Leksyon 11

Mapasalamaton Ko sa mga Isda

Katuyoan

Aron sa pagtabang sa matag bata nga mobati og pasalamat ngadto sa Langitnong Amahan ug ni Jesukristo alang sa mga isda ug mga kahayupan sa tubig.

Pagpangandam

1. Tun-i sa mainampoong paagi ang Genesis 1:20-23; Jonas 1-3; Mateo 14:15-21; ug Lucas 5:1-11.

2. Mga materyal nga gikinahanglan:

   1. Usa ka Biblia.

   2. Isda nga papel (tan-awa ang sumbanan sa katapusan sa leksyon).

   3. “Pasol”—usa ka tukon nga dunay tangsi nga gihigot niini ug paperclip, piraso sa tape, o magnet nga gibutang sa tumoy sa tangsi. (Hipusa kining tukon aron magamit sa umaabot nga mga leksyon.)

   4. Sudlanan nga kabutangan sa isda nga papel.

   5. Kon mahimo, pagkuha og mga litrato sa mga isda o sa ubang mga kahayupan nga nagpuyo sa tubig.

   6. Ginunting 1-5, isda (usa ka susama nga ginunting nga makita usab diha sa Primary Visual Aids Cutouts set 4;

   7. Hulagway 1-1, Ang Kalibutan (62196); hulagway 1-24, Jesus ug ang Mangingisda (Pakete sa mga Hulagway sa Ebanghelyo 210; 62138); hulagway sa 1-25, isda; hulagway 1-26, Baki; hulagway 1-27, Bao.

3. Himoa ang gikinahanglang mga pagpangandam alang sa bisan unsang mga kalihokan sa pagpalambo nga gusto nimong gamiton.

Mga Kalihokan sa Pagkat-on

Pag-imbitar og usa ka bata sa paghatag sa pangbukas nga pag-ampo.

Pang-atensyon nga Kalihokan

Sultihi ang mga bata nga magpakaaron-ingnon nga nagbarug sa usa ka taytayan nga nagtan-aw sa sapa o linaw.

Pang-atensyon nga Kalihokan

• Unsay inyong nakita sa dihang mitan-aw mo sa tubig?

Sultihi ang mga bata sa pagbarug ug magpakaaron-ingnon nga nanglangoy diha sa tubig sama sa isda.

Ang Langitnong Amahan Misugo ni Jesukristo sa Paglalang og Isda ug Ubang mga Kahayupan sa Tubig

Ipakita ang hulagway sa 1-1, Ang Kalibutan, ug ribyuha ang pipila ka mga butang nga gisugo sa Langitnong Amahan nga buhaton ni Jesus nga nahisgutan sa miaging mga leksyon. Sultihi ang mga bata nga si Jesus mibuhat usab sa mga isda (tan-awa sa Genesis 1:20-23). Ang isda kabahin sa piano sa Langitnong Amahan alang sa yuta. Ipakita ang hulagway 1-25, Isda, ug hisguti kon asa magpuyo ang mga isda.

• Nakakita na ba kamo og isda?

Pasultiha ang mga bata mahitungod sa mga isda nga ilang nakit-an.

Ipakita ang ginunting 1-5 ug bisan unsang laing mga litrato sa isda nga imong nakuha. Hisguti ang mahitungod sa lain-laing mga matang sa isda sama sa goldfish, gisaw, barilis, mga iho, o bisan unsang isda nga pamilyar sa mga bata sa klase.

• Unsa ang laing mga hayop nga nagpuyo sa tubig gawas sa isda?

Ipakita ang hulagway 1-26, Baki, ug hulagway 1-27, Bao. Hisguti ang mahitungod sa mga baki ug mga bao ug asa sila magpuyo. Hisguti usab ang mga balyena, mga lambay, poka [seals], ug ubang mga hayop sa dagat. Ipasabut nga ang pipila sa mga kahayupan sa dagat nagpuyo sa lawod, ang uban anaa sa linaw, ug ang uban anaa sa mga sapa.

Kalihokan

Tabangi ang matag bata nga maghunahuna og usa ka hayop sa tubig ug magpakaaroningnon nga maglakaw, magtakingking, o molangoy sama sa gibuhat niini.

Istorya

Paggunit og Biblia ug ipasabut nga atong mabasa ang mahitungod sa isda diha sa mga kasulatan. Isaysay ang istorya ni Jonas, nga makita sa Jonas 1-3. Ipasabut nga si Jesus nag-andam og dakong isda nga motulon ni Jonas aron dili malumos si Jonas. Adunay buhat si Jesus nga ipabuhat niya ni Jonas. Mahimo nimong basahon og kusog ang usa ka bersikulo o duha, sama sa Jonas 1:17 o Jonas 2:1, samtang imong isaysay ang istorya. (Kon imong basahon og kusog ang bersikulo, ipasabut nga si Jesus usahay pagatawgon nga “ang Ginoo.”)

Istorya

• Kinsa ang mipadala sa isda aron lamyon si Jonas? (Tan-awa sa Jonas 1:17.)

• Unsay gibuhat ni Jonas sa dihang ang isda milamoy kaniya? (Tan-awa sa Jonas 2:1.)

• Unsay gibuhat ni Jonas sa dihang migawas siya gikan sa isda? (Tan-awa sa Jonas 3:1-3.)

• Mituo ug naghinulsol ba ang mga tawo ni Jonas? (Tan-awa sa Jonas 3:5,10.)

Sultihi ang mga bata nga ang ubang mga isda dagko kaayo, sama sa isda nga milamoy ni Jonas, ug ang uban gagmay kaayo ug makapuyo diha sa panaksan.

Kalihokan

Tabangi ang mga bata nga mobuhat sa mosunod nga dula sa tudlo:

Ang Goldfish

Ang akong gamay nga goldfish walay mga tudlo (hikapa ang mga tudlo sa tiil).

Mosalom siya nga walay tingog ug mobangga sa iyang gigutom nga ilong (itudlo ang Hong).

Dili siya makagawas aron makigdula kanako, ni makasulod ako ug makasalom (paghimog aksyon nga nagsalom).

Ug sa dihang ako moingon, “Gawas diha ug pagdula,”

Ingon og nagsulti siya, “Sulod ngari” (aksyon nga “miduol” ginamit ang kamot).

Istorya

Ipakita pag-usab ang Biblia samtang imong isaysay ang istorya bahin ni Simon Pedro nga makita diha sa Lucas 5:1-11.

Ipakita ang hulagway 1-24, Si Jesus ug ang Mananagat, sa sakto nga panahon.

Istorya

• Ngano nga si Jesus misakay sa barko ni Pedro? (Tan-awa sa Lucas 5:3.)

• Unsay gisulti ni Jesus nga buhaton ni Simon Pedro? (Tan-awa sa Luca 5:4.)

• Unsay nakuha sa pukot ni Simon Pedro? (Tan-awa sa Lucas 5:6.)

Ang Langitnong Amahan Misugo ni Jesukristo sa Paglalang sa mga Isda ug mga Kahayupan sa Tubig aron Atong Magamit

Ipasabut nga ang Langitnong Amahan misugo ni Jesus nga buhaton ang mga isda ug mga kahayupan sa tubig aron atong magamit alang sa pagkaon ug sa ubang mga katuyoan.

Istorya

Ginamit ang Biblia pag-usab, isaysay ang istorya nga makita diha sa Mateo 14:15-21. Mahimong imong kusgon sa pagbasa ang usa o duha ka mga bersikulo, sama sa Mateo 14:16-17, samtang imong isaysay ang istorya.

Istorya

• Unsay gibuhat ni Jesus sa dihang ang mga tawo gigutom? (Tan-awa sa Mateo 14:15-16.)

• Unsay gipakaon ni Jesus sa mga katawhan? (Tan-awa sa Mateo 14:19.)

Kalihokan

Ipakita sa klase ang pasol nga imong giandam, ug Imbitara ang usa sa mga bata sa pagduol ug mamasol. Butangi og pipila ka ginunting nga mga isda ang sudlanan, ug kon ang mga bata motabyog sa lambo sa ibabaw sa sudlanan, butangi ang isda og klip, tape, o magnet ug ipabira kini sa bata. Papulipuliha ang kada bata.

Pahisguti sa mga bata ang mga panahon nga sila namasol o nakakaon og isda.

Pagpamatuod

Ipadayag ang imong pagpasalamat alang sa mga isda ug mga hayop sa tubig.

Mga Kalihokan sa Pagpalambo

Pagpili og pipila niining mga kalihokan nga gamiton sa panahon sa leksyon.

1. Pakolori sa mga bata ang isda nga papel nga ilang nakuha sa kalihokan sa pagpamasol (balika ang kalihokan kon gikinahanglan). Isulat ang Mapasalamaton ako sa isda sa luyo sa isda sa kada bata.

2. Palingkura ang mga bata sa semicircle. Ibutang ang isda nga gikoloran sa mga bata diha sa salog sa ilang atubangan. Isulti ang mosunod nga bersikulo pagdungan:

   Gamayng isda sa sapa,

   Madakpan ta ka nga walay taga.

   Tudloa ang usa ka bata ug papilia ang bata sa iyang kaugalingong isda pinaagi sa paggamit sa pasol o pinaagi sa pagtudlo sa isda. Ang bata moingon, “nakadakop kog usa,” mosulti sa kolor sa isda. Dayon ang bata mohipos sa isda aron madala sa ila. Padayon hangtud ang kada bata nakasulay.

3. Kantaha uban sa mga bata ang “Salamat sa Atong Amahan” [“Thanks to Our Father”] [Songbook sa mga Bata, p. 15).

4. Tabangi ang mga bata nga mohimo sa mosunod nga dula sa tudlo. Ipasabut nga ang usa ka minnow usa ka gamay nga isda.

   Ang Gamay nga Bao

   Duna koy gamay nga bao.

   Nagpuyo ni sa usa ka kahon (pinasawod nga kamot).

   Mosalom ni sa sapa (paghimog aksyon nga naglangoy),

   Ug mokatkat sa mga bato (lihoka ang mga tudlo paingon sa itaas nga morag nagkatkat).

   Mihambat kini sa usa ka minnow (pakpaka ang mga kamot).

   Mi ham bat sa pulgas (pakpaka ang mga kamot).

   Mihambat sa lamok (pakpaka ang mga kamot),

   Ug mihambat kini kanako (pakpaka ang mga kamot)!

   Nadakpan ang minnow (pakpaka ang mga kamot);

   Nadakpan ang pulgas (pakpaka ang mga kamot);

   Nadakpan ang lamok (pakpaka ang mga kamot);

   Pero wa kini makadakop kanako!

   (Vachel Lindsay, gikan sa Collected Poems ofVachel Lindsay. © 1920 ni Macmiilan Publishing Co., Inc., gibag-o 1948 ni Elizabeth C. Lindsay. Gigamit pinaagi sa pagtugot.)

5. Tabangi ang mga bata nga mosulti sa mga pulong sa mosunod nga kalihokan. Ipasabut nga ang usa ka sapa usa ka gamay nga suba ug ang suok usa ka dapit nga katagoan.

   Lima ka Gagmayng mga Isda

   Pabaruga ang lima ka mga bata sa atubangan sa klase, ang kada usa maggunit og isda nga papel.

   Lima ka gagmayng mga isda nga naglangoylangoy sa sapa.

   Ang usa milangoy ngadto sa sekreto nga suok (usa ka bata “milangoy” balik ngadto sa iyang lingkuranan).

   Gagmayng mga isda, gagmayng mga isda, malipayong nagdula,

   Gagmayng mga isda, gagmayng mga isda, misawom sa tibuok adlaw.

   Kantaha ang laing bersikulo uban sa upat ka mga isda, dayon tulo, dayon duha. Usa ka bata molangoy sa kada bersikulo. Kon usa na lang ka bata ang nahibilin, gamita ang mosunod nga bersikulo

   Usa ka gamayng isda nga naglangoylangoy diha sa sapa;

   Milangoy siya ngadto sa sekreto nga suok;

   Gamayng isda, gamayng isda, naglangoy-langoy sa tibuok adlaw.

Dugang nga mga Kalihokan para sa Gagmayng mga Bata

1. Ipakita ang hulagway 1-25, Isda; hulagway 1-26, Baki; ug hulagway 1-27, Bao. Sa inyong kaugalingon mga pulong, isaysay ang istorya sa paglalang sa isda ug mga kahayupan sa tubig (tan-awa sa Genesis 1:20-23). Ipadayag ang imong pasalamat sa isda ug laing mga kahayupan sa tubig.

2. Sultihi ang mga bata nga daghang mga kahayupan nagpuyo sa o duol sa tubig. Ipatagan nila unsa nga hayop ang imong gihunahuna samtang imong ihatag ang mosunod nga mga timailhan:

   1. Ang akong panit berde ug mahumok ug sinawon. Molukso ko. Nagpuyo ko duol sa mga linaw, mga suba, o danawan. Makatag-an mo unsa ko?

      (Kon matag-anan sa mga bata nga “baki,” ipakita ang hulagway 1-26, Baki, o pagdrowing og baki diha sa pisara.)

   2. Hinay kaayo ko. Makadala ko og gahi nga bayanan sa akong likod. Kon ako mahadlok, akong bitaron ang akong ulo, mga bukton, ug mga tiil padulong sa sulod sa bayanan. Unsa ko?

      (Kon ang mga bata makatag-an nga “bao,” Ipakita ang hulagway 1-27, Bao, o pagdrowing og usa ka bao diha sa pisara.)

   Human matag-ani sa mga bata ang duha ka mga hayop, paluksoha sila sama sa mga baki, dayon pakamanga sila og hinay sama sa mga bao.

3. Kantaha uban sa mga bata “Mag-unsa Ka kon Ting-init Na” [“Oh, What Do You Do in the Summertime?”] (Songbook sa mga Bata, p. 120).