Leksyon 15

Ang Pagtungha sa Basahon ni Mormon

Katuyoan

Aron sa pagtabang sa matag bata sa pagsabut sa unsa nga paagi kita nakadawat sa Basahon ni Mormon.

Pagpangandam

1. Sa mainampuon nga paagi pagtuon sa Joseph Smith—Kasaysayan 1:29–54, 59–60 Mormon 8:1, 4.

2. Pagkat-on ug pangandam sa pag-awit o pagsulti sa mga pulong sa “Ang Bulawanon nga mga Palid [The Golden Plates]” (Mga Himno ug mga Awit sa mga Bata o Children’s Songbook, p. 86).

3. Mga Kagamitan nga gikinahanglan:

   1. Usa ka Perlas nga Labing Bililhon; usab, kon mahimo, usa ka Basahon ni Mormon alang sa matag bata.

   2. Hulagway 3-32, Moroni Nagpakita ngadto ni Joseph Smith diha sa Iyang Lawak (62492; Sudlanan sa Hulagway sa Ebanghelyo 404); hulagway 3-33, Joseph Nagdawat sa Bulawanon nga mga Palid (62012; Sudlanan sa Hulagway sa Ebanghelyo 406); hulagway 3-34, Mormon Nagmubo sa mga Palid (62520; Sudlanan sa Hulagway sa Ebanghelyo 306); ug hulagway 3-35, Moroni Nagtago sa mga Palid diha sa Bungtod sa Cumorah (62462; Sudlanan sa Hulagway sa Ebanghelyo 320); hulagway 3-36, Ang Bulawanon nga mga Palid.

4. Paghimo sa gikinahanglan nga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Si Mormon Misulat diha sa Bulawanon nga mga Palid

Pang-atensyon nga kalihokan

Ihagonghong ang unang bersikulo sa “Ang Bulawanon nga mga Palid.”

Pang-atensyon nga kalihokan

• Ipakita ang hulagway 3-36, Ang Bulawanon nga mga Palid. Pangutana: Aduna bay usa nga makasulti unsa nga awit ang akong gihagonghong?” (“Ang Bulawanon nga mga Palid.”)

Ipasabut nga ang leksyon mahitungod sa bulawanon nga mga palid.

Sultihi ang klase nga daghang mga tuig ang milabay, pipila ka mga amahan mitipig og mga kasaysayan sa ilang mga banay. Sa kasagaran, sa dili pa mamatay ang amahan, siya mohatag sa iyang kasaysayan sa banay ngadto sa iyang anak nga lalaki, kinsa mopadayon sa pagsulat sa kasaysayan. Ang mga banay motipig sa ilang mga kasaysayan sama niini sulod sa daghan nga mga tuig. Ang mga propeta usab misulat unsa ang nahitabo sa ilang mga banay. Apan sila usab misulat mahitungod sa unsa nga paagi ang Langitnong Amahan mitabang kanila ug mahitungod sa mga katawhan kinsa nagpuyo libut kanila niana nga panahon.

Paghisgot sa hulagway

Ipakita ang hulagway 3-34, Mormon Nagmubo sa mga Palid.

Ipasabut nga ang Langitnong Amahan mitawag og usa ka propeta nga gingalan og Mormon sa pagpundok sa mga kasaysayan sa iyang mga katawhan, pagkopya sa labing mahinungdanon nga mga bahin, ug pagsulat kanila sa nipis nga mga palid sa bulawan, sama sa mga pahina sa usa ka basahon. Kini gitawag og bulawanon nga mga palid.

Paghisgot sa hulagway

• Ngano sa inyong hunahuna si Mormon misulat sa mga talaan diha sa mga palid nga bulawan kay diha sa papel?

Sultihi ang mga bata nga ang bulawan usa ka metal nga molungtad. Ang bulawan dili magisi sama sa papel ug uban nga materyal o motaya sama sa uban nga mga metal.

Ipasabut nga si Mormon migamit og bulawan nga mga palid tungod kay sila molungtad sa dugay nga panahon. Daghan nga mga katuigan ang milabay una makahuman si Mormon sa pagsulat diha sa mga palid. Sa wala pa mamatay si Mormon, siya mihatag sa mga palid ngadto sa iyang anak nga lalaki nga si Moroni.

Hulagway

Ipakita ang hulagway 3-35. Moroni Nagtago sa mga Palid diha sa Bungtod sa Cumorah.

Ipasabut nga sa diha nga si Moroni nakahuman sa pagsulat diha sa bulawanon nga mga palid, ang Langitnong Amahan misulti kaniya sa paglubong sa mga palid sa usa ka bungtod. Ang Langitnong Amahan nasayud nga ang mga sinulat diha sa bulawanon nga mga palid mahimo nga mahinungdanon ngadto sa mga tawo nga magpuyo sa kaulahiang mga tuig. Si Moroni mihimo og kahon nga bato nga sudlan sa mga palid aron sila dili madaot hangtud ang Langitnong Amahan buot sa iyang mga anak nga mobasa kanila.

Moroni Mipahimangno ni Joseph Smith mahitungod sa Bulawanon nga mga Palid

Awit

Awita o isulti ang unang mga garay sa “Ang Bulawanon nga mga Palid” uban sa klase.

Bulawano’ng palid gitagoan

Ilawom sa yuta,

Hangtud ang Dios nakakita,

Og tawo’ng kasaligan.

Gihimo ni Nephi nga talaan,

Sulat sa karaan;

Karon, Basahon ni Mormon,

Nagsaysay’g sugilanon.

Awit

• Unsa nga matang sa tawo ang gisulti sa awit nga ang Langitnong Amahan nagkinahanglan aron sa pagpatungha sa bulawanon nga mga palid? (Usa ka matinud-anon nga tawo.)

Ipasabut nga ang usa ka matinud-anon nga tawo mao ang usa kinsa matinuoron ug masulundon. Ang matinud-anon nga tawo nga gipili sa Langitnong Amahan sa pagtabang kaniya mao si Joseph Smith.

Hulagway ug sugilanon

Sultihi ang mga bata mahitungod sa kang Moroni nga pagduaw ngadto ni Joseph Smith (tan-awa Joseph Smith—Kasaysayan 1:29–54, 59–60).

Usa ka gabii si Joseph Smith nag-ampo, Usa ka mahayag nga kahayag misulod sa iyang lawak. Kini gabii, apan ang lawak nahimo nga labaw ka hayag kay sa adlaw nga mosidlak. Sa kalit, usa ka anghel mipakita diha sa kilid sa higdaanan ni Josesph, nagbarug gamay og diyutay sa ibabaw sa sawog.

Ipakita ang hulagway 3-32, Moroni Nagpakita ngadto ni Joseph Smith diha sa Iyang Lawak.

Ang anghel misulti ni Joseph nga ang iyang ngalan mao si Moroni ug mipasabut nga siya gipadala aron sa pagsulti ni Joseph nga ang Langitnong Amahan adunay linain nga buhat alang kaniya nga buhaton.

Si Moroni misulti ni Joseph mahitungod sa usa ka matahum nga basahon, usa ka kasaysayan, nga gilubong sulod sa mga gatusan ka mga tuig. Ang basahon gisulat diha sa nipis nga mga palid sa bulawan. Kini nga anghel mao gihapon nga Moroni kinsa milubong sa mga palid sa diha nga siya nagpuyo pa sa yuta.

Si Moroni misulti kang Joseph nga kon ang husto nga panahon moabut, si Joseph tugotan sa pagkuha sa bulawanon nga mga palid gikan sa iyang gitagoan nga dapit diha sa Bungtod sa Cumorah. Si Moroni misulti usab ni Joseph og uban nga daghang mahinungdanon nga mga butang mahitungod sa bulawanon nga mga palid ug ang linain nga buhat nga si Joseph pagatawgon sa pagpabuhat. Sa diha nga si Moroni nahuman sa pagsulti, ang kahayag miliyok ni Moroni ug siya mibalik ngadto sa langit.

Samtang si Joseph naghigda nga naghuna-huna unsay nahitabo, ang kahayag misulod sa lawak pag-usab. Si Moroni mipakita sa ikaduhang higayon ug mihatag ni Joseph sa sama nga mensahe nga iyang gihatag kaniya sa unang pagduaw. Unya si Moroni mibiya sa samang paagi nga milabay.

Si Joseph pag-usab mihigda sa iyang higdaanan naninguha sa pagsabut sa tanan nga nahitabo. Unya, sa dakong katingala ni Joseph, si Moroni mipakita sa may kilid sa iyang higdaanan sa ikatulong higayon ug mibalik pag-usab sa sugilanon sa bulawanon nga mga palid ug ang linain nga buhat ni Joseph. Si Moroni midugang nga si Satanas mosulay sa pagtintal ni Joseph aron sa pagkuha sa mga palid tungod sa salapi, apan si Joseph makahimo lamang sa pagkuha sa mga palid diha sa pagbuhat sa buluhaton sa Langitnong Amahan.

Hulagway ug sugilanon

• Ngano sa inyong hunahuna si anghel Moroni mipakita ngadto ni Joseph Smith sa makatulo ka mga higayon nianang gabhiona?

Ipasabut nga si Moroni misulti ni Joseph og daghan nga mga butang nianang gabhiona nga mahinungdanon kaayo. Siya mihatag sa iyang mensahe sa makatulo ka mga higayon aron si Joseph makakat-on pag-ayo sa mensahe.

Sa wala madugay human si anghel Moroni mibiya sa ikatulong higayon, usa ka sunoy mituktugaok, busa si Joseph nakahibalo nga kini sayo na sa buntag. Kang Moroni nga tulo ka mga pagduaw milungtad sa tibuok gabii. Si Joseph mibangon apan wala mosulti ni bisan kinsa unsa ang nahitabo. Human sa pamahaw, siya mikuyog sa iyang amahan ngadto sa umahan aron sa pagtrabaho. Si Joseph gikapoy kaayo tungod sa iyang kasinatian ug kakulang sa katulog nga siya dili makatrabaho. Ang iyang amahan, naghunahuna nga siya nagdaot, mipapauli kaniya.

Si Joseph sa kakapoy misugod sa paglakaw pauli sa panimalay apan samtang siya mikatkat sa koral, siya nahulog tungod sa iyang kaluya. Samtang siya naghigda sulod sa usa ka higayon, siya nakadungog og usa ka tingog nga nagtawag sa iyang ngalan. Kini mao si anghel Moroni.

Sa makausa na usab ang anghel mibalik pagsulti unsay iyang gisulti ngadto ni Joseph sa miaging gabii. Unya ang anghel misulti kaniya sa pagbalik ngadto sa iyang amahan ug pagsulti ngadto kaniya sa tanan nga iyang nakita ug nadungog.

Ang amahan ni Joseph naminaw sa matag pulong ug nakahibalo nga ang iyang anak nagsulti sa tinuod. Siya misulti kang Joseph sa pagbuhat sa tukma gayud ingon sa gisulti sa anghel tungod kay ang mensahe gikan sa Langitnong Amahan. Sa wala madugay nianang adlawa, si Joseph miadto sa Bungtod sa Cumorah aron sa pagpangita sa gilubong nga bulawanon nga mga palid. Sa diha nga miabut siya sa bungtod, siya midiretso ngadto sa dapit diin ang mga palid gilubong.

Balaan nga kasulatan

Basaha o isulti sa inyong kaugalingon nga mga pulong unsay gisulti ni Joseph sa iyang nakit-an didto (tan-awa sa Joseph Smith—Kasaysayan 1:52).

Ipasabut nga ang anghel Moroni mipakita samtang si Joseph nangita sa bato nga kahon. Siya misulti ni Joseph sa dili pagkuha sa mga palid tungod kay ang panahon alang kang Joseph sa pagkuha kanila wala pa moabut.

Si Moroni misugo ni Joseph Smith sa pagbalik ngadto sa Bungtod sa Cumorah matag tuig sulod sa upat ka mga tuig. Si Joseph mibuhat niini, ug sa matag higayon nga siya miduaw ngadto, siya makakita ni Moroni nga naghulat aron sa pagtudlo kaniya unsa ang buot sa Langitnong Amahan ug ni Jesukristo nga iyang mahibaloan.

Hulagway

Ipakita ang hulagway 3-33, Joseph Nagdawat sa Bulawanon nga mga Palid.

Sa katapusan, human sa upat ka mga tuig, ang panahon miabut sa pagkuha sa mga palid gikan sa kahon. Ang tabon gikuha gikan sa bato nga kahon, ug ang bulawanon nga mga palid gibutang diha sa mga kamot ni Joseph. Si Moroni misulti ni Joseph sa pagmatngon pag-ayo kanila ug sa pagpanalipod kanila uban sa iyang kinabuhi.

Hulagway

• Ngano nga mahinungdanon alang kang Joseph sa pagpanalipod sa mga palid? (Tungod kay ang dautan nga mga tawo mosulay sa pagkuha kanila gikan kaniya ug dili mobuhat unsay buot sa Langitnong Amahan nga pagahimoon sa mga palid.)

Si Joseph Mihubad sa mga Palid

Ipasabut nga ang mga sinulat diha sa mga palid gisulat sa pinulongan nga si Joseph dili makabasa. Si Joseph nakadawat og usa ka talagsaon nga himan aron sa pagtabang kaniya sa paghubad sa sinulat diha sa mga palid.

• Aduna bay usa kaninyo nga nakahibalo unsa ang Urim ug Thummin?

Ipasabut nga ang Urim ug Thummim sama sa usa ka talagsaon nga mga salamin pinaagi diin si Joseph makatan-aw aron sa pagtabang kaniya sa paghubad sa karaan nga sinulat diha sa mga palid. Uban sa tabang sa Langitnong Amahan ug pinaagi sa paggamit sa Urim ug Thummim, si Joseph nakahimo sa paghubad sa mga pulong diha sa bulawanon nga mga palid ngadto sa mga pulong nga kita makasabut. Sa diha nga ang hubad ngadto sa Ingles nahuman, ang basahon gi-imprinta. Kini gitawag og ang Basahon ni Mormon.

Ipataas ang usa ka Basahon ni Mormon. Itudlo nga kini nga basahon mao ang gihubad ni Joseph gikan sa bulawanon nga mga palid.

Human sa iyang paghubad sa Basahon ni Mormon, si Joseph Smith miuli sa mga palid ngadto ni Moroni.

Balaan nga kasulatan nga kalihokan

Pang-apud-apud og mga kopya sa Basahon ni Mormon ngadto sa mga bata kinsa walay kopya.

Itudlo nga ang Basahon ni Mormon naglangkob og daghan nga nagkalain-lain nga mga basahon. Ang mga basahon diha sa Basahon ni Mormon ginganlan sunod sa mga propeta kinsa misulat diha sa mga palid. Ipakita sa mga bata giunsa ang Basahon ni Mormon pagbahin ngadto sa mga kapitulo ug mga bersikulo.

Tabangi ang labaw ka hingkod nga mga bata sa pagpangita sa Mormon 8, Basaha uban sa klase ang Mormon 8, mga bersikulo 1 ug 4, ngadto sa pulong nga yuta.

Ipasabut nga kita nagtawag niini nga basahon og ang Basahon ni Mormon tungod kay si Mormon misulat sa labing daghan nga mga pulong diha sa bulawanon nga mga palid. Ang anak nga lalaki ni Mormon, nga si Moroni, mihuman sa talaan.

Katingbanan

Balik-pagtuon nga panaghisgutan

Ipakita ang tanan nga mga hulagway gikan sa leksyon o ibutang sila sa sawog. Himoa nga ang matag bata adunay higayon sa pagtudlo ngadto sa tukma nga hulagway samtang kamo mangutana og mga pangutana.

Balik-pagtuon nga panaghisgutan

• Hain nga hulagway nagpakita sa bulawanon nga mga palid?

• Hain nga hulagway nagpakita ni Mormon nga nagsulat diha sa bulawanon nga mga palid?

• Hain nga hulagway nagpakita ni Moroni nga naglubong sa bulawanon nga mga palid?

• Hain nga hulagway nagpakita ni anghel Moroni nga naghatag sa bulawanon nga mga palid ngadto ni Joseph Smith?

Awit

Awita o isulti ang duha ka mga garay sa “Ang Bulawanon nga mga Palid” uban sa klase.

Hangyoa ang bata nga naghatag sa panapos nga pag-ampo sa pagpasalamat sa Langitnong Amahan alang sa Basahon ni Mormon.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay alang sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Ginamit ang tukma nga mga hulagway, balika pagtuon ang pipila ka mga sugilanon sa mga Basahon ni Mormon nga ang mga bata makakat-on niining tuiga. Sama pananglit:

   1. Ipakita ang hulagway 3-37, Nephi Nagbuntog sa Iyang Masinupakon nga Igsoon nga mga Lalaki (62044; Sudlanan sa Hulagway sa Ebanghelyo 303). Sultihi ang mga bata nga sila makakat-on giunsa sa Langitnong Amahan pagtabang si Nephi sa pagtukod og usa ka barko bisan og ang iyang magulang nga igsoon nga mga lalaki dautan ngadto kaniya.

   2. Ipakita ang hulagway 3-38, Duha ka Libo nga Batan-on nga mga Manggugubat (62050; Sudlanan sa Hulagway sa Ebanghelyo 313). Sultihi ang mga bata nga sila makakat-on giunsa sa labaw sa duha ka libo nga batan-on nga mga lalaki pagpakig-away aron sa paghimo sa ilang mga banay nga may kagawasan.

   3. Ipakita ang hulagway 3-17, Jesus Nagtudlo sa Kasadpan nga Katungang Bahin sa Kalibutan (62380; Sudlanan sa Hulagway sa Ebanghelyo 316). Sultihi ang mga bata nga sila makakat-on mahitungod sa pagduaw ni Jesukristo ngadto sa mga Nephite.

2. Ipadibuho sa mga bata ang usa ka hulagway sa bulawanon nga mga palid ug sa Basahon ni Mormon. Isulat ang Bulawanon nga mga Palid ug Basahon ni Mormon diha sa ilang mga hulagway.

3. Aron sa pagtabang sa mga bata sa pagsabut giunsa sa karaan nga mga propeta ang pagsulat diha sa metal nga mga palid, dapita ang matag bata sa pagsulay sa pagsulat sa iyang unang inisyal diha sa ubos sa usa ka lata ginamit ang lansang. Ang magtutudlo kinahanglan mopakita niini og una.

4. Balika pagtuon uban sa mga bata ang ikawalo nga artikulo sa hugot nga pagtuo. Tabangi kadto kinsa makahimo sa pagsag-ulo og bahin o tanan niini.