Ang Espiritu Santo Nagtabang Kanato nga Makahibalo sa Kamatuoran

Katuyoan

Aron sa pagtabang sa mga bata nga makaamgo nga ang Espiritu Santo makatabang kanila nga makahibalo nga ang mga pagtulun-an ni Jesukristo mga tinuod.

Pagpangandam

Sa mainampuon ng paagi pagtuon sa Mosiah 11; 12:17–19; 13:1–9; 17; 18:1–3; Moroni 10:4–5; Doktrina ug mga Pakigsaad 130:22.
Pangandam sa pag-awit o pagsulti sa mga pulong sa “Ang Espiritu Santo [The Holy Ghost]” (Children’s Songbook, p. 105); ang mga pulong gilakip sa luyo niining tamdanan nga basahon.
Pag-andam og napulo ka gagmay nga mga kard ingon sa gipakita. Isulat ang titik sa usa ka bahin ug ang numero sa bali nga bahin. Alang sa mga bata kinsa dili makabasa, pagbutang og mga tulbok aron mobagay sa mga numero.

Kon mahimo, ipapilit ang mga kard sa bisan unsa nga pagkasunod-sunod diha sa luyo sa mga lingkuran sa mga bata sa wala pa ang klase.
Pangandam sa pag-awit sa unang garay sa “Ako Nasayud Akong Amahan Buhi [I Know My Father Lives]” (Mga Himno ug mga Awit sa mga Bata o Children’s Songbook, p. 5).
Mga kagamitan nga gikinahanglan:
1. Usa ka kopya sa Basahon ni Mormon alang sa matag bata kinsa makabasa.
2. Masking tape, kon aduna.
3. Pisara, tisas, ug pasas; o papel nga kasulatan.
4. Hulagway 3-47, Abinadi diha sa Atubangan ni Hari Noah (62042; Sudlanan sa Hulagway sa Ebanghelyo 308).
Paghimo sa gikinahanglan nga mga pagpangandam alang sa bisan unsa nga mga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Ang Espiritu Santo Mitabang ni Alma sa Pag-ila sa Kamatuoran

Pang-atensyon nga kalihokan

Ipapangita sa mga bata ang gitago nga mga kard, ug tabangi sila sa pagporma sa ngalan nga Espiritu Santo. Gagmay nga mga bata makabutang sa mga kard sa hustong pagkasunod-sunod sa mga numero; unya kamo mahimo nga mobali kanila ug mobasa og kusog sa mga pulong. Ipasulti ang ngalan sa tibuok klase.

Artikulo sa hugot nga pagtuo

Patindoga ang mga bata ug ipasulti og balik uban kanimo ang unang artikulo sa hugot nga pagtuo.

Balaan nga kasulatan, hulagway, ug sugilanon

Ipakita sa mga bata ang hulagway 3-47, Abinadi diha sa Atubangan ni Hari Noah. Samtang imong isaysay ang mosunod nga sugilanon sa imong kaugalingon nga mga pulong, hangyoa ang mga bata sa pagpaminaw giunsa sa Espiritu Santo pagtabang si Alma.

Ipasabut nga human sa daghan nga mga katuigan si Lehi ug ang iyang banay mibiya sa Jerusalem, usa ka dautan nga tawo nga ginganlan og Noah nahimo nga hari sa mga Nephite. Si Hari Noah usa ka dautan nga hari ug mitudlo sa mga Nephite nga mga katawhan sa pagkamakasasala.

Ang Ginoo mipadala og usa ka propeta nga ginganlan og Abinadi aron pagsangyaw ngadto sa mga Nephite. Si Abinadi misulti sa mga Nephite nga sila ug ang ilang hari mga dautan ug nga ang Langitnong Amahan buot kanila nga maghinulsol.

Si Hari Noah nasuko ni Abinadi ug siya gipadakop. Si Abinadi dayon gidala ngadto sa atubangan sa dautan nga Hari Noah ug sa iyang mga pari. Si Abinadi mitudlo kanila sa mga pagtulun-an ni Jesukristo. Sila dili buot nga maminaw, apan ang Ginoo mipanalangin ni Abinadi, ug walay usa nga makapasakit kaniya hangtud siya makahatag sa mensahe nga siya gisugo sa paghatag. Si Abinadi misulti kanila nga kini nga mga pagtulun-an mga tinuod. Si Hari Noah ug kadaghanan sa mga pari midumili sa pagtuo sa mga pulong ni Abinadi. Sila dili buot nga maghinulsol sa ilang pagkadautan. Hinoon, sila buot mopatay ni Abinadi.

Usa sa mga pari, ginganlan og Alma, mituo ni Abinadi. Ang Espiritu Santo mitugot ni Alma nga masayud nga si Abinadi nagsulti sa tinuod. Si Alma nagpakilooy ni Hari Noah nga buhian si Abinadi. Ang pakilooy ni Alma mihimo ni Hari Noah nga mosamot og kasuko. Siya misugo ni Alma sa pagbiya. Unya siya mipadala sa iyang mga sulugoon sa pagpatay ni Alma. Apan si Alma milayas gikan sa mga sulugoon ni Hari Noah ug mitago. Si Alma nagpabilin nga nagtago ug walay kakuyaw sulod sa daghan nga mga adlaw. Sa diha nga si Abinadi natapos sa pagsulti ni Hari Noah unsay gisugo niya nga isulti, si Abinadi gipapatay ni Hari Noah.

Samtang si Alma nagtago, siya misulat sa mga pagtulun-an nga gitudlo ni Abinadi. Si Alma nakahibalo nga kini nga mga pagtulun-an mga tinuod. Siya naghinulsol sa iyang mga sala ug misugod sa pagsunod sa mga sugo. Si Alma nahimo nga usa ka gamhanan nga misyonaryo pinaagi sa pagpakigbahin sa mga kamtuoran nga iyang nahibaloan ngadto sa uban.

Balaan nga kasulatan, hulagway, ug sugilanon

Sa unsa nga paagi si Alma nakahibalo nga ang mga pulong ni Abinadi mga tinuod?

Pagsag-ulo sa balaan nga kasulatan

Tabangi ang mga bata sa pagpangita sa Moroni 10:5, ug ipasabut nga kini nga balaan nga kasulatan mohatag kanila sa tubag. Ipabasa kini sa usa ka labaw ka hingkod nga bata alang sa klase o basaha kini og kusog sa inyong kaugalingon. Ipasabut nga ang Espiritu Santo mitabang ni Alma nga masayud nga si Abinadi misulti sa kamatuoran.

Ikaw mahimo nga mosulat sa bersikulo diha sa pisara o sa usa ka dako nga piraso sa papel ug tabangi ang labaw ka hingkod nga bata sa pagsag-ulo niini. Human mabasa ang bersikulo og dungan sa pipila ka mga higayon, papasa o tabuni ang usa o duha ka mga pulong ug ipasulti og balik ang bersikulo. Padayon sa pagpapas sa mga pulong human sa matag sulti og balik hangtud ang tanan nga balaan nga kasulatan napapas. (Alang sa mga bata kinsa dili makabasa, isulti og balik ang bersikulo sa makadaghan nga higayon sa dungan. Hunong og kadiyut ug pabutangi sa mga bata sa mahinungdanon nga hugpong sa mga pulong.) Hatigi ang mga bata sa kahigayunan sa pagsulti sa balaan nga kasulatan ngadto sa klase kon sila buot.

Ang Espiritu Santo Makatabang Kanato nga Makaila sa Kamatuoran

Pagtudlo sa magtutudlo

Hatagi og gibug-aton nga ang Espiritu Santo naghatag kanato og maayo nga pagbati kon kita mopili sa matarung. Siya naghatag usab kanato og maayo nga pagbati aron sa pagtabang kanato sa pag-ila sa tinuod nga mga pagtulun-an.

Sugilanon

Isaysay ang mosunod nga sugilanon sa usa ka batang lalaki kinsa nakaila sa kamatuoran pinaagi sa gahum sa Espiritu Santo:

Si Jeff nalingaw sa pagpaminaw sa mga misyonaryo sa diha nga sila miadto sa iyang panimalay. Sila misaysay og mga nindot nga mga sugilanon ngadto kaniya ug sa iyang banay. Siya nakagusto ilabi na sa mga sugilanon nga ilang gisaysay mahitungod ni Jesukristo. Sa diha nga ang mga misyonaryo misaysay kaniya nga ang tinuod nga Simbahan ni Jesukristo gipahiuli dinhi sa yuta, siya naghunahuna nga kini mao ang labing makapaukyab nga ideya nga iyang nadungog sukad. Ang mga misyonaryo nagsulti kaniya ug sa iyang banay nga kon sila mag-ampo ngadto sa Langitnong Amahan, sila makahibalo kon unsa ang gitudlo sa mga misyonaryo tinuod ba. Ang mga misyonaryo mikutlo sa Moroni 10:5: “Pinaagi sa gahum sa Espiritu Santo kamo mahimo nga makahibalo sa kamatuoran sa tanan nga mga butang.”

Si Jeff wala makasiguro unsaon niya pagkahibalo nga ang mensahe nga gidala sa mga misyonaryo tinuod ba, apan siya mibuhat unsa ang ilang gihangyo. Samtang si Jeff nag-ampo ngadto sa Langitnong Amahan sa pagtabang kaniya nga makahibalo sa kamatuoran ug samtang siya naminaw ngadto sa mga pagtudlo sa mga misyonaryo, usa ka madasigon, hayahay nga pagbati misugod sa pagtubo sulod kaniya. Sa wala madugay si Jeff wala nay mga pagduda. Siya mibati og kasiguro nga unsa ang gitudlo sa mga misyonaryo mga tinuod. Siya nakadawat og maayo nga pagbati, usa ka pagpamatuod, gikan sa Espiritu Santo.

Unsa ang gitabang sa Espiritu Santo ni Jeff nga masabtan? (Nga ang mga butang nga gitudlo sa mga misyonaryo kaniya mga tinuod.)
Giunsa sa Espiritu Santo sa pagpakigsulti ni Jeff? (Usa ka madasigon, maayo nga pagbati misulod ngadto sa iyang kasingkasing.)
Unsa ang gibuhat ni Jeff aron makaangkon niini nga pagbati gikan sa Espiritu Santo? (Siya nag-ampo aron makahibalo kon ang mensahe sa mga misyonaryo tinuod ba.)

Sultihi ang mga bata nga sila makabati sa Espiritu Santo sa panahon sa usa ka leksyon sa Primarya, sa usa ka leksyon sa gabii sa banay, o sa bisan unsa nga higayon nga sila gisultihan sa kamatuoran. Daghan nga mga tawo ang makakuha niini nga pagbati kon sila nagbasa sa balaan nga mga kasulatan o naminaw sa mga pulong sa buhi nga mga propeta. Hatagi og gibug-aton nga ang Espiritu Santo dili kasagaran makigsulti kanato sa pulong nga atong mabati sa atong dunggan. Hinoon, siya maghatag kanato og usa ka maayo nga pagbati mahitungod sa unsa ang tinuod.

Ipasabut nga tungod kay ang Espiritu Santo adunay espiritu nga lawas lamang (tan-awa sa Doktrina ug mga Pakigsaad 130:22), siya usahay gitawag og Espiritu. Sultihi ang mga bata nga sila mahimo nga makadungog og mga tawo nga mag-ampo aron makabaton sa Espiritu sa Dios uban kanila. Sila naghangyo nga makabaton sa Espiritu Santo uban kanila. Kini nga pagkaanaa nagtabang kanato sa pagbati nga duol ngadto sa Langitnong Amahan, pagsabut sa iyang mga sugo, ug sa pagpili sa matarung.

Katingbanan

Pagpamatuod

Kon mahimo, pakigbahin og usa ka kinaugalingon nga kasinatian diin ang Espiritu Santo mitabang kanimo sa pag-ila o pagkahibalo sa kamatuoran. Ipamatuod ngadto sa mga bata nga ang Espiritu Santo usa ka sakop sa Diosnong Kapangulohan kinsa motabang kanila nga makahibalo sa kamatuoran ug unsa ang matarung.

Awit

Ipaawit o ipasulti sa klase ang mga pulong sa unang bersikulo sa “Ako Nasayud Akong Amahan Buhi [I Know My Father Lives]”:

Ang Espiritu naghagawhaw.
Ako nasayud akong Amahan buhi ug naghigugma kanako usab,
Ug nagsulti kanako kini tinuod niini ngari kanako ug nagsulti kanako kini tinuod.

Unsa ang gisulti sa awit nga gisulti sa Espiritu Santo sa matag usa kanato? (Nga ang Langitnong Amahan buhi ug naghigugma kanato.)

Ipaawit o ipasulti pag-usab sa mga bata ang awit.

Balik-pagtuon sa balaan nga kasulatan

Ipasulti sa mga bata ang Moroni 10:5 pag-usab, ug awhaga sila sa pagpakigbahin niini uban sa ilang mga banay.

Ipasabut ngadto sa mga bata nga bisan tuod ang Espiritu Santo makahatag ni bisan kinsa og maayo nga pagbati kon siya makadungog sa kamatuoran, sunod sa bunyag ang usa ka tawo makadawat og talagsaon nga gasa kon siya kumpirmahan nga usa ka sakop sa Simbahan. Kana nga gasa mao ang gasa sa Espiritu Santo, diin nagpasabut nga ang tawo mobati sa impluwensya sa Espiritu Santo sa tanan nga higayon kon siya magpuyo sa matarung nga paagi. Sultihi sila nga sila makakat-on pa og dugang mahitungod sa gasa sa Espiritu Santo sa uban nga mga leksyon.

Awit

Awita o isulti uban sa mga bata ang mga pulong sa “Ang Espiritu Santo.”

Pagdapit og usa ka bata paghatag sa panapos nga pag-ampo.

Pagpalambo nga mga kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Matutudlo.”

Awita o isulti ang duha nga katapusan nga mga linya sa “Ang Ligdong nga Hinagawhaw nga Tingog [The Still Small Voice]” (Children’s Songbook, p. 106).

Dungga, (kamot luyo sa dunggan)

Ang Espiritu pamatia. (ibutang ang igtutudlo nga tudlo sa mga ngabil)

Dungga, dungga (kamot luyo sa dunggan) .

Pamatia. (ibutang ang kamot ibabaw sa kasingkasing)
Ipadula sa mga bata ang sugilanon ni Abinadi nga diha sa atubangan ni Noah ug sa mga pari. Ang bata nga nagbarug ni Abinadi mahimo nga mohingalan og pipila sa mga sugo sa Langitnong Amahan. Si Alma mahimo nga moangkon nga siya nagtuo ug naghangyo sa hari sa pagluwas sa kinabuhi ni Abinadi. Hinoon, si Alma gisalikway. Patagoa ang bata nga nagrepresentar ni Alma ug magpakaaron-ingon nga nagsulat sa mga pagtulun-an ni Abinadi.