Leksyon 3

Ang Plano sa Langltnong Amahan alang Kanato

Katuyoan

Aron sa pagtabang sa kada bata nga makasabut nga nagpuyo kita uban sa Langitnong Amahan isip espiritu nga mga anak sa wala pa kita moanhi sa yuta ug nga kita makapuyo uban kaniya pag-usab human niini nga kinabuhi.

Pagpangandam

1. Tun-i sa mainampoong paagi ang Abraham 3:22-27. Tan-awa usab ang Mga Baruganan sa Ebanghelyo (31110), kapitulo 2.

2. Mga materyal nga gikinahanglan:

   1. Mga kasulatan.

   2. Usa ka monyeka o papel nga pormag tawo.

   3. Hulagway 1-1, Ang Kalibutan (62196); hulagway 1-3, Jesus ang Kristo (Pakete sa mga Hulagway sa Ebanghelyo 240; 62572); hulagway 1-5, Pamiiya uban sa usa ka Batang Masuso (62307); litrato 1-6, Family Home Evening (62521); hulagway 1-7, Usa ka Mahigugmaong Pamilya; hulagway 1-8, Pagpakalawat saSakramento (62021); hulagway 1-9, Pag-ampo sa Buntag (62310); hulagway 1-10, Pag-ampo sa Pamilya (62275); hulagway 1-11, Batang Lalaki nga Gibunyagan (62018); hulagway 1-12, Batang Babaye nga Gikumpirmahan (62020); hulagway 1-13, Joseph Smith (Pakete sa mga Hulagway sa Ebanghelyo 400; 62449).

3. Himoa ang gikinahanglang mga pagpangandam alang sa bisan unsang mga kalihokan sa pagpalambo nga gusto nimong gamiton.

Mga Kalihokan sa Pagkat-on

Pag-imbitar og usa ka bata sa paghatag sa pangbukas nga pag-ampo.

Pang-atensyon nga Kalihokan

Ibutang ang monyeka o papel nga pormag tawo diha sa usa sa mga lingkuranan sa mga bata. Hangyoa ang mga bata sa pagbarug, pagtalikod, ug paglingkod pag-usab.

Pang-atensyon nga Kalihokan

• Nganong wala man motindog ang monyeka?

• Nganong makabarug man mo?

Hisguti ang mahitungod sa kalainan tali sa mga bata ug sa monyeka. Tabangi ang mga bata nga makasabut nga sila buhi. Sila adunay espiritu sulod sa ilang lawas nga maoy nakapabuhi nila aron sila makakita, makadungog, makabarug, makalihok, makahunahuna, ug makasulti.

Kita Espiritu nga mga Anak sa Langitnong Amahan

Ribyuha uban sa mga bata kon sa unsa nga paagi kita nagpuyo uban sa Langitnong Amahan isip iyang espiritu nga mga anak sa wala pa kita matawo dinhi sa yuta. Malipayon kita, ug nakauyon kita nga nagpuyo uban sa Langitnong Amahan. Wala kitay pisikal nga mga lawas pareho karon, pero kita mga espiritu. Ipasabut nga ang usa ka espiritu sama sa pisikal nga lawas pero walay unod ug mga bukog.

• Diin kamo magpuyo sa wala pa kamo matawo dinhi sa yuta?

Kanta

Kantaha ang “Ako Anak sa Dios” [“I Am a Child of God”] (Songbook sa mga Bata, p. 2) uban sa mga bata. Pahinumdumi ang mga bata nga ang Dios mao ang laing pangalan alang sa Langitnong Amahan.

Ako anak sa Dios,

Gipadala dinhi,

Panimalay, ginikanan

Ako gihatagan.

Agaka ko, tudloi ko,

Unsay buhaton.

Nga makabalik ko sa

Amahang Langitnong.

Kalihokan

Pabaruga ang usa ka bata sa imong tupad. Gamita ang pangalan sa bata, ipasabut nga siya nagpuyo uban sa Langitnong Amahan sa wala pa matawo dinhi sa yuta, ug siya usa ka espiritu nga anak kinsa nahigugma sa Langitnong Amahan. Buhata kini sa kada bata.

Ipasabut nga tungod kay ang Langitnong Amahan nahigugma kanato, siya adunay piano alang kanato. Sa wala pa mabuhat ang yuta, ang Langitnong Amahan mitawag sa iyang mga anak nga magpundok aron ipasabut ang iyang piano. Kitang tanan, atong mga ginikanan, ug atong mga igsoon didto usab.

Ang Langitnong Amahan Mipadala Kanato aron Mopuyo dinhi sa Yuta

Ipakita ang hulagway 1-1, Ang Kalibutan. Ipasabut nga ang yuta kabahin sa piano sa Langitnong Amahan. Ubos sa direksyon sa Langitnong Amahan, gilalang ni Jesukristo ang yuta alang kanato. Gipadala kita dinhi aron matawo ug makadawat og pisikal nga lawas.

Ipakita ang hulagway 1-5, Pamilya uban sa usa ka Batang Masuso. Pahisguti sa mga bata ang mahitungod sa litrato. Sultihi sila nga naghinamhinam kita nga moanhi sa yuta ug magkat-on ug magtubo. Mianhi kita sa yuta isip mga batang masuso ngadto sa mga pamilya kinsa magmahal kanato ug moatiman kanato.

Sultihi ang mga bata nga sa dihang mianhi kita sa yuta, gihatagan kita og pisikal nga mga lawas nga dunay panit, mga unod, dugo, ug mga bukog. Ipahikap sa mga bata ang ilang kaugalingong mga bukton.

• Mabati ba ninyo ang bukog ilawom sa inyong bukton?

• Makita ba ninyo ug mabati ang inyong panit?

• Mabati ba ninyo ang inyong mga unod?

Pahinumdumi ang mga bata nga ang atong mga espiritu sulod sa atong mga lawas mihatag kanato sa kinabuhi, pero dili nato makita o mahikap ang mga espiritu. Ang atong pisikal nga mga lawas makita ug mahikap. Sultihi ang mga bata nga dakong panalangin nga dunay pisikal nga lawas.

Kalihokan

I -recite ang mosunod nga bersikulo uban sa mga bata. Itudlo ang kada parte sa lawas kon kini gihisgutan.

Mapasalamaton Ako sa Akong mga Mata

Mapasalamaton ako sa akong mga mata,

Sa akong mga dalunggan, sa akong mga ba-ba ug ilong;

Mapasalamaton ako sa akong mga kamot ug mga bukton,

Sa akong mga bitiis, sa akong mga tiil ug mga tudlo sa tiil.

(Kinuha gikan sa usa ka bersikulo ni Lucy Picco.)

Ipasabut nga samtang ania kita dinhi sa yuta motubo kita ug makat-on sa daghang mga butang. Samtang makat-on kita sa pagpili sa saktong mga butang nga himoon, mahimo kitang sama sa atong Langitnong Amahan ug ni Jesus. Importante kini nga bahin sa piano sa Langitnong Amahan.

Ang Langitnong Amahan Gusto nga Makabalik Kita ngadto Kaniya sa Umaabot

Ipadayag ang imong gugma alang sa Langitnong Amahan. Sultihi ang mga bata nga ikaw gustong mobalik ngadto sa Langitnong Amahan aron ikaw makakita kaniya ug makig-uban kaniya pag-usab. Ipasabut nga kabahin usab kini sa piano sa Langitnong Amahan. Gusto siya nga ang maiag usa kanato makabalik aron makapuyo uban kaniya kon mahuman na ang atong kinabuhi dinhi sa yuta. Gusto siya nga kita, atong mga ginikanan, ug ang atong tanang mga pamilya iyang ikauban pag-usab.

Ipasabut nga sa pagpuyo uban sa Langitnong Amahan ug ni Jesus pag-usab, kinahanglan gayud nga mabunyagan kita ug magsunod sa tanang mga sugo. Ipakita ang mga kasulatan. Ipasabut nga ang mga kasulatan nagtudlo kanato mahitungod sa Langitnong Amahan ug ni Jesus ug unsay ilang gusto nga atong buhaton.

Ginamit ang mga hulagway nga gilista diha sa seksyon sa “Pagpangandam,” hisguti unsay gusto sa Langitnong Amahan nga atong makat-unan ug buhaton dinhi sa yuta. Gusto Siya nga higugmaon nato ang atong mga pamilya, dili maghinakog, mosimba, mokalawat sa sakramento, mag-ampo buntag ug gabii, maghimo og pag-ampo sa pamilya ug family home evening, magpabunyag, magpakumpirma ug modawat sa Espiritu Santo, magminyo sa templo, magtuon bahin sa mga propeta, ug mahimong sama sa Langitnong Amahan ug ni Jesus.

Pagpamatuod

Ipadayag ang imong pasalamat alang sa Langitnong Amahan ug alang sa iyang piano alang kanato. Awhaga ang mga bata sa pagbuhat kanunay unsay ilang nahibaloan nga sakto aron sila sa umaabot makapuyo pag-usab uban sa Langitnong Amahan ug ni Jesus.

Mga Kalihokan sa Pagpalambo

Pagpili og pipila niining mga kalihokan nga gamiton panahon sa leksyon.

1. Hatagi og piraso nga papel ang matag bata nga imong gisulatan og Ako Anak sa Dios, ug padrowinga og usa ka hulagway sa iyang kaugalingon. Sultihi ang mga bata nga mopakita sa ilang mga hulagway ngadto sa uban sa klase. Awhaga ang kada bata sa pagsulti og maayo mahitungod sa iyang kaugalingon samtang magpakita sa hulagway.

2. Tabangi ang mga bata nga mosulti sa mosunod nga bersikulo ug buhata ang mga aksyon nga gipakita:

   Linalang sa Dios

   Ang Dios mibuhat sa bulan (lingina ang mga kamot)

   Ug sa nagkidlap nga mga bitoon (abliha ug isira ang mga kamot)

   Ug ibutang kini sa panganod (kab-ot).

   Gibuhat Niya ang adlaw (paghimog lingin ginamit ang bukton ibabaw sa ulo)

   Ug mga kahoy (ipataas ang mga kamot)

   Ug mga bulak (pinasawod nga mga kamot)

   Ug sa gagmay nga mga langgam nga molupad (iwara-wara ang mga kamot).

   (Gikan sa Fascinating Finger Fun ni Eleanor Doan. © 1951. Gigamit pinaagi sa pagtugot.)

3. Isulat ang mosunod nga mga pangutana sa laing mga piraso sa papel. Ribyuha ang leksyon pinaagi sa pagpapili sa matag mga bata og usa ka piraso sa papel. Basaha ang pangutana ug ipatubag kini sa bata. Balika kon gikinahanglan aron kahatagan og turno ang kada bata.

   1. Kinsa ang anak sa Dios? (Ako, ang tanan.)

   2. Diin kita magpuyo kaniadto sa wala pa kita matawo dinhi sa yuta? (Didto sa langit uban sa Langitnong Amahan ug ni Jesus.)

   3. Ngano nga ang Langitnong Amahan misugo kang Jesus sa paghimo og yuta alang kanato? (Aron kita makabaton og pisikal nga lawas ug makat-on unsay atong gikinahanglang buhaton aron makapuyo uban sa Langitnong Amahan ug ni Jesus pag-usab.)

   4. Unsay angay natong buhaton aron makapuyo pag-usab uban sa Langitnong Amahan ug ni Jesus? (Mosunod sa mga sugo, dili maghinakog, magpabunyag, moadto sa templo, ug uban pa. Sugoa ang mga bata sa pagpakita sa angay nga hulagway samtang motubag sila niini nga pangutana.)

   5. Kinsa ang atong ikauban sa pagpuyo human matapos ang atong kinabuhi dinhi sa yuta? (Ang Langitnong Amahan ug si Jesus ug ang atong mga pamilya.)

Dugang nga mga Kalihokan alang sa Gagmay nga mga Bata

1. Kon mosugot ang imong presidente sa Primary, Imbitara ang usa ka amahan sa pagdala sa iyang batang masuso nganha sa klasrom. Hisguti ang mahitungod sa mga amahan ug sa unsa nga paagi nila gimahal ang mga anak. Sultihi ang mga bata nga sila adunay duha ka mga amahan nga nagmahal kanila: ang ilang amahan dinhi sa yuta ug sa ilang Langitnong Amahan. Sa dili pa matawo ang mga batang masuso dinhi sa yuta, nagpuyo sila uban sa Langitnong Amahan. (Pahibalo: Pagmatngon sa mga sitwasyon sa mga bata sa imong klase, ang uban tingali walay mga amahan sa ilang mga panimalay.)

2. Pagdala og dagko nga mga parisan sa “sapatos sa lalaki.” Hisguti kon kinsa ang mosulob niining dagko nga mga sapatos. Ipakomparar sa mga bata ang gidak-on sa ilang kaugalingong mga sapatos o tiil sa dagko nga sapatos. Papulipuliha ang matag bata nga maglakaw-lakaw nga gisul-ob ang “dagko nga sapatos.”

3. Kantaha o isulti ang unang duha ka mga linya sa “Nagpuyo Ko’s Langit” [“I Lived in Heaven”] (Children’s Songbook, p. 4).

   Nagpuyo ko didto sa langit kaniadto, tinuod kini;

   Nagpuyo didto kauban sa mga tawo nga akong kaila ug nahigugma kanila. Mao usab kamo.

   (© 1987 ni Janeen Jacobs Brady. Gigamit pinaagi sa pagtugot.)

   • Kinsa ang atong ikauban sa pagpuyo didto sa langit? (Ang Langitnong Amahan ug si Jesus ug ang tanan.)

4. Tabangi ang mga bata sa paghimo sa mga aksyon sa mosunod nga kalihokan ginamit ang bersikulo samtang imong isulti ang mga pulong. Balika sa makadaghan kutob sa imong gusto.

   Pabaruga ang tanan nga mag-alirong, magginunitay sa mga kamot. Pagginunitay sa mga kamot sa tibuok kalihokan.

   Nagpuyo kitang tanan uban sa Langitnong Amahan (ang tanan magpaduol sa usag usa, ibutang ang mga kamot sa sentro sa alirongl).

   Gipadala Niya kita dinhi sa yuta aron magpakabuhi (padak-i ang alirong).

   Gihatagan Niya kita og mga pamilya nga momahal ug motudlo kanato (magpaduol na usab sa usag usa).

   Ang atong mga pamilya motabang nato sa pagpuyo uban kaniya pag-usab. (padak-i na usab ang alirong).