Leksyon17

Mapasalamaton Ko sa Akong mga Kamot

Katuyoan

Aron sa pagtabang sa kada bata nga mopasalamat sa iyang mga kamot ug unsay mahimo niini.

Pagpangandam

1. Tun-i sa mainampoong paagi ang Mateo 19:13-15 ug ang Doktrina ug mga Pakigsaad 20:70; 35:6; 42:43-44.

2. Pagdalag bag o kahon nga dunay pamilyar nga mga butang nga Iain-Iain og mga grano ug porma, sama sa bato, dahon, piraso sa panapton, kutsara, sudlay, ug lapis. Apili usab bisan tagsa lang ka butang ang kada bata diha sa klase.

3. Kon mahimo, paghimo og kopya sa sign language handout (makita sa katapusan sa leksyon) alang sa kada bata.

4. Mga materyal nga gikinahanglan:

   1. Ua ka Biblia.

   2. Usa ka gamay nga butang sama sa butones o sensilyo.

   3. Hulagway 1-8, Pagpaambit sa Sakramento (62021); hulagway 1-11, Batang Lalaki Gibunyagan (62018); hulagway 1-12, Batang Babaye Gikumpirmahan (62020); hulagway 1-39, Nanalangin sa usa ka Batang Masuso; hulagway 1-40, Pagpangalagad ngadto sa Masakiton (62342).

5. Himoa ang gikinahanglang mga pagpangandam alang sa bisan unsang mga kalihokan sa pagpalambo nga gusto nimong gamiton.

Pahinumdom ngadto sa titser: Kinahanglan nga sensitibo ka sa mga pagbati ni bisan kinsang bata sa imong klase kinsa adunay mga depekto sa lawas. Pokus sa mga butang nga mahimo sa ilang mga lawas, ug dili sa ilang mga depekto.

Mga Kalihokan sa Pagkat-on

Pag-imbitar og usa ka bata sa paghatag sa pangbukas nga pag-ampo.

Pang-atensyon nga Kalihokan

Sultihi ang usa ka bata sa pagkuot sa bag o kahon nga imong giandam, nga dili motan-aw niini. Sugoa ang bata sa paghikap og usa sa mga butang, pasultiha unsay iyang nahikapan (humok, gahi, hamis, sagalsalon), ug pasulayi sa pagpatag-an kon unsa kini. Dayon ipakuha sa bata ang butang gikan sa bag o kahon ug ipakita kini ngadto sa klase. Ipahikap kini sa ubang mga bata. Padayon hangtud nga ang kada bata nakahikap na.

Pang-atensyon nga Kalihokan

• Unsay imong gigamit sa pagkuot sa bag (kahon)?

• Unsay imong gigamit sa paghikap sa butang?

Ipasabut nga ang atong mga kamot importanting panalangin ngari kanato. Atong magamit ang atong mga kamot sa daghang mga paagi.

Daghan Kitag Mahimo sa Atong mga Kamot

Sultihi ang mga bata sa pagpataas sa ilang mga kamot ug ipatan-aw kini. Hisguti ang mahitungod sa unsay mabuhat sa mga bata sa ilang mga kamot. Makapunit sila og butang sa ilang mga tudlo ug kumagko; makagunit sila og butang sa ilang mga palad, ilang mawarawara ug malisoliso ang ilang mga kamot sa tanang direksyon.

Kalihokan

Ginamit ang gamay nga butang sama sa butones o sensilyo, papulipuliha ang mga bata sa pagpunit sa butang nga dili mogamit sa ilang mga kumagko. Pahinumdumi ang mga bata nga ang kada parte sa atong mga lawas importante.

Kalihokan

Kalihokan

• Sa unsa nga paagi nga ang inyong mga kamot nakatabang kaninyo sa pag-andam sa pag-adto sa simbahan?

Ipa-pantomine sa mga bata ang mga kalihokan sa buntag, sama sa paghugas sa ilang mga nawong, pagsinina, pagsudlay sa ilang buhok, pagkaon, ug pagsipilyo sa ilang mga ngipon.

Kalihokan

• Sa unsang paagi nga ang inyong mga kamot makatabang kaninyo sa pagdula?

Ipa -pantomine sa mga bata ang mga paagi nga ilang magamit ang ilang mga kamot sa pagdula, sama sa pagpauntol sa bola, pagpakaon sa monyeka, paghimog bilding ginamit ang mga bloke o balas, o pagdula og dram.

Kalihokan

• Sa unsang paagi nga ang inyong mga kamot makatabang kaninyo sa pagtrabaho?

Ipa -pantomine sa mga bata ang mga paagi nga atong magamit ang atong mga kamot sa pagtrabaho, sama sa pagpunit sa mga dulaan, pag-andam sa lamesa, pag-andam sa higdaanan, o pagpakaon sa binuhi.

Kalihokan

• Sa unsang paagi nga ang inyong mga kamot nakatabang kaninyo kon kamo moadto sa Simbahan?

ipa-pantomine sa mga bata ang mga paagi nga magamit nato ang atong mga kamot didto sa Simbahan, sama sa paglamano, paggunit og litrato, pagpataas sa kamot aron sa pagtubag sa pangutana, o pag-ambit sa sakramento.

Tabangi ang mga bata nga makasabut nga ang atong mga kamot dako nga tabang ngari nato ug nga ang Langitnong Amahan ug si Jesus gusto nga kita mogamit sa atong mga kamot sa pagtabang sa atong mga kaugalingon ug sa pagtabang sa uban. Ipasabut nga ang Langitnong Amahan ug si Jesus dili gusto nga kita mogamit sa atong mga kamot sa pagpasakit sa uban—sa pagsumbag o pagkusi o sa pagkawras. Gusto sila nga makat-on kita sa paggamit sa atong mga kamot sa saktong paagi.

Ang ubang mga Tawo Mogamit sa Ilang mga Kamot aron sa Pagtabang Kanato

• Sa unsang paagi nga ang inyong mga ginikanan ug ubang mga sakop sa pamilya migamit sa ilang mga kamot aron sa pagtabang kaninyo?

Hisguti kon sa unsa nga paagi nga ang atong mga pamilya moandam sa atong pagkaon, molaba sa atong sinina, moliston sa atong sapatos, modula uban kanato, ug mohimo og daghang laing mga butang alang kanato.

Ipasabut nga ang mga tawo nga naghupot sa priesthood makapanalangin kanato pinaagi sa pagpandong sa mga kamot. Ipakita ang mga hulagway nga gilista sa seksyon sa “Pagpangandam,” tagsa-tagsa, ug ipaila sa mga bata ang lain-laing mga matang sa mga panalangin nga atong madawat pinaagi sa mga kamot sa mga naghupot sa pagkapari. Tabangi sila nga makasabut nga kita mahatagan og mga panalangin sa dihang mga bata pa kitang masuso; mabunyagan kita kon kita mag-edad na og walo ka tuig; makumpirmahan kita human sa bunyag ug mahatagan sa gasa sa Espiritu Santo; makaambit kita sa pan ug tubig, nga gipanalanginan ug gipaambit sa mga naghupot sa priesthood, sa panahon sa sakramento kada semana; ug makadawat kita og mga panalangin kon kita magmasakiton.

Istorya

Ablihi ang inyong Biblia sa Mateo 19:13-15 ug isaysay ang istorya ni Jesus nga nanalangin sa mga bata. Basaha og kusog ang unang bahin sa bersikulo 13 (hangtud sa pag-ampo). Hisguti kon giunsa paggamit ni Jesus ang iyang mga kamot sa pagpanalangin sa mga bata.

Ipasabut nga si Jesus migamit usab sa iyang mga kamot sa pagtabang sa mga tawo sa laing mga paagi, sama sa pagpanalangin kanila kon sila magmasakiton, buta, o bungol.

Ang Atong mga Kamot Makasulti

Gamita ang imong mga kamot sa pagkamay o pagtawag. Pangutan-a ang mga bata unsay imong gisulti ginamit ang imong mga kamot.

Ipasabut nga ang ubang mga tawo nga bungol ug dili makadungog o makasulti maghimo og mga sinyas sa ilang mga kamot nga magpasabut og mga pulong. Makig-istorya sila ginamit ang ilang mga kamot. Gitawag kini og sign language.

Kalihokan

Ginamit ang handout sa katapusan sa leksyon, tudloi ang mga bata unsaon sa pagsulti sa “amahan,” “inahan,” ug sa “Gimahal ko ikaw” sa sign language. Kon mahimo, hatagi ang kada bata og kopya sa handout nga dad-on sa ila ug ipakita ug hisgutan uban sa iyang pamilya.

Pagpamatuod

Ipataas ang imong mga kamot ug ipadayag ang imong pasalamat alang kanila. Awhaga ang mga bata sa pagpasalamat sa Langitnong Amahan alang sa ilang mga kamot ug sa paggamit sa ilang mga kamot sa pagtabang sa ilang mga kaugalingon ug sa uban.

Mga Kalihokan sa Pagpalambo

Pagpili og pipila niining mga kalihokan nga gamiton sa panahon sa leksyon.

1. Palut-i ang porma sa mga kamot sa kada bata sa usa ka piraso sa papel. Isulat Mapasalamaton ako sa akong mga kamot diha sa kada papel, ug pakolori sa bata ang pinalut-an ug ipadala sa ilaha.

2. Tabangi ang mga bata nga mokanta o mosulti sa mga pulong sa “Ako Dunay Duha ka Gagmay nga mga Kamot” [I Have Two Little Hands] (Songbook sa mga Bata, p. 126). Buhata ang mga aksyon nga gisugyot sa mga pulong.

3. Kon maayo ang lugar ug panahon, dad-a ang mga bata sa gawas aron mohikap sa mga butang nga dunay lain-laing grano, sama sa tisa, masilya, mga punoan sa kahoy, ug kasagbutan.

4. Buhata ang mosunod nga kalihokan aron sa pagtabang sa mga bata nga moihap sa ilang mga tudlo ug mga kumagko.

   Pag-ihap sa mga Tudlo

   Ipataas ang usa ka kamot ug gamita ang usa ka tudlo sa imong laing kamot sa pagtudlo ug pag-ihap, sugod sa kinagamyan nga tudlo.

   Usa ka tudlo, duha ka mga tudlo, tulo ka mga tudlo, upat.

   Karon usa ka kumagko nga idugang.

   Lima ang anaa sa usa ka kamot,

   Sama sa gipiano sa Langitnong Amahan.

   Ipataas ang laing kamot ug itudlo ug ipha sa samang paagi.

   Usa ka tudlo, duha ka mga tudlo, tulo ka mga tudlo, upat.

   Karon usa ka kumagko nga idugang

   Lima ang anaa niining kamota usab.

   Makatudlo ko nila unsay buhaton.

   Ipataas ang duha ka mga kamot ug ipiko ang kada tudlo kon kini naihap na.

   Napulo ang tanan—iphon natog usab.

   Usa ug duha ug tulo ug upat,

   Lima, unom, pito, walo, siyam, napulo—ang tanan.

   (Ipatul-id pagdungan ang mga tudlo.)

   Tisar silang makatindog ug taas.

5. Kantaha ang kanta nga “Makalingaw” [Fun to Do] (Songbook sa mga Bata, p. 129) sa makadaghan nga higayon. Alang sa kada bersikulo, pasultiha ang mga bata og butang nga mahimo sa ilang mga kamot, sama sa pagpauntol og bola, pagpu-pu og bulak, pagduyan og monyeka, pagpatukar sa piano, o sa pagbabay.

6. Tabangi ang mga bata sa pagbuhat sa mosunod nga kalihokan ginamit ang bersikulo, ginamit ang mga aksyon nga gisugyot sa mga pulong.

   Mokab-ot ko og Taas

   Mokab-ot ko og taas

   Ug mokab-ot sa ubos

   Ug lamanohon ang mga kamot.

   Akong ilagyo pag-ayo ang akong mga tudlo,

   Ug karon kumoon nako kini.

   Mokab-ot ko sa atubangan

   Ug mokab-ot ko sa luyo;

   Akong pakpakon ang akong mga kamot sama niini.

   Dayon molingkod ug mobutang niini sa akong paa.

   Diin hilom silang magpabilin.

Dugang nga mga Kalihokan para sa Gagmayng mga Bata

1. Tabangi ang mga bata nga mohimo sa mga aksyon sa mosunod nga kalihokan ginamit ang bersikulo samtang imong isulti ang mga pulong:

   Gusto Ko sa Akong mga Kamot

   Gusto ko sa akong mga kamot; sila akong mga higala (ibutang ang mga kamot sa atubangan ug tan-awa kini).

   Bise sila ug matinabangon hangtud sa pagsalop sa adlaw (ipa-pantomime ang trabaho nga mahimo sa mga kamot).

   Hilom silang makakyugpos (ikyugpos ang mga kamot) o ipakpak og kusog (pakpak)!

   Kon sila mobuhat unsa ang matarung, mapagarbuhon kaayo ko!

2. Palingkura ang mga bata nga mag-alirong. Ihulagway ang sitwasyon ug ipa -pantomine sa mga bata unsay buhaton sa ilang mga kamot niana nga sitwasyon.

   Mga Ehemplo:

   Ipakita kanako unsay buhaton sa inyong mga kamot sa dili pa mangaon.

   Ipakita kanako unsay buhaton sa inyong mga kamot kon maminaw sa usa ka istorya.

   Ipakita kanako unsay buhaton sa inyong mga kamot kon gisugo kamo sa pagpunit sa inyong mga dulaan.

   Ipakita kanako unsay buhaton sa inyong mga kamot kon kamo mag-ampo.

   Ipasabut nga kinahanglan nga atong tabangan ang atong mga kamot kanunay sa pagbuhat sa mga butang nga ilang buhaton.

3. I -recite ang mosunod nga bersikulo uban sa mga bata, mohimo sa mga aksyon nga gisugyot sa mga pulong:

   Ipakpak ang Inyong mga Kamot

   Pakpaka ang inyong mga kamot, pakpaka ang inyong mga kamot,

   Pakpaka kini pareho sa akong gihimo.

   Hikapa ang inyong mga abaga, hikapa ang inyong mga abaga,

   Hikapa kini pareho sa akong gihimo.

   Pikpika ang inyong mga tuhod, pikpika ang inyong mga tuhod,

   Pikpika kini pareho sa akong gihimo.

   Uyuga ang inyong ulo, uyuga ang inyong ulo,

   Uyuga kini pareho sa akong gihimo.

   Pakpaka ang inyong mga kamot, pakpaka ang inyong mga kamot,

   Karon pahiloma na sila.

Ang Atong mga Kamot Makasulti

Ako

Nahigugma

Kaninyo

Papa

Mama