Leksyon 23

Pagpinasayloay sa Usag Usa

Katuyoan

Aron sa pagtabang sa matag bata nga magtinguha sa pagsunod sa sugo nga mopasaylo sa uban.

Pagpangandam

1. Sa mainampuon nga paagi pagtuon sa Doktrina ug mga Pakigsaad 64:9.

2. Isulat ang pulong nasuko o nalipay diha sa luyo sa tukma nga ginunting nga nawong (ginunting 3-6).

3. Pangandam sa pagtabang sa klase sa balik-pagtuon sa sugilanon ni Alma nga Batan-on (tan-awa sa Mosiah 27; leksyon 22).

4. Mga kagamitan nga gikinahanglan:

   1. Usa ka Doktrina ug mga Pakigsaad.

   2. Ginunting sa Alma nga Batan-on (ginunting 3-3), ang upat ka anak nga mga lalaki ni Mosiah (ginunting 3-4), ug ang nasuko ug nalipay nga mga nawong (ginunting 3-6).

   3. Usa ka lutong pula (pula kaayo) nga butang, ingon sa usa ka pirasong panapton o papel, ug usa nga puti usab. Siguroha nga ang puti nga butang limpyo kutob sa mahimo.

5. Paghimo sa gikinahanglan nga mga pagpangandam alang sa bisan unsa nga pagpalambo nga mga kalihokan nga imong pagagamiton.

Gisugyot nga Pagpalambo sa Leksyon

Pagdapit og usa ka bata sa paghatag sa pagsugod nga pag-ampo.

Tinoa ang mga bata kon ikaw nag-awhag kanila sa pagbuhat og usa ka butang sulod sa semana.

Kita Makasunod ni Jesukristo

Pang-atensyon nga kalihokan

Isulti sa mga bata nga ikaw buot kanila nga mobuhat unsay imong gibuhat. Pasunda sila kanimo samtang ikaw motindog, mohuyatid, mopahiyom, molingkod, ug mokyugpos.

Ipasabut nga tungod kay sila mibuhat sa tanan nga imong gibuhat, sila nagsunod kanimo. Kon kamo mosunod og usa ka tawo, kamo mobuhat sa sama nga mga butang nga iyang gibuhat.

Isulti kanila nga ikaw motabang kanila sa pagkat-on og usa ka mahinungdanon nga paagi nga sila makasunod ni Jesus.

Si Jesukristo Naghigugma ug Nagpasaylo Kanato

Balik-pagtuon sa sugilanon

Hangyoa ang klase sa pagsaysay sa lakbit mahitungod sa pagkakabig ni Alma nga Batan-on kutob sa ilang mahimo. Sila mahimo nga mogamit sa mga ginunting.

Tabangi sila sa pagtudlo sa mosunod:

Balik-pagtuon sa sugilanon

1. Sa una si Alma wala motuo nga si Jesukristo mao ang Manluluwas. Siya nagdani sa mga tawo ngadto sa pagbuhat og daghan nga dautan nga mga butang. Siya nagtudlo nga ang mga sugo ug ang Simbahan ni Jesuskristo dili tinuod.

   • Sa inyong hunahuna unsa ang gibati sa amahan ni Alma ug sa mga sakop sa Simbahan?

2. Bisan tuod og si Alma hilabihan ka dautan ug mibuhat og daghan nga mga butang nga mga sayop, si Jesukristo sa gihapon naghigugma kaniya.

   • Sa unsa nga paagi si Jesus nagpakita sa iyang gugma alang ni Alma nga Batan-on? (Siya misugo kaniya sa paghinulsol; tan-awa sa Mosiah 27:11–16. Si Jesus mipakita usab sa iyang gugma pinaagi sa pagtubos sa tanan nga mga sala. Kini mihimo niini nga mahimo ni Alma sa paghinulsol ug mapasaylo.)

   • Sa unsa nga paagi nga ang amahan ni Alma ug ang mga tawo sa Simbahan nagpakita sa ilang gugma alang ni Alma? (Sila nag-ampo ug nagpuasa alang sa iyang pagkaayo; tan-awa sa Mosiah 27:21–24.)

3. Si Alma nga Batan-on mibati og kaguol alang sa unsay iyang nabuhat ug naghinulsol.

   • Unsa ang gibuhat ni Jesukristo human si Alma maghinulsol? (Siya mipasaylo ni Alma; tan-awa sa Mosiah 27:28.)

   • Unsa ang gibuhat ni Alma nga Batan-on human siya maghinulsol? (Siya mipanaw sa tibuok yuta ug misulti sa mga tawo unsa ang nahitabo ngadto kaniya. Siya mitudlo kanila sa kamatuoran mahitungod ni Jesukristo ug sa Simbahan; tan-awa sa Mosiah 27:32.)

Ipasabut nga sama lamang nga si Jesus mihigugma ug mipasaylo ni Alma nga Batan-on, Siya sa kanunay naghigugma kanato ug mopasaylo kanato kon kita maghinulsol alang sa unsay sayop nga atong nabuhat.

Kita Kinahanglan nga Mopasaylo sa Uban

Panaghisgutan

Panaghisgutan

• Unsa ang inyong bation kon usa ka tawo moduot kaninyo o mopasakit kaninyo?

• Unsa ang inyong bation kon ang usa ka tawo mobugalbugal kaninyo o motawag kaninyo og dautan nga mga ngalan?

• Unsa ang inyong bation kon ang uban nga mga bata dili makigdula kaninyo?

• Unsa ang inyong bation kon ang usa ka tawo nagbuak sa usa ka butang nga inyong gipanag-iya?

Dawat og mga tubag alang sa matag pangutana. Ipasabut nga kon ang usa ka tawo motagad kanato sa dili mabination nga paagi o mopasakit kanato, kita sa kasagaran mobati og kasuko o kahiubos.

Ipakita ang ginunting sa nasuko nga nawong. (Labaw ka hingkod nga mga klase mahimo nga mogamit sa pulong nga bahin sa lingin.)

Paghisgot uban sa mga bata unsa ang ilang bation kon sila nasuko. Tinguhaa ang paghatag og gibug-aton kon unsa sila ka dili malipayon kon sila nasuko sa usa ka tawo.

Panaghisgutan

• Unsa ang buot ipabuhat kaninyo niining nasuko nga pagbati? (Tinguhaa ang paghatag og gibug-aton nga ang kasuko dili buot kanato nga molihok sama nga ang Langitnong Amahan ug si Jesukristo buot kanato nga molihok.)

  Ipasabut nga si Jesus nagsulti kanato nga kita kinahanglan mopasaylo sa uban sama nga siya nagpasaylo kanato. Siya nakahibalo nga dili kanunay sayon ang pagpasaylo sa uban kon kita nasakitan, apan siya buot kanato nga mosunod sa iyang panig-ingnan.

• Unsa ang buot ipasabut sa pagpasaylo? (Kon ang Manluluwas mipasaylo kanato, siya mopapas sa bisan unsa nga mga gikinahanglan nga silot alang sa usa ka sala nga atong nabuhat, kon kita maghinulsol. Siya nagtabang kanato nga magpuyo sa labaw nga matarung nga paagi. Kon kita mopasaylo sa uban, kita mohigugma kanila ug dili magbaton og ngil-ad nga mga pagbati alang kanila tungod sa bisan unsa nga sayop nga ilang nahimo ngari kanato.)

  Ipakita sa mga bata ang butang nga pula kaayo, o lutong pula. Unya basaha ngadto kanila ang mosunod gikan sa Isaias 1:18: “Bisan tuod og ang inyong sala ingon og lutong pula, sila mahimong ingon ka puti sa yelo.”

• Unsa sa inyong hunahuna ang gipasabut niini nga bersikulo? (Pahinumdumi ang mga bata nga ang puti usa ka kolor nga sa kasagaran gigamit sa pagtimaan og kaputli.)

  Ilisi ang pula nga butang og usa ka puti. Ipasabut nga sama lamang nga inyong giilisan ang usa ka pula nga butang sa usa ka puti nga nagtimaan og kaputi, mao usab ang Manluluwas mohimo sa tawo kinsa naghinulsol nga putli ug limpyo.

Ipabasa sa usa ka labaw ka hingkod nga bata ang mosunod gikan sa Doktrina ug mga Pakigsaad 64:9, o basaha kini sa imong kaugalingon: “Busa, Ako moingon nganha kaninyo, nga kamo angay nga mopasaylo sa usag usa.”

Panaghisgutan

• Kon ang uban mopasakit kanato o nga dili mabination sa uban nga paagi, unsa ang kinahanglan gayud nga atong buhaton sa pagsunod sa sugo ni Jesukristo nga mopasaylo? (Pagpasaylo kanila ug paghigugma kanila.)

Ipasabut nga ang pagkamahigugmaon ug pagkamapasayloon, kita kinahanglan gayud nga—

Panaghisgutan

1. Mowagtang sa pagbati sa kasuko ug sa tinguha sa pagpanimalos diha sa lain nga tawo.

2. Mokalimot sa pagkadili mabination.

3. Motagad sa tawo uban ang pagkamabination ug gugma.

Itudlo nga kon kita sa tinuod mopasaylo sa uban, kita andam sa pagkalimot sa sayop nga ilang nabuhat ug mopuli sa atong nasuko nga mga pagbati uban sa mabination, mahigugmaon nga mga pagbati. Pagpasaylo sa uban nga mga tawo naglakip sa pagpakita og dako nga gugma alang kanila human sa pagpasaylo kanila.

Tabuni ang nasuko nga nawong sa malipayon nga nawong. (o gamita ang pulong nga bahin sa lingin).

Sugilanon ug panaghisgutan

Isaysay sa mga bata ang mosunod nga sugilanon mahitungod sa usa ka bata nga ginganlan og John. Hangyoa sila sa paghanduraw unsa ang ilang bation ug unsa ang ilang buhaton kon sila anaa sa dapit ni John.

“Si John dili ingon ka dako sa uban nga batang mga lalaki. Pipila sa batang mga lalaki mosungog kaniya tungod kay siya hilabihan ka mubo. Usa ka dako nga batang lalaki nga ginganlan og Paul kanunay nga magbugal-bugal kaniya ug modaug-daug kaniya.”

Sugilanon ug panaghisgutan

• Sa inyong hunahuna unsa kaha ang gibati ni John? (Dili malipayon ug nasuko.)

• Usa ka adlaw niana si John mitungas sa daplin sa bukid, nangita og dili kasagaran nga mga bato. Siya (adunay) usa ka koleksyon sa batou…. si John adunay pipila ka matahum nga mga bato sa panimalay. Siya nangita pa og daghanu….

“Sa kalit siya nakadungog og usa ka sinati nga tingog. Kini kang Paul. Siya nangita usab og mga bato. Si Paul misulti ni John sa pagpalayo tungod kay siya ang nakauna dinhi. Siya misugod sa paggukod ni John ngadto sa ubos sa kilid sa bukid…. Sa wala madugay si John nakadungog og kusog nga mga singgit gikan sa taas-taas nga bungtod. Siya midagan og balik sa taas ug nakit-an si Paul nga diha sa hilabihan nga kasakit.” Siya nasakitan og maayo sa iyang tiil.

Sugilanon ug panaghisgutan

• Unsa sa inyong hunahuna ang gibati ni John sa diha nga si Paul misugod sa paggukod kaniya ug misulti kaniya sa pagbiya?

• Unsa sa inyong hunahuna ang gibati kaha ni John sa diha nga siya nakakita nga si Paul nasakitan sa iyang tiil?

Papaminawa ang mga bata sa sumpay sa sugilanon ug patan-awa unsa ang gibuhat ni John:

“Si John naningkamot sa pagtabang ni Paul…., apan siya dili kaayo kusgan…. Iyang gipahimutang og maayo si Paul ug midagan aron sa pagkuha og panabang.

“Si John midala pagbalik sa iyang amahan ug silang duha nakahimo sa [pagdala] ni Paul… ngadto sa ubos sa bukid. [Sila] midala kaniya ngadto sa ilang panimalay. Ang inahan ni John mitabang sa pagbendahe sa tiil ni Paul. Si John mitanyag sa pagpakigbahin sa iyang koleksyon sa bato ngadto ni Paul tungod kay ang mga bato ni Paul nawala sa iyang pagkahulog.

“Si Paul nangayo og pasaylo ngadto ni John alang sa dautan nga mga butang nga iyang nahimo. Si John mikatawa, ug sila nahimo nga [maayo] nga managhigala” (gipaangay gikan sa Lakaw Diha sa Iyang mga Pamaagi: Sukaranang Tamdanan nga Basahon alang sa mga Bata, Bahin A (1979), pp. 151-52).

Sugilanon ug panaghisgutan

• Sa unsa nga paagi si John nagsunod sa sugo sa pagpasaylo? (Siya mapasayloon ug mitagad sa usa ka tawo sa maayo nga paagi kinsa nagdinautan ngadto kaniya.)

• Unsa ang gibuhat ni John sa pagpakita nga siya mapasayloon? (Siya naningkamot sa pagtabang ni Paul. Iyang gikuha ang iyang amahan sa pag-adto ug pagtabang ni Paul. Siya nahimo nga higala ni Paul.)

• Sa inyong hunahuna kini sayon ba alang ni John sa paghikalimot sa dinautan nga mga butang nga gihimo ni Paul kaniya ug motabang ni Paul?

Itudlo nga bisan tuod kini tingali lisud kaayo alang ni John sa paghikalimot sa dinautan nga mga butang nga gibuhat ni Paul, si John misunod sa sugo ni Jesukristo ug nagmapasayloon.

Pagdula

Ipadula sa mga bata ang usa o labaw pa ang mosunod nga mga sitwasyon. Tuguti ang mga bata sa imong klase sa pag-apil. Ipasulti nila ang ilang mga pagbati diha sa sitwasyon, ug ipasabut unsa ang ilang kinahanglan gayud nga buhaton sa pagsunod sa sugo sa pagpasaylo. Paninguha sa pagtabang sa mga bata nga makasabut nga sila kinahanglan nga mopuli sa mga pagbati sa kasuko sa mga pagbati sa gugma ug pagkamabination, paghikalimot sa pagkadili mabination, ug sa pagtagad sa tawo sa mabination nga paagi. Gamita ang mga pangutana human sa matag sitwasyon ingon nga usa ka giya.

Pagdula

1. Si Julie og si Tammy nagdula og bola. Si Susan miabut nga nagdagan ug nadam-agan nga natumba si Julie. Ang pagkatumba nakapasakit sa tuhod niya. Sa wala madugay nianang sama nga adlaw, si Susan miadto ngadto sa balay ni Julie ug naghangyo kon siya makadula ba og bola uban ni Julie ug Tammy.

   • Unsa ang gibati ni Julie sa diha nga si Susan midam-ag nga mitumba kaniya?

   • Unsa ang kinahanglan nga buhaton ni Julie aron sa pagpakita nga siya nagpasaylo ni Susan sa diha nga si Susan miadto ug mihangyo nga modula og bola? (Isilsil diha sa mga bata nga kita kinahanglan nga mopasaylo sa tanan, bisan kon sila dili mangayo alang sa kapasayloan o gani mobati og kaguol alang sa ilang mga sayop.)

2. Si Andy ug si David nagdula. Si Andy dumadaug sa dula. Si David nasuko, gisalikway ang dulaan gikan kaniya, ug midali pagpalayo. Sa sunod nga adlaw si David naghangyo ni Andy sa pagpakigdula pag-usab.

   • Sa inyong hunahuna unsa ang gibati ni Andy sa diha nga gisalikway ni David ang dulaan?

   • Unsa ang kinahanglan nga buhaton ni Andy kon si David buot modula pag-usab? (Pag-usab, hatagi og gibug-aton nga kita kinahanglan gayud nga mopasaylo sa tanan, bisan sila moingon o dili og “Pasayloa Ako.”)

3. Sa pagpauli ni Alicia gikan sa eskwelahan, siya mihapit aron sa pagduaw sa iyang ig-agaw, nga si Matt. Siya adunay usa ka gasa alang sa iyang inahan nga iyang gibitbit. Si Matt miagaw niini gikan kaniya. Iyang gihulog ug kini nabuak. Niana nga pagkagabii si Matt mianha ug misulti ni Alicia nga siya naguol kaayo.

   • Unsa ang bation ni Alicia?

   • Unsa ang kinahanglan nga iyang buhaton kon si Matt moanha?

Katingbanan

Pagtudlo sa magtutudlo

Tapusa pinaagi sa pagpahinumdom sa mga bata nga kon kita mosunod sa usa ka tawo, kita nagbuhat sa sama nga mga butang nga gibuhat niana nga tawo. Kon kita mosunod ni Jesukristo, kita kinahanglan nga mosunod sa iyang mga sugo sa pagpasaylo sa uban. Kon angay, ikaw mahimo nga makigbahin uban sa mga bata og usa ka kasinatian nga ikaw aduna sa diha nga ikaw mipasaylo og usa ka tawo ug mibati og labaw ka maayo sa pagbuhat sa mao. (Ayaw gamita ang mga ngalan sa mga tawo nga tingali nailhan sa mga bata.) Ipabalik-pagtuon sa mga bata unsa ang ilang kinahanglan gayud nga buhaton nga aron magmapasayloon.

Pagtudlo sa magtutudlo

1. Kita kinahanglan gayud nga mowagtang sa pagbati sa kasuko ug sa tinguha sa pagpanimalos diha sa lain nga tawo.

2. Kita kinahanglan gayud nga mokalimot sa pagkadili mabination.

3. Kita kinahanglan gayud nga motagad sa tawo uban ang pagkamabination ug gugma.

Dapita ang mga bata sa paghinumdom sa pagpasaylo sa uban sulod niini nga semana ug sa pag-anha sa sunod semana nga andam sa pagsulti sa klase unsa ang ilang gibati sa diha nga sila mipasaylo sa usa ka tawo.

Pagdapit og usa ka bata sa paghatag sa panapos nga pag-ampo.

Pagpalambo nga mga Kalihokan

Pagpili gikan sa mosunod nga mga kalihokan kadto nga labing moangay alang sa imong mga bata. Ikaw makagamit kanila diha sa leksyon gayud o ingon nga usa ka balik-pagtuon o katingbanan. Alang sa dugang nga paggiya, tan-awa ang “Panahon sa Klase” diha sa “Mga Tabang alang sa Magtutudlo.”

1. Pasulayi sa labaw ka gagmay nga mga bata ang pagsulti og tag-as nga pulong, sama sa hipopotamus. Sultihi sila nga ang uban nga mga pulong mga lisud nga isulti. Ipasabut nga tingali malisud ang pagsulti og “Ako nagpasaylo kanimo” kon ang usa ka tawo naghimo kanato nga mobati og kasuko o kaguol. Sultihi ang mga bata nga usahay kadtong tulo ka mga pulong makahimo sa usa ka magul-anon nga pagbati nga mobali ngadto sa usa ka malipayon nga pagbati.

2. Awita o isulti ang mga pulong sa “Tabangi ‘Ko, Mahal nga Amahan [Help Me, Dear Father]” (Children’s Songbook, p. 99); ang mga pulong gilakip sa luyo niini nga tamdanan nga basahon.

3. Himoa ang mosunod nga dula sa tudlo uban sa mga bata. (Ikaw mahimo usab nga mosul-ob og mga medyas sa imong mga kamot aron sa paghimo og mga tawo-tawo ug mobutang og gagmay nga mata sa mga medyas.)

   Duha ka gagmay nga mga higala, ang usa wala ug ang usa tuo (ipataas ang duha ka mga kamot nga gikumo)

   Misugod sa pag-away ug misugod sa pagsinumbagay (ihana ang kumo sa usag usa)

   Karon kining gagmay nga mga higala dili malipayon nianang adlawa, Kay gitudlo ang pagdula sa husto nga paagi ngadto kanila.

   Unya usa ka gamay nga higala sa kaulaw miduko sa iyang ulo; (ipaubos ang tuo nga kumo ug ipalayo)

   Ang usa usab, kay siya mibati sa mao. (ipaubos ang wala nga kumo ug ipalayo usab)

   Ang unang higala miingon “Ako nakahibalo unsa ang buhaton ko (ipakpak ang mga kamot)

   Aron sa pagpakita kanimo nga ako naguol. Ako mangayo og pasaylo kanimo.”

   “Ako usab sa tinuod naguol,” ang gipamulong sa usa,

   “Tana magdula kita ug maglipay niining adlawa.” (pagkyugpos ug lingkod)

4. Paghimo og hanap nga mga marka sa lapis diha sa usa ka piraso nga papel (o mga marka sa tisas diha sa pisara) nga magtimaan sa sayop nga mga buhat ug mga pagpili. Unya papasa kini sa hingpit aron walay mga timaan nga magpabilin. Ipasabut nga kon kita maghinulsol, kini ingon og si Jesukristo nagpapas sa atong mga sala nga wala nay mga timaan kanila mahibilin. (Ikaw mahimo nga mobansay niini sa wala pa ang klase.)