Leksyon 26

Mga Pamilya Mahimong Magkauban Hangtud sa Kahangturan

Katuyoan

Aron sa pagtabang sa kada bata nga makasabut nga ang mga templo sagrado nga mga dapit diin ang mga pamilya mahimong magkaubang ma-sealed hangtud sa kahangturan, ug aron sa pag-awhag sa kada bata sa pagpangandam sa pagsulod sa templo.

Pagpangandam

1. Tun-i sa mainampoong paagi ang Doktrina ug mga Pakigsaad 97:15–17 ug 124:37–41. Tan-awa usab sa Mga Baruganan sa Ebanghelyo (31110), kapitulo 36, ug “Templo” diha sa Ang Giya ngadto sa mga Kasulatan.

2. Mga materyal nga gikinahanglan:

   1. Usa ka kopya sa Doktrina ug mga Pakigsaad.

   2. Hulagway 1-5, Pamilya nga dunay Batang Masuso (62307); hulagway 1-7, Usa ka Mahigugmaon nga Pamilya; hulagway 1-54, Templo sa Salt Lake (Pakete sa mga Hulagway sa Ebanghelyo 502; 62433); mga hulagway sa uban pang mga templo kon anaa (Pakete sa mga Hulagway sa Ebanghelyo 505; 62434-62448, 62566-62569, 62583-62601, 62613-62619); ang pahina sa mga drawing sa katapusan sa leksyon.

3. Himoa ang gikinahanglang mga pagpangandam alang sa bisan unsang mga kalihokan sa pagpalambo nga gusto nimong gamiton.

Mga Kalihokan sa Pagkat-on

Pag-imbitar og usa ka bata sa paghatag sa pangbukas nga pag-ampo.

Pang-atensyon nga Kalihokan

Ipakita ang hulagway 1-54, Templo sa Salt Lake, ug mga hulagway sa pipila sa uban pang mga templo, lakip na sa templo diha sa inyong temple district, kon anaa. Tuguti ang mga bata sa pagsulti kon unsay ilang nahibaloan kabahin sa mga templo.

Pang-atensyon nga Kalihokan

• Nakakita na ba kamo og usa ka templo?

• Unsa man ang inyong mahunahunaan kon makakita kamo og usa ka templo?

Hisguti ang kaanindot sa mga templo, nga magtudlo sa mga spire, mga bintana, ug mga pultahan. Ipasabut nga sa gawas nga bahin sa bongbong sa kada templo mao ang mga pulong nga Ang Balay sa Ginoo. Ang mga miyembro sa Simbahan moadto sa templo aron makat-on kabahin sa Langitnong Amahan ug ni Jesus ug sa ilang gugma para kanato.

Kalihokan

Ipabutang sa mga bata ang ilang mga kamot sa ibabaw sa ilang mga ulo aron makahimo og usa ka spire sa templo. Hangyoa sila sa pagbarug og tul-id ug tisar ug magpakaaroningnon nga sila maanindot nga templo. Dayon hangyoa sila sa paglingkod nga hilom.

Ang templo usa ka sagrado nga dapit

Ipasabut nga ang templo usa ka sagrado nga dapit (tan-awa sa D&P 97:15-17). Hangyoa ang mga bata sa pagsubli sa pulong sagrado. Kini nagpasabut nga ang templo usa ka espesyal kaayo nga dapit diin ang tanan nagpahinumdom kanato mahitungod sa Langitnong Amahan ug ni Jesus.

Sultihi ang mga bata nga kon motuman sila sa mga sugo sa Langitnong Amahan, makaadto sila sa templo inig ka dako na nila. Ipasabut nga sa templo maghimo kita og espesyal nga mga saad ngadto sa Langitnong Amahan aron sa pagsunod sa iyang mga sugo. Mahimo usab kita nga maminyo sa templo, ug mahimo kitang mabunyagan alang sa mga tawo kinsa wala pa mabunyagi samtang nagpuyo pa sila dinhi sa yuta.

Ipataas sa mga bata ang tulo ka mga tudlo ug ipasubli ang tulo ka mga butang nga ilang mabuhat sa templo inig ka dako na nila:

“Sa templo makahimo ko og espesyal nga mga saad ngadto sa Langitnong Amahan.”

“Sa templo mahimo kong maminyo.”

“Sa templo mahimo kong mabunyagan alang sa uban.”

Kanta

Pabaruga ug pakantaha ang mga bata o pasultiha sa mga pulong sa unang bahin sa “Gusto Kong Makita ang Templo” [I Love to See the Temple] (Songbook sa mga Bata, p. 99), nga maggamit sa mosunod nga mga aksyon:

Gusto kong makita ug (ihugpong ang mga tudlo ug ipataas ang unang tudlo sa kada kamot aron makahimo og usa ka spire).

Moadto sa templo (maglakaw-lakaw sa nahimutangan)

Espiritu mabati (ibutang ang kamot ibabaw sa kasingkasing),

Maminaw’g mag-ampo (ibutang ang kamot sa likod sa dalunggan, dayon ikyugpos ang mga bukton).

(© 1980 ni Janice Kapp Perry. Gigamit nga may pagtugot.)

Ipasabut nga tungod kay ang templo usa man ka sagrado nga dapit, magsul-ob kita og puti nga sinina kon naa kita sa sulod. Ang sinina nagpahinumdom kanato nga ang Langitnong Amahan ug si Jesus gusto nga kita limpyo ug putli ug sa kanunay mopili kon unsa ang matarung.

Kanta

• Unsa man ang kolor sa sinina nga inyong gisul-ob karon?

• Unsa man ang kolor sa sinina nga inyong isul-ob sa sulod sa templo?

Ipasabut nga tungod kay ang templo usa man ka sagrado nga dapit, magbinuotan kita kon naa kita sa sulod. Mohunghong kita ug mosulti og hinay. Ipahunghong sa mga bata ang, “Akong gihigugma ang Langitnong Amahan ug si Jesus.” Ipasabut nga atong bation ang kalipay ug kalinaw diha sa templo tungod kay atong bation nga duol kita sa Langitnong Amahan ug ni Jesus.

Istorya

Isaysay ang mosunod nga istorya kabahin ni Presidente Lorenzo Snow sa imong kaugalingong mga pulong:

Si Lorenzo Snow nasayud nga sa dili madugay mamahimo siyang propeta sa Simbahan. Miadto siya sa templo, misul-ob sa iyang puti nga sinina, ug miluhod sulod sa usa ka espesyal nga lawak aron mag-ampo. Gusto niya nga sultihan siya sa Langitnong Amahan kon unsay iyang kinahanglang buhaton aron sa pagpangulo sa Simbahan. Nagsige siya og ampo pero wala makadawat og tubag. Sa dihang mobiya na si Presidente Snow sa lawak diin siya nag-ampo, si Jesus nagpakita kaniya. Si Jesus nagsul-ob og nindot kaayo nga puti nga mga kupo ug hayag ug siga kaayong tan-awon nga maglisud gani si Presidente Snow sa pagtanaw kaniya. Makita nga si Jesus daw nagbarug ibabaw sa solidong bulawan. Gisultihan ni Jesus si Presidente Snow sa mga butang nga giampo niya nga angayng mahibaloan.

Istorya

• Ngano kaha sa inyong hunahuna nga si Presidente Snow nag-ampo man sulod sa templo imbis nga sa ubang mga dapit? (Tungod kay bation niya nga mas duol ngadto sa Langitnong Amahan ug ni Jesus sa sulod sa templo.)

Ang mga Templo Motabang sa mga Pamilya nga Magkauban Hangtud sa Kahangturan

Ipakita ang hulagway 1-5, Pamilya nga dunay Batang Masuso, ug hulagway 1-7, Usa ka Mahigugmaon nga Pamilya. Ipasabut nga ang mga templo makatabang sa mga pamilya nga magkauban hangtud sa kahangturan. Kon ang usa ka lalaki ug usa ka babaye maminyo sa templo ug motuman sa mga sugo, ang Langitnong Amahan misaad kanila nga mahimo silang magkauban ug uban sa tanan nilang mga anak hangtud sa hangtud. Ato kining gitawag nga ang pagka-sealed isip usa ka pamilya.

• Kinsa man ang mga tawo diha sa inyong pamilya?

• Unsa man ang inyong bation kon naa kamo uban sa inyong pamilya?

• Sa unsa man nga paagi nga ang usa ka pamilya magkauban hangtud sa kahangturan?

Pasaligi ang mga bata nga ang Langitnong Amahan ug si Jesus naghigugma sa kada pamilya ug gusto nga ang kada pamilya magkaubang ma -sealed hangtud sa kahangturan. Ipasabut nga ang mga pamilya kinsa wala pa ma-sealed sa templo makapangandam sa ilang mga kaugalingon pinaagi sa pagtuman sa mga sugo sa Langitnong Amahan. Dayon makaadto sila sa templo aron ma-sea/ec/ isip usa ka pamilya.

Kanta

Uban sa mga bata, kantaha o isulti ang mga pulong sa koro sa “Mga Pamilya Mahimong Manag-uban sa Hangtud” [Families Can Be Together Forever] (Songbook sa mga Bata, p. 98) sa pipila ka mga higayon.

Pamilya manag-uban sa hangtud

Sa piano’s Amahan.

Buot kong pirming naa’s akong pamilya,

Gitudloan ko kon unsaon.

Gitudloan ko’s Ginoo.

Makapangandam Ko sa Pag-adto sa Templo

Pahinumdumi ang mga bata nga ang kada usa nga motuman sa mga sugo sa Langitnong Amahan mahimong makaadto sa templo. Ipakita ang pahina sa mga drawing nga gilakip sa katapusan sa leksyon ug pahisguti sa mga bata ang mga sugo nga gihulagway. Ipasabut nga ang pagsunod sa mga sugo motabang sa mga bata nga mahimong takus nga makaadto sa templo inig ka dako na nila.

• Pag-ampo.

• Sunda ang mga ginikanan.

• Higugmaa ang usag usa.

• Adto sa simbahan.

• Bayad sa ikapulo.

• Kaon og maayong mga pagkaon (sunda ang Pulong sa Kaalam).

• Magmatinuoron.

Pagpamatuod

Ipaambit ang imong mga pagbati kabahin sa kaimportante sa mga pamilya nga magkauban hangtud sa kahangturan ug kabahin sa mga panalangin sa templo. Pahinumdumi ang mga bata nga ang pagsunod sa ilang mga ginikanan ug ang pagsunod sa mga sugo sa Langitnong Amahan importante nga mga paagi aron sa pagpangandam sa pag-adto sa templo.

Mga Kalihokan sa Pagpalambo

Pagpili og pipila niining mga kalihokan nga gamiton sa panahon sa leksyon.

1. Tabangi ang mga bata nga makasabut nga ang kahangturan usa ka taas nga panahon. Mahimo nimo silang sultihan nga mas taas pa kini kay sa panahon nga ilang hulaton hangtud sa sunod nilang adlawng natawhan o sa sunod nga holiday, mas taas pa kini kay sa panahon nga nabuhi ang kinatigulangang tawo nga ilang nahibaloan; mas taas pa kini kay sa pagbalik sa panahon nga buhi pa sila si Adan ug Eva. Ipasabut nga ang kahangturan nagpasabut nga kanang dili gayud matapos.

   Tabangi ang mga bata sa paghimo sa mga aksyon sa mosunod nga bersikulo samtang gisulti nimo ang mga pulong:

   Unsa ka Dugay ang Kahangturan?

   Unsa ka dugay ang kahangturan (tudloa ang ulo, nga daw naghunahuna)?

   Mas dugay pa kini kay sa usa ka tuig (ibutang ang kumo ubos sa suwang, nga magsagang sa siko ang laing kamot).

   Mas dugay pa kini kay sa mismong panahong gihulat (ibutang ang laing kumo ubos sa suwang, sagnga ang siko sa kamot)

   Nga ang Pasko moabut.

   Unsa ka dugay ang kahangturan (tudloa ang ulo, nga daw naghunahuna)?

   Dili ingon gyud ka dugay sa paggahin (ikitoy pabalik-balik ang mga tudlo)

   Uban sa mga pamilya nga inyong gihigugma (gaksa ang kaugalingon),

   Kay kini dili gyud, dili gyud matapos!

2. Uban sa pagtugot sa inyong presidente sa Primary, imbitara ang mga ginikanan sa usa ka bata diha sa imong klase aron sa pagpakigbahin sa ilang mga pagbati kabahin sa kaimportante nga ma-sealed sa templo.

3. Pakopyahi ang pahina sa mga drawing nga naa sa katapusan sa leksyon para sa kada bata. Pakolori sa mga bata ang mga drawing.

4. Uban sa pagtugot sa inyong presidente sa Primary, Pag-imbitar og usa ka pamilya sa inyong ward nga bag-ohay pa lang nga miadto sa templo aron ma-sealed sa pagsulti ngadto sa klase kabahin niana nga kasinatian.

Dugang nga mga Kalihokan para sa mas Gagmayng mga Bata

1. Tabangi ang mga bata sa paghimo sa mga aksyon sa mosunod nga bersikulo samtang nagsulti ka sa mga pulong:

   Usa ako ka Helper

   Karong dako na ko ug taas na (barug nga magkinto ug ituyhad gyud og maayo ang mga bukton pataas),

   Mahimo na kong maayong mag-aabag.

   Usa ka mag-aabag ngadtong papa (ipataas ang unang tudlo),

   Kinsa mabination ug buotan;

   Motabang ko kang mama (ipataas ang ikaduhang tudlo)

   Sa mga butang nga kinahanglan kong buhaton.

   Usa ka mag-aabag ngadto sa akong igsoong babaye (ipataas ang ikatulong tudlo),

   Ngadto usab sa igsoong lalaki (ipataas ang ikaupat nga tudlo);

   Usa ka helper ngadto sa tanan nakong matinud-anong mga higala (ipataas ang kumagko).

   Ug maningkamot kong mahimong mag-aabag ngadto sa Dios

   Pinaagi sa paghigugma sa uban sama sa iyang paghigugma nako (ikiyugpos ang mga bukton).

   Gusto kong mahimong usa ka mag-aabag ngadto sa tanan (ibukhad og dako ang mga bukton),

   Karong dako na ko ug taas na (barug nga magkinto ug ituyhad gyud og maayo ang mga bukton pataas).

2. Tabangi ang mga bata sa paghimo sa mga aksyon sa mosunod nga kalihokan ginamit ang bersikulo samtang nagsulti ka sa mga pulong. Sublia sa makadaghan sigun sa imong gusto.

   Make a circle with everyone standing, holding hands. Hold hands throughout the activity.

   Paalironga ang tanan nga magbarug, nga magkinuptanay sa mga kamot. Magkinuptanay sa mga kamot sa tibuok kalihokan.

   Nagpuyo kitang tanan uban sa Langitnong Amahan (paduolon ang tanan nga sikit gyud, nga magbutang sa mga kamot diha sa sentro sa lingin).

   Gipadala kita Niya dinhi sa yuta aron mabuhi (mokatag ngadto sa usa ka dakong lingin).

   Gihatagan kita Niya og mga pamilya nga maghigugma ug magtudlo kanato (moduol na usab nga sikit).

   Ang atong mga pamilya motabang kanato nga mopuyo pag-usab uban kaniya (mokatag na usab ngadto sa usa ka dakong lingin).

3. Pag-andam og usa ka simpol nga outline sa usa ka templo diha sa papel aron makoloran sa mga bata.

Makapangandam Ko sa Pag-adto sa Templo

Pag-ampo

Adto sa Simbahan

Kaon og Maayong mga Pagkaon

Sunda ang mga Ginikanan

Higugmaa ang Usag Usa

Bayad sa Ikapulo Kaon og

Magmatinuoron