Leksyon 14

Ang Pulong sa Kaalam

Katuyoan

Aron sa pagtabang sa matag bata sa pagsabut nga ang Ginoo nagpanalangin kanato kon kita mosunod sa mga sugo nga gihatag diha sa Pulong sa Kaalam.

Pagpangandam

1. Sa mainampuon nga paagi pagtuon sa Doktrina ug mga Pakigsaad 89 ug Daniel 1.

2. Duha ka mga bulsita, ang usa may nagpahiyom nga nawong nga gidibuho diha niini, ug ang usa may nagsubo nga nawong. Kon walay makuha nga bulsita, pagdibuho og usa ka nagpahiyom nga nawong ug usa ka nagsubo nga nawong sa lain nga mga piraso sa papel.

3. Paghimo og usa ka lingin nga papel sa nagpahiyom nga nawong alang sa matag bata. Kamo mahimo nga magdala og mga alpiril o tape aron sa pagbutang usa niini ngadto sa matag saput sa bata.

4. Pagdibuho og gagmay nga mga hulagway sa pagkaon o paggunting kanila gikan sa mga magasin (kon anaa). Pag-andam og igo nga gidaghanon aron nga ang matag bata adunay sa labing kubos duha ka mga hulagway. Paglakip og daghan nga matang sa mga pagkaon, ug usab mga hulagway sa mga produkto sa tabako, tsa o kape, ug mga ilimnon nga may alkohol.

5. Pangandam sa pag-awit o pagsulti sa mga pulong sa “Sa Kahimsog ug Kusog [For Health and Strength]” (Children’s Songbook, p. 21).

6. Mga kagamitan nga gikinahanglan:

   1. Usa ka Biblia ug usa ka Doktrina ug mga Pakigsaad.

   2. PAM nga taming (shield) ug singsing.

   3. Hulagway 3-6, Si Propeta Joseph Smith (62002; Sudlanan sa Hulagway sa Ebanghelyo 401), hulagway 3-29, Daniel Nagdumili sa Karne ug Bino sa Hari (62094; Sudlanan sa Hulagway sa Ebanghelyo 114); hulagway 3-27, Pakigbahin sa Tricycle (62317); hulagway 3-30, Pagluksolukso Ibabaw sa Pisi (62523); hulagway 3-31, Bata nga may Iro.

7. Paghimo sa gikinahanglan nga pagpangandam sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Ang Langitnong Amahan ug si Jesukristo Buot Kanato nga Makaangkon og Himsog nga mga Lawas

Pang-atensyon nga kalihokan

Hangyoa ang mga bata sa pagpiyong sa ilang mga mata ug sa paghanduraw nga sila adunay usa ka binuhi nga hayop, ingon sa usa ka itoy. Sila nahigugma pag-ayo sa ilang binuhi nga mga hayop ug nalingaw kaayo kanila. Usa ka adlaw ang binuhi nga hayop ingon og gikapoy ug nagluya ug dili mokaon sa ilang gusto nga pagkaon.

Pang-atensyon nga kalihokan

• Unsa kaha ang naingnan sa inyong gihanduraw nga binuhi nga hayop?

• Ngano nga ang binuhi nga hayop dili buot nga mokaon?

Ipasabut nga ang binuhi nga hayop nakakaon og usa ka pagkaon nga dili maayo alang niini.

Pang-atensyon nga kalihokan

• Sa unsa nga paagi kamo makatabang sa inyong binuhi nga hayop? (Pinaagi sa dili pagpakaon niini og pagkaon nga dili maayo alang niini.)

• Unsa ang mahitabo sa inyong lawas kon kamo mokaon og mga pagkaon nga dili maayo alang niini?

Ipasabut nga kita makadaot sa atong mga lawas pinaagi sa pagkaon og mga butang nga dili maayo. Tungod kay ang Langitnong Amahan ug si Jesukristo nakahibalo nga kini mahitabo, sila mihatag kanato og pipila ka mga sugo aron sa pagtabang kanato nga motubo nga kusgan ug malipayon.

Ang Langitnong Amahan ug si Jesukristo Mihatag Kanato sa Pulong sa Kaalam

Mga hulagway ug panaghisgutan

Ipakita ang hulagway 3-6, Si Propeta Joseph Smith. Ipasabut nga si Jesukristo misulti ni Propeta Joseph Smith mahitungod sa pipila ka mga pagkaon nga kita kinahanglan mokaon ug pipila nga kita kinahanglan dili mokaon. Si Joseph Smith misulat niini nga mga pagkaon aron sa paggiya kanato. Kini nga mga panudlo gitawag og ang Pulong sa Kaalam, makita diha sa seksyon 89 sa Doktrina ug mga Pakigsaad. (Ipataas ang usa ka kopya sa Doktrina ug mga Pakigsaad.)

Ipasabut nga ang mga pagkaon nga kita kinahanglan mokaon naglakip sa mga utanon, mongos, gamay nga karne, prutas, ug mga lugas ingon sa trigo (pan ug noodles) ug humay.

Si Jesukristo usab mipahimangno kanato mahitungod sa mga butang nga makadaot sa atong mga lawas, ingon sa tabako, mainit nga mga ilimnon ingon sa tsa ug kape, ug alak ug uban nga mga ilimnon nga may alkohol. Mga propeta karon nagpahimangno usab kanato sa dili paggamit og makadaot nga mga drugas. (Tabangi ang mga bata sa pagsabut nga dili tanan nga mga tawo kinsa motabako, moinon og tsa, kape o alak, o mogamit og mga drugas mga ngil-ad. Ang uban nga mga tawo wala gani masayud nga kining mga butanga makadaot sa ilang mga lawas.)

Ipasabut nga si Jesukristo nagsulti usab kanato nga ang karne kinahanglan gamiton og panagsa. Ipasabut nga kini maayo alang kanato sa pagkaon og nagkalain-lain nga maayong mga pagkaon.

Ipakita ang mga hulagway sa abtik nga mga bata (hulagway 3-27, Pakigbahin sa Tricycle; hulagway 3-30, Paglukso-lukso Ibabaw sa Pisi; hulagway 3-31, Bata nga may Iro). Siguroha nga ang mga bata nakasabut nga ang Pulong sa Kaalam gihatag aron sa pagtabang kanato sa paghimo sa atong mga lawas nga himsog ug lig-on ug nga kita labaw nga malipayon kon kita mosunod sa iyang mga sumbanan.

Dula

Ibutang ang duha ka mga nawong (o mga bulsita), ang usa nagpahiyom ug ang usa nagsubo, diha sa sawog. Ipakita ang mga hulagway sa pagkaon ug ilimnon. Himoa nga ang mga bata magpuli-puli sa pagpili og usa ka hulagway sa usa ka pagkaon. Tugoti sila sa paghukom hain nga bulsita o pundok ang matag pagkaon nasakop. Paghisgot hain sa mga pagkaon motabang sa ilang mga lawas sa pagtubo nga lig-on ug himsog.

Ang Langitnong Amahan ug si Jesukristo Buot Kanato nga Mahimsog ug Makusgan

Balaan nga kasulatan, hulagway, ug sugilanon

Ipakita ang hulagway 3-29, Daniel Nagdumili sa Karne ug Bino sa Hari, ug isaysay ang sugilanon nga gikan sa balaan nga kasulatan inubanan sa pagpakita sa hulagway (tan-awa ang Daniel 1). Ipasabut nga si Daniel nakahibalo nga ang lamian nga karne ug bino nga gikan sa hari dili mga maayo alang sa iyang lawas ug dili mohimo kaniya nga kusgan. Siya isug ug midumili sa tanyag sa hari. Siya mipili sa pagkaon sa mga makaon nga hinimo sa mga utanaon ug mga lugas (hunong sa makadiyut) ug nangayo og lunsay nga tubig nga imnon. Ipasabut nga ang hari sa katapusan nakakita nga si Daniel ug ang iyang tulo ka mga higala mao ang labing himsog ug labing maalamon sa tanan. (Kini mao ang sama nga Daniel kinsa sa wala madugay gibalhug sa dugmonan sa mga leon tungod sa pag-ampo ngadto sa Dios sa diha nga ang hari midili niini ug naluwas sa milagroso nga paagi sa Dios.)

Balaan nga kasulatan

Basaha ang Daniel 1:17 ngadto sa mga bata, ug ipasabut nga ang Langitnong Amahan mipanalangin kanila tungod sa pag-amuma sa ilang mga lawas.

Awhaga ang mga bata sa pagsunod sa panig-ingnan ni Daniel sa diha nga sila gitanyagan og pagkaon nga dili makahimsog sa ilang mga lawas. Himoa nga ang mga bata sa daklit mohisgot o modula unsa ang ilang mahimo sa pagpili sa matarung.

Awit

Uban sa mga bata, awita o isulti ang mga pulong sa “Sa Kahimsog ug Kusog.” Kon ang mga bata sinati niini, kamo mahimong mosulay sa pag-awit niini nga ulhos-ulhos:

Sa kahimsog

ug pagkaon

Pasalamat,

sa Dios.

Katingbanan

Ipakita ang PAM nga taming (shield) o ang usa ka PAM nga singsing. Hatagi og gibug-aton ang kamahinungdanon sa pagpili sa maayong paagi sa paghimo sa atong mga lawas nga kusgan. Pangutana og pipila ka mga pangutana gikan sa leksyon ingon nga usa ka balik-pagtuon, ingon sa mosunod:

• Si Jesus nagtudlo kanato unsaon paghimo sa atong mga lawas nga himsog ug kusgan. Asa kita makabasa mahitungod niini diha sa balaan nga mga kasulatan? (Doktrina ug mga Pakigsaad 89.)

• Kita nagtawag niini og ang sa . (Pulong sa Kaalam.)

• Ngano sa inyong hunahuna kini gitawag og ang Pulong sa Kaalam?

• Unsa ang pipila ka maayong pagkaon nga kita kinahanglan nga mokaon ug moinom?

• Unsang pipila ka mga pagkaon nga mahimong makadaot sa atong mga lawas?

• Giunsa ni Daniel pagpakita ang iyang kaisug? (Pinaagi sa pagsulti og “dili” sa dili makapahimsog nga mga pagkaon.)

• Unsay inyong mahimo kon ang usa ka tawo motanyag kaninyo og pagkaon nga dili makapahimsog? (Pangutana kanila mahitungod sa pipila ka piho nga mga butang sama sa mga sigarilyo, drugas, o gani sobra sa kadaghan nga karmelitos. Tabangi ang mga bata sa pagkat-on ug pagbansay og mga paagi sa pagtubag ngadto sa ingon nga mga pagtintal.

Ighahatag nga basahonon

Hatagi ang matag bata og nagpahiyom nga nawong (kamo mahimo nga moalpiril o mapapilit niini ngadto sa ilang saput) sa pagpahinumdom kanila nga sila labaw nga malipayon kon sila mopili og makapahimsog nga mga pagkaon nga kan-on.

Hangyoa ang bata nga naghatag sa panapos nga pag-ampo sa pagpasalamat sa Langitnong Amahan alang sa makapahimsog nga pagkaon ug sa lig-on nga mga lawas.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon, o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Kamo mahimo nga mohukom sa pagdala og usa ka gamay nga makapahimsog nga timo-timo nga ipakigbahin ngadto sa mga bata, ingon sa prutas o crackers. (Sutaa sa mga ginikanan sa mga bata sa dili pa buhaton aron sa pagsiguro nga walay usa sa mga bata nga adunay allergy o uban nga dili maayo og reaksyon ngadto sa usa ka pagkaon. Ayaw pagdala og pagkaon sa tingpuasa nga Domingo.)

2. Awita o isulti ang mga pulong sa ikaduhang bersikulo sa “Sa Among Nindot nga Deseret [In our Lovely Deseret]” (Hymns, no. 307) uban sa mga bata.

   Nga ang mga bata

   Taas ug kinabuhi,

   Tsa ug kape ug tabako likayan,

   Bino dili moinom,

   Karne gamay’g kaunon;

   Nangita’s kaalam ug kaayohan.

3. Alang sa labaw ka gagmay nga mga bata, kamo mahimo nga mohimo og yano nga monyeka gikan sa papel o panapton nga may ba-ba nga nagnganga og dako. Pagpakita og hulagway sa mga pagkaon o paghulagway og daghan nga mga pagkaon. Pangangaha og dako ang ba-ba sa monyeka alang sa maayong mga pagkaon ug itak-um kini alang sa mga pagkaon nga kinahanglan dili isulod ngadto sa lawas. O kamo makadapit sa mga bata sa pagnganga ug pagtak-um sa ilang mga ba-ba samtang inyong ipakita o ihulagway ang nagkalain-lain nga mga pagkaon. (Tan-awa ang Friend, Nob. 1993, p. 12.)

4. Pagdapit og mga bata sa pagdula sa sugilanon ni Daniel ug sa iyang mga higala nga nagdumili sa lamian nga pagkaon sa hari ug nagpili sa yano nga pagkaon nga sila nakahibalo nga labaw nga makahimsog.