Makatabang Kitang Tanan sa Simbahan

Katuyoan

Aron sa pagtabang sa kada bata nga makasabut nga ang kada miyembro sa ward o branch makatabang sa simbahan.

Pagpangandam

Tun-i sa mainampoong paagi ang 1 Nephi 17:7-15; 18:1-4.
Pag-andam og usa ka simpol nga kard sa pasalamat aron makoloran sa kada bata ug mahatag sa presidente sa Primary o sa laing tawo kinsa nagtabang sa mga bata diha sa simbahan. Mahimo kang magdrowing og usa ka bulak diha sa atubangan sa gipilo nga piraso sa papel ug isulat ang mga pulong nga Salamat kanimo diha sa sulod.
Mga materyal nga gikinahanglan:
1. Usa ka Basahon ni Mormon.
2. Ang pasol ug isda gikan sa leksyon 11. Sa kada isda pagbutang og usa ka timailhan kabahin sa bishop o branch president, sama sa “Naglingkod siya sa atubangan diha sa simbahan,” “Nagtabang siya sa mga tawo sa atong ward [o branch],” o “Makahatag kita sa atong ikapulo ngadto kaniya.”
3. Usa ka sudlanan sa mga krayola ug mga lapis.
4. Hulagway 1-8, Pagpaambit sa Sakrament (62021); hulagway 1-67, Usa ka Buotan nga Klase; hulagway 1 -71, Paghimo sa Barko.
Himoa ang gikinahanglang mga pagpangandam alang sa bisan unsang mga kalihokan sa pagpalambo nga gusto nimong gamiton.

Mga Kalihokan sa Pagkat-on

Pag-imbitar og usa ka bata sa paghatag sa pangbukas nga pag-ampo.

Pang-atensyon nga Kalihokan

Pagdala og lingkuranan diha sa tunga sa klasrom ug sulayi kini sa pag-alsa pinaagi sa usa sa mga tiil niini. Ipasabut nga dunay daghang mga butang nga dili nato mabuhat gawas lang kon magtambayayong kita. Pag-imbitar og tulo ka mga bata nga mogunit og usa ka tiil sa lingkuranan kada usa ug motabang nimo sa pag-alsa sa lingkuranan og pipila ka mga sentimetro gikan sa salug. Ipasabut nga kon ang tanan magtambayayong, makabuhat kita og daghang mga butang nga dili nato mabuhat nga mag-inusara.

Ang Langitnong Amahan ug si Jesus Gusto nga Kita Magtambayayong

Istorya

Ipakita ang hulagway 1-71, Paghimo og Barko, ug isaysay sa daklit ang istorya kabahin ni Nephi ug sa iyang pamilya nga naghimo og barko, ingon nga makita diha sa 1 Nephi 17:7-15 ug 18:1-4. Ipasabut og maayo nga si Nephi nagkinahanglan sa tabang sa Ginoo (Jesus) ug sa iyang pamilya aron sa paghimo sa barko.

Istorya

Nganong dili man mahimo ni Nephi ang barko kon walay tabang?
Giunsa man sa Ginoo pagtabang si Nephi? (Tan-awa sa 1 Nephi 17:8-10; 18:1.)
Giunsa man pagtabang sa pamilya ni Nephi? (Tan-awa sa 1 Nephi 18:1.)
Unsa man ang nahitabo dihang ang tanan magtambayayong? (Tan-awa sa 1 Nephi 18:4.)

Tuguti ang mga bata sa pagsulti kabahin sa bisan unsang mga kasinatian nga ilang nasinati nga nakigtambayayong sa laing mga tawo.

Kalihokan

Ipasabut nga magtambayayong usab kita sa simbahan. Ang kada tawo diha sa ward (o branch) nagtabang sa uban. Pagpakaaron-ingnon, pinaagi sa mga pulong o mga aksyon, nga usa ka tawo kinsa nagtabang sa mga miyembro sa imong klase sa simbahan kada semana, sama sa korister, sa piyanista, usa ka titser, o ang presidente sa Primary. Ipatagan sa mga bata kon kinsa ang imong gipakaaron-ingnon nga ikaw mao. Human nga ang mga bata makatag-an kon si kinsa ka, ipasabut ang mga responsibilidad sa katungdanan nianang tawhana. Balika sa makadaghan kutob sa imong gusto.

Ipakita ang hulagway 1-8, Pagpakalawat sa Sakrament.

Kalihokan

Unsa man ang gibuhat niini nga deacon?
Nakaila ba kamo og usa ka tawo kinsa nagpaambit sa sakrament?

Ipasabut nga ang mga batan-ong lalaki kinsa naghupot sa Aaronic Priesthood mahimong moandam, mopanalangin, ug mopaambit sa sakrament. Kini mao ang mga paagi nga ang mga batan-ong lalaki makatabang sa simbahan.

Kalihokan

Ipasabut nga dunay tawo diha sa inyong ward o branch kinsa nagtabang sa tanan sa simbahan. Ang Langitnong Amahan mihatag niining tawhana og importante nga trabaho nga buhaton. Papulipuliha ang mga bata sa pagpangisda alang sa mga timailhan diha sa isda nga papel. Basaha og kusog ang kada timailhan. Padayon hangtud nga ang tanang mga timailhan nabasa na, ug dayon ipatag-an sa mga bata kon si kinsa ang maong tawo.

Kalihokan

Unsa man ang ngalan sa atong bishop (o branch president)?
Unsa ang importanting mga butang ang iyang gibuhat aron sa pagtabang kanato?

Hisguti ang trabaho nga gibuhat sa ubang mga tawo diha sa inyong ward o branch, sama sa mga home teacher ug mga visiting teacher. Mahimo nimong hisgutan ang kabahin sa mga katungdanan sa mga sakop sa pamilya sa mga bata.

Makatabang Kita sa Simbahan

Kalihokan

Ikatag ang usa ka sudlanan sa mga karayola o mga lapis diha sa salug. Hangyoa ang usa sa mga bata sa pagpunit niini, ug orasi siya aron makita kon unsa ka dugay kini buhaton. Ikatag ang mga aytem pag-usab. Patabanga ang tibuok klase sa pagpunit niini, ug tanawa kon unsa ang gidugayon sa pagbuhat niini. Ipasabut nga kon ang tanan magtambayayong, atong mabuhat ang trabaho nga mas maayo.

Kalihokan

Unsa man ang inyong mahimo aron sa pagtabang sa simbahan?

Tabangi ang mga bata sa paghunahuna og mga paagi nga makatabang sila sa simbahan, lakip na nga magpabiling limpyo ang meetinghouse, pagmabination ngadto sa uban, pagtabang sa mga bata nga magul-anon o nahadlok, ug pagbinuotan sa panahon sa mga miting.

Kalihokan

Sa unsa nga paagi man kita makatabang nga magpabiling limpyo ang atong klasrom ug ang meetinghouse?
Sa unsa nga paagi man kita makatabang sa ubang mga tawo sa simbahan?

Ipakita ang hulagway 1-67, Usa ka Buotan nga Klase.

Kalihokan

Sa unsa man nga paagi nga kining mga bataa nagtabang sa simbahan?
Sa unsa man nga paagi nga ang pagbinuotan makatabang sa atong mga kauban sa klase?
Sa unsa man nga paagi nga makatabang sa titser kon ang tanan magbinuotan?
Unsa man ang atong bation kon ang tanan nagbinuotan?

Kalihokan

Ipasabut nga laing paagi nga makatabang kita sa simbahan mao ang pag-ingon og “salamat ninyo” ngadto sa mga tawo kinsa nagbuhat og mga butang alang kanato. Pakolori ang mga kard sa pasalamat nga imong giandam, ug ihatud kini sa panahon sa klase kon posible.

Pagpamatuod

Ipadayag ang imong pasalamat alang sa tanang mga tawo kinsa mitabang diha sa inyong ward o branch. Sulti kon unsay imong gibati kabahin sa pagbuhat sa buhat sa Langitnong Amahan pinaagi sa pagkahimong usa ka titser sa Primary.

Mga Kalihokan sa Pagpalambo

Pagpili og pipila niining mga kalihokan nga gamiton sa panahon sa leksyon.

??????
Kon posible, panglakaw mo ngadto sa chapel ug ipakita sa mga bata kon asa molingkod ang bishopric (o branch presidency) sa panahon sa sakrament miting. Papulipuliha og palingkod sa mga lingkuranan ang mga bata. Dayon ipakita sa mga bata kon asa ang opisina sa bishop (o branch president).
litsa o itumol ang usa ka humok nga butang sama sa usa ka bola o beanbag ngadto sa usa ka bata, ug hangyoa siya sa paghingalan og usa ka tawo diha sa ward (o branch) kinsa nagtabang sa simbahan ug ipasabut kon sa unsa nga paagi kana nga tawo mitabang. Dayon ipabalik og itsa sa bata ang butang nganha kanimo. Padayon hangtud ang kada bata nakahimo sa bisan usa ka turno.
Uban sa pagtugot sa imong presidente sa Primary, Pag-imbitar og usa ka sakop sa bishopric o laing lider sa ward aron sa pagbisita sa klase ug mosulti ngadto sa mga bata kon unsay iyang gibuhat aron makatabang sa simbahan.
Pagdrowing og usa ka simpol nga nawong diha sa plato nga papel o lingin nga piraso nga papel alang sa kada bata. Hatagi ang mga bata og mga krayola o mga lapis, ug padugangi og buhok sa kada bata nga sama og kolor sa iyang buhok. Sultihi ang mga bata nga kon mosulti ka og butang nga tinuod kabahin kon unsaon nila aron makatabang sa simbahan, kinahanglan ilang ipataas ang ilang mga nawong nga binuhat sa papel. Kon ang pamahayag dili tinuod, kinahanglan ila kining ibutang sa ilang mga paa. Paggamit og mga pamahayag sama sa—
- Kinahanglan kong molabay sa papel ilawom sa akong lingkuranan.
- Kinahanglan kong mopasalamat sa mga tawo nga nagtabang kanako diha sa simbahan.
- Kinahanglan kong modagan sa akong pagpadulong sa klase.
- Kinahanglan kong magbinut-an sa simbahan.

Dugang nga mga Kalihokan para sa mas Gagmayng mga Bata

Dulaa ang “Sunda ang Lider” uban sa mga bata. Pabaruga ang mga bata nga maglinya. Ang unang bata sa linya modagan, molukso, molayat, o mohimo og pipila ka laing aksyon sa laing bahin sa kwarto. Ang ubang mga bata mosunod sa unang bata, nga mobuhat kon unsay iyang gibuhat. Dayon ang unang bata moadto sa katapusan sa linya, ug ang sunod nga bata mao nay mahimong bag-o nga lider. Padayon hangtud nga ang kada bata aduna nay kahigayunan nga mahimong lider.

Human sa dula pahinumdumi ang mga bata nga ang bishop maoy lider sa ward. Gusto niya nga mobuhat kita sa mga butang nga mogiya kanato balik ngadto sa Langitnong Amahan.