Mapasalamaton Ko sa mga Kahoy, mga Tanom, ug mga Kabulakan

Katuyoan

Aron sa pagtabang sa matag bata nga mobati og pasalamat sa Langitnong Amahan ug ni Jesukristo alang sa mga kahoy, mga tanom, ug kabulakan.

Pagpangandam

Tun-i sa mainapoong paagi ang Genesis 1:11-13.
Pagbutang og prutas, utanon, o gamayng sanga diha sa usa ka panapton o papel nga bag.
Pag-andam og gamay nga mga sampol sa prutas, utanon, o pan. Pakisusi sa mga ginikanan aron sa pagsiguro nga walay mga bata nga allergic sa pagkaon.
Mga materyal nga gikinahanglan:
1. Usa ka Biblia.
2. Kon mahimo, pagkuha og mga litrato sa lokal nga mga kahoy, mga tanom, ug mga kabulakan, ug pagdala og pipila ka gagmayng mga kahoy, sama sa lapis, kutsara, ug panaksan, gikan sa inyong panimalay.
3. Ginunting 1-4, mga kabulakan (susama nga mga ginunting nga makita usab sa Primary Visual Aids Cutouts set 3).
4. Hulagway 1-22, Kahoy nga Namulak; hulagway 1-23, Salag nga dunay Piso nga Langgam.
Himoa ang gikinahanglang mga pagpangandam alang sa bisan unsang mga kalihokan sa pagpalambo nga gusto nimong gamiton.

Mga Kalihokan sa Pagkat-on

Pag-imbitar og usa ka bata sa paghatag sa pangbukas nga pag-ampo.

Pang-atensyon nga Kalihokan

Ipasa ang bag nga dunay prutas, utanon, o sanga sa sulod niini, isira aron ang mga bata dili makakita unsay sulod. Ipahikap sa mga bata ang bag ug ipatag-an kon unsay sulod niini. Sultihi sila nga dili kusgon ang ilang tingog kon motag-an hangtud ang tanan adunay kahigayunan nga mohikap sa bag. Kon ang tanan nakahikap na sa bag, pasultiha ang mga bata kon unsa sa ilang hunahuna ang anaa sa bag. Kuhaa ang butang gikan sa bag ug hisguti ang dagway niini ug ang kagamitan.

Mga Kahoy, Mga Tanom, ug mga Kabulakan Nakapahimo sa Yuta nga usa ka Maanindot nga Dapit nga Kapuy-an

Pahinumdumi ang mga bata nga ang tanan dinhi sa yuta gilalang sumala sa piano sa Langitnong Amahan. Pagka-ikatulo nga adlaw sa paglalang, gibuhat ni Jesus ang mga kahoy, mga tanom, ug mga kabulakan (tan-awa sa Genesis 1:11-13). Ipasabut nga ang Langitnong Amahan ug si Jesus gusto nga himoon ang yuta nga maanindot nga dunay mga kahoy, mga tanom, ug mga kabulakan.

Ipakita ang ginunting sa mga kabulakan ug bisan unsang mga litrato sa mga kahoy, mga tanom, o mga kabulakan nga imong nakuha. Pasultiha ang mga bata mahitungod sa mga kasinatian nga ilang nasinati sa mga kahoy, mga tanom, o mga kabulakan.

Istorya

Isaysay ang mga istorya nga nagtudlo sa mga bata nga ang mga kahoy, mga tanom, ug mga kabulakan nakapahimo sa yuta nga maanindot nga dapit nga kapuy-an. Hisguti ang mahitungod sa matahum nga mga tanom nga nanubo diin ikaw magpuyo. Kon mahimo sa inyong dapit, ikaw mahimong mogamit sa hulagway 1-22, Ang Kahoy Namulak, ug sa mosunod nga mga ideya:

Si Kelly adunay paborito nga kahoy nga adto siya magdula. Usa ka buntag niana ang iyang inahan mipukaw kaniya ug miingon nga duna siyay surprisa nga iyang ipakita ni Kelly. Ang paborito nga kahoy ni Kelly natabunan og nindot nga puti nga mga kabulakan sama sa popcorn. Nangutana si Kelly kon ngano nga ang popcorn miabut ngadto sa iyang paborito nga kahoy, ug ang iyang inahan mipasabut sa kaimportante sa mga pagpamulak.

Kanta

Pabaruga ang mga bata ug pakantaha sa “Popcorn Popping” [Popcorn Popping] (.Songbook sa mga Bata, p. 118), ginamit ang mga aksyon sa kamot sumala sa gisugyot sa mga pulong. Ipasabut nga sa panahon sa tingpamulak, ang apricot nga mga kahoy mamulak og puti nga mga bulak sama sa popcorn.

Mitambo ko’s bintana, ug nakita ko?
Popcorn popping sa kahoy nga apricot!
Nasurprisa ko sa tingpamulak,
Akong nakita nga nanggawas ang mga bulak.
Daghan kong makuha ug makahatag,
Ang popcorn ball nga humot kaayo.
Dili gayud mao, pero ingon og mao
Popcorn popping diha sa kahoy nga apricot.

Ipasabut nga ang ubang mga bulak motubo diha sa mga kahoy, ang uban sa kasagbutan ug sa mga bagon, ug ang uban motubo diha gyud sa yuta. Imbitara ang mga bata sa paghisgot sa mga kabulakan nga ilang nakita.

Kanta

Unsaon ninyo paggamit ang mga bulak aron mahimong maanindot ang atong kalibutan? (Itanom nato kini sa mga tanaman o sa mga bulak, maghimo og mga bouquet, ug ibutang kini sa atong buhok o sa atong mga sinina.)
Nganong mohatag kita og mga bulak ngadto sa uban? (Alang sa espesyal nga okasyon ug sa paglipay sa mga tawo.)

Mga Tanom ug mga Kahoy Gikinahanglan Nato aron Mabuhi

Istorya

Ipasabut nga ang mga tanom ug mga kahoy gikinahanglan nato aron mabuhi. Ipakita ang hulagway 1-22, Kahoy nga Namulak, ug isaysay ang istorya mahitungod sa daghang mga kagamitan sa kahoy. Gamita ang mosunod nga mga ideya o hisguti ang ubang mga paagi nga gigamit sa mga tawo ang mga kahoy sa inyong dapit:

Una ang mga langgam mogamit sa kahoy para ilang kapuy-an. Ayohon gyud nila paghimo ang usa ka salag, ug ang inahan nga langgam mangitlog diha niini. (Ipakita ang hulagway 1-23, Usa ka Salag nga dunay Piso nga mga Langgam.) Kon ang piso nga mga langgam mapusa gikan sa pagkaitlog, ang kahoy maayo kaayo nga baiay alang kanila. Makapanalipod kini kanila gikan sa kainit sa adlaw, gikan sa uian, ug gikan sa mga kahayupan sa yuta nga makadaot kanila. Naghatag usab kini og prutas alang sa pamilya nga nagpuyo sa duol. Ang mga bata makadula sa landong sa kahoy ug mohimo og duyan sa dakong sanga. Kon ang parte sa kahoy mamatay, ang pamilya moputol niini ug gamiton kini nga sugnod aron mainit ang balay.

Istorya

Nganong importante ang kahoy ngari kanato? (Makahatag kini og pagkaon, sugnod, landong, ug dapit nga kadulaan.)

Ipakita ang pipil;a ka mga butang gikan sa inyong balay o sa klasrom nga hinimo sa kahoy, ug hisguti ang daghang kagamitan sa kahoy.

Istorya

Unsa ang ubang mga butang nga inyong nahibaloan nga hinimo sa kahoy?

Ipasabut nga mogamit usab kita sa mga tanom sa daghang mga paagi. Usa sa pinakaimportante nga mga butang nga ikahatag sa mga tanom mao ang pagkaon.

Istorya

Unsang klase sa mga tanom ang atong gikaon?

Kon ang bisan unsang lokal nga litrato nga imong nakuha nagpakita sa mga tanom nga gigamit alang sa pagkaon, ipakita kini karon.

Kalihokan

Pakigsulti sa mga bata bahin sa mga lugas, mga prutas, ug mga utanon nga lokal nga mitubo. Ipasabut nga ang mga lugas sa kasagaran himoon nga pan ug serial. Hangyoa ang kada bata sa pagsulti sa iyang paborito nga pagkaon nga nagagikan sa tanom. Patilawa ang mga bata sa prutas, utanon, o pan nga imong gidala. Sultihi sila mahitungod sa tanom o sa kahoy nga gigikanan niini.

ipasabut nga ang Langitnong Amahan misugo ni Jesus nga maghimo og daghang lain-laing mga tanom ug mga kahoy aron kita adunay makaon nga maayo.

Kalihokan

Unsaon nato sa pagpasalamat ang Langitnong Amahan sa atong pagkaon? (Pinaagi sa pagpahinumdom sa pagpangayo og panalangin sa pagkaon sa dili pa kita mokaon.)

Pagpamatuod

Ipakigbahin ang inyong pagpamatuod sa gugma sa Langitnong Amahan ug ni Jesus alang sa matag usa kanato. Pahinumdumi ang mga bata sa paghinumdom niana nga gugma kada adlaw kon sila makakita sa maanindot nga mga kahoy, mga tanom, ug mga bulak.

Mga Kalihokan sa Pagpalambo

Pagpili og pipila niini nga mga kalihokan nga gamiton sa panahon sa leksyon.

Pagdala og pipila ka mga liso (sama sa mga liso sa mga bulak, mga batong, o trigo) ug usa ka papel nga kopa [papercup] nga puno sa yuta nga alang sa kada bata nga dad-on nila sa ilang balay. Ipakita sa mga bata unsaon sa pagtanom sa ilang mga liso, ug pahinumdumi sila nga kinahanglan ilang hatagan og tubig og kainit sa adlaw aron motubo ang mga liso.
Ipasulti pag-usab sa mga bata ang mga pulong sa kanta human nimo “Gamayng Liso Nahikatulog” [Little Seeds Lie Fast Asleep] (Songbook sa mga Bata, p. 119). Dayon ingna ang mga bata nga magpakaaron-ingnon nga usa ka gagmay nga mga liso nga nahigmata ug nanghiwatid samtang ikaw magkanta o mosulti sa mga pulong pag-usab.
Guntinga ang mga gihay, mga dahon, ug mga punoan gikan sa kinoloran nga papel ug sugoa ang mga bata sa pagpapilit niini sa porma sa bulak o sa laing piraso sa papel. Labeli ang pahina og Mapasalamaton ako sa maanindot nga kabulakan.
Pagdala og prutas o utanon nga dunay mga liso sa sulod. Sultihi ang mga bata nga adunay surprisa sa sulod. Hiwaa ang prutas o utanon aron ang mga bata makakita sa mga liso. Ipasabut nga kon ang mga liso itanom ug hatagan og tubig ug init sa adlaw, kini motubo ug mohatag og daghan pang prutas o mga utanon.
Dad-a ang mga bata sa pagpanglakaw sa gawas aron manan-aw sa lain-laing matang sa tanom. Kon ang kahimtang sa panahon dili maayo, ang mga bata mahimong motambo sa bintana ug magpulipuli sa pagsulti unsa nga tanom ang ilang nakita. Kon angay, ipasabut ang kausaban sa panahon nga makaapekto sa mga tanom ug mga kahoy.

Dugang nga mga Kalihokan para sa Gagmayng mga Bata

Ipakita ang hulagway 1-22, Kahoy nga Namulak. Sultihi nga ang Langitnong Amahan misugo ni Jesukristo sa pagmugna og mga tanom ug mga kahoy (tan-awa sa Genesis 1:11-13). Ipasabut nga ang mga kahoy makahatag nato og mga sugnod ug prutas. Ang mga tanom mohatag nato og prutas ug mga utanon.
Pagdala og tanom o parti sa usa ka tanom (sama sa usa ka bulak o pipila ka mga dahon) aron makita, mahikap, ug masimhot sa mga bata. Hatagi ang kada bata og kahigayunan sa paghikap o paggunit sa tanom. Itudlo ang kolor, baho, o katahum. Ipadayag ang imong pasalamat alang sa mga tanom, kabulakan, ug mga kahoy.
I -recite ang mosunod nga bersikulo, ipakita ang mga aksyon. Dayon ipahimo sa mga bata ang mga aksyon samtang ikaw mo-recite sa bersikulo pag-usab.

Nagkalot Ako

Mokalot ko ug mokalot (lihok ingon og nagkalot),

Ug akong itanom ang mga liso (tikubo ug pagpakaaron-ingnon nga nagtanom).

Nagkahig ako ug nagkahig (paghimog aksyon nga nagkahig og taas),

Ug dayon nangibot ako og mga sagbot (tikubog gamay ug paghimog aksyon nga nangibot).

Ang adlaw mosanag ug mopainit (pormaha og sirkulo ang mga bukton),

Ang ulan mangatagak, ug mao nga (ipaubos ang mga bukton, uyuga ang mga tudlo)

Diha gyud sa akong atubangan,

Ang akong mga liso nagsugod sa pagtubo (itulod ang mga tudlo sa walang kamot tali wala sa mga tudlo sa tuong kamot).