Leksyon 22

Ang Pag-ula ni Jesukristo

Katuyoan

Aron sa pagtabang sa mga bata nga makaamgo nga ang mga tawo makahinulsol tungod kay si Jesukristo mitubos alang sa atong mga sala.

Pagpangandam

1. Sa mainampuon nga paagi pagtuon sa Lucas 22:39—46 ug Mosiah 27, ug pangandam sa pagsaysay sa asoy sa paghinulsol ni Alma.

2. Dad-a ang mga gilis sa pulong nga gigamit sa leksyon 10 (“Mobati og kaguol,” “Pangayo og pasaylo,” “Tarunga ang sayop,” “Ayaw usba ang sayop”).

3. Hinumdumi nga ang gagmay nga mga bata nga ubos sa walo ka tuig ang panuigon wala pay tulubagon ug wala magkinahanglan nga maghinulsol sa sala. Awhaga sila kanunay sa pagbuhat og unsay matarung.

4. Mga kagamitan nga gikinahanglan:

   1. Usa ka Basahon ni Mormon ug usa ka Doktrina ug mga Pakigsaad.

   2. Usa ka dako nga bato o uban nga bug-at nga butang ug usa ka bag diin butangan niini aron ang usa ka bata makasab-it niini sa iyang abaga. Butangi og ngalan ang dako nga bato o butang uban sa usa ka tag nga gimarkahan og “nangawat.”

   3. Mga ginunting: Alma ang Batan-on (ginunting 3-3), ang upat ka anak nga mga lalaki ni Mosiah (ginunting 3-4), ug usa ka angel (ginunting 3-5).

   4. Hulagway 3-46, Jesus Nag-ampo sa Gethsemane (62175; Sudlanan sa Hulagway sa Ebanghelyo 227).

5. Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Ang mga Tawo Makahinulsol sa Sayop nga mga Pagpili

Pang-atensyon nga kalihokan

Isaysay sa klase ang mosunod nga sugilanon:

Samtang si Josh ug ang iyang inahan namalit, si Josh nakakuha og usa ka butang gikan sa tindahan nga wala mobayad niini. Si Josh nakahibalo nga siya nakahimo og sayop. Siya bag-o pa lamang nga gibunyagan ug nakahibalo nga siya kinahanglan unta magpili sa matarung.

Ipakita sa mga bata ang dako nga bato (o uban nga bug-at nga butang) sulod sa usa ka bag.

Pangutan-a ang klase unsa ang gibati ni Josh mahitungod sa iyang gikawat. Ipakaaron-ingnon sa usa ka bata nga siya si Josh. Ipakab-it sa bata ang bag diha sa iyang abaga. Ipasabut nga si Josh wala mobati og kaayo mahitungod sa pagpangawat. Kini sama sa usa ka bug-at nga butang sa sulod nga nagpugong kaniya gikan sa paglipay.

Pang-atensyon nga kalihokan

• Sa unsa nga paagi si Josh mahimo nga labaw nga malipayon? (Pinaagi sa paghinulsol.)

• Unsa ang mabuhat ni Josh aron sa pagtarung sa iyang sayop nga pagpili? (Paghinulsol.)

Ipakita diha sa pisara ang upat ka mga gilis sa pulong. Pahinumdumi ang mga bata nga sila makakat-on mahitungod sa paghinulsol diha sa miaging leksyon.

Pang-atensyon nga kalihokan

• Unsa ang mabuhat ni Josh aron sa paghinulsol? (Ang mga tubag mahimo nga maglakip sa mosunod: pag-uli sa unsay iyang gikawat, pagbayad sa unsay iyang gikawat, pagpangayo og pasaylo ngadto sa tindera, ug motanyag sa pagbuhat og usa ka butang alang sa tindera aron mabayran ang sayop.)

Human ang mga bata makapasabut sa unsa nga paagi si Josh makahinulsol, kuhaa ang bug-at nga bato gikan sa bag sa bata. Ipasabut nga kon kita maghinulsol, kita mawagtangan sa atong mga kaugalingon sa kabug-at, kasubo nga mga pagbati, ug kita labaw nga mga malipayon.

Sultihi ang mga bata nga ang kahigayunan sa paghinulsol ug mapasaylo usa ka maanindot nga pagbati.

Hulagway

Ipakita ang hulagway 3-46, Jesus Nag-ampo sa Gethsemane. Sultihi ang mga bata nga ang Manluluwas naghimo niini nga mahimo alang sa mga tawo nga mapasaylo.

Si Jesukristo Mitubos alang sa Atong mga Sala

Pagtudlo sa magtutudlo

Ipasabut nga sa hapit na si Jesukristo mamatay diha sa krus, siya ug ang iyang mga Apostoles miadto sa usa ka tanaman nga gitawag og Gethsemane. Tulo sa mga Apostoles—Pedro, Santiago ug Juan—miadto sulod sa tanaman uban kaniya. Sila mihulat sa layo og diyutay samtang si Jesus mipadayon ngadto sa unahan og gamay sa tanaman ug nag-ampo ngadto sa Langitnong Amahan. Si Jesus nakahibalo nga siya gikinahanglan nga moantus alang kanato nga aron kita makahinulsol ug mapasaylo sa atong mga sala. Diha sa tanaman sa Gethsemane ug diha sa krus, si Jesus miantus sa hilabihan nga kasakit alang kanato. Siya nag-antus alang sa atong mga sala, o sa sayop nga mga butang nga atong nahimo.

Isulat ang pulong Pag-ula diha sa pisara. Ipasabut nga ang Pag-ula nagpasabut nga si Jesukristo mibayad sa bili sa atong mga sala nga aron kita makahinulsol ug mapasaylo. Siya mibuhat niini tungod kay siya naghigugma kanato ug tungod kay siya buot mohimo niini nga mahimo alang kanato sa paghinulsol ug malimpyo. Kita moingon nga siya mitubos alang sa atong mga sala ug sayop nga mga pagpili. Ipasulti sa klase ang pulong Pag-ula.

Ang Langitnong Amahan naghigugma kanato, usab, ug buot, nga matag usa kanato maghinulsol ug magpuyo uban kaniya pag-usab. Tungod sa pag-ula ni Jeuskristo, kita mapasaylo alang sa mga sala ug sayop nga mga pagpili nga atong gihimo human sa edad nga walo.

Si Alma ang Batan-on Mihinulsol

Balaan nga kasulatan nga sugilanon ug mga ginunting

Sa imong kaugalingon nga mga pulong, isaysay sa klase ang kang Alma nga paghinulsol ug pagkakabig. Ipakita ang mga ginunting kon magsulti mahitungod sa matag tawo.

Isulti sa mga bata nga usa ka propeta diha sa Basahon ni Mormon nga ginganlan og Alma adunay usa ka anak nga lalaki kinsa hilabihan kaayo ka masukulon ug mibuhat og daghan nga mga butang nga mga sayop. Kini nga propeta nga si Alma mao gihapon nga tawo nga atong nakat-unan diha sa sugilanon mahitungod ni Abinadi. Siya namati sa Espiritu Santo ug nahimo nga usa ka gamhanan nga magtutudlo ug pangulo sa Simbahan. Ang iyang anak ginganlan usab og Alma. Kita sa kasagaran nagtawag sa anak nga lalaki og si Alma nga Batan-on aron kita dili malibug kaniya ug sa iyang amahan.

Itudlo ang mosunod nga mga butang gikan sa sugilanon sa balaan nga kasulatan nga makaplagan diha sa Mosiah 27:8—14.

Balaan nga kasulatan nga sugilanon ug mga ginunting

1. Si Alma nga Batan-on wala mosunod sa iyang amahan. Siya ug upat sa iyang mga higala naglibut aron pagsulay sa paglaglag sa Simbahan pinaagi sa pagtudlo sa mga tawo sa pagbuhat og sayop.

2. Daghan nga mga tawo ang mituo ni Alma nga Batan-on ug mihunong sa paghupot sa nga sugo.

3. Kang Alma nga Batan-on nga amahan naguol mahitungod sa iyang anak nga lalaki ug sa mga sakop sa Simbahan.

4. Ang amahan nag-ampo nga ang iyang anak nga lalaki makakat-on sa kamatuoran.

Panaghisgutan

Panaghisgutan

• Sa unsa nga paagi ang Langitnong Amahan nagtubag sa pag-ampo sa amahan ni Alma nga Batan-on? (Siya mipadala og usa ka angel aron sa pagsulti ni Alma ug sa iyang mga higala sa paghinulsol.)

• Aduna bay usa nga nakahibalo unsa ang nahitabo human niana?

Ipapadayon sa mga bata ang pagsaysay kutob sa ilang nahibaloan mahitungod sa sugilanon. Itudlo ang mosunod nga mga butang.

Panaghisgutan

1. Si Alma ug ang iyang mga higala nahadlok kaayo sa diha nga sila nakakita sa angel nga sila natumba ngadto sa yuta.

2. Si Alma nawad-an sa gahum sa pagsulti o sa paglihok.

3. Ang iyang mga higala mialsa kaniya ngadto sa balay sa iyang amahan ug misulti sa iyang amahan sa tanan nga nahitabo.

4. Sulod sa duha ka mga adlaw ang amahan ni Alma ug ang mga pari sa Simbahan nagpuasa ug nag-ampo nga si Alma unta maulian og balik sa iyang kusog ug mosulti ngadto kanila.

5. Ang ilang mga pag-ampo gitubag, ug si Alma nga Batan-on mibarug ug misulti og usa ka butang nga nakapahimo sa iyang amahan nga malipayon kaayo ug mapasalamaton.

Tan-awa og unsay gisulti ni Alma nga Batan-on, basaha o ipabasa sa usa ka labaw ka hingkod nga bata ang mosunod gikan sa Mosiah 27:24: “Kay, nagingon siya, ako naghinulsol sa akong mga sala.”

Panaghisgutan

• Unsa ang gisulti ni Alma nga iyang nabuhat?

Balik-pagtuon nga kalihokan

Isulti sa mga bata nga ikaw buot kanila nga motubag og pipila ka mga pangutana ug sa paghisgot sa unsa nga paagi kita makahibalo nga si Alma nga Batan-on sa tinuod naghinulsol. Basaha ang gipapilit nga mga gilis sa pulong samtang kamo nagbalik-pagtuon.

Balik-pagtuon nga kalihokan

• Si Alma nga Batan-on mibati ba ug kasubo alang sa unsay iyang nabuhat?

• Kang kinsa si Alma nga Batan-on nagkinahanglan nga mangayo nga mapasaylo siya? (Langitnong Amahan; sa iyang amahan, nga si Alma; ug sa Simbahan.)

Ipasabut nga sa pagtarung sa sayop, si Alma miadto gikan sa usa ka dakbayan ngadto sa lain nga dakbayan nagsulti sa matag usa mahitungod sa tinuod nga simbahan. Siya nahimo nga misyonaryo.

Balik-pagtuon nga kalihokan

• Kamo naghunahuna ba nga si Alma sa tinuod naghinulsol? (Hatagi og gibugaton unsa ka hingpit ang pagkausab sa kinabuhi ni Alma human siya maghinulsol.)

• Ngano nga si Alma nahimo nga napasaylo sa diha nga siya mihinulsol? (Tungod sa pag-ula ni Jeuskristo, kinsa sa kaulahian mag-antus alang sa mga sala ni Alma nga Batan-on.)

Katingbanan

Isulti sa mga bata nga tungod sa gugma ni Jeuskristo ug sa pag-ula, ang mga tawo makahinulsol sa panahon nga sila mohimo og usa ka butang nga sayop, ug ang Langitnong Amahan ug si Jesus mopasaylo kanila. Ipasabut nga labaw pa ka maayo nga dili mobuhat og sayop nga mga butang aron kita dili na kinahanglan nga maghinulsol. Apan kon kita makasala, kita makahinulsol ug mahimo nga limpyo ug putli. Si Jesus nagsaad kanato nga siya dili na gani mohinumdom sa sayop nga mga butang nga atong nahimo kon kita sa tinuod maghinulsol (tan-awa sa Doktrina ug mga Pakigsaad 58:42).

Pagpamatuod sa magtutudlo

Pagpamatuod mahitungod sa pag-ula ni Jesukristo ug sa kamahinungdanon sa paghinulsol.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Tabangi ang labaw ka hingkod nga mga bata sa pagsag-ulo sa ikatulo nga artikulo sa hugot mga pagtuo. Balika pagtuon kini nga artikulo sa hugot nga pagtuo uban sa gagmay nga mga bata. Ipasabut ang bisan unsa nga mga hunahuna o mga konsepto ngadto sa mga bata nga dili nila masabtan.

2. Isulat ang Doktrina ug mga Pakigsaad 19:16 diha sa pisara, ug ipabasa kini sa labaw ka hingkod nga mga bata og dungan. Ipasabut nga ang “Dios” niini nga bersikulo nagpasabut ni Jesukristo. Hangyoa ang mga bata sa pagsabut sa bersikulo diha sa ilang kaugalingon nga mga pulong.

   Ipasabut nga ang Langitnong Amahan naghigugma kanato ug buot kanato nga mopuyo uban kaniya pag-usab. Apan sa dili pa kita makapuyo uban kaniya, kita kinahanglan nga maghinulsol sa atong tanan nga mga sala ug mapasaylo.

   • Ngano nga si Jesukristo andam sa pag-antus og kasakit alang sa matag usa kanato? (Tungod kay siya naghigugma kanato.)

   • Sa unsa nga paagi nga ang kang Jesukristo nga pag-antus nagtabang kanato? (Tungod kay siya nag-antus og kasakit alang sa atong mga sala, kita makahinulsol ug mapsaylo.)

   Paghatag og kopya sa ighahatag nga basahonon nga anaa sa ubos ug usa ka lapis ngadto sa matag bata kinsa makabasa ug makasulat. Basa sa mensahe uban kanila. Pangutana kinsa ang makakaplag unsa nga mga titik ang ibutang diha sa mga blangko. Ang unang napulog usa ka mga blangko alang sa mga titik sa pulong nga maghinulsol ug ang ikaduha nga pito ka mga blangko alang sa Pag-ula. Pabutangi sa mga bata ang mga blangko. Agdaha ang mga bata sa pagdala sa mensahe ngadto sa panimalay, pagbasa niini ngadto sa ilang mga ginikanan, ug pagpasabut unsay ilang nakat-unan diha sa Primarya. Tapusa ang kalihokan pinaagi sa pagbasa sa klase sa mensahe og kusog.

3. Awita o isulti ang mga pulong sa “Pangahas Sa Pagbuhat og Matarung [Dare to Do Right]” (Mga Himno ug mga Awit sa mga Bata o Children’s Songbook, p. 158); ang mga pulong gilakip diha sa luyo niining tamdanan nga basahon.

Usa ka Talagsaon nga Mensahe

Ako mapasaylo kon ako tungod sa ni Jesus.