Leksyon 16

Kita Makapakita sa Atong Hugot nga Pagtuo pinaagi sa Pagkamasulundon

Katuyoan

Aron sa pagtabang sa mga bata sa pagsabut nga sila makapakita sa ilang hugot nga pagtuo diha sa Langitnong Amahan ug ni Jesukristo pinaagi sa pagkamasulundon sa mga sugo.

Pagpangandam

1. Sa mainampuon nga paagi pagtuon sa asoy ni Lehi ug sa iyang banay diha sa 1 Nephi 1–2..

2. Mga butang o mga hulagway sa butang nga nagtimaan sa mga butang nga ang banay ni Lehi kinahanglan nga mopili sa pagpangandam sa paglakaw ngadto sa kamingawan.

3. Pangandam sa pag-awit o pagsulti sa mga pulong sa “Hugot nga Pagtuo [Faith]” (Children’s Songbook, p. 96).

4. Mga kagamitan nga gikinahanglan:

   1. Usa ka Basahon ni Mormon.

   2. Hulagway 3-39, Lehi Nanagna ngadto sa mga Katawhan sa Jerusalem (62517; Sudlanan sa Hulagway sa Ebanghelyo 300); ug hulagway 3-40, Banay ni Lehi Mibiya sa Jerusalem (62238; Sudlanan sa Hulagway sa Ebanghelyo 301); ug usa ka hulagway sa propeta karon.

   3. Usa ka PAM nga taming (shield) ug singsing.

5. Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Ang Pagkamasulundon Mao ang usa ka Paagi sa Pagpakita og Hugot nga Pagtuo

Pang-atensyon nga kalihokan

Isulti ang mga pulong sa awit “Hugot nga Pagtuo.” Ikaw makagamit sa mga lihok nga anaa sa ubos alang sa klase sa gagmay nga mga bata.

Hugot nga pagtuo mao ang pagkahibalo,

Nga ang Ginoo motubag (ibutang ang gisawod nga kamot luyo sa dunggan)

Matag pag-ampo ko. (ipahimutang ang mga kamot ingon og nag-ampo)

Kini sama sa liso: (isawod ang wala nga kamot ug pagpakaaron ingon nga nagtanom og usa ka liso diha niini uban sa tuo nga kamot)

Itanom, motubo. (tuo nga kamot mosumaysumay sa usa ka tanom nga nagtubo gikan sa gisawod nga wala nga kamot)

Magtubo sa kasingkasing ko. (ibutang ang mga kamot ibabaw sa kasingkasing)

Kon buotan ako. (itudlo ang igtutudlo nga tudlo sa imong kaugalingon)

Kon ang Langitnong Amahan ug si Jesukristo nagsugo kanato sa pagbuhat og usa ka butang, kini gitawag og usa ka sugo. Kon kita mosunod sa mga sugo, kita nagpakita sa Langitnong Amahan ug ni Jesus nga kita misalig kanila. Kita nakahibalo nga sila naghigugma kanato ug dili gayud mosugo kanato sa pagbuhat og bisan unsa nga butang nga makadaot kanato. Kita nagpakita sa atong hugot nga pagtuo kon kita mosunod.

Pahinumdumi ang mga bata nga ang pagtuo diha sa Langitnong Amahan ug ni Jesus nagpasabut nga kita adunay hugot nga pagtuo. Bisan tuod og kita wala makakita kanila sulod sa atong yutan-on nga mga kinabuhi, kita adunay hugot nga pagtuo diha sa mga pagpamatuod sa uban kinsa nakakita kanila. Kita usab nagtuo nga ang Espiritu Santo tinuod ug siya walay lawas nga unod ug mga bukog apan usa ka personahe sa espiritu sa porma sa usa ka tawo.

Artikulo sa hugot nga pagtuo

Tabangi ang labaw nga hingkod nga mga bata sa pagsag-ulo sa unang artikulo sa hugot nga pagtuo. Ang labaw ka gagmay nga mga bata mahimo nga mousab pagsulti niini uban kanimo ug tingali mosag-ulo og bahin niini.

Lehi Nagpakita sa Iyang Hugot nga Pagtuo Pinaagi sa Pagkamasulundon

Sugilanon ug hulagway diha sa balaan nga kasulatan

Ipasabut nga kita mga anak sa Langitnong Amahan ug makapakita nga kita adunay hugot nga pagtuo sa Langitnong Amahan ug ni Jesukristo. Diha sa Basahon ni Mormon, usa ka propeta nga ginganlan og Lehi mipakita sa iyang hugot nga pagtuo sa Langitnong Amahan ug ni Jesus pinaagi sa pagkamasulundon.

Isaysay ang mosunod nga sugilanon diha sa balaan nga kasulatan sa imong kaugalingon nga mga pulong:

Dugay na nga panahon ang milabay, unom ka gatus ka mga tuig sa wala pa matawo si Jesus, usa ka propeta nga ginganlan og Lehi nagpuyo sa Jerusalem uban sa iyang banay. Ang asawa ni Lehi gingalan og Sariah. Sila adunay upat ka anak nga mga lalaki nga ginganlan og Laman, Lemuel, Sam, ug Nephi.

Si Lehi ug ang iyang banay mauswagon ug haruhay. Si Lehi mihigugma sa Langitnong Amahan ug ni Jesus. Siya naninguha sa pagtudlo sa iyang banay sa paghigugma kanila ug sa pagsunod sa ilang mga sugo.

Ipakita ang hulagway 3-39, Lehi Nanagna ngadto sa mga Katawhan sa Jerusalem.

Niana nga panahon ang mga tawo kinsa nagpuyo sa Jerusalem hilabihan ka mga dautan. Si Lehi naninguha sa pagtudlo kanila mahitungod sa Langitnong Amahan ug ni Jesus ug sa mga sugo, apan ang mga katawhan dili maminaw kaniya.

Usa ka adlaw samtang si Lehi nag-ampo, siya adunay usa ka damgo o pananawon. Siya nakakita og daghan nga maanindot nga mga butang. Siya usab nakakita nga ang Jerusalem pagalumpagon gawas kon ang mga tawo maghinulsol. Si Lehi midayeg sa Langitnong Amahan tungod kay siya nakahibalo nga ang Langitnong Amahan buot nga mopahimangno sa mga katawhan sa Jerusalem. Ang Langitnong Amahan misugo kaniya sa pagsulti sa mga katawhan mahitungod sa unsay iyang nakita. Si Lehi mibuhat ingon nga siya gisugo. Siya misulti ngadto sa mga katawhan nga ang Jerusalem pagalumpagon gawas kon sila maghinulsol.

Sugilanon ug hulagway diha sa balaan nga kasulatan

• Unsay nakita ni Lehi diha sa iyang panan-awon? (Daghan nga mga butang, lakip ang pagkalumpag sa Jerusalem; tan-awa sa 1 Nephi 1:13.)

• Unsa ang gibati ni Lehi human sa iyang panan-awon? (Siya midayeg sa Langitnong Amahan; siya nalipay; tan-awa sa 1 Nephi 1:14–15.)

Ang pagsulti sa mga tawo sa paghinulsol sa ilang kadautan nagkinahanglan og kaisug. Bisan pa niana, si Lehi adunay hugot nga pagtuo nga ang Langitnong Amahan mopanalipod kaniya, busa si Lehi mibuhat ingon nga siya gisugo. Ang mga katawhan dili maminaw kaniya ug mibugal-bugal kaniya ug misulay sa pagpatay kaniya tungod kay sila dili gusto makadungog nga sila mga dautan.

Sugilanon ug hulagway diha sa balaan nga kasulatan

• Unsa ang gibuhat ni Lehi aron sa pagpakita sa iyang hugot nga pagtuo sa Langitnong Amahan? (Siya misunod ug misulti ngadto sa mga katawhan sa paghinulsol; tan-awa sa 1 Nephi 1:4, 18).

• Unsa ang gibuhat sa mga katawhan human si Lehi misulti kanila sa paghinulsol? (Sila mibugal-bugal kaniya ug buot nga mopatay kaniya; tan-awa sa 1 Nephi 1:19–20.)

• Unsa sa inyong hunahuna ang gibati ni Lehi sa diha nga ang mga katawhan dili maminaw kanila?

Balaan nga kasulatan nga Panaghisgutan

Sa wala madugay, ang Langitnong Amahan misulti ngadto ni Lehi. Ipapaminaw sa mga bata unsay iyang gisugo nga buhaton ni Lehi. Basaha ang 1 Nephi 2:1–2.

Balaan nga kasulatan nga Panaghisgutan

• Unsa ang gisugo sa Langitnong Amahan nga buhaton ni Lehi? (Pagbiya sa Jerusalem ug pag-adto ngadto sa kamingawan.)

Ipasabut nga ang usa ka kamingawan sa kasagaran usa ka dapit diin walay usa nga nagpuyo ug diin walay mga balay, mga gambalay, o mga dalan. Ang Langitnong Amahan nagsugo ni Lehi ug sa iyang banay sa pagbiya sa tanan ug sa pag-adto sa usa ka dapit diin sila kinahanglan nga magpuyo sa ilang mga kaugalingon.

Balaan nga kasulatan nga Panaghisgutan

• Ngano nga si Lehi gisugo sa pagdala sa iyang banay gikan sa Jerusalem? (Dautan nga mga tawo naglaraw sa pagpatay ni Lehi, ug ang dakbayan pagalumpagon.)

Hangyoa ang mga bata sa pagpaminaw unsa ang gibuhat ni Lehi; unya basaha ang 1 Nephi 2:3–4.

Balaan nga kasulatan nga Panaghisgutan

• Unsa ang gibuhat ni Lehi? (Iyang giputos ang mga butang nga iyang kinahanglanon sa pagpuyo didto sa kamingawan ug gidala ang iyang banay gikan sa Jerusalem.)

Sugilanon ug hulagway diha sa balaan nga

Ipakita ang hulagway 3-40, Banay ni Lehi Mibiya sa Jerusalem.

Bisan og si Lehi mipuyo sa Jerusalem sulod sa dugay nga panahon, siya dihadiha misunod sa sugo sa pagbiya sa iyang panimalay. Si Lehi ug ang iyang banay mibiya sa ilang panimalay, sa ilang yuta, kasagaran sa ilang mga saput, sa ilang bulawan ug pilak, ug uban nga mga kabtangan. Sila midala lamang og pagkaon, pipila ka mga saput, mga tolda, ug uban nga gikinahanglan nga mga butang nga tingali ilang gikarga sa mga kamel o mga asno. Unya sila mibiya ug mipaingon ngadto sa kamingawan.

Itudlo nga kini dili sayon alang kang Lehi sa pagbiya, apan siya andam sa pagsunod niini nga sugo.

Sugilanon ug hulagway diha sa balaan nga

• Unsa ang gibuhat ni Lehi nga nagpakita nga siya adunay hugot nga pagtuo sa Langitnong Amahan ug ni Jesukristo? (Siya masulundon. Siya mipahimangno sa dautan nga mga katawhan, ug siya mibiya sa iyang panimalay ug mga kabtangan ug mipaingon sa kamingawan tungod kay siya gisugo sa pagbuhat sa ingon.)

Panaghisgutan

Hangyoa ang mga bata sa pagpakaaron ingnon nga sila mga sakop sa banay ni Lehi.

Ipahunahuna kanila ang mahitungod sa unsay ilang dad-on uban kanila kon sila moadto sa kamingawan. Ipasulti kanila nganha kanimo unsa ang buot nilang dad-on ug unsa ang ilang biyaan. Ikaw mahimo nga mopakita og daghan nga mga butang o mga hulagway sa mga butang nga nagtimaan sa mga butang nga kinahanglan pilion sa banay ni Lehi; sama pananglit, usa ka singsing nagtimaan og alahas, sinsilyo tingali nagpasabut og salapi, usa ka mansanas mahimo nga mobarug sa pagkaon. Papilia ang mga bata unsa ang gikinahanglan sa banay ni Lehi. Pahinumdumi sila nga sila makadala lamang og dyutay nga mga butang.

Kalihokan

Ipahukom sa mga bata unsa ang ilang pilion nga dad-on uban kanila kon sila moadto sa kamingawan uban ni Lehi. Ang unang bata dayon moingon, “Kon ako moadto ngadto sa kamingawan uban ni Lehi, ako modala sa ————— .” (Ang bata mopuno sa blangko sa bisan unsay iyang napilian nga dad-on.) Ang sunod nga bata mosulti og balik unsa ang gisulti sa unang bata ug dayon modugang og dugang nga butang nga iyang napili. Ang matag mosunod nga bata mosulti pag-usab sa tanan nga nangaging mga butang ug modugang og usa nga iyang kaugalingon. Padayon hangtud ang matag bata (ug ang magtutudlo) adunay dili mokubos sa usa ka turno.

Kalihokan

• Unsa sa inyong hunahuna ang inyong bation kon nasayud nga kamo dili na makakita sa inyong mga higala ug mga kabtangan pag-usab?

• Unsa sa inyong hunahuna ang gibati sa banay ni Lehi?

Ang pagsunod sa Langitnong Amahan pinaagi sa pagbiya sa Jerusalem nanginahanglan og dako nga hugot nga pagtuo. Si Lehi ug ang iyang banay nakadawat og mga panalangin tungod kay sila mga masulundon.

Kon Kita Mopili sa Matarung, Kita Mga Masulundon

Kalihokan nga pagdula

Ipakita ang PAM nga taming (shield) ug singsing.

Kalihokan nga pagdula

• Unsa ang kahulugan sa mga titik PAM? (Pilia ang Matarung.)

Sultihi ang mga bata nga ang pagpili sa matarung nagpasabut sa pagbuhat unsa ang buot sa Langitnong Amahan ug ni Jesus nga atong buhaton.

Isaysay ang mosunod nga mga sugilanon sa imong kaugalingon nga mga pulong, ug ipadula ang mga sitwasyon sa mga bata.

Kalihokan nga pagdula

1. Sa pagpauli sa panimalay kamo ug pipila sa inyong mga higala milabay sa nataran sa inyong silingan. Diha sa nataran mao ang usa ka kahoy nga puno sa prutas nga daghan og duga. Ang inyong mga higala buot kaninyo nga mouban kanila ug manguha og pipila ka mga prutas nga kan-on. Sila miingon nga adunay daghan kaayong mga prutas nga ang pipila ka buok dili mailhan nga nawala.

   • Unsay buot sa Langitnong Amahan ug ni Jesus nga inyong buhaton?

   Sultihi ang mga bata nga kon sila mopili sa matarung, sila nagmasulundon ug nagpakita og hugot nga pagtuo sa Langitnong Amahan ug ni Jesukristo.

2. Kamo buot nga modula sa inyong kinaham nga dulaan, apan kini anaa sa inyong igsoon nga lalaki.

   • Unsay buot sa Langitnong Amahan ug ni Jesus nga inyong buhaton?

   Ipasabut nga kon kita mobuhat unsay buot sa Langitnong Amahan ug ni Jesus nga atong buhaton, kita nagpili sa matarung.

   Kon ang panahon motugot, ikaw makapakita sa hulagway sa propeta ug mohangyo sa mga bata sa paghingalan og pipila ka mga butang nga siya mihangyo kanato sa pagbuhat. Paghisgot sa unsa nga paagi nga ang pagsunod niini nga mga sugo makadala og mga panalangin.

Katingbanan

Ipakita og usab ang PAM nga taming (shield) ug singsing ug pahinumdumi ang mga bata sa pagpili kanunay sa matarung. Kon sila mopili sa matarung, sila nagsunod. Kon sila mosunod, sila nagpakita sa Langitnong Amahan ug ni Jesukristo nga sila adunay hugot nga pagtuo diha kanila.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay alang sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Ipasulti sa usa ka sakop sa inyong purok o sanga sa unsa nga paagi ang pagkamasulundon nakatabang kaniya. Usa ka nahibalik na nga misyonaryo, bag-o nga kinabig o usa ka tawo kinsa bag-o nga nakaadto sa templo mahimo nga angay nga pinili. Pagkuha og pag-uyon gikan sa inyong presidente sa Primarya ug pangulo sa pagkapari sa dili pa hangyoon ang usa ka tawo sa pag-anha sa inyong klase.

2. Pagkuha og daghan nga mga butang nga naghatag og panalipod, ingon sa mga sapatos, kalo, payong, ug uban pa. Pagkuha og igo nga gidaghanon sa mga butang aron ang matag bata diha sa inyong klase maka-apil. Hangyoa ang matag bata, sa tinagsa-tagsa, sa pagpili og usa ka butang ug pagsulti unsa nga matang sa panalipod ang gihatag niini (sapatos nanalipod sa mga tiil, ug uban pa). Sultihi ang mga bata nga kon kita mosunod sa atong mga ginikanan ug mga pangulo, kita usab gipanalipdan. Paghisgot mahitungod sa pipila ka mga lagda ug sa unsa nga paagi sila mahimo nga usa ka panalipod.

3. Ipataas ang imong kamot ug ipakita sa mga bata unsaon nimo paglihok ang imong tudlo. Ipasabut nga ikaw nakalihok sa imong mga kamot ug mga tudlo, apan dili makapalihok sa mga tudlo sa laing mga tawo. Hangyoa ang mga bata sa pagpataas sa ilang mga kamot, paglihok sa ilang mga tudlo, ug pag-abli ug pagkumo sa ilang mga kamot. Tabangi ang mga bata sa pagsabut nga kon sila mosugo sa ilang mga kamot sa pagpili sa matarung, sila nagsunod.

4. Isulti ang ikaduha nga garay sa “Ako Adunay Duha Ka Gagmay nga mga Kamot [I Have Two Little Hands].”

   Amahan, salamat sa mga kamot

   Panalangini nga aron makasabut

   Nga ang mga bata magmalipayon

   Kon kamot nakat-on pagkamasulundon.

   (Children’s Songbook, p. 272)

5. Pangitaa ang tanan nga mga paagi nga kita makapili sa matarung nga giapil diha sa ikanapulog tulo nga artikulo sa hugot nga pagtuo. Paapila ang mga bata sa pagbuhat sa mao. Ipaihap kanila ang mga paagi, itudlo kanila, o ipasulit kanila og balik. Awhaga kadtong mga bata kinsa makasag-ulo og usa ka han-ay sa mga pulong o duha nga mahinungdanon ngadto kanila.