គាល់ពីចំណុចទាំងឡាយនៅក្នុងថវិការបស់អ្នកដែលអ្នកអាចចំណាយតិច ហើយសរសេរគំនិតរបស់អ្នកនៅខាងក្រោម ។

ស្ថានភាពដ៏លំបាកនៃ កម្រៃជើងសារ

ស្វាមីរបស់ខ្ញុំទទួលបានប្រាក់ខែតាមរយៈកម្រៃជើងសារ ដូច្នេះប្រាក់ខែក្នុងមួយខែៗពុំដូចគ្នាទេ ។ ហើយពេលខ្លះពុំបានទទួលប្រាក់ខែសោះតែម្តង ! យើងបានរៀនដើម្បី‹ ធ្វើតាមលំដាប់លំដោយ › ៖ បង់វិក្ក័យបត្រដ៏សំខាន់បំផុតមុនគេ បន្ទាប់មកវិក្ក័យបត្រសំខាន់បន្ទាប់ ។ មនុស្សគ្រប់គ្នាត្រូវតែសម្រេចចិត្តថាតើអ្វីដែល‹ សំខាន់បំផុត ›មានន័យចំពោះពួកគេ ។

ពិភាក្សាអំពីគម្រោងថវិកានៅក្នុងក្រុមប្រឹក្សាគ្រួសាររបស់អ្នក

អាន ៖អែលឌើរ រ៉ូបឺត ឌី ហែល បានបង្រៀនថា « វិធី[ មួយ ]ដ៏សំខាន់ដែលជួយកូនចៅរបស់យើងរៀនដើម្បីក្លាយជាអ្នកផ្ដល់ឲ្យដែលបម្រុងទុកសម្រាប់អនាគតគឺដោយការបង្កើតថវិកាគ្រួសារមួយ ។ យើងគួរពិនិត្យមើលផែនការប្រាក់ចំណូល ប្រាក់សន្សំ និងការចំណាយក្នុងគ្រួសាររបស់យើងជាទៀងទាត់នៅក្នុងការប្រជុំក្រុមប្រឹក្សាគ្រួសារ ។ ការណ៍នេះនឹងបង្រៀនកូនចៅរបស់យើងដើម្បីស្គាល់ពីភាពខុសគ្នារវាងការចង់បាន និងសេចក្ដីត្រូវការ ហើយដាក់ផែនការទុកជាមុនសម្រាប់ការប្រើប្រាស់ធនធានគ្រួសារឲ្យមានប្រយោជន៍ » ( « Becoming Provident Providers Spiritually and Temporally » Ensign ឬ Liahona ខែឧសភា ឆ្នាំ ២០០៩ ទំព័រ ៩ ) ។

អំឡុងការប្រជុំក្រុមប្រឹក្សាគ្រួសាររបស់អ្នកនៅសប្ដាហ៍នេះ សូមធ្វើការរួមគ្នាជាមួយនឹងស្វាមី ឬភរិយារបស់អ្នកដើម្បីបង្កើតថវិកាគ្រួសាររបស់អ្នក ។ ប្រសិនបើអ្នកនៅលីវ ឬប្រសិនបើអ្នកចង់បានជំនួយបន្ថែម សូមប្រឹក្សាជាមួយនឹងមិត្តភក្តិ ឪពុក ឬម្ដាយ សមាជិកគ្រួសារ អ្នកណែនាំ ឬសមាជិកក្រុមម្នាក់ ។ អ្នកគួរប្រើគម្រោងមេរៀនខាងក្រោម « គំរូការពិភាក្សាក្រុមប្រឹក្សាគ្រួសារ » ។

គំរូការពិភាក្សាក្រុមប្រឹក្សាគ្រួសារ

សូមធ្វើឲ្យប្រាកដថា ត្រូវចាប់ផ្ដើម និងបញ្ចប់ដោយការអធិស្ឋានដើម្បីយាងព្រះវិញ្ញាណមក ។

ផ្នែកទី ១ ៖ ពិនិត្យឡើងវិញ

តើអ្នកចំណាយប្រាក់អស់ប៉ុន្មានសម្រាប់ផ្នែកនីមួយៗ ?
តើការរៀបថវិកាគឺជាសកម្មភាពនៃសេចក្ដីជំនឿតាមរបៀបណា ?

ផ្នែកទី ២ ៖ ដាក់ផែនការ

បង្កើតថវិកាមួយដោយប្រើសេចក្ដីណែនាំនៅក្នុងជំពូកនេះ ។ សូមបំពេញតារាង « ថវិការបស់ខ្ញុំ » នៅទំព័រ ៦៧ ។
តើអ្នកមានភាពប្រាកដនិយមអំពីប្រភេទថវិកានីមួយៗដែរឬទេ ?
ប្រសិនបើចាំបាច់ តើអ្នកអាចចំណាយតិចនៅត្រង់ចំណុចណាក្នុងថវិការបស់អ្នកដើម្បីឲ្យមានសមតុល្យ ឬដើម្បីឲ្យការចំណាយរបស់អ្នកស្របនឹងសេចក្ដីត្រូវការ ឬគុណតម្លៃរបស់អ្នក ?