Mga Manwal sa Primary ug Panahon sa Pagpakigbahin
Leksyon 18: Langitnong Amahan Nagtabang Kanato sa Pagsunod sa Iyang mga Sugo

Leksyon 18

Langitnong Amahan Nagtabang Kanato sa Pagsunod sa Iyang mga Sugo

Katuyoan

Aron sa pagtabang sa mga bata sa pagsabut nga ang Langitnong Amahan ug si Jesus motabang kanila sa pagsunod sa mga sugo.

Pagpangandam

  1. Sa mainampuon nga paagi pagtuon sa 1 Nephi 3:7; 17; 18:1–4. Pangandam sa pagsaysay sa asoy ni Nephi nga nagtukod og usa ka barko.

  2. Kon ikaw makahimo, paghimo og kopya sa ighahatag nga basahonon sa 1 Nephi 3:7 alang sa matag bata. Guntinga ang ighahatag nga basahonon diha sa tulbok-tulbok nga mga linya. Ibutang ang mga gilis diha sa usa ka sobre alang sa matag bata.

  3. Pangandam sa pag-awit sa una ug ikaduha nga mga garay sa “Kaisug ni Nephi [Nephi’s Courage]” (Children’s Songbook, p. 120); ang mga pulong gilakip diha sa luyo niini nga tamdanan nga basahon.

  4. Mga kagamitan nga gikinahanglan:

    1. Usa ka Basahon ni Mormon alang sa matag bata, kon aduna.

    2. Usa ka lapis ug usa ka piraso sa papel o kard alang sa matag bata.

    3. Pisara, tisas, ug papas.

    4. Hulagway 3-37, Nephi Nagbuntog sa Iyang Masinupakon nga Igsoon nga mga Lalaki (62044; Sudlanan sa Hulagway sa Ebanghelyo 303).

  5. Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Si Nephi Misunod sa mga Sugo

Pang-atensyon nga kalihokan

Sultihi ang mga bata sa pagbuhat unsa ang imong gibuhat. Unya paghimo og daghan nga mga lihok, sama sa pagtindog, pagbutang sa imong mga kamot diha sa inyong mga bat-ang, pagtuyok, ug uban pa. Lingkod. Pasalamati ang mga bata tungod sa pagsunod.

Pang-atensyon nga kalihokan

  • Unsa ang gipasabut sa pagsunod?

Ipasabut nga kon kita mohimo ingon nga kita gisugo, kita nagsunod o nagmasulundon.

Balik-Pagtuon

Sultihi ang mga bata nga ikaw naghunahuna mahitungod sa usa ka tawo kinsa masulundon. Siya andam sa pagsunod sa sugo sa Ginoo sa pagbiya sa Jerusalem uban sa iyang amahan.

Siya usab andam sa pagsunod sa sugo sa pagbalik ngadto sa Jerusalem aron sa pagkuha sa tumbaga nga mga palid.

Balik-Pagtuon

  • Kinsa kini nga tawo? (Nephi.)

Ipasabut nga sa diha nga si Nephi gisugo sa pagpabalik ngadto sa Jerusalem aron sa pagkuha sa tumbaga nga mga palid, siya nakahibalo nga kini usa ka malisud nga butang nga buhaton, apan siya misulti sa iyang amahan nga siya mosunod. Sa lakbit balika pagtuon ang sugilanon nga anaa sa leksyon 17.

Ipakita sa mga bata ang usa ka kopya sa Basahon ni Mormon ug sultihi sila nga ang mga pulong nga gisulti ni Nephi ngadto sa iyang amahan gisulat dinhi niini nga basahon. Tan-awa nga ang matag bata kinsa makabasa adunay usa ka kopya sa Basahon ni Mormon. Tabangi sila sa pagpangita sa 1 Nephi 3:7.

Awit

Awita o isulti ang mga pulong sa unang garay sa “Kaisug ni Nephi” uban sa mga bata.

Basaha ang 1 Nephi 3:7 ngadto sa mga bata. Ipasabut nga kini nagsulti sa sama nga butang ingon sa gisulti sa katapusang tulo ka mga linya niini nga awit. Ipaawit o ipasulti kadto nga mga linya pag-usab. Tabangi ang mga bata sa pagsabut nga ang Ginoo motabang kanila sa pagsunod sa iyang mga sugo.

Ang Ginoo Mitudlo ni Nephi Unsaon Pagtukod og usa ka Barko

Sugilanon sa balaan nga kasulatan

Sultihi ang mga bata nga ang Basahon ni Mormon naglangkob og daghan nga maanindot nga mga sugilanon mahitungod ni Nephi. Unya isulti ang mosunod sa imong kaugalingon nga mga pulong:

Si Lehi ug ang iyang banay mipanaw sa kamingawan sulod sa walo ka mga tuig. Pagpanaw ug pagpuyo diha sa kamingawan malisud. Sila napugos sa pagpuyo diha sa mga tolda ug sa pagpangayam alang sa pagkaon. Sa katapusan sila miabut sa usa ka yuta daplin sa dagat. Sila mitawag sa yuta og Bountiful. Sila nalipay nga miabut didto tungod kay dihay mga prutas ug dugos nga makaon. Sila mitukod sa ilang mga tolda sa daplin sa baybayon.

Human si Lehi ug ang iyang banay nakapuyo diha sa yuta sa Bountiful sulod sa daghang mga adlaw, ang Ginoo misugo ni Nephi sa pagtukod og barko aron ang banay makatabok sa dagat ngadto sa gisaad nga yuta. Si Nephi mituo nga ang Ginoo motabang kaniya. Si Nephi nangutana kaniya asa siya makakita og oro aron himoon og mga himan nga iyang kinahanglanon sa pagtukod og barko. Si Nephi gisultihan asa pangitaa ang oro ug nakahimo og mga himan.

Sa diha nga ang igsoon nga mga lalaki ni Nephi, nga si Laman ug Lemuel nakakita nga siya magtukod og usa ka barko, sila misugod sa pagbagulbol. Sila wala motuo nga si Nephi makatukod og usa ka barko. Sila midumili sa pagtabang. Sila wala motuo nga ang Ginoo mosulti ni Nephi unsaon pagtukod ang barko.

Apan si Nephi nakahibalo nga ang Ginoo motabang kaniya. Siya sa kanunay motabang kanato sa pagsunod sa iyang mga sugo. Si Nephi misunod sa iyang mga panudlo.

Si Nephi misulti ni Laman ug Lemuel nga kon sila mosunod sa mga sugo ug mobuhat unsa ang gisugo sa Ginoo, siya motabang usab kanila. Si Laman ug Lemuel dili buot ni Nephi nga mosulti kanila unsa ang buhaton. Sila buot nga molabay kaniya ngadto sa dagat, apan si Nephi puno sa gahum sa Dios. Siya misulti sa iyang igsoon nga lalaki sa dili paghikap kaniya. Si Laman ug si Lemuel nahadlok. Si Nephi misugo kanila sa paghinulsol ug sa pagsunod sa mga sugo ug sa ilang mga ginikanan.

Unya si Nephi mihikap sa iyang igsoon nga mga lalaki ug mipakurog kanila aron sila makahibalo nga ang Ginoo nagtabang kaniya.

Hulagway nga panaghisgutan

Ipakita ang hulagway 3-37, Nephi Nagbuntog sa Iyang Masinupakon nga Igsoon nga mga Lalaki.

Hulagway nga panaghisgutan

  • Sa inyong hunahuna unsa ang gibati ni Laman ug Lemuel?

Ipasabut nga si Laman ug Lemuel mihinulsol. Sila mitabang ni Nephi sa pagtukod sa barko.

Hulagway nga panaghisgutan

  • Giunsa pagtabang sa Ginoo si Nephi? (Siya misulti kaniya asa pangitaa ang oro nga himoon og mga himan. Siya mitudlo kaniya unsaon pagtukod ang barko. Siya mipanalipod kaniya gikan sa iyang igsoon nga mga lalaki.)

Ipasabut nga bisan tuod si Nephi dili makahibalo unsaon pagtukod ang usa ka barko, siya mituo nga ang Ginoo motabang kaniya kon siya mosunod sa iyang mga sugo.

Awita o isulti ang ikaduha nga garay sa “Kaisug ni Nephi” uban sa mga bata.

Pang-pisara nga panaghisgutan

Pagdibuho og usa ka yano nga nagkatawa nga nawong ug usa ka nagkusmod nga nawong diha sa pisara. Pakigsulti sa mga bata unsa ang makalipay kanila. Tabangi ang mga bata sa pagsabut nga ang Langitnong Amahan ug si Jesukristo buot kanato nga malipay, ug kini mao ngano nga siya naghatag kanato sa mga sugo aron sundon. Pangutana og mga pangutana ingon sa mosunod mahitungod sa unsa nga paagi nga ang pagsunod sa mga sugo nagdala og kalipay:

Pang-pisara nga panaghisgutan

  • Hain sa mga nawong ang nagpakita unsa ang gibati ni Nephi sa diha nga siya misunod sa sugo sa pagtukod og barko?

  • Sa unsa nga paagi ang pagsimba makatabang kanato sa pagbati og kalipay?

  • Sa unsa nga paagi nga ang paghigugma ug pag-alagad sa mga sakop sa atong banay nagtabang kanato nga magpalipayon?

Ang Ginoo Motabang Kanato sa Pagsunod

Sugilanon

Ipasabut nga sama sa pagtabang sa Ginoo ni Nephi, siya motabang matag usa kanato kon kita adunay hugot nga pagtuo diha kaniya ug andam sa pagsunod sa iyang sugo. Papaminawa ang mga bata samtang ikaw mosaysay og usa ka sugilanon mahitungod kon giunsa sa Langitnong Amahan pagtabang ang usa ka batan-on nga babaye sa pagsunod sa sugo sa pagbalaan sa Igpapahulay nga adlaw.

Si Ma-ling adunay gamay nga tindahan diha sa dalan duol sa suba. Matag adlaw siya mobaligya sa iyang bugas humay ug isda ngadto sa mga tawo kinsa mohunong sa iyang tindahan. Matag gabii nga siya mopauli ngadto sa iyang panimalay diha sa usa ka baroto ug mag-ihap sa salapi nga iyang halin, siya manghupaw ug molingo-lingo sa iyang ulo, tungod kay kini hapit dili igo nga ipalit og bugas humay alang sa iyang banay ug isda aron ibaligya sa sunod nga adlaw.

Usa ka adlaw niana si Ma-ling nakahimamat sa mga misyonaryo, ug sila mitudlo kaniya sa ebanghelyo. Sila mitudlo kaniya mahitungod sa mga sugo sa Langitnong Amahan ug mahitungod sa pagbalaan sa Igpapahulay nga adlaw. Si Ma-ling nakigsulti ngadto sa Langitnong Amahan diha sa pag-ampo ug misaad kaniya nga siya dili na moabli sa iyang tindahan og Domingo. Siya buot nga mobalaan sa Igpapahulay nga adlaw ug dili motrabaho og Domingo.

Sukad niana nga panahon, matag gabii samtang si Ma-ling nag-ihap sa iyang salapi, iyang namatngonan nga siya adunay labaw ka daghan nga salapi kay sa kaniadto. Siya nakahimo sa pagpalit og labaw ka daghan nga pagkaon nga ikabahin sa iyang banay, ug siya nakahimo sa pagpalit og labaw ka daghan nga isda nga ibaligya. Ang Langitnong Amahan mipanalangin ni Ma-ling tungod kay siya mibalaan sa Igpapahulay nga adlaw. Si Ma-ling malipayon tungod kay siya misunod sa mga sugo.

Panaghisgutan

Panaghisgutan

  • Unsa nga sugo ang gisunod ni Ma-ling?

  • Giunsa sa Langitnong Amahan pagtabang kaniya?

Sultihi ang mga bata nga sama sa pagtabang sa Amahan mitabang ni Nephi ug ni Ma-ling, siya motabang sa matag usa kanila sa pagsunod sa iyang mga sugo.

Katingbanan

Pagpamatuod sa Magtutudlo

Kon angay, sultihi ang mga bata sa usa ka higayon sa diha nga ang Langitnong Amahan mitabang kanimo sa pagsunod sa usa ka sugo. Ipamatuod nga ang Langitnong Amahan ug si Jesukristo naghigugma kanato ug motabang kanato sa pagsunod sa mga sugo.

Hatagi ang matag bata og usa ka piraso nga papel o kard ug usa ka lapis. Ipadibuho sa mga bata ang usa ka nagkatawa nga nawong diha niini. Unya dapita ang mga bata sa pagpili og usa ka sugo nga sundon sulod sa semana, ingon sa pagkamaghuhusay, pagtabang ni Mama ug Papa, pagmabination ngadto sa igsoon nga lalaki o igsoon nga babaye, o pakigbahin uban sa mga higala. Tabangi ang matag bata sa pagsulat sa sugo nga iyang gipili diha sa kard. Sultihi ang mga bata sa pagpangandam sunod semana aron sa pagtaho mahitungod sa unsay ilang gibati sa diha nga sila misunod.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

  1. Pakigsulti uban sa mga bata mahitungod sa pipila sa mga sugo, ingon sa balaan nga pagtahud, pag-ampo, pagkamabination, pagkamatinuoron, Pulong sa Kaalam, ug uban pa. Ipasabut nga ang matag tawo makahibalo nga ang pipila sa mga sugo labaw nga sayon sundon kay sa uban. Hatagi og gibug-aton nga ang Langitnong Amahan motabang sa matag usa kanato sa pagsunod sa mga sugo kon kita sa tinuod maninguha ug kon kita mohangyo alang sa iyang panabang.

  2. Uban sa mga bata, awita o isulti ang mga pulong sa “Pilia ang Matarung nga Paagi [Choose the Right Way]” (Children’s Songbook, p. 160), ug uban nga mga awit mahitungod sa mga sugo, ingon sa “Maghigugmaay [Love One Another]” (Mga Himno ug mga Awit sa mga Bata o Children’s Songbook, p. 136) o “Kon Kita Motabang [When We’re Helping]” (Children’s Songbook, p. 198); ang mga pulong alang niining tulo ka mga awit gilakip diha sa luyo niining tamdanan nga basahon.

  3. Pag-itsa og usa ka pinutos nga mongos o sinudlan nga gamay nga hayop ngadto sa usa ka bata; unya pangutan-a siya og usa ka pangutana gikan sa leksyon, ingon sa:

    • Unsay gisugo sa Ginoo nga tukuron ni Nephi?

    • Unsa ang reaksyon ni Laman ug Lemuel sa diha nga si Nephi misulti kanila mahitungod sa pagtukod sa barko?

    • Kamo ba makahingalan og sugo nga kamo makasunod karon?

    • Unsay atong buhaton kon kita nagkinahanglan sa panabang sa Langitnong Amahan? (Pag-ampo.)

    • Unsa ang gisulti sa Ginoo ngadto ni Nephi nga lisud buhaton?

    • Giunsa ni Nephi pagkuha og mga himan?

  4. Ipakaaron-ingnon sa mga bata nga sila nagkawot og oro, nagbuhat og mga himan, ug nagtukod og barko ingon sa gibuhat ni Nephi.

  5. Alang sa labaw ka hingkod nga mga bata: Paghimo og usa ka sinulat nga kopya sa 1 Nephi 3:7 alang sa matag bata. Guntinga kini sa matag linya ug ipapapilit ang mga gilis sa hustong pagkasunod-sunod diha sa usa ka piraso nga papel. Awhaga sila sa pagsag-ulo sa balaan nga kasulatan.

Lord commands

1 Nephi 3:7

Ako moadto; mobuhat sa sugo

Ako nasayud ang Dios nag-andam og paagi;

Siya buot kanako nga mosunod.

Dios nag-andam og agianan;.

Ako mosunod.