មូលដ្ឋានគ្រឹះរបស់ខ្ញុំ ៖ រស់នៅក្នុងជីវិតមួយដ៏មានតុល្យភាព—ម៉ោងជាអតិបរមា ៖ ២០ នាទី
-
ពិចារណា ៖តើខ្ញុំរក្សាតម្រូវការនៃជីវិតប្រចាំថ្ងៃរបស់ខ្ញុំឲ្យមានតុល្យភាពតាមរបៀបណា ?
-
សូមមើល ៖« ទាក់ទងនឹងការសោកស្ដាយ និង ការតាំងចិត្ត » មាននៅលើ srs.lds.org/videos ។ ( គ្មានវីដេអូឬ ? សូមអានទំព័រ ៥៥ ) ។
ទាក់ទង នឹង ការសោកស្ដាយ និង ការតាំងចិត្ត
ប្រសិនបើអ្នកមិនអាចមើលវីដេអូទេ សូមអានរឿងនេះវិញ ។
ប្រធាន ឌៀថើរ អេស្វ អុជដូហ្វ ៖ តើវាមិនពិតទេឬ ដែលជារឿយៗយើងមានភាពមមាញឹកនោះ ? ហើយវាជាការក្រៀមក្រំមួយដើម្បីនិយាយថា យើងថែមទាំងគិតថាការរវល់នោះ គឺជាកិត្តិយសមួយ ដោយសារការរវល់នោះគឺជាសមិទ្ធិផល ឬ ទីសម្គាល់មួយនៃជីវិតដ៏អស្ចារ្យនោះ ។
មែនទេ ?
ខ្ញុំគិតអំពីព្រះអម្ចាស់ និង គំរូដ៏ឥតខ្ចោះរបស់យើង គឺព្រះយេស៊ូវគ្រីស្ទ ព្រមទាំងពីជីវិតដ៏ខ្លីរបស់ទ្រង់ក្នុងចំណោមប្រជាជនកាលីឡេនិងយេរូសាឡិម ។ ខ្ញុំ ព្យាយាមស្រមៃពីទ្រង់ប្រញាប់ប្រញាល់រវាង ការប្រជុំ ឬ ការធ្វើកិច្ចការច្រើនដើម្បីបញ្ចប់រឿង បន្ទាន់ដែលទ្រង់ត្រូវសម្រេច ។
ខ្ញុំស្រមៃមិនចេញនោះទេ ។
ផ្ទុយមកវិញ ខ្ញុំឃើញព្រះរាជបុត្រានៃព្រះដ៏មានមេត្តាករុណានិងយកចិត្តទុកដាក់នោះ គង់នៅរាល់ថ្ងៃពេញដោយគោលបំណង ។ នៅពេលទ្រង់ទាក់ទងនឹងអ្នកនៅជុំវិញទ្រង់ ពួកគេមានអារម្មណ៍ថាពួកគេសំខាន់ហើយថាទ្រង់ស្រឡាញ់គេ ។ ទ្រង់ជ្រាបពីតម្លៃដ៏ពិតប្រាកដរបស់មនុស្សដែលទ្រង់បានជួបនោះ ។ ទ្រង់បានប្រទានពរហើយ បម្រើដល់ពួកគេ ។ ទ្រង់បានលើកពួកគេឡើង ហើយព្យាបាលពួកគេ ។ ទ្រង់បានផ្ដល់អំណោយទានដ៏មានតម្លៃនៃពេលវេលារបស់ទ្រង់ដល់ពួកគេ ។
( ឌៀថើរ អេស្វ អុជដូហ្វ « Of Regrets and Resolutions » Ensign ឬ Liahona ខែវិច្ឆិកា ឆ្នាំ ២០១២ ទំព័រ ២២ )
សូមត្រឡប់ទៅ ទំព័រ ៥៤
-
ពិភាក្សា ៖តើព្រះអង្គសង្គ្រោះបានធ្វើអ្វីខ្លះដើម្បីសម្រេចបានជីវិតមួយដ៏មានតុល្យភាព ?
-
អាន ៖ម៉ូសាយ ៤:២៧, នីហ្វៃទី ២ ៩:៥១ និងពាក្យដកស្រង់មកពីអែលឌើរ អិម រ័សុល បាឡឺដ ( នៅខាងស្ដាំ ) និងប្រធាន ជែមស៍ អ៊ី ហ្វោស្ត ( នៅ ទំព័រ ៥៥ ) ។
-
ពិភាក្សា ៖តើរឿងអ្វីខ្លះដែលអាចធ្វើឲ្យសាមញ្ញ ឬអាចលុបបំបាត់ចោលចេញពីជីវិតរបស់យើងដើម្បីយើងអាចមានអំណរកាន់តែច្រើន ?
-
តាំងចិត្ត ៖សូមតាំងចិត្តធ្វើតាមសកម្មភាពដូចខាងក្រោមក្នុងអំឡុងសប្ដាហ៍ ។ សូមគូសសញ្ញាកែងក្នុងប្រអប់ទាំងឡាយ នៅពេលអ្នកបញ្ចប់ការតាំងចិត្តនីមួយៗ ។
-
ធ្វើតាមគំនិតរបស់អ្នកដើម្បីនាំជីវិតរបស់អ្នកឲ្យកាន់តែមានតុល្យភាព ។
-
ចែកចាយជាមួយនឹងគ្រួសារ ឬមិត្តរបស់អ្នកនូវអ្វីដែលអ្នកបានរៀនអំពីការស្វែងរកតុល្យភាព ។
-