Leksyon 20

Mapasalamaton Ko Nga Ako Makasimhot ug Makatilaw

Katuyoan

Aron sa pagtabang sa kada bata nga magpasalamat sa mga pamalatian [senses] sa pagsimhot ug sa pagtilaw.

Pagpangandam

1. Tun-i sa mainampoong paagi ang Exodo 16:11-15, 31 ug Doktrina ug mga Pakigsaad 59:18-19.

2. Mga materyal nga gikinahanglan:

   1. Usa ka Biblia ug usa ka kopya sa Doktrina ug mga Pakigsaad.

   2. Usa ka gamay nga sampoi alang sa kada bata sa humot nga pagkaon (sama sa prutas, pan, cookie, o popcorn). Ibutang ang mga sampoi diha sa bag. Pakisusi sa mga ginikanan sa mga bata sa pagsiguro nga walay bata nga allergic sa pagkaon.

   3. Sampoi sa pagkaon nga aslom (sama sa lemon juice), parat (sama sa asin), ug tamis (sama sa asukar) patilawan sa mga bata. Pakisusi sa mga ginikanan sa mga bata aron masiguro nga walay bata nga allergic sa bisan hain sa mga sampoi.

   4. Hulagway 1-35, Pagpanguha sa Mana.

3. Himoa ang gikinahanglan mga pagpangandam alang sa bisan unsang mga kalihokan sa pagpalambo nga gusto nimong gamiton.

Pahinumdom ngadto sa titser: Kinahanglang nga magmabination ka sa mga pagbati ni bisan kinsang bata sa imong klase kinsa adunay mga depekto sa lawas. Pokus sa mga butang nga mahimo sa ilang mga lawas, dili sa ilang mga depekto.

Mga Kalihokan sa Pagkat-on

Pag-imbitar og usa ka bata sa paghatag sa pangbukas nga pag-ampo.

Pang-atensyon nga Kalihokan

Hangyoa ang mga bata sa pagpiyong sa ilang mga mata. Ipasimhot sa mga bata ang mga sampoi sa pagkaon diha sa bag ug ipatag-an kon unsa kini nga pagkaon. Samtang gipiyong pa ang ilang mga mata, hatagi ang mga bata og sampoi nga makaon. Ipabuka sa mga bata ang ilang mga mata, ug ipakita o sultihi sila unsa ang ilang gikaon.

Pang-atensyon nga Kalihokan

• Unsay baho niini nga pagkaon?

• Unsay lami niini nga pagkaon?

Sultihi ang mga bata nga matagamtaman nila ang pagkaon bisan og dili nila kini makita. Makahimo sila niini tungod kay ang Langitnong Amahan mipanalangin kanila sa mga pamalatian sa pagsimhot ug pagtilaw.

Duna kitay ilong aron kita makasimhot

• Unsaon nato pagsimhot ang mga butang?

Hisguti uban sa mga bata ang ubang mga butang nga ilang nasimhutan nianang semanaha, sama sa pagluto sa pagkaon, preskong hangin human sa ulan, o mga bulak. Sultihi ang mga bata nga kinahanglang magpasalamat kita sa Langitnong Amahan sa atong pamalatian sa pagsimhot.

• Unsa nga mga butang ang inyong gustong simhuton?

Kalihokan

Tabangi ang mga bata sa paghimo sa mosunod nga kalihokan ginamit ang bersikulo:

Duna Akoy Hong

Duna koy ilong (itudlo ang Hong).

Anaa sa akong nawong (ibutang ang mga kamot diha sa mga aping),

Diha sa tunga

Sa pinakasakto nga lugar (gamita ang tudlo sa pagdrowing sa imaginary nga lingin libut sa ilong).

Ang akong ilong makahingos (hingos);

Ang akong ilong makasimhot (ginhawag lawom pinaagi sa ilong ug ipagawas.).

Nagpasalamat ko sa Langitnong Amahan (ikyugpos ang mga bukton)

Nga maayo ra ang akong ilong.

Kitang tanan dunay dila aron kita makatilaw

Ipasabut nga ang Langitnong Amahan mipanalangin sa kada usa kanato og dila aron kita makatilaw. Patilawi sa mga bata ang aslom, parat, ug tam-is nga mga butang kon gusto sila.

• Hain ang aslom?

• Hain ang parat?

• Hain ang tam-is?

• Unsa ang inyong paboritong butang nga natilawan?

Ipakita ang kopya sa Doktrina ug mga Pakigsaad (o sa ulohang pahina sa Doktrina ug mga Pakigsaad sa tulo ka kombinasyon). Ipasabut nga kita giingnan niining basahon sa kasulatan nga ang mga butang nga humot ug maayo para kanato nga magamit ug matagamtaman (Tan-awa sa D&P 59:18-19).

Istorya

Ipakita ang hulagway 1-35, Pagpanguha sa Mana. Isaysay ang istorya sa mana, nga makita sa Exodo 16:11-15, 31.

Istorya

• Unsay may lami sa mana? (Tan-awa sa Exodo 16:31.)

• Nakatilaw na ba mo og dugos?

• Unsay lami niini?

Ipasabut nga adunay daghang mga butang nga dilikado nga tilawan: ang ubang mga berry, mga suplay sa panglimpyo, mga butang gikan sa wala mahibaloi nga mga botelya o mga lata, o medisina o mga tabletas nga walay pagtugot sa mga ginikanan. Kining mga butanga makadaot gayud kanato. Ipasabut ang kaimportante sa pagpangutana og usa ka hamtong sa dili pa ang mga bata motilaw o mokaon og bisan unsa.

Pagpamatuod

Ipadayag ang inyong pasalamat sa ilong nga makasimhot sa mga butang ug dila nga makatilaw. Pahinumdumi ang mga bata sa pagpasalamat sa Langitnong Amahan alang sa mga pamalatian [senses] sa pagsimhot ug pagtiiaw.

Mga Kalihokan sa Pagpalambo

Pagpili og pipila niini nga mga kalihokan nga gamiton sa panahon sa leksyon.

1. Pagdala og pipila ka butang nga dunay nindot og humot, sama sa sabon, usa ka bulak, ug lemon, ug pipila ka mga butang nga walay baho, sama sa piraso sa papel ug usa ka dulaan. Ipapunit sa mga bata ang butang nga ilang mapanimahoan. Ipapiyong sa usa ka bata ang iyang mga mata, mosimhot og usa sa mga butang, ug motag-an unsa kini. Papulipuliha ang kada bata.

2. Ipatan-aw sa mga bata ang ilang mga dila sa salamin. Ipasabut nga ang atong mga dila adunay daghang mga igtitilaw nga motabang kanato sa pagtiiaw sa mga butang nga tam-is, aslom, ug parat. Patilawa ang mga bata og tubig. Ipasabut nga ang atong mga dila makatabang usab kanato nga makasulti kon kana nga butang basa ba o bugnaw.

3. Padrowinga ang kada bata og usa ka hulagway sa iyang paborito nga pagkaon. Sultihi ang mga bata sa pagpakita sa ilang mga hulagway ug ipasulti kon unsa ang ilang paborito nga mga pagkaon.

4. Pagbutang og gamay nga porsyon sa mga butang nga popareho pero lahi og lami, sama sa asin ug asukar o harina ug tayubong. Hatagi ang kada bata og gamay sa kada aytem aron tilawan. Dayon pangutan-a ang mga bata kon unsay lami sa kada aytem. Hisguti ang ubang mga butang nga poparehong tan-awon pero lahi og lami. (Susiha sa mga ginikanan sa mga bata aron sa pagsiguro nga walay bata nga allergic sa bisan unsa sa imong gidala.)

5. Kantaha ang “Alang sa Kahimsog ug Kalig-on” [For Health and Strength] (Songbook sa mga Bata, p. 18).

Dugang nga mga Kalihokan para sa Gagmayng mga Bata

1. Pagdrowing og pormag oval sa pisara o sa piraso sa papel. Ipasabut nga ang oval usa ka litrato sa usa ka nawong.

   • Unsay nawala?

     Samtang ang mga bata mohingalan sa mga mata, mga dalunggan, ilong, ug ba-ba, drowinga kini diha sa litrato. Dayon ribyuha unsa ang buhatunon sa kada usa. Ipadayag kon unsa ikaw ka mapasalamaton sa Langitnong Amahan sa imong lawas.

2. Itudlo ang imong ba-ba ug sulti, “Mao kini ang akong ba-ba.” Dayon pangutana, “Makapakita ba mo sa inyong ba-ba?” ug tabangi ang mga bata nga motudlo ngadto sa ilang kaugalingong mga ba-ba. Balika alang sa mga mata, ilong, mga dunggan, mga kamot, ug mga tiil. Dayon tudlo ngadto sa kada parte sa lawas nga dili mosulti sa pangalan niini ug ang mga bata maoy pasultiha sa pangalan niini. Kon ang mga bata makahatag sa pangalan sa tanang mga parte, mahimo nimong ipangutana ang mga pangalan sa ubang mga parte sa lawas nga wala kaayo mailhi sa mga bata, sama sa mga siko, mga tuhod, mga pulso, ug mga buolbuol.

3. Pabaruga ang mga bata ug ipasulti ang mosunod nga bersikulo, maghimo sa mga aksyon nga gipahayag sa mga pulong:

   Hikapa ang Inyong mga Mata

   Hikapa ang inyong mga mata,

   Hikapa ang inyong ilong,

   Hikapa ang inyong mga dalunggan,

   Hikapa ang inyong mga tudlo sa tiil.

   Ituy-od ang inyong mga kamot

   Taas kaayo,

   Taas pa gayud

   Ngadto sa langit.

   Ibutang ang inyong mga kamot

   Sa inyong buhok;

   Hilom nga molingkod

   Sa inyong lingkuranan.