Si Adan ug si Eva Gilalang sama sa Hitsura sa Langitnong Amahan

Katuyoan

Aron sa pagtabang sa kada bata nga makasabut nga si Adan ug si Eva gilalang sama sa hitsura sa Langitnong Amahan.

Pagpangandam

Tun-i sa mainampoong paagi ang Genesis 1; 2:15-25; ug 3. Tan-awa usab sa Mga Baruganan sa Ebanghelyo (31110), mga kapitulo 5 ug 6.
Mga materyal nga gikinahanglan:
1. Usa ka Biblia.
2. Mga ginunting 1-1 hangtud sa 1-25 (susama sa mga ginunting nga makita diha sa Primary Visual Aids Cutouts set 3, 4 and 5.
3. Hulagway 1-33, Adan ug Eva (Pakete sa mga Hulagway sa Ebanghelyo 101; 62461); hulagway 1-34, Adan ug Eva Mitudlo sa Ilang mga Anak.
Himoa ang gikinahanglang mga pagpangandam alang sa bisan unsang mga kalihokan sa pagpalambo nga gusto nimong gamiton.

Mga Kalihokan sa Pagkat-on

Pag-imbitar og usa ka bata nga mohatag sa pangbukas nga pag-ampo.

Pang-atensyon nga Kalihokan

Hangyoa ang tanang mga anak sa Langitnong Amahan sa pagbarug. Pahinumdumi ang mga bata nga kitang tanan mga anak sa Langitnong Amahan, mao nga kinahanglang mobarug ang tanan.

Kanta

Kantaha ang “Ako Anak sa Dios” [I Am a Child of God] (Songbook sa mga Bata, p. 2) uban sa mga bata. Itudlo nga ang kanta nagsulti kanato nga ang Langitnong Amahan mihatag kanato og yutan-ong panimalay.

Ako anak sa Dios,
Gipadala dinhi,
Panimalay ginikanan
Ako gihatagan.

Agaka ko, tudloi ko
Unsay buhaton,
Nga makabalik.
Sa Amahang Langitnong

Ang Yuta Gilalang Sumala sa Piano sa Langitnong Amahan

Kalihokan

Ibutang nga pinakulob ang mga ginunting diha sa lamesa o sa imong paa.

Kalihokan

Unsa ang ubang mga butang nga gibuhat ni Jesus alang sa yuta?

Samtang hisgutan sa bata ang matag usa niiining mga gibuhat, sultihi siya sa pagpakita sa tugbang nga ginunting.

Kalihokan

Unsa man nga mga binuhat nga kamo mapasalamaton?

Tabangi ang mga bata nga makasabut nga ang yuta ug ang tanang anaa niini gibuhat para atong magamit ug matagamtaman. Pahinumdumi ang mga bata nga ang yuta ug ang tanan nga anaa niini kabahin sa piano sa Langitnong Amahan.

Kanta

Kantaha pag-usab ang “Ako Anak sa Dios” uban sa mga bata.

Si Adan ug si Eva Kabahin sa Piano sa Langitnong Amahan

Patan-awa ang mga bata sa mga ginunting nga gipakita.

Unsa pay laing kinahanglan dinhi sa yuta?

Ipakita ang hulagway 1-33, Si Adan ug si Eva. Ipasabut nga human sa tanang laing mga butang nga gibuhat, si Adan ug si Eva gilalang. Isulti ang mahitungod sa paglalang sa mga tawo, nga makita diha sa Genesis 1:26-28. Ipasabut nga si Adan ug si Eva mao ang unang duha ka mga tawo nga nagpuyo sa yuta. Aduna silay mga lawas sa unod ug mga bukog nga susama sa lawas sa Langitnong Amahan.

Kinsa ang unang tawo nga nagpuyo sa yuta?
Kinsa ang unang babaye?
Unsang matang sa lawas ang naangkon ni Adan ug ni Eva?

Ipahikap sa mga bata ang ilang mga bukton, ug pahinumdumi sila nga ang ilang mga fawas sama sa mga lawas nila ni Adan ug Eva.

Istorya

Ginamit ang hulagway 1-33, Si Adan ug si Eva, isaysay ang istorya ni Adan ug ni Eva sa inyong kaugalingong mga pulong, mopasabut sa mosunod nga mga punto (tan-awa sa Genesis 2:15-25; 3):

Istorya

Human makadawat si Adan ug si Eva og pisikal nga mga lawas, nagpuyo sila sa maanindot nga dapit nga gitawag og ang Tanaman sa Eden.
Gikasal si Adan ug si Eva sa Langitnong Amahan hangtud sa kahangturan.
Ang mga prutas ug mga bulak dali rang motubo sa Tanaman sa Eden, ug buotan ang tanang kahayupan.
Si Adan ug si Eva wala makahibalo sa kalainan tali sa maayo ug dautan.
Si Adan ug si Eva dili makaanak.
Si Adan ug si Eva mahimong mokaon sa prutas sa kada kahoy gawas sa usa.
Si Adan ug si Eva mikaon sa prutas gikan niadtong kahoya.
Si Adan ug si Eva kinahanglang mobiya sa Tanaman sa Eden.
Ang tibuok kalibutan nausab. Si Adan ug si Eva kinahanglang motrabaho og maayo aron makakaon, ang mga sagbot nagsugod sa pagtubo, ug ang mga hayop nahimong ihalas.
Si Adan ug si Eva nagsugod sa pagpanganak.

Ipakita ang hulagway 1-34, Si Adan ug si Eva Nagtudlo sa Ilang mga Anak. Ipasabut nga si Adan ug Eva napanalanginan og daghang mga anak. Sila ang unang mga ginikanan sa yuta. Ilang gitudloan ang ilang mga anak mahitungod sa Langitnong Amahan ug ni Jesus. Midako ang ilang pamilya ug mikatap sa tibuok yuta.

Istorya

Unsay gibuhat ni Adan ug ni Eva human sila mibiya sa Tanaman sa Eden?

Ipasabut nga si Adan ug si Eva ug ang ilang mga anak migamit ug nalipay sa mga tanom ug sa mga mananap nga gibuhat alang sa yuta.

Kalihokan

Tabangi ang mga bata sa paghimo sa mosunod nga dula ginamit ang mga tudlo:

Adan ug Eva

Si Adan ug si Eva nagpuyo dinhi sa yuta (iakob ang duha ka mga kamot nga morag ang yuta.) 
Sa dihang bag-o pa kini.
Ilang giatiman ang mga mananap (gamita ang usa ka kamot sa paghapuhap sa laing kamot) 
Ug nagtanom silag pagkaon (ibutang ang mga tudlo sa ba-ba, nga morag nagkaon). 
Nanganak si Adan ug si Eva (isikit ang duha ka mga tudlo) 
Nga nakabaton og mga anak nga ilaha (dugangi og duha ka mga tudlo). 
Karon daghang mga anak ang nangatawo (lihoklihoka ang tanang napulo ka mga tudlo). 
Tan-awa midaghan pag-ayo ang mga tawo sa kalibutan (gamita ang mga bukton sa paghimo og dako nga lingin; dayon ipatuy-od ang mga bukton padulong sa kilid)! 

Tabangi ang mga bata nga makasabut nga tungod kay si Adan ug si Eva mao ang unang mga ginikanan dinhi sa yuta, kabahin kitang tanan sa ilang pamilya.

Miingon ang Langitnong Amahan ug si Jesus nga ang Yuta Maayo

Basaha pagkusog ang unang pulong [sentence] sa Genesis 1:31. Pasunda ang mga bata sa pagbasa sa sentence uban kaninyo. Ipasabut nga ang Langitnong Amahan ug si Jesus mibati nga tanan nilang mga gibuhat mga maayo. Labaw sa tanan, ilang gibati nga kita maayo, ug gihigugma nila kita pag-ayo.

Pagpamatuod

Ihatag ang imong pagpamatuod bahin sa gugma sa Langitnong Amahan ug ni Jesukristo alang sa matag usa kanato. Ipasabut nga ang yuta ug ang tanan nga anaa niini para atong magamit ug ikalipay. Sa panahon nga makakita kita og usa ka bulak, usa ka bitoon, o bisan unsang laing nga nilalang, gipahinumduman kita nga ang Langitnong Amahan ug si Jesus nahigugma kanato. Ipadayag ang imong pasalamat sa ilang gugma ug alang sa yuta

Mga Kalihokan sa Pagpalambo

Pagpili og pipila niini nga mga kalihokan nga gamiton sa panahon sa leksyon.

Pagpili og pipila ka mga kalihokan gikan sa mga leksyon 8 hangtud sa 13, sama sa “Ang mga Gibuhat sa Dios” o sa “Noe,” nga buhaton sa mga bata.
Ribyuha unsay nahitabo sa kada adlaw sa Paglalang samtang ang mga bata moihap sa mga adlaw ginamit ang ilang mga tudlo.
Kantaha o isulti ang mga pulong sa “Ang Akong Langitnong Amahan Nahigugma Kanako” [My Heavenly Father Loves Me] (Songbook sa mga Bata, p. 16) uban sa mga bata.
Padrowinga o pakolora ang mga bata og butang nga kabahin sa piano sa Langitnong Amahan, sama sa usa ka bulak, usa ka kahoy, o sa adlaw. Isulat sa ibabaw sa kada papel sa bata ang mapasalamaton ko sa yuta.

Dugang nga mga Kalihokan para sa Gagmayng mga Bata

Kantaha o isulti ang mga pulong sa “Ang Kalibutan Dako Kaayo” [The World Is So Big] 0Children’s Songbook, p. 235). Tabangi ang mga bata nga mohimo sa mga aksyon nga gipakita sa ubos:

Ang kalibutan dako, o, lingin kaayo (pagporma og usa ka dako nga lingin ginamit ang mga bukton),

Ug diha niini makita ang mga gilalang sa Dios;

Mga kabukiran (ibutang ang mga kamot ibabaw sa ulo nga magporma og bukid)

Ug mga walog (ipakulob ang mga kamot sa atubangan sa lawas)

Ug mga kahoy nga tag-as kaayo (ituy-od ang mga bukton pataas),

Mga hayop nga dagko (kab-otsa taas)

Ug ang mga hayop gagmay (kab-otsa ubos).

Ang mga bitoon misanag pag-ayo sa tibuok gabii (ipatuy-od ug ilihoklihok ang mga tudlo),

Ang adlaw init kaayo ug hayag kaayo (pagpormag dako kaayo nga lingin ginamit ang mga bukton).

Ang kalibutan dako kaayo, o lingin kaayo (pagporma og dako nga lingin ginamit ang mga bukton)

Ang Dios nahigugma kanatong tanan; daghan ang atong mga panalangin (gunite ang mga bukton ug gaksa ang kaugalingon.
Tabangi ang mga bata nga mohimo sa mga aksyon sa mosunod nga dula sa tudlo samtang imong isulti ang mga pulong:

Gilalang sa Dios

Ang Dios mibuhat sa bulan (paghimo og lingin ginamit ang mga kamot)

Ug nagkidlap nga mga bitoon (ibukhad o kumkuma ang mga kamot)

Ug gibutang kini sa langit (kab-otsa ibabaw).

Gibuhat Niya ang adlaw (pagporma og lingin ginamit ang mga bukton ibabaw sa ulo)

Ug mga kahoy (ipatuy-od pataas ang mga bukton)

Ug mga bulak (pinasawod nga mga kamot)

Ug sa gagmayng mga langgam nga molupad (iwarawara ang mga bukton).

(Gikan sa Fascinating Finger Fun ni Eleanor Doan. © 1951. Gigamit pinaagi sa pagtugot.)